Ky i fundit është një personazh i veçantë, sepse gjithnjë përfundon në qendër të vëmendjes për ndonjë problem që nuk ka lidhje me futbollin.

Tani ish-mesfushori i Juventusit është në telashe me drejtësinë italiane, sepse Marca raporton se i janë konfiskuar nga gjykata në Torino 4 banesa në Monkalieri.

Sipas të përditshmes spanjolle, që ka publikuar edhe dokumentin që mbështet lajmin, gjithçka lidhet me një çështje të hapur prej vitit 2017, pasi Vidal nuk kishte shlyer në kohë një borxh prej 18.489 eurosh.

Në fund të vitit të shkuar Vidal kishte marrë paralajmërimin e fundit, por nuk e kishte vrarë mendjen.

Në një prej këtyre aktiviteteve, sulmuesi i Mançester Junajtid, po u jepte disa këshilla fëmijëve të pranishëm: “Mos pini duhan dhe alkool, kurrë. Nuk mund të bëhesh futbollist nëse tymosni dhe deheni”, tha Sançez.

– @Alexis_Sanchez : “yo no fumaba ni tomaba”
– Cabro ql : “Y como el arturo?”
?? pic.twitter.com/YGVBZXTzmp

— Diegoflowers (@idieego) December 14, 2018

Pak sekonda para kësaj deklarate një prej fëmijëve i kujton kilianit, mesfushorin e Barcelonës Arturo Vidal: “Po, Arturo (Vidal) ?”, ia ktheu vogëlushi me ironi. Të gjithë të pranishmit ia filluan të qeshnin, pasi Vidal njihet si një futbollist që ka një raport tejet të afërt me alkoolin dhe duhanin. Sançez u munda ta anashkalonte por të qeshurat e kapën dhe atë.

Bëhet fjalë për një lojtar që ka kushtuar mbi 100 milionë euro, ndaj Barça nuk e braktis dot dhe tashmë ka vendosur t’i caktojë një roje, që është Arturo Vidal.

Kiliani është futbollist me eksperiencë të madhe, ka pasur edhe ai probleme në të shkuarën në klubet ku ka luajtur dhe e di mirë si funksionon kur je i ri, i talentuar dhe milioner.

Te Barcelona Vidal respektohet nga gjithë shokët e ekipit, pasi është një person i qetë, por me karakter të fortë dhe nuk krijon probleme në skuadër.

Spanjollja “Sport” shkruan se tashmë Vidal do të jetë për detyrë të kujdeset për Dembele, duke e këshilluar dhe duke qenë në një farë mënyre roja e tij personale, për ta mbajtur nën kontroll.

Nëse ia del, Vidal do të justifikojë plotësisht pagën e tij të rëndësishme, edhe nëse nuk luan rregullisht.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.

Ndërkaq, një lajm i keq për Vidalin edhe nga Gjermania, ku luante deri sezonin e shkuar, duke qenë protagonist me Bajernin, por edhe një rebel i vërtetë, me sjellje që nuk i pëlqenin aspak klubit bavarez, çka çoi te largimi i tij për shifra modeste për futbollin që po jetojmë.

Tabloidi bavarez tz.de raporton se Vidal është dënuar nga një gjykatë gjermane me 800.000 euro gjobë, pasi mori pjesë në një sherr në diskotekën Münich Crowns Club, më 17 shtator 2017. Së bashku me Arturon ishte edhe vëllai Sandrino, i gjobitur me 18.000 euro.

Mesfushori i Bajernit në atë kohë keqtrajtoi dy persona, duke i goditur në kokë e qafë, ndërsa hodhi edhe një gotë drejt tyre.

Për fatin e keq të Vidalit, kamerat e sigurisë regjistruan gjithçka dhe tani Vidal duhet të paguajë 80 këste nga 10.000 euro secili, por të paktën ka evituar telashe më të mëdha, sepse në raste të tilla rrezikohet edhe burgu.

Tashmë reagon edhe Barcelona, sepse menaxheri i përgjithshëm Pep Segura ka folur për të përditshmet katalanase Mundo Deportivo dhe Sport dhe i ka tërhequr veshin mesfushorit kilian.

Në lidhje me mesazhet e Vidalit, ai është shprehur: “Kanë një kuptim të dyfishtë. Tregojnë që djaloshi kërkon të integrohet sa më shpejt te Barcelona dhe ta ndihmojë ekipin dhe se ndihet i zhgënjyer që nuk po luan më shumë. Gjithashtu, ai duhet të punojë më shumë në linjën e të pasurit respekt për shokët, për ekipin, për trajnerin dhe klubin. E kuptojmë që në një farë mënyre edhe vetë Vidal është i vetëdijshëm që veprimet e tij dëmtojnë më shumë atë, sesa të tjerët, ndaj presim një korrigjim prej tij, edhe pse mund të ketë qenë vetëm një keqkuptim”.

Më pas ai ka folur edhe në lidhje me trajnerin Valverde: “Kur të vijë momenti për të marrë një vendim, do ta marrim. Nuk i kemi vendosur asnjë ultimatum, jemi të kënaqur prej tij dhe ka kontratë. Nuk ka arsye për t’u shqetësuar”.

Blerja e dështuar e Grizman ishte tema tjetër të cilën e ka komentuar menaxheri i përgjithshëm Segura: “Nuk ishte dështim, nuk gabuam asgjë. Thjesht janë vendime që njerëzit i marrin. Ai nuk i kishte dhënë fjalën askujt”.

Sikur të mos mjaftonin lajmet e gazetave e portaleve, ka qenë vetë futbollisti ai që i “ka hedhur benzinë zjarrit” me një foto në rrjetin social “Instagram” ne përshkrimin e secilës thuhej: “Është e kotë të luftosh me Judat, pasi në fund ata varin veten”.

Vidal siç duket i ka thërritur mendjen disa minuta më vonë, por ishte tepër vonë, pasi lajmi kishte marrë dhenë. Momentalisht mendohet se ai postim ka qenë një mesazh i koduar për trajnerin Valverde, por ekziston dhe mundësia gjithçka të ketë lidhje me një polemikë që ka ndodhur në kombëtaren e Kilit disa muaj më parë, midis tij dhe portierit Klaudio Bravo.

Kjo bën që te Barcelona të shqetësohen për gjendjen e mesfushorit të tyre. Momentalisht Vidal po punon i diferencuar dhe nën vëzhgimin e stafit mjekësor, në mënyrë që të mos rrezikojë më shumë.

Vidal u grumbullua për ndeshjet miqësore që Kili zhvillon kundër Japonisë dhe Koresë së Jugut. Valverde pret rikthimin në Spanjë të mesfushorit dhe shpreson që gjithçka të jetë “OK” para ndeshjes me Real Sociedadin.

Në një intervistë për të përditshmen spanjolle “El Mundo Deportivo”, Vidal, foli për dështimet në Champions, që ai pësoi në tri tentativat që ai pati me Bajernin e Mynihut: “Kompeticioni im i preferuar është Champions-i. Dua që ta fitoj tani që jam pjesë e Barcelonës. Po të kishim pasur “VAR” në Champions-i Bajerni do ta kishte fituar dy herë”.

Komentet e Vidalit vijnë mbas lajmit se UEFA ka rënë dakord për përdorimin e teknologjisë “VAR” në gjysmëfinalet dhe finalen e Champions-it.

Nga transferimi i spanjollit, Barça do të arkëtojë 12 milionë euro. Krahu i djathtë i mbrojtjes së katalanasve gjatë sezonit të fundit ishte i blinduar nga bashkëkombësi i Vidal, Sergi Roberto, ndërsa statusi i rezervës, që e kishte mbajtur në dy sezonet e mëparshme iu mor nga blerja e verës së shkuar Nelson Semedo, çka dhe solli që Vidal të merrte vetëm 450 minuta në La Liga, dhe ato shumicën e rasteve si zëvendësues e jashtë pozicionit të tij natyral.

? [LATEST NEWS] Agreement with Sevilla for the transfer of Aleix Vidal. All details ? https://t.co/Um5ikwReTa

— FC Barcelona (@FCBarcelona) August 4, 2018

Lajmi për transferimin e kilianit te Barcelona po transmetohet nga të gjithë mediet spanjolle, të cilat citojnë se burimi i informacionit vjen drejtpërdrejt nga zyrat e klubit të Bajernit. Operacioni për të sjellë Vidalin i ka kushtuar kampionëve të Spanjës 30 milionë euro, ndërsa oferta maksimale e Interit ishte 22 milionë €, madje këto do të paguheshin në fund të sezonit të ardhshëm për t’iu shmangur dënime të UEFA-s për shkelje të rregullave të “Financial Fair-Play”.

Mesfushori 31-vjeçar shihet si zëvendësuesi ideal i brazilianit Paulinjo, i cili u largua gjatë kësaj merkatoje drejt kampionatit kinez pas një transferimi që pa të derdheshin në arkat e Barcelonës plot 50 milionë €.

Sipas Gazzetta dello Sport, Bajerni ka pranuar ofertën e Interit për huazim me të drejtë blerjeje, për një shifër totale që vërtitet tek 20 milionë eurot. Megjithatë, së pari Vidal duhet të shtyjë një vit kontratën, që i skadon në verën e vitit 2019 dhe Bajerni nuk dëshiron ta humbasë falas. Interi i ofron kontratë 3-vjeçare, me 4.5 milionë euro në vit, duke i dhënë premtimin që do ta blejë përfundimisht verën e ardhshme, një manovër për të mos shkelur rregulloren e Fair-Play financiar këtë verë.

TRAJNERI I KILIT – Në lidhje me të ardhmen e Vidalit ka folur edhe një person që e njeh mirë, trajneri i Kilit Reinaldo Rueda. Kolumbiani, duke folur për radion kiliane CDF, e ka bërë të kryer largimin e Vidalit nga Mynihu: “Unë e Arturo kemi biseduar gjatë, lamtumira e tij nga Bajerni është çështje orësh,  shumta ditësh. Besoj se është zgjidhja më e mirë për të gjithë dhe shpresoj që e ardhmja t’i rezervojë më të mirën e mundshme. Shpresoj që Arturo të nisë të luajë sa më shpejt, për të kapur ritmin e duhur. Do të jetë protagonist kudo që të shkojë, e dimë të gjithë”.

Edhe Murinjo është lodhur duke i shkuar nga pas dhe tashmë po hedh sytë nga një tjetër mesfushor, i cili madje është objektiv i Interit. Bëhet fjalë për lojtarin e Bajernit të Mynihut, Arturo Vidal. Klubi gjerman e ka nxjerrë në shitje mesfushorin dhe Junajtid mund ta bëjë të tijin për 30 milionë euro.

Kjo shumë kërkohet nga Bajerni për shitjen e lojtarit dhe ana financiare nuk është problem për gjigantët anglez, të cilët mund të kënaqin si klubin, ashtu edhe lojtarin me një pagë te majme.

Gjithashtu edhe klubi i Interit kërkon shërbimet e kilianit, i cili ka një pagë vjetore momentalisht prej 7 milionë euro. Por, zikaltrit mund ta joshin me një kontratë 4-vjeçare. Burime të shumta thonë që ka dhe një “po” nga ana e Vidal në adresë të klubit italian, por të shohim nëse do të arrihet një marrëveshje mes dy klubeve.

“Pata një bisedë të gjatë me Arturon para dy javësh. I thashë se nuk isha i kënaqur me gjendjen e tij fizike dhe se duhej të ndryshonte diçka nëse donte të luante. Pastaj e pashë se ai po jepte maksimumin dhe ju e patë vetë ndaj Augsburgut se si luajti”, – ka rrëfyer 72-vjeçari.

Edhe lojtarët e Bajernit mendojnë kështu. Robert Levandovski dhe Arjen Roben kanë folur me fjalë pozitive për shokun e skuadrës duke theksuar përmirësimin e tij në seancat stërvitore. Bravo, Jup!

Milani, sipas informacioneve që qarkullojnë nga Kili deri në shtypin gjerman, ka kontaktuar me përfaqësuesit e  Vidalit, duke i ofruar një pagë të jashtëzakonshme, deri dyfishin e pagës që merr te Bajerni. Pikrëisht këtu lind problemi: Vidal merr 7 milionë euro në Mynih dhe nuk ka shans që Milani t’i ofrojë 14 milionë, ndaj këto zëra duken thjesht presion i Vidalit ndaj Bajernit, për t’i rritur pagën. Edhe vetë Milani zyrtarisht ka përgënjeshtruar interesimin për ish-mesfushorin e Juventusit, ndaj të shohim në ditët e ardhshme a do të bëjë ofertë, apo do të rinisë sërish bisedimet për Sançes, që është një objektiv i arritshëm, sepse Milani është klubi i vetëm që është interesuar seriozisht për portugezin.

Por çfarë u tha realisht në ato momente? Vidal, duke folur për Bild, zbulon: “Ishte një ndeshje e fortë, pati momente gjaknxehtësie. Kishim diçka për të sqaruar. Nuk u takuam pas ndeshjes, por do të takohemi pas 20 ditësh në Mynih.

“Çfarë i thashë? I thashë vetëm që të fliste më pak e të luante më shumë. Megjithatë, nuk ka problem, mbetemi miq”.

Nga ana tjetër, Kimish e kalon me qetësi këtë histori: “Jo, nuk do të jetë një problem kur të takohemi në stërvitjen e parë të Bajernit. Nuk i thashë asgjë Vidalit, nuk e di çfarë ka thënë ai, por nuk më intereson. Janë gjëra që ndodhin dhe mbeten në fushë”.