Goditja e parë për shkodranët erdhi në minutën e 37-të, teksa Zhumadilov çoi Astanën në avantazh. Gjatë pjesës së dytë Vllaznia pësoi dhe tri gola të tjerë, të gjithë të shënuar nga Sultan Sagnajev në minutën e 61’, 79’ dhe 89’.

Vllaznia 0 – 4 Astana

Shënues: Zhumadilov 37’, Sagnajev 61’, 78’, 89’ (pen)

Vllaznia: Qarri, Rahova (Sekja 70’), Repaj, Shima, Smajli (Kovaçi 52’), Mehja (Hoxha 53’), Ndreca, Qardaku, Asllani, Palushani, Lisaj. Trajner: Luan Zmijani.

Për këtë drejtuesit e klubit kanë bërë thirrje për pjesëmarrje masive të tifozëve. Hyrja në stadium është falas dhe trajneri Luan Zmijani në konferencën e sotshme për shtyp fillimisht ka pasur një mesazh për ndjekësit e Vllaznisë.

“Nëse ne do të kemi mbështetje të madhe të publikut, atëherë do të jetë një ‘armë’ më tepër për ne që të arrijmë objektivin. Ata djem kanë nevojë më shumë se kurrë për mbështetjen e tifozerisë së zjarrtë shkodrane, që me thënë të drejtën po mungon në shkallët e stadiumit”, u shpreh Zmijani.

KUALIFIKIMI – Ai gol i shënuar në fund u ka dhënë shpresë shkodranëve për t’u kualifikuar dhe trajneri Zmijani beson se kanë shanset e tyre për të bërë më tepër. “Ndeshja e kaluar ka pasur tablo të ndryshme. E nisëm me një goditje të shpejtë, një penallti shumë e diskutueshme. Më pas goditëm shtyllën dhe ishte një mundësi për të barazuar. Më pas situata mund të ishte ndryshe për ne. Gjithsesi është ai i ligji i pashkruar në futboll,  që nëse nuk shënon do e pësosh. Pësuam edhe golin e dytë më pas”, tha trajneri i Vllaznisë U19.

Më tej ai shtoi: “Djemtë munden të bëjnë diçka më ndryshe. Pësuam edhe golin e tretë dhe menduam se gjithçka përfundoi. Pastaj na erdhi edhe dëmtimi më i madh, pasi u ndëshkuam me karton të kuq. Por djemtë treguar ata që nuk dorëzohen dhe me një lojtar më pak arritën të shënonin. Ju e dini se goli në fushë kundërshtare është i barasvlershëm me dy. Na ka dhënë më shumë mundësi, por gjendja e mirë e portierit Qarri na ka shpëtuar nga goli disa herë. Mund të mbyllej 3-3, por mund të humbnim edhe më thellë”.

Skuadra e drejtuar Luan Zmijani e pësoi shumë shpejt, teksa Leka shkaktoi nj penallti që u kthye në gol nga Prokopenko. Disa minuta më pas i njëjti lojtar shënoi edhe golin e dytë dhe pjesë e parë e takimit u mbyll me avantazhin e dyfishtë të vendasve.

Me nisjen e 45-minutëshit të dytë pati edhe një tjetër gol. Këtë herë ishte Zhakipbajev ai që shënoi golin e radhës për Astanën. Shkodranët në të 86’ humbën edhe Lekajn, i cili mori kartonin e dytë të verdhë dhe humbet kështu ndeshjen e kthimit.

Edhe pse me një lojtar më pak, Vllaznia shënoi në fund me atë të Qardakut golin që mban gjallë shpresat për kualifikim. Nuk do të jetë aspak e lehtë, por duhet një fitore 2-0 për të bërë tej dhe në Shkodër do provohet mrekullia.

UEFA YOUTH LEAGUE – TURI PARAELIMINATOR

Astana – Vllaznia 3-1
Shënues: Prokopenko 2’ (pen.), 10’, Zhakipbajev 53’ / Qardaku 90’

Astana: Saenko Dyussembayev, Iskakov, Kairkenov (Makhan 78’ – Basmanov 94’), Karimov, Mazhit (Ilyassov 64’), Prokopenko, Sagnayev, Skvortsov, Zhakipbayev, Zhumadilov (Abdurakhmanov 94’).  (Në dispozicion: Kuryan, Pichkarev)

Vllaznia: Qarri, Hoxha, Kulla (Asllani 46’), Lekaj, Lisaj, Ndreca, Palushani, Qardaku (Mehja 94’), Rahova (Shima 74’), Repaj, Smajli. (Në dispozicion: Kovaçi, Rrasa, Sekja)

Kartonë të verdhë: Karimov 60’ / Lekaj 2’, 86’, Repaj 64’, Hoxha 93’

Karton i kuq: Lekaj 86’ (2v)

Në Nion të Zvicrës u hodh shorti dhe Vllaznia përballet me Astanën, klubin kampion të Kazakistanit. Masimiljano Alegri, trajneri i Juventusit, u rezervoi një short të hidhur shkodranëve. Një sforco e madhe për të rinjtë, që do të përshkruajnë mijëra kilometra për të shkuar në Kazakistan.

Ndeshja e parë luhet jashtë më 3 tetot, kurse e kthimit luhet më 24 tetor. Nëse kalohet turi i parë, Vllaznia përballet me fituesin e çiftit Vitorul-Dinamo Zagreb.

Problem më vete është pjesa e shpenzimeve. Vjet Vllaznia u përball me moldavët e Zimbru, kurse këtë herë për shkuar në Kazakistan do duhet një fond më i madh. Kështu në Shkodër do të duhet të gjejnë një zgjidhje.

“Institucioni I futbollit europian ka njoftuar klubin me një shkresë ku bën të ditur se tashmë ekipi jonë është pranuar për të qenë pjesë e këtij kompeticioni të rëndësishëm. Siç është bërë e ditur, kampionia e Shqipërisë ka qenë në listën e pritjes së ekipeve pjesmarrëse dhe gjithçka ka qenë e varur nga ekipet e të rriturve që marrin pjesë në Ligën e Kampioneve për të rriturit.

Por tashmë çdo gjë ka përfunduar pozitivisht. Ky padiskutim që është një lajm I mirë për këtë ekip sepse është edicioni I dytë që ai do të marrë pjesë. Ekipi shkodran tashmë është në pritje të hedhjes së shortit për të mësuar emrin e kundërshtarit me të cilin do të ndeshet në turin e parë. Shorti do të hidhet më 4 shtator në Nion të Zvicrës në të do të jenë prezent edhe përfaqësues të klubit Vllaznia”, njofton klubi shkodran..