“Të shtunën ekipin i Vllaznisë do të zhvillojë ndeshjen e fundit të fazës së tretë të kampionatit, atë ndaj Erzenit. Takimi do të luhet në stadiumin “Loro Boriçi” në orën 16:00 dhe sigurisht që skuadra jonë do të kërkojë ta mbyllë me fitore këtë fazë. Stafi teknik nuk do të ketë në dispozicion vetëm mesfushorin- sulmuesi Silvio Zogaj, i cili është i penalizuar me kartona, ndërsa pjesa tjetër e lojtarëve është e gatshme”.

“Në përfundim të ndeshjes, FSHF-ja do të zhvillojë edhe ceremoninë e dorëzimit të kupës për ekipin tonë si kampion i Grupit A për këtë sezon. Prandaj ju ftojmë të jeni të pranishëm në stadium ditën e shtunë”, kështu thuhet në postimin e FK Vllaznia.