video

VIDEO | Nejmar refuzoi të festonte, Mbape nuk i mban dot nervat

Sport Ekspres — Sat, 03 Aug 2019 17:01:49 +0000

PSG e ka nisur sezonin e ri me një trofe, duke mposhtur 2 – 1 Ren në finalen e Superkupës së Francës. Në ndeshje mungoi ylli brazilian Nejmar, i cili pa nga tribuna të gjithë takimin, por iu bashkua pjesës tjetër të skuadrës gjatë festimeve.

#Mbappe literally throwing #neymarjr out of a picture after #PSG
won their Community Shield ?? He's defo taking no shit?pic.twitter.com/JDnRLkjIEE

— ?????'? ??????? (@AnnieHarte21) August 3, 2019

Regjia e ndeshjes ka regjistruar dy momente interesante ku protagonist është Mbape dhe Nejmar. Talenti francez mundohet ta nxisë braziliani të festojë, por Nejmar refuzon. Pak sekonda më vonë, kamerat kapin qartë momentin kur Mbape tejet i mërzitur shtyn me forcë Nejmar duke e ndarë nga pjesa tjetër e skuadrës që po festonte fitimin e trofeut.

https://www.instagram.com/p/B0tKW5AAAHV/?utm_source=ig_web_copy_link

Diferenca shokuese midis një boksieri dhe një amatoreje, video do t’u habisë

Sport Ekspres — Fri, 08 Feb 2019 20:07:22 +0000

Një ndër aftëistë kryesore që duhet të ketë një boksier profesionist janë reflekset e shpejta për t’iu shmangur grushteve të kundërshtarëve, pasi në boks një grusht i vetëm, mund hedhë poshtë punën e 12 raundeve.

Në një video të shpërndarë së fundmi në internet dallohet qartë diferenca shokuese midis një boksieri profesinionist dhe një kundërshtareje femër, që nuk është krejtësisht e patrajnuar.

Përgjatë të gjithë videos zonja nuk mund t’i prekë qoftë një qime floku boksierit tailandez, i cili është i pakapshëm me shmangiet e vazhdueshme.

VIDEO | Intervista gazmore, Et’hemi dhe Rroca vënë në lojë Rrumbullakun

Sport Ekspres — Fri, 25 Jan 2019 21:09:34 +0000

Te skuadra e Kukësit, atmosfera duket shumë pozitive dhe lojtarët duken më të bashkuar se kurrë me njëri-tjetrin. Këtë fakt e ka treguar dhe një video e shpërndarë në faqen e klubit, ku një “intervistë” e Rrumbullakut ka marrë shumë nuanca gazmore.

Intervistuesi është mesfushori Et’hemi, ndërsa Rroca dhe Limaj janë pas tij, duke ngacmuar herë pas here mbrojtësin e verilindorëve. Rrumbullaku qëndroi mirë kundrejt ngacmimeve dhe u tregua profesionist, pavarësisht se provokimet nga shokët e skuadrës ishin të shumtë. Video më poshtë flet vetë…

VIDEO | Kënga e Depai bëhet objekt talljeje, parodia më e fundit vjen nga futbollisti irlandez

Sport Ekspres — Wed, 28 Nov 2018 18:20:06 +0000

Memfis Depai çuditi të gjithë fansat e tij, teksa shpërndau në internet një këngë të rrymës “rap”. Në fakt kjo ishte hera e dytë që holandezi hidhte në treg një këngë, por në ndryshim nga e para eksperienca e dytë u bë shumë më popullore, kjo dhe për faktin se klipi muzikor u bë objekt talljeje nga shumë tifozë.

Memphis Depay with the hottest freestyle of 2018 ??

? IG/memphisdepay pic.twitter.com/ySjC1NLKY1

— ODDSbible (@ODDSbible) November 25, 2018

Ironitë në internet qenë të panumërta, por më specialja erdhi nga futbollisti irlandez Çarls Djun, i cili shpërndau një video, ku parodizonte këngën sulmuesin e Lionit. Tani mbetet për t’u parë nëse do të kemi nga Depai.

So after @Memphis laid down a quick freestyle, Motherwell defender Charles Dunne has come back to him with this… ???

? IG/c_dunne18 pic.twitter.com/RE1CJzr0x4

— ODDSbible (@ODDSbible) November 28, 2018

VIDEO | Kante vjen me vonesë në grumbullim, Deshamp përfiton për ta ngacmuar

Sport Ekspres — Wed, 14 Nov 2018 21:36:24 +0000

Një video e shkurtër ka shkaktuar shumë bujë në mediet franceze. Protagonistët janë mesfushori i kombëtares franceze Ngolo Kante dhe trajneri i kampionëve të botës Didier Deshamp. Futbollisti i Çelsit ishte vonuar në grumbullimin e skuadrës dhe shkon t’i shpjegojë trajnerit arsyen e vonesës.

N'Golo Kanté légèrement en retard: "Il y avait un colis suspect"

Didier Deschamps: "Fallait descendre du train tu vas plus vite que le train normalement.?" pic.twitter.com/MgNM03VNaP

— PFC (@PassionFootClub) November 13, 2018

“Më falni për vonesën, por në tren u dha alarmi për një valixhe të dyshimtë”, thotë Kante. Deshamp ia kthen me një batutë duke i thënë: “Po ç’bën kështu duhej të zbrisje, ti vrapon më shpejt se treni”, një përgjigje kjo që u shoqërua me të qeshura nga lojtari e të pranishmit e tjerë.

VIDEO / Dy yjet e kombëtares ruse rrahin me karrige zyrtarin, policia hap hetimet

Sport Ekspres — Mon, 08 Oct 2018 20:08:40 +0000

Video e një sherri po bën xhiron e botës nëpër të gjitha mediet sportive. Protagonistët e këtij incidenti janë dy futbollistë të njohur rus, sulmuesi i Zenitit Aleksandër Kokorin dhe mesfushori i CSKA-së, Pavel Mamaev.

Nga pamjet filmike shikohen të dy futbollistët që godasin me karrige dhe grushta një burrë në moshë të mesme, që raportohet se është një zyrtar i qeverisë ruse. Ngjarja ka ndodhur në një lokal të Moskës dhe policia ka hapur hetimet.

VIDEO: Reali rikthehet te fitorja, shkëndija e parë është Asensio

Sport Ekspres — Thu, 18 Jan 2018 23:08:53 +0000

Më në fund, po! Reali fitoi! Sa fjali e çuditshme, thënë me kaq bujë, për një klub të madh. Epo, nuk ka fare ekzagjerim, sepse madrilenët kanë harruar si fitohen pikët.

Marko Asensio kishte dhjetë ndeshje që nuk shënonte me fanellën e bardhë, por ia arriti dhe i dha fitoren skuadrës së tij (1-0) në ndeshjen e Kupës së Mbretit kundër Leganesit, e vlefshme për fazën çerekfinale. Më në fund, madrilenët u rikthyen te fitorja, edhe pse jo në kampionat, aty ku sivjet kanë vuajtur shumë.

Prej tre vitesh nuk ndodhte që “Los Blancos” të mos pësonin asnjë faull në 45 minutat e para të takimit dhe kjo ndodhi pikërisht në transfertën e Leganesit, aty ku mjaftoi një gol për të arritur një fitore të madhe (psikologjikisht ka efekt më shumë se kurrë këtë sezon).

Asensio e gjeti rrugën e rrjetës në të 89’, kur mendohej se gjithçka do të mbyllej në barazim pa gola dhe ky do të ishte makthi i radhës për trajnerin Zinedin Zidan. Leganesi, faktikisht, pati shanset më të mira për të shënuar, veçanërisht në pjesën e dytë. Madrilenët ishin të lodhur dhe nuk u angazhuan aq sa duhej, plus që mungonin disa yje, me në krye Kristiano Ronaldon.

Vendësit iu afruan shumë golit sidomos kur një top shkoi në traversë. Fati i mirë, megjithatë, qe me kampionët e botës, të cilët fituan, ndryshe nga Barcelona, e cila u mposht një ditë para rivalëve të përbetuar në derbin e Katalonjës përballë Espanjolit. Trajneri Zidan tani mund të ndihet i qetë, por vetëm përkohësisht.

Vlen të theksohet një rast i mirë i mesfushorit Kovaçiç, i cili nuk u tregua i ftohtë në momentin e tij më të mirë. 45 minutat e para nuk patën asnjë rast ideal për gol dhe shumë pak pati edhe në të dytën, që tregon se Reali i Madridit ka probleme serioze në sulm. Zidan duhet të gjejë një zgjidhje, ose sezoni do të mbyllet vetëm me dështime.