“Do të më pëlqente që ish-skuadra ime të ishte më shumë e ngjashme me atë të Murinjos, por me shkëlqimin e skuadrave të Arsenit. Pra, ekuilibri i të dyjave. Dua disiplinën që sjell Mou, por edhe t’u lejoj lojtarëve të shprehen si nën drejtimin e Arsenit. Liria duhet, por duhet edhe taktika. Murinjo është i fokusuar gjithnjë në detaje, duke u dhënë lojtarëve informacion kur ata shkojnë në fushë. Venger është gjithmonë pozitiv dhe u jep shumë besim lojtarëve, pa marrë parasysh se çfarë ndodh në fushë”, – ka thënë Vieira.