Vllaznia B

Kraja sfidon Tërbunin: Ndeshje e veçantë, duam maksimumin

Sport Ekspres — Tue, 07 May 2019 11:53:49 +0000

Vllaznia B mposhti në Shkodër Gramshin rival të Tërbunit, ndërsa këtë javë përballet me pukjanët që kryesojnë me gjashtë pikë më shumë se Luzi. Trajneri kuqebluve, Ervis Kraja, deklaron se shkodranët kanë synim që në këtë sfidë të fitojnë.

“Ne shikojmë punën tonë dhe në Pukë do shkojmë të zhvillojmë një lojë të bukur që të marrim maksimumin, në respekt edhe të kampionatit. Kjo do jetë një ndeshje e veçantë, sepse Tërbuni e kryeson Grupin A dhe thuajse është në Kategorinë e Parë. Atyre edhe barazimi u shërben për të konfirmuar zyrtarisht ngjitjen, ndaj besoj se do jetë sfidë e bukur dhe e vështirë për të dyja skuadrat”, u shpreh Kraja për SportEkspres.com.

Shkodranët presin përforcime edhe nga Vllaznia A, që këtë javë e ka pushim në Kategorinë e Parë. “Do marrim edhe disa futbollistë nga Vllaznia A, por emrat do i mësojmë në fundjavë. Kjo tregon edhe seriozitetin tonë për këtë përballje, njëherësh edhe vlerësimin e garës. Ne u penalizuam vetëm pas humbjes me Luzi 2008, sepse do të ishim rivalë për kreun”.

AGRON KAJA

Spartaku “dajak” Vllaznisë B, rezervat e Partizanit ndalin Gramshin

Sport Ekspres — Sat, 13 Apr 2019 16:27:23 +0000

Janë zhvilluar sot tri ndeshje të Kategorisë së Dytë në Grupin A. Në tre takimet e sotme janë ndeshur skuadra kryeqytetase, të cilat nuk kanë dalë pa pikë nga fusha e blertë.

Skuadra e Spartakut ka regjistruar një fitoren më të thellë për këtë sezon duke mundur Vllazninë B me rezultatin 8 – 2. Zhvendosemi në Velipojë ku Ada ka pësuar një humbje 3 – 2 ndaj vizitorëve të Tiranës B.

Gramshi humbi një shans të artë për të qenë përkohësisht në kreun e renditjes, teksa u ndal në një barazim pa gola me Partizanin B.

Gramshi 0 – 0 Partizani B
Spartaku 8 – 2 Vllaznia B
Ada 2 – 3 Tirana B

Vllaznia B e “blinduar” ndaj Luzit, përforcime nga ekipi i parë

Sport Ekspres — Sat, 23 Mar 2019 17:18:48 +0000

Vlerësimi i shkodranëve të Vllaznisë B për ndeshjen e javës së 17-të me Luzi 2008, duket i madh. Drejtuesit e klubit të futbollit shkodran kanë menduar që për këtë sfidë ta përforcojnë skuadrën e tyre me lojtarë nga skuadra e parë, Vllaznia, që këtë javë është pushim.

Për SportEkspres.com këtë e konfirmon vetë trajneri i Vllaznisë B, Ervis Kraja, i cili thekson se pretendimet e tyre janë për t’u ngjitur në tabelën e klasifikimit. Një triumf i shkodranëve do të ishte një asist edhe për Tërbunin, ekip që synon ngjitjen në Kategorinë e Parë.

“Ne kemi pretendimet tona deri në mbylljen e këtij sezoni dhe çdo ndeshje e kemi vlerësuar maksimalisht. Edhe ndeshjen e ditës së diel me Luzin kështu e kemi vlerësuar. Madje do t’u thoja se do të kemi përforcime edhe nga Vllaznia A, që e ka pushim këtë javë. Synimi ynë është vetëm fitorja në këtë ndeshje, pas së cilës Vllaznia B do të hyjë realisht në grupin e skuadrave pretendente për kreun”, u shpreh trajneri i Vllaznisë B, Ervis Kraja.

AGRON KAJA

KATEGORIA E DYTË | Vjen humbja e parë për Tërbunin, “ngec” Shkumbini

Sport Ekspres — Sun, 09 Dec 2018 16:11:06 +0000

Java e 12-të ka rezervuar jo pak surpriza në grupin A, ku dy ekipet e kreut, Tërbuni dhe Luzi 2008 kanë pësuar humbje. Pukjanët janë mundur për herë të parë në këtë sezon në përballjen ndaj Vllaznisë B me rezultatin 2-1, ndërsa skuadra e Luzit u mposht nga “mysafirët” e Spartakut po me të njëjtin rezultat si Tërbuni. Kjo bën që kreu i tabelës të ngjishet jashtëzakonisht, sepse tashmë garës për kreun i është bashkuar edhe Spartaku i Tiranës. Në Grupin A, Shkumbini është ndalur nga Albpetroli. Ndeshja e zhvilluar në Peqin mbaroi me rrjeta të paprekura dhe nga ky rezultat kanë përfituar Maliqi dhe Devolli. Këta të fundit mundën me rezultatin e thellë 8-0 Gramozin, ndërsa Maliqi fitoi ndaj sarandjotëve të Butrintit me shifrat 5-3. Me fitoret e sotme dy skuadrat juglindore ndajnë kreun e Grupit A me 28 pikë, dy më shumë se Shkumbini i vendit të tretë, ndërsa Albpetroli duket ende larg.

KATEGORIA E DYTË

GRUPI A

GRUPI B

Vllaznia B triumfon në derbi, Shkumbini thyen Maliqin kryesues

Sport Ekspres — Sun, 18 Nov 2018 16:29:27 +0000

Tërbuni ka marrë një pikë të vlefshme në transfertë me Gramshin. Një përballje e fortë, pasi edhe skuadra gramshiote po bën një sezon të mirë. Të dyja skuadrat kanë shënuar nga një gol dhe në fund ndeshja përfundoi 1-1. Nuk ka përfituar dot Luzi 2008, që është ndalur me shifrat 0-0 me Partizanin B.

Po barazim pa gola ka përfunduar edhe Spartaku-Sopoti. Internacional Tirana ka thyer Kukësin me rezultatin 2-1, kurse Vllaznia B ka likuiduar 2-4 Adën në derbi. Klosi ka marrë pikët e plota, pasi ka mposhtur Tiranën B me rezultatin 3-0.

Kategoria e Dytë – Java 9

Grupi A
Luzi 2008-Partizani B 0-0
Internacional Tirana-Kukësi B 2-1
Spartaku-Sopoti 0-0
Ada-Vllaznia B 2-4
Klosi-Tirana B 3-0
Gramshi- Tërbuni 1-1

Shkumbini ka thyer Maliqin kryesues dhe ka ngushtuar diferencën në tre pikë. Peqinasit triumfuan falë golit të Xhyrës dhe do tentojnë deri në fund të rikthehen në Kategorinë e Parë. Fitore me vlera e Devollit, madje ndaj një ekipi si Albpetroli që zbret një vend më poshtë në renditje.

Gola të shumtë në Memaliaj-Butrinti, që u mbyll me fitoren 4-3 të skuadrës pritëse. Termi ka marë një fitore me vlera kundër Përmetit, ndërkohë që në transfertë me të njëjtin rezultat ka triumfuar edhe Këlcyra kundër Skraparit.

Grupi B
Shkumbini-Maliqi 1-0
Delvina-Naftëtari 1-0
Skrapari-Këlcyra 0-1
Albpetrol-Devolli 0-1
Term-Përmeti 1-0
Memaliaj-Butrinti 4-3
Gramozi-Tepelena (Nuk u zhvillua)

Grima në pranga, në “valle” një ndeshje e Kategorisë së Parë

Sport Ekspres — Sat, 22 Sep 2018 13:57:09 +0000

Në Shkodër ka pasur arrestime të shumta sot. Policia ka realizuar operacionin “OAZ” për kapjen e familjes “Bajri” dhe nën pranga kanë përfunduar edhe Armir Grima e Fabjol Rexhepi. Trajneri i kombëtares së femrave dhe portieri i Besëlidhjes (vjet ishte pjesë e Tërbunit) akuzohen për një ndeshje të Kategorisë së Parë, sikurse bëhet me dije së fundi.

Sipas asaj që raportohet nga “Supersport”, Grima vjet ka marrë një telefonatë nga anëtarë të familjes Bajri. Thuhet se ata kanë kërkuar informacion për Tërbunin, që do të ndeshej me Vllazninë B.

Me pukjanët aktivizoheshin shumë lojtarë shkodranë dhe ishte një takim i rëndësishëm për qëndrimin në Kategorinë e Parë dhe në fund shkodranët fituan. Anëtarët e familjes Bajri ndërkohë i kishin telefonat në përgjim dhe kështu në gjithë këtë mesele është përfshirë edhe Grima.

Ky i fundit ka dhënë informacione për lojtarët, ndërkohë që thuhet se ndaj lojtarëve të Tërbunit më pas është bërë presion për të lënë ndeshjen.

“Sport Ekspres” ka kontaktuar zyrtarë të klubit Tërbuni, të cilët kanë konfirmuar atë që kanë deklaruar që në muajin maj: sipas tyre, disa lojtarë shkodranë kanë toleruar hapur, duke ia dhuruar fitoren jetike Vllaznisë B, ndërsa Tërbuni ra në Kategorinë e Dytë. Në Pukë nuk është se kanë prova, por dyshojnë shumë se ka ndodhur diçka e tillë. Tanimë që copëzat po plotësohen, ndoshta te Tërbuni kanë të drejtë.