Vilson Lila

Gjilani bën dy lëvizje, afron edhe ish-kapitenin e Kastriotit

Sport Ekspres — Mon, 07 Jan 2019 15:14:24 +0000

Gjilani ka larguar pak kohë më parë Brunild Pepën, por vijon të shohë sërish nga Superiorja për futbollistë. Me skuadrën e kuqe është bashkuar qendërmbrojtësi Vilson Lila, i cili në pjesën e parë të sezonit kishte mbajtur shiritin e kapitenit me Kastriotin në Superiore.

Ai u largua nga krutanët dhe tashmë do ta vijojë karrierën në Kosovë. Një tjetër futbollist lë kampionatin tonë dhe ai është Klejdi Koçi. Vetëm 19 vjeç, mesfushori ka qenë pjesë e Termit në Kategorinë e Dytë.

NJOFTIMI I GJILANIT – Ditën e sotme skuadra e Gjilanit ka arritur marrëveshje edhe me dy futbollistë të tjerë. Bëhet fjalë për Vilson Lilën dhe Klejdi Koçin. Vilson Lila, i cili luan pozitën e mbrojtësit të qendrës, vjen nga klubi i Kastriotit nga Superliga e Shqipërisë. 29-vjeçari ka bërë karrierë brenda Shqipërisë, ku më parë ishte edhe pjesë e Kukësit.

19- vjeçari Klejdi Koçi, i cili luan pozitën e mesfushorit, vjen nga shkolla e futbollit nga Tirana, KF Term Tirana, ku ndër vite ishte lojtar i dalluar në gjeneratën e tij dhe kishte spikatur me paraqitjet e tij në kategorinë e juniorëve në Shqipëri.

Plori do përforcime, hedh sytë nga Kastrioti

Sport Ekspres — Tue, 01 Jan 2019 16:02:43 +0000

Elvis Plori e nisi sezonin në krye të Kastriotit, ndërkohë që u largua pas përfundimit të fazës së parë. Aktualisht shkodrani është në krye të Burrelit dhe kërkon përforcime nga drejtuesit për pjesën e dytë të kampionatit.

Trajneri Plori ka piketuar edhe një lojtar te ish-skuadra e tij. Bëhet fjalë për qendërmbrojtësin Vilson Lila, i cili te Kastrioti mbante edhe shiritin e kapitenit. Mbrojtësi është i lirë, pasi e ka ndërprerë kontratën me krutanët.

Burreli synon mbijetesën dhe deri në fund të sezonit do të jetë një garë ashpër. Kështu përforcimet në merkaton e janarit janë të domosdoshme. Veç Lilës, matjanët do mundohen të bëjnë edhe përforcime të tjera për të realizuar objektivin sezonal.

Kastrioti njeh vetëm largime, zyrtarizohen tre të radhës

Sport Ekspres — Wed, 26 Dec 2018 13:36:24 +0000

Kastrioti njeh veç largime. Krutanët kanë zyrtarizuar edhe tre largime të tjera ditën e sotme dhe kështu në mënyrë zyrtare numri i lojtarëve që nuk do të jenë pjesë e kësaj skuadre për pjesën e dytë të sezonit shkon në nëntë.

Kështu, ish-kapiteni Vilson Lila dhe mesfushorët Xhynejt Çutra dhe Sokol Mziu do të duhet të kërkojnë skuadra të tjera në vijim. Klubi krutan ka dalë me njoftim dhe i falënderon ata për kontributin e dhënë.

“Ka përfunduar me konsensus marrëveshja mes Kastriotit dhe futbollistëve, Sokol Mziu, Xhynejt Çutra dhe Vilson Lila. Klubi i falënderon për kontributin e dhënë me fanellën e Kastriotit dhe ju uron suksese në karrierë”, shkruhet në deklaratën e klubit krutan.

https://www.instagram.com/p/Br2h6zSldju/?utm_source=ig_web_copy_link