Vinicius jr

Ronaldo projekton goditjen e madhe, tenton yllin e Realit

Sport Ekspres — Thu, 23 May 2019 09:51:41 +0000

Ronaldo fenomeni duket se e ka marrë shumë seriozisht punën e tij si president i Vajadolid dhe sezoni i tij i parë ishte shumë pozitiv. Vajadolid arriti të mbijetonte në La Liga, me tifozët, stafin dhe lojtarët që u çmendën në festë.

Tashmë nuk ka kohë, pasi sezoni i ri është në prag dhe përgatitjet kanë nisur… të paktën për Ronaldon. Braziliani duket se po punon në fshehtësi për një goditje të bujshme për emrin që ka Vajadolidi.

Vinisius Zhunior është objektivi kryesor i merkatos. Normalisht që fuqia ekonomike e Vajadolid nuk mund ta blejë talentin brazilian, por Ronaldo do të tentojë të bindë Realin dhe lojtarin që të huazohet për një sezon te Vajadolid.
Marrëdhënia e 18-vjeçarit me Ronaldon është mjaft e mirë, pasi ishte ky i fundit që e ndihmoi për një kalim në Spanjë. Ardhja e Zidan në stol, do t’i pakësojë minutat për Vinisius dhe Reali ndoshta do ta rimendojë çështjen e huazimit. Ronaldo mund të bëjë një goditje të madhe…

Paketa, Vinisius Zhunior dhe Anderson: Brazili i ri po lind!

Sport Ekspres — Thu, 28 Feb 2019 15:10:02 +0000

Kombëtarja e Brazilit nuk ka vuajtur asnjëherë sa i takon talentit dhe cilësisë individuale, por vitet e fundit krijimi i një grupi solid ka qenë problemi më i madh për pesë herë kampionët e botës. Sot, trajneri i “Seleçao”, Tite ka bërë publike listën e futbollistëve të grumbulluar, ku ka shumë emra të rinj.

Vinisius Zhunior është grumbulluar për herë të parë me Brazilin, pasi po bën një sezon fantastik me Realin e Madridit, edhe pse në një moshë shumë të re. Po ashtu, edhe Paketa është grumbulluar në kombëtare, pasi po shkëlqen me fanellën e Milanit. Edhe Filipe Anderson është një emër surprizë, por ylli i Uest Hemit është një ndër lojtarët më të mirë në Premier Ligë.

Lista e Brazilit:
Portierë: Alison (Liverpul), Ederson (Man. Siti) Ueverton (Palmeiroa)

Mbrojtës: Fabinjo (Liverpul), Alvesh (PSG), Danilo (Man. Siti), F. Luiz (Atletiko), Sandro (Juventus), Militao (Porto), Markinjos (PSG), Miranda (Inter), T. Silva (PSG)

Mesfushorë: Alan (Napoli), Artur (Barcelona), Kasemiro (Real Madrid), Kutinjo (Barcelona), Paketa (Milan), F. Anderson (Uest Hem)

Sulmues: Everton (Gremio), Firminjo (Liverpul), Zhezus (Man. Siti), Riçarlison (Everton), Vinisius (Real Madrid)

Mungesa e Ronaldos te Reali? Kasemiro i drejtpërdrejtë

Sport Ekspres — Thu, 28 Feb 2019 13:27:37 +0000

Reali i Madridit ka pësuar një humbje turpëruese mbrëmë ndaj Barcelonës me rezultatin 0-3, ku pavarësisht rasteve të shumta të krijuara çaluan në finalizim . Benzema dhe veçanërisht Vinisius nuk arritën të gjejnë rrugën e rrjetës pavarësisht disa rasteve të pastra, por për ta ka vlerësime pozitive nga Kasemiro.

Mesfushori brazilian, i intervistuar nga mediat spanjolle, ka bërë një rezyme të ndeshjes duke vënë në dukje edhe gabimet që skuadra e tij bëri. ”Ne humbëm disa raste të pastra, por lojtarët tanë kryesorë po bëjnë një sezon mjaft të mirë, veçanërisht Benzema. Ai po zhvillon sezonin më të mirë të karrierës”

I pyetur për Vinisius, Kasemiro u shpreh se nuk është e drejtë të flasim vetëm për të. “Ai është një lojtar i guximshëm, kurajoz dhe nuk i frikësohet askujt. Vinisius ka një nivel spektakolar për moshën qe është”, shprehet braziliani, duke u munduar kështu edhe të largojë presionin nga ylli brazilian.

Gazetarët më pas kanë prekur edhe çështjen e mungesës së Ronaldos, por Kasemiro e mbylli shkurt, ku tha se nuk mund të flasë për një lojtar që nuk është më lojtar i Realit të Madridit. “Nuk flas për dikë që nuk është pjesë e Realit”, u shpreh prerazi mesfushori.

Vinisius me rekord historik, titullari më i ri i Realit në La Liga

Sport Ekspres — Sun, 06 Jan 2019 17:37:11 +0000

Vinisius Zhunior shihet si një nga lojtarët me potencial të jashtëzakonshëm dhe me ardhjen e Solarit në krye të Real Madridit, pritet të ketë më shumë minuta në këmbët e talentit brazilian.

18-vjeçari ka nisur takimin e sotëm kundër Real Sociedadit si titullar, ndeshje që ka vendosur një rekord historik për të. Vinisius është lojtari më i ri i Realit që starton si titullar një ndeshje të kampionatit spanjoll.

Po ashtu, Vinisius është lojtari i tretë që ka lindur në mijëvjeçarin e ri që nis një ndeshje si titullar në La Liga, së bashku me Ferran Torres të Valencias dhe Muhaid Sadik i Deportivos. E ardhme e ndritur për talentin brazilian.

Zbulohet nga Brazili, Vinicius ka kushtuar më shumë se 45 milionë euro

Sport Ekspres — Thu, 01 Nov 2018 16:02:35 +0000

Vitin e kaluar, konkretisht në 23 maj Reali i Madridit firmosi me Vinicius Zhunior, i cili aktivizohej te Flamengo. Braziliani 18-vjeçar u prezantua këtë verë në Madrid dhe bëri debutimin e tij me ekipin e parë, mbrëmjen e kaluar në Copa del Rey, kundër Meilijas.

Për të siguruar shërbimet e talentit brazilian, Reali pagoi 45 milionë euro në arkat e klubit të Flamengos, por ditën e sotme prestigjiozja braziliane “A Bola”, ka raportuar se madrilenët kanë paguar një çmim më të lartë se ai që është deklaruar zyrtarisht. Sipas asaj që zbulon biznesmeni Zhosep Maria Minguela, Vinicius Zhunior i ka kushtuar Realit 61 milionë euro dhe jo 45 sa është thënë.

Madrilenët kanë paguar tetë milionë euro për ndërmjetësit e marrëveshjes, gjithashtu dhe tetë milionë euro që janë paguar për familjen e lojtarit. Duke i shtuar dhe 45 milionë euro që i janë paguar klubit të Flamengos, shifra totale e transferimit shkon në 61 milionë euro.