Di Françesko: Lojtarët më zhgënjyen, këtë fanellë duhet ta meritosh!

Sport Ekspres — Wed, 12 Dec 2018 22:29:15 +0000

Roma vinte e pamotivuar në transfertën ndaj çekëve të Viktoria Pëlzen. Në daljen për shtyp në përfundim të ndeshjes, trajneri i verdhekuqve, tha se përveç rezultatit e zhgënjeu paraqitja e disa lojtarëve gjatë pjesës së dy

“Prisja një paraqitje tjetër nga skuadra. Më shqetëson më shumë paraqitja e lojtarëve që të them të drejtën më zhgënjeu shumë. Nga lojtarë të caktuar prisja shumë më shumë. Unë dhe lojtarët duhet të tregojmë se e meritojmë këtë fanellë, sot nuk e bëmë këtë gjë”, tha Di Françesko.

Me humbjen e sotme, ecuria e negative e Romës kap ndeshjen e pestë. Fitorja e fundit e romanëve është ajo ndaj Sampdorias në “Olimpico” më datë 11 shtator, që prej atij triumfi Roma ka regjistriuar tri humbje dhe dy barazime.

VIDEO | Reali “tërmet” 5-ballësh në Çeki, Junajtid përmbys Juventusin në fund

Sport Ekspres — Wed, 07 Nov 2018 21:52:03 +0000

Juventus është befasuar në shtëpi, pasi u mund sot në Torino nga Mançester Junajtit. Në një ndeshje të pabesueshme, bardhezinjtë ishin shumë të pafat, pasi e goditën dy herë shtyllën, fillimisht me Kedirën, ndërsa më pas me Dibalën. Duhej një gol fantastik i Ronaldo, që “Zonja e Vjetër” të kalonte në avantazh. Goli i parë i portugezit me fanellën e Juves në arenën ndërkombëtare, megjithatë në fund nuk pati gëzim.

U deshën vetëm 4 minuta anglezëve që të shënonin dy gola dhe të merrnin hak për atë humbje të dy javëve më parë. Fillimisht Mata dhe më pas një autogol i Aleks Sandro përmbysën rezultatin, duke i shkaktuar humbjen e parë për këtë edicion Juventusit në të gjitha garat. Hapet gara për vendin e parë pas kësaj ndeshje, por kampionët e Italisë janë një hap para të tjerëve.

Në ndeshjen tjetër, real Madrid ka bërë autokritikë pas një serie ndeshjesh zhgënjyese. Kampionët e Europës fituan 5-0 ndaj Viktora Pëlzen në transfertë. Spanjollët i mbyllën llogaritë që në pjesën e parë ku Benzema shënoi dy herë, si dhe Bejl e Kasemiro nga një herë. Në fraksionin e dytë kishte vend dhe për një gol të Toni Kros, i cili vulosi rezultatin përfundimtar. Reali merr vendin e parë në grupin e saj, duke barazuar në pikë Romën.