Victor Juffo

VIDEO | Ish-futbollisti i Flamurtarit magjeps Indonezinë, shijoni golin e veçantë

Sport Ekspres — Sat, 09 Mar 2019 18:05:15 +0000

Në verën e 2017-ës, Shpëtim Duro, solli në Vlorë futbollistin brazilian Viktor Zhufo. Mesfushori me tipare sulmuese luajti 23 ndeshje në Kategorinë Superiore, por nuk ia doli të spikaste.

Para pak javësh, 26-vjeçari u transferua në Kategorinë e Dytë të Indonezisë te skuadra e Semen Padang. Së fundmi braziliani shënoi një gol tejet të veçantë në kompeticionin e Kupës. Driblim i zgjuar dhe një goditje e fuqishme nga më shumë se 30 metra, topi përfundon në trekëndësh pa i lënë asnjë shans portierit.

https://www.instagram.com/p/Bukb92snPfO/?utm_source=ig_web_copy_link

Prezantohet mjeshtri i krosimeve, “vlonjati” i radhës në Indonezi

Sport Ekspres — Fri, 18 Jan 2019 21:43:43 +0000

Indonezia është kthyer në një destinacioni të preferuar për “ish”-ët e Flamurtarit. Mbas mbrojtësit brazilian Maurisio Leal, i cili luan prej tre vitesh në kampionatin e vendit aziatik, në Indonezi ka firmosur dhe bashkëkombësi i tij Viktor Zhufo.

Mesfushori me tipare sulmuese, i cili largua nga Flamurtari drejt Vardarit në fund të sezonit të kaluar është prezantuar sot te skuadra Semen Padang, klub ky që militon në divizionin e dytë të Indonezisë.

Mbas katër vitesh në Europë, të kaluara më shumti në Maqedoni, 25-vjeçari zgjodhi të ndryshonte kontinent për të shkelur për herë të parë në Azi.

Zhufo: Kishte situata jo normale, ju tregoj pse ika

Sport Ekspres — Wed, 11 Jul 2018 15:19:43 +0000

Viktor Zhufo sezonin e ardhshëm do të luajë me Vardarin në Maqedoni. Sfidat me Shkëndijën do të jenë të veçanta për brazilianin, pasi me kuqezinjtë e Tetovës ka luajtur në të shkuarën. Vjet ai provoi një eksperiencë në Superiore me Flamurtarin, por në fund të sezonit u largua.

Në një intervistë të dhënë për “Globoesporto”, ai tregon pse iku nga vlonjatët: “Në Shqipëri kisha disa situata të vështira për t’u kuptuar. Ishin situata jo normale, besoj. Na janë akorduar më shumë se dhjetë penallti kundër ekipit tonë dhe disa prej ishin absurde. Të gjithë në fushë ishin të paralajmëruar para ndeshjeve se diçka e tillë do të ndodhte gjatë ndeshjes. Këto situata, për mua, ishin absurde dhe vendimtarë që unë të lija Flamurtarin”.

Kanë qenë sezone të mira ato me Shkëndijën. Mua m’u hapën dyert dhe emri im u bë i njohur në Maqedoni. Do të jetë e vështirë të luajë kundër tyre, pasi kam një lidhje të fortë me tifozët. Do jetë një eksperiencë e re të luaj me rivalët e tyre, por në futboll duhet të jesh profesionist, nuk ka rrugë tjetër.