Vinsent Kompani

Ju tregoj si Siti u bë klub i madh, rinovimin e Kompani e flasim me… birra përpara!

Sport Ekspres — Tue, 07 May 2019 12:54:19 +0000

Mançester Siti vuajti shumë për të fituar kundër “dhelprave” të Leisterit në shtëpi. Një gol i Vinsent Kompani në minutën e 70-të zgjidhi hallet e ekipit dhe afroi “qytetarët” me titullin kampion. 33-vjeçari lëshoi një predhë nga jashtë zone, e vetmja mënyrë që mund të mposhte Kasper Shmajkëllin.

Kapitenit belg i përfundon kontrata në fund të këtij sezoni, ndërsa Pep Guardiola flet për mundësinë e rinovimit. Spanjolli e vlerëson shumë qendërmbrojtësin, por gjithçka do të zgjidhet në fund të sezonit.

“Kemi biseduar me Vinsent dhe agjentin e tij para tre javësh. Në fund të sezonit do të bisedojmë qartësisht për të ardhmen, ndoshta me një gotë birrë përpara. Kompani është një qenie humane e mrekullueshme, i cili më ka ndihmuar jashtë mase. Gjithmonë jam trishtuar kur nuk e kam futur në lojë, por e kemi ditur që në çdo moment mund të mbështetemi te personaliteti i tij. Ky klub është bërë kush është sot prej njerëzve si Vinsent”, thekson trajneri spanjoll.

In case Liverpool fans missed Kompany’s goal #MCILEI #ManCity pic.twitter.com/iyqpYTo0U8

— #Team8Rakaat (@ddnainggolan) May 6, 2019

“Të gjithë po më ulërinin që të mos gjuaja…”, Kompani rrëfen golin-titull!

Sport Ekspres — Tue, 07 May 2019 10:21:33 +0000

Leister Siti zhvilloi një ndeshje shumë të fortë dhe i rezistoi për 70 minuta ekipit të Guardiolës. Te tifozët e Mançester Sitit u rrit tensioni dhe frika që mund të humbisnin titullin kampion, por kapiteni vendosi të merrte situatën në dorë dhe ta zgjidhte atë.

Vinsent Kompani marshoi drejt sulmit, nuk i dëgjoi ulërimat e shokëve, të cilët prisnin një pasim, dhe goditi portën. Një e djathtë fantastike që pushoi në trekëndësh. Për të thyer Leisterin nevojitej një kryevepër si ajo e mbrojtësit belg dhe stadiumi kaloi në ekstazë.

Lojtari po mbyll sezonin e 11-të me Sitin dhe zbulon një detaj interesant para shënimit të golit historik, që mund t’i dhurojë titullin kampion ekipit nga Mançesteri.

“Të gjithë po më ulërinin që të mos gjuaja, por nuk kam arritur në këtë pikë të karrierës për të më thënë të tjerët se çfarë duhet të bëj. Luaj me mesfushorë të mëdhenj prej 15 vitesh, të cilët më kërkonin që të mos gjuaja. Ju kam thënë që një ditë do të gjuaj nga jashtë zone dhe do të shënoj gol. Nuk ka shumë rëndësi sasia e golave sesa koha kur i shënon. Kundër Leisterit ishte jetike. Kasper (Shmajkëll) kreu disa pritje deçizive dhe ndoshta vetëm kështu mund të pësonte gol. Ata u mbrojtën mirë dhe vuajtëm në pasimin e fundit. Jam i lumtur për klubin dhe tifozët, por kemi edhe një ndeshje. Nuk kemi fituar akoma asgjë”, përfundon kapiteni i ekipit kryesues.

In case Liverpool fans missed Kompany’s goal #MCILEI #ManCity pic.twitter.com/iyqpYTo0U8

— #Team8Rakaat (@ddnainggolan) May 6, 2019

I pari kryebashkiak afrikan në Belgjikë, Kompani: Ke shkruar historinë, baba!

Sport Ekspres — Tue, 16 Oct 2018 10:56:34 +0000

Vinsent Kompani është një nga pikat më të forta të Mançester Sitit dhe Belgjikës. Mbrojtësi potent po shijon një moment të bukur, po jashtë botës së futbollit. Babai i tij, Pierr Kompani është zgjedhur kryetari i Bashkisë së Ganshoren, duke u bërë kryebashkiaku i parë me ngjyrë në Belgjikë.

Kapiteni i Sitit ka postuar një video në rrjetet sociale, në shoqërinë e të vëllait, Francis Kompani, i cili aktivizohet me ekipin belg të KSV Roselares.

“Ke shkruar historinë! Jemi shumë krenarë për ty, baba. Erdhe nga Republika Demokratike e Kongos në vitin 1975 si emigrant dhe tani ke fituar besimin e bashkësisë lokale për t’u bërë kryebashkiaku i parë më ngjyrë në Belgjikë. Jemi shumë të lumtur. Ka qenë një kohë e gjatë, por është një hap i madh përpara”, përfundon lojtari 32-vjeçar.

Pierr Kompani hyri në politikë në vitin 2006 si këshilltar, ndërsa në vitin 2014 u bë pjesë e parlamentit rajonal të Brukselit. 12 vite pas futjes në politikë, ai u bë kryebashkiaku i Ganshoren, një qytezë e vogël me një popullsi mbi 20 mijë banorë.

View this post on Instagram

?History! We are so proud of you dad. Came over from the DR Congo, as a refugee, in 1975. Now gained the trust of your local community becoming the first ever black elected mayor in Belgium! It was long over due but it’s progress. Massive congrats! #Belgium #Brussels #Ganshoren ???

A post shared by Vincent Kompany (@vincentkompany) on Oct 14, 2018 at 12:43pm PDT

“Calciopoli” belg | Shpërthen Kompani: Futbolli, si prostitucioni dhe trafiku i drogës!

Sport Ekspres — Fri, 12 Oct 2018 12:11:43 +0000

Skandali që ka përfshirë futbollin belg po merr një vëmendje të madhe dhe po përhapet dhe jashtë vendit. Një gjë e tillë ka sjellë trishtim dhe te lojtarët belgë, të cilët aktivizohen jashtë vendit. Për situatën në fjalë ka folur dhe Vnisent Kompani, mbrojtësi i Mançester Sitit dhe kapiteni i kombëtares belge.

32-vjeçari nuk është kursyer në prononcimin e tij për “VTM Nieuws”, pavarësisht se diçka e tillë nuk e ka befasuar. Kompani përpiqet të bëjë një analizë më të përgjithshme dhe nuk kursehet në komentet e tij.

“Është akoma herët për të folur mbi përgjegjësitë individuale, por në futboll nuk mund të habitesh nga një skandal i tillë. Futbolli është shumë afër sjelljeve të ndryshme, tipike të botës së prostitucionit, trafikimit të drogës dhe qenieve njerëzore. Janë mjedise ku qarkullojnë shumë para dhe ku ekziston gjithmonë mundësia e pagesave të paregjistruara.”

“Nuk u kuptoj pse nuk ka transparencë në nivel ndërkombëtar. Ka shumë spekulime rreth pagave të lojtarëve, trajnerëve, por askush nuk kujdeset që këto paga të bëhen publike. Duhet ta bëjmë futbollin plotësisht transparent dhe të gjithë duhet të llogarisim atë që fitojmë. Menaxherët janë të nevojshëm për të mbrojtur interesat e lojtarëve dhe klubeve, por nuk e kuptoj pse nuk mund të bëhet gjithçka në dritën e diellit”, përfundon mbrojtësi Vinsent Kompani.