Virtus Entella

Adorjan, nga dështimi te Partizani te golat që eliminojnë Xhenoan e Piatek

Sport Ekspres — Thu, 06 Dec 2018 19:55:24 +0000

Një ndeshje e çmendur është luajtur sot në 1/16 e Kupës së Italisë. Entela e Seria C ka arritur që të eliminojë falë 11-metërshave skuadrën e Xhenoas. Miqtë shënuan të parët me anë të Simeone Ikardit në minutën e 20-të, por vendasit barazuan me anë të Piatek, që u tregua i saktë nga pika e bardhë e penalltisë.

Shtatë minuta para fundit ishte sërish Ikardi që shënoi golin e dytë, por Piatek realizoi edhe një herë nga pika e bardhë e penalltisë pak minuta më vonë. Ndeshja shkoi në shtesë, por në 30 minuta u shënuan edhe dy gola. Ishte dita e 11-metërshave për vendasit, me Lapadulën këtë herë që mori përsipër ekzekutimin dhe nuk gaboi.

Kur të gjithë menduan se u zgjidh kualifikimi, ish lojtari i Partizanin, Kristian Adorian arriti që të shënonte golin e tretë për Entelën në minutën e 120+2’. Pas atij goli skuadrat ju drejtuan 11-metërshave.

U deshën plot 19 penallti për të vendosur se kush do të kalonte më tej. Ishte sërish lojtari i cili në të shkuarën ka veshur fanellën e Partizanit që ekzekutoi saktë 11-metërshin e tetë, ndërsa më pas vendasit gabuan, duke i dhënë kualifikimin e tij.

Nga Partizani u largua si një dështim, por ja që nuk qenka dhe aq i pavlerë. Entela sot gëzon vetëm prej tij. Xheno e Serisë A sot goditi 11 penallti gjatë gjithë ndeshjes dhe nuk u kualifikua dot!

Futbolli italian në “kaos”, pezullohet Seria B dhe C

Sport Ekspres — Wed, 24 Oct 2018 13:08:24 +0000

Seria B këtë sezon nisi mes shumë polemikave, teksa kampionati, që normalisht ka 22 ekipe, e nisi sezonin me vetëm 19, pasi Avelino, Çezena dhe Bari u përjashtuan. Pas përjashtimit të klubeve federata vendosi që mos të zëvendësoj asnjë nga këto ekipe dhe ta nisë kampionatin me 19 klube pjesëmarrës.

Ditën e sotme TAR, që është njësoj si CAS për futbollin italian, ka dalë me një vendim, duke i dhënë të drejtë apelimit të klubit të Ternanës. Ternana ra në Serinë C, së bashku me Novarën e Pro Verçelin, si pasojë e renditjes së tyre në sezonin e kaluar dhe kërkuan të riktheheshin në Serinë B pas përjashtimeve të bëra nga federata.

Tashmë me një vendim në favor të klubeve të mësipërme, federata italiane është në një kaos total, pasi klubeve që i është dhënë vendimi në favor, duhet të rikthehen të luajnë në Serinë B. Gjithsesi nuk është ky i vetmi problem, pasi klubet që pretendojnë të rikthehen, kanë luajtur ndeshjet e tyre në Serinë C që ndodhen aktualisht dhe nuk dihet ende çfarë do të ndodhë. Seria C kishte në program disa ndeshje ditën e sotme, por çdo gjë tashmë është pezulluar.

Gjithashtu ekipi i Sienës dhe Virtus Entela i kanë fituar çështjet e tyre dhe nuk dihet se çfarë do të ndodhë. Presidenti i ri i Federatës, Gravina, ka mbledhur urgjentisht avokatet e FIGC. Vendimi i dhënë nga TAR hyn në fuqi menjëherë dhe tashmë pritet reagimi i federatës.

Kasano i rikthehet futbollit, tashmë koleg me ish-lojtarin e Partizanit

Sport Ekspres — Sat, 06 Oct 2018 12:12:15 +0000

Antonio Kasano kishte muaj që e paralajmëronte një rikthim në futboll. 36-vjeçari kishte humbur tetë kile gjatë gjashtë muajve të fundit dhe ishte në pritje ofertave. Në intervista fliste shpesh për oferta nga klube të Serie A, por siç duket ka qenë i gjitha një shaka.

Ditën e sotme Kasano i është bashkuar zyrtarisht në stërvitje skuadrës së Virtus Entelës. Mes palëve nuk ka ende një kontratë, por pritet që në javët në vazhdim të merret një vendim përfundimtar dhe në rast të gjetjes së një akordi, Kasano do të provojë për herë të parë të luajë në Serie C.

Te Virtus Entela, Kasano do të stërvitet së bashku me ish-lojtarin e Partizanit, Kristian Adorjan. Mesfushori holandez, i cili nuk la gjurmë te të kuqtë, u rikthye në Itali pas një eksperiencë të shkurtër në Irlandë.