Tulipanët triumfuan 3-1 dhe do të përballen me Portugalinë e Ronaldos në finalen e Ligës së Kombeve. Zhgënjim i madh për tifozët anglezë, të cilët nuk u kursyen aspak ndaj ekipit të Kuman. Sidomos ndaj njërit, Virxhil Van Dijk.

Pjesa e parë nuk ishte aspak e thjeshtë për gjigantin e mbrojtjes së Liverpulit. Sa herë që prekte topin, fishkëllimat kundrejt tij vërshonin lumë. Një situatë e padurueshme për tifozët e The Reds, të cilët shpërthyen në rrjetet sociale, sipas raportimeve të Mirror.

“Shpresoj të na shënojë tre gola”, shprehej një fans i Liverpulit, ndërsa një tjetër nuk kursehej aspak: “Mund ta fishkëllejnë sa të duan, por ai do ta shkatërrojë Anglinë. Ne të Liverpulit mund të shijojmë skenën dhe të qeshim me Anglinë e vogël”.

Si përfundim Van Dijk dhe shokët e tij ia dolën të triumfonin. Mërzi e madhe te tifozët anglezë, përveç atyre të Liverpulit, të cilët festuan fitoren e idhullit të tyre.

Nisur nga paraqitjet e bëra, ai listohet si një nga kandidaturat për të fituar “Topin e Artë”. Gjithsesi mbrojtësi sa që e çon nëpër mendjen, teksa pas finales me Totenhemin është shprehur se Lionel Mesi duhet ta marrë atë trofe.

“Mendoj se Mesi është lojtari më i mirë në botë dhe duhet të fitojë topin e Artë. Kështu unë nuk po mendoj për atë trofe. Gjithsesi, nëse e fitoj do ta marr. Ai është më i miri në botë, pavarësisht nëse është në finale apo jo”, është shprehur Van Dijk.

Lidhur me këtë fakt, ka folur edhe pronari i restorantit, i cili e ka cilësuar holandezin si një punëtor shumë të mirë. “Ishte një punëtor shumë i mirë. I pastronte pjatat fort dhe punonte siç duhej. Ishte gjithmonë këtu në dy ditët më të ngarkuara të javës.”

Votimi ku morën pjesë të gjithë futbollistët profesionistë në Angli ishte një garë dyshe midis Van Dijk dhe Rahim Stërling, që u fitua nga holandezi. Futbollisti shtatlartë bëhet futbollisti i dytë radhazi i Liverpulit që fiton këtë çmim pas Mohamed Salah.

Në ceremoninë e zhvilluar mbrëmjen e së shtunës në Londër  u dorëzuan gjithashtu çmimi për lojtarin më të mirë të ri që u fitua nga Rahem Stërling dhe lojtarja më e mirë e vitit që u fitua nga sulmuesja e Arsenalit, Ana Miedema.

Pas ndeshjes, ishte pikërisht Van Dijk, i cili foli për mediat, duke komentuar shokun e tij të repartit, për të cilin duket se ka vetëm elozhe. “Është padyshim një mbrojtës i shkëlqyer, kjo gjë duket qartë. Mund të përmirësohet akoma më shumë dhe ai e kupton këtë gjë. Të luash në moshën e tij në atë mënyrë është diçka fantastike dhe jam shumë i lumtur që e kam në krah”, përfundoi mbrojtësi i Liverpulit.

“Një mbrëmje shumë e madhe, e dinim që do të ishte një ndeshje e vështirë, por ishim të bindur se ne do të shënonim. Ishim të pafat tek autogoli, por çunat bënë një ndeshje të madhe dhe jam i lumtur që ia dolëm, të gjithë së bashku.

Goli më i rëndësishëm? Kam shënuar me kombëtaren e Holandës kundër Gjermanisë dhe ai gol ka një vend të veçantë në zemrën time, por me fanellën e Liverpulit, ky është goli më i rëndësisshëm për mua. E dimë se kemi shumë kualitet në skuadër dhe presim vetëm shortin. Të gjitha skuadrat në këtë fazë janë të vështira, të presim”, përfundoi holandezi.

Megjithatë, që nga ajo kohë e deri më sot, Solskjaer ka bërë një punë të mrekullueshme. Ai ka ngjitur ekipin, që dukej i pashpresë dhe i shpartalluar, në vendin e katërt dhe i ka kualifikuar në çerekfinalet e Champions Ligës.

Trajneri vendosi të jetonte në fillim në “Lowry Hotel”, aty ku ka qëndruar më parë edhe Zhoze Murinjo. Solskjaer ka një shtëpi të tijën në dalje të Mançesterit, të cilën e ka marrë me qera Virxhil Van Dijk. Nordiku ka vendosur të mos jetojë më në hotelin e famshëm. Siç raporton “The Mirror”, trajneri i Junajtid ka vendosur të “dëbojë” nga shtëpia mbrojtësin e “armiqve” të Liverpulit.

Solskjaer është shumë afër firmosjes së kontratës me klubin e tij, tani jo më si trajner i përkohshëm, dhe ka vendosur të rikthehet në shtëpinë e tij. Ai ka njoftuar mbrojtësin holandez që të gjejë një destinacion tjetër dhe t’i lirojë shtëpinë sa më shpejt që të jetë e mundur.

Ai po bën një punë fantastike me ekipin dhe së shpejti pritet të vijë konfirmimi në krye të “Djajve të Kuq”. Gjatë kësaj kohe Solskjaer ka qëndruar në hotelin “Lowry”, aty ku banonte dhe trajneri portugez.

Në ndryshim nga Murinjo, i cili qëndroi deri në fund të eksperiencës së tij në hotelin e famshëm, norvegjezi ka vendosur të s’postohet në një shtëpi. Ai zotëron një të tillë në Mançester, por nuk mund të banojë në të! Siç raporton “The Sun”, trajneri i Djajve nxorri në shitje shtëpinë që zotëronte që kur ishte futbollist i Junajtid.

Askush nuk vendosi ta blinte pronën e tij, derisa Virxhil Van Dijk vendosi ta marrë me qera. Mbrojtësi i Liverpulit, ekipit “armik” të Mançester Junajtid, u dashurua menjëherë me shtëpinë e Solskjaerit dhe vendosi ta merrtë me qera.

“Prona i përket Oles dhe familjes së tij që nga koha kur ai luante me Mançesterin. Kur u largua, ai e nxorri shtëpinë në shitje. Askush nuk po e blinte, ndërkohë që erdhi një ofertë për ta marrë me qera. Ishte Van Dijk, i cili sapo kishjte firmosur me Liverpulin. Holandezi pa shtëpinë dhe u dashurua me të. Ole ndoshta nuk e ka menduar kurrë që do vinte dita që të rikthehej në Mançester dhe është me të vërtetë ironike fakti që ai nuk mund të banojë aty”, sqaron një burim i gazetës angleze.

Gjithsesi, kur kanë kaluar diçka më shumë se një vit që nga ai transferim, të gjithë skeptikët janë tërhequr prapa, pasi Van Dijk është shndërruar në një lider të vërtetë në prapavijën e kuqe. Gjiganti i mbrojtjes, është një ndër më të rëndësishmit për Jurgen Klop dhe me të Liverpuli është kthyer në mbrojtjen më të mirë të Premier Ligës.

Përveç kësaj, 27-vjeçari ka dhe një statistike të frikshme. Van Dijk nuk është dribluar nga asnjë lojtar për këtë sezon, në çdo kompeticion që ka luajtur. Shifrat flasin vetë dhe nuk kanë shumë nevojë për koment. Një digë e vërtetë…

Gjermani është shpirti i Liverpulit dhe Van Dijk rrëfen për “The Mirror”, bisedën e parë më trajnerin e ri dhe sekretin e harmonisë dhe lumturisë te Liverpuli. Trajneri është i veçantë, stërvitjet janë sfilitëse, shpeshherë tregohet dhe i ashpër me kritikat përpara të gjithëve, por e gjitha kjo po jep frytet e saj.

KLOP – “E mbaj mend mirë bisedën me Klop sapo erdha te Liverpuli. Klubi pagoi shumë për kartonin tim, por trajneri më qetësoi. ‘Të gjitha gjërat e mira kushtojnë’, më tha Klop. Unë mendoj se ai është unik dhe nuk është thjeshtë një trajner. Ai menaxhon gjithçka dhe është një nga shkaqet pse zgjodha Liverpulin. Vjen gjithmonë në stërvitje duke buzëqeshur dhe është i lumtur kur të sheh. Mjafton të shohësh përqafimet që të jep gjithmonë para dhe pas ndeshjes. Kjo gjë të bën të ndihesh shkëlqyeshëm.”

STILI I PUNËS – “Nëse dikush bën gabime, ai di të tregohet dhe i ashpër. Ta thotë gjithçka në sy në publik përpara të gjithëve. Kjo është diçka e rëndë, por në të njëjtën kohë e pranojmë, sepse ka të drejtë. Mendoj se jam përmirësuar shumë falë tij. Gjithçka që flitet për të është e vërtetë. Klop të bën të punosh shumë. Gjatë fazës përgatitore dëgjon vetëm një fjalë nga goja e tij: ‘vrapo, vrapo, vrapo pa pushim’. Diçka klasike për një gjerman. Kur mendon se ka mbaruar gjithçka, ai të kërkon dhe më shumë. Dëshiron shpejtësi dhe intensitet. Në fillim e kisha të vështirë, por tani e kuptoj se ajo gjë më ka ndihmuar. Ajo punë e vështirë më ka përmirësuar, jo vetëm mua, por të gjithë lojtarët. Gjëja më e bukur e Liverpulit është që në çdo ndeshje vijnë të gjithë legjendat e klubit për të na ndjekur, madje Keni Daglish më dhuroi numrin e tij kur erdha këtu.”

Gjatë këtij sezoni, Van Dijk është aktivizuar në 31 ndeshje të shpërndara midis kampionatit, kupave dhe Champions-it. Në të gjitha këto takime, Van Dijk është treguar një mur i vërtetë, duke mos u dribluar nga qoftë dhe një kundërshtar.

Në këtë statistikë holandezin nuk e barazon askush, çka tregon qartë që kemi të bëjmë me një futbollist të rrallë. Ndoshta hapi i radhës për Liverpulin është gjetja e një partneri të një niveli të përafërt.

Në fund të ndeshjes pati momente tensioni midis mbrojtësit Sokratis të “topçinjve” dhe sulmuesit Salah. Greku akuzonte egjiptianin për simulim në penalltinë e golit të pestë për vendasit, ndërsa holandezi Van Dijk ndërhyri në mbrojtje të shokut të tij të skuadrës.

“E pashë Sokratis t’i shkonte Salahut në mënyrë të ashpër. E akuzonte se kishte simuluar dhe i thoshte se duhet t’i jepte fund rrëzimeve në tokë. Natyrisht që të gjithë shkuam për të mbrojtur shokun tonë. Dukej sikur po ‘luftonim’ dhe po ziheshim, por nuk ishte kështu. Unë i mbroj shokët e mi gjithmonë dhe kështu duhet të sillet çdokush brenda një grupi”, komenton Virxhil Van Dijk.

Mendimin e tij e ka shprehur dhe Jurgen Klop, i cili insiston se Salah nuk ka simuluar dhe ky koncept nuk ekziston në ekipin e tij. Penallti është gjithmonë kur arbitri e jep të tillë dhe trajneri e mbyll komentin e tij me faktin që “The Reds” kanë një bilanc negativ në vitet e fundit sa i përket penalltive të fituara.

“Nuk mendoj se është e nevojshme të shohim gjak në fushë për të akorduar një penallti dhe për të thënë që ishte penallti. Kontakt kishte, Salah nuk është një lojtar që simulon dhe as ne nuk jemi. Arbitri vendosi për penallti, kështu që ishte. Në tre vite e gjysmë kemi patur më shumë penallti të pa dhëna sesa të dhëna”, sqaron trajneri gjerman i Liverpulit.

Një ndër idhujt e tifozerisë së kuqe, që nga janari i këtij viti është shndërruar Virxhil Van Dijk. Holandezi u transferua në “Anfield” nga ekipi i Sauthempton për një shifër rekord prej 75 milionë sterlinash, duke u bërë mbrojtësi më i shtrenjtë i historisë së futbollit.

Prej kohësh, Liverpuli duket një digë e vërtetë në mbrojtje dhe paratë e shpenzuara për gjigantin holandez, duken totalisht të justifikuara. Këtë sezon gjithashtu “The Reds” kanë pësuar vetëm shtatë gola, duke qenë mbrojtja më e mirë e Premier Ligës, me diferencë të madhe, ku Siti ka pësuar 15 gola si mbrojtja e dytë më e mirë.

Për t’u kthyer te tifozët dhe te dashuria e tyre për Van Dijk, më poshtë iu kemi sjellë një video në një nga klubet e Liverpulit, ku mbështetësit e të kuqve këndojnë për mbrojtësin holandez. “Ai është Virxhil Van Dijk, ai është qendërmbrojtësi ynë, ai është numri ynë 4, e shohim të mbrojë dhe e shohim të shënojë, ai do ta pasojë topin qetësisht si t’iu pëlqejë”.

https://www.instagram.com/p/Br47QT6CcFv/?utm_source=ig_web_copy_link

Liverpuli triumfoi një natë më parë në “finalen” e luajtur ndaj Napolit, ku Mohamed Salah ishte heroi i “The Reds”. Egjiptiani shënoi golin e vetëm të sfidës, duke i dhënë kualifikimin për në fazën tjetër ekipit të Jurgen Klop.

Gjithsesi, pavarësisht fitores së Liverpul, ndeshja ishte mjaft e luftuar dhe një nga episodet që akoma po diskutohet është rasti i ndërhyrjes së Van Dijk ndaj Mertens. Pikërisht në lidhje me episodin, ka folur vetë mbrojtësi i të kuqve, duke theksuar se ndërhyrja e tij nuk kishte asnjë qëllim për të vrarë kundërshtarin dhe nuk ishte për karton të kuq.

“Nuk mendoj se ishte ndërhyrje aq e keqe. Për fat të keq e preka, por kurrë nuk do ndërhyja për ta vrarë ose ndonjë gjë të tillë. Preka topin dhe ngaqë fusha ishte e lagur, në momentin që rrëshkita e preka, por ky është futbolli”, përfundoi Van Dijk.

Një ngjarje që nxjerr në pah edhe karakterin e mbrojtësit të Holandës. “Ai njeri nuk u përmbajt dot më, ishte aty me lot në sy sepse sapo kishte humbur nënën e vet. I thashë të bëhej i fortë dhe se kishte gjykuar shumë mirë. Mund të jetë diçka e vogël, por shpresoj ta kem ndihmuar disi”, tregon Van Dijk  për Voetbal International.

Ovidiu Hategan, arbitri i ndeshjes, sigurisht që nuk e ka pritur diçka të tillë. Një moment delikat për ta, pasi ka humbur një njeri shumë të afërt. Takimi i djeshëm Gjermani-Holandë përfundoi 2-2 dhe Van Dijk ishte protagonist edhe në fushë, duke shënuar golin e barazimit në fund.

https://twitter.com/TheEuropeanLad/status/1064655393266311168

Pikërisht 4 ditë pas së mërkurës, konkretisht pasditen e së shtunës, Çelsi dhe Liverpul rikthehen të përplasen mes tyre, këtë herë në fushën e londinezve. Një sfidë që vlen dhe kreun e klasifikimit të Premier Ligë, ku momentalisht Liverpul udhëheq me 18 pikë të plota pas gjashtë javëve dhe ndiqet nga Çelsi dhe Mançester Siti me nga 16 pikë secila.

Për përballjen e nesërme Liverpuli i Jurgen Klop vijon të jetë në ankth për sa i përket riaftësimit të një ndër lojtarëve me të rëndësishëm në klub. Pikërisht mbrojtësi holandez, Virxhil Van Dijk është në dyshim për këtë përballje si pasojë e një dëmtimi të pësuar javën e kaluar ndaj Sauthempton.

Mbrojtësi më i shtrenjtë i historisë mund të jetë një mungesë shumë e rëndësishme për të besuarit e Klop, në një sfidë ku Liverpul nuk mendon të ndalë serinë e fitoreve radhazi në kampionat. Trajneri gjerman ka deklaruar dhe përpara mediave se akoma nuk ka marrë një përgjigje përfundimtare për gjendjen e mbrojtësit dhe ende çdo gjë është në dyshim.