Një prej njerëzve që vuajti më shumë nga tragjedia e ndodhur ishte Kasper Shmajkëll. Portieri 32-vjeçar ishte shumë i lidhur me presidentin tajlandez. Danezi mban mend çdo detaj të pasdites së 27 tetorit të këtij viti dhe ishte i pari që vrapoi për të dhënë ndihmën e tij.

Në një prononcim për “Sky Sport”, Shmajkëll i rikthehet mes emocioneve ngjarjes së ndodhur dhe tregon një episod të veçantë të ndodhur me Vichain, i cili i bëri një surprizë fantastike gjatë kohës që kishte thyer këmbën.

TRAGJEDIA – “Fatkeqësisht unë mbaj mend gjithçka, madje çdo detaj të vogël. Më kishte ardhur familja nga Danimarka dhe ju bëra atyre një shëtitje në fushë dhe rreth stadiumit, ndësa helikopteri po bëhej gati për fluturim. Në e përshëndetëm atë në fillim, në fund dhe e pamë të ngjitej lart. E kisha parë presidentin me qindra herë ta bënte këtë gjë, ishte një ritual i tij në fund të ndeshjeve. Vrapova menjëherë dhe dola jashtë stadiumit. Njerëzit në atë anë të stadiumit nuk e kishin parë çfarë kishte ndodhur, kështu që unë po vrapoja duke ulëritur që njerëzit të lajmëronin policinë. Një nga rojet e sigurisë më pa dhe u nis në vrap pas meje. Arritëm të afrohemi, roja e sigurisë u afrua përpara meje dhe u përpoq të hyjë dhe të bënte diçka. Por, flaka ishte e madhe dhe u vu re se askush nuk mund të bënte gjë. Ishte e tmerrshme të ishe aq i pashpresë...”

SURPRIZA – “Kur theva këmbën, më duhej të shkoja në Londër, ndërsa do të luanim ndeshjen kundër Mançester Sitit në sezonin tonë të parë që u rikthyem në Premier Ligë. Presidenti erdhi në spital, më mori me vete dhe fluturuam për në Leister me helikopterin e tij për të parë ndeshjen së bashku. Ai nuk ishte i detyruar ta bënte këtë gjë, por e bëri.”

Të gjithë besoj janë në dijeni të tragjedisë së ndodhur disa kohë më parë, ku presidenti i Leister, Vichai Srivaddhanaprabha, humbi jetën si pasojë e rrëzimit të helikopterit të tij. Së bashku me të humbën jetën dhe katër persona të tjerë që ishin në helikopter.

Pikërisht në sfidën e djeshme tifozët e Uotford bënë një gjest fantastik duke hapur një parullë gjigante, në nder të presidentit të ndjerë të Leisterit, ku shkruhej: “Faleminderit Vichai, që na lejuat të gjithëve të ëndërrojmë. Prehu në paqe.”

? ? Class from the #WatfordFC fans today…#LEIWAT pic.twitter.com/SR9UjWl8w5

— The Sportsman (@TheSportsman) December 1, 2018

Një mesazh mjaft i bukur, që falënderon presidentin Vichai, për arritjen e fitimit të Premier Ligë me një ekip të vogël si Leister. Kjo gjë bën që edhe ekipe të tjera të vogla, si Uotford mund të ëndërrojnë që një ditë të jenë dhe ata mbretër të Premier Ligë.

Xhejmi Vardi, sulmuesi kryesor i “dhelprave”, tregon që kjo ka qenë java më e vështirë e jetës së tij, por ai dhe shokët e tij e kanë ndarë mendjen. Do të zbresin në fushë për të nderuar presidentin e tyre dhe do të kërkojnë fitoren vetëm për të.

“Kemi biseduar të gjithë së bashku dhe kemi rënë dakord të luajmë kundër Kardifit. Kjo është ajo çfarë do të kishte dashur Vichai dhe ne do e bëjmë. E dimë se çfarë duhet të bëjmë dhe do zbresim në fushë për të nderuar emrin e tij dhe për të bërë një ndeshje të madhe për të gjetur fitoren. Do të jetë e vështirë dhe shumë emocionuese, por kemi folur për këtë gjë. Njerëzit thonë që rezultati nuk ka rëndësi, por për ne do të jetë thelbësor dhe do duam të marrim një rezultat pozitiv”, përfundon Xhejmi Vardi për “Sky Sport”.

Tranferta në Uells do të jetë shumë emocionale për skuadrën e Leisterit.  Sulmuesi Xhemi Vardi deklaroi se i gjithë ekipi është i motivuar në maksimum për të marrë një fitore për të respektuar kujtimin e presidentit të ndjerë.

“Viçai na thoshte përherë se rezultati nuk është i rëndësishëm, por ne si lojtarë i duam përherë tri pikët. Duhet të jemi të bashkuar. Nuk ishte vetëm një president për ne, e konsideronim si një pjesë të skuadrës. Na ka lënë shumë gjëra që do mbeten gjithmonë në kujtesën tonë”, përfundoi Vardi.

Mediet angleze kanë respektuar kërkesat e familjes për të mos nxjerrë pamje filmike të aksidentit, por materialet filmike të tragjedisë përhapur në internet me shpejtësinë e dritës. Në videon që ka bërë xhiron e botës, shihet momenti kur helikopteri i del nga kontrolli pilotit dhe bie në tokë par rrotullimeve të shumta në ajër. Ndërkohë, në video dallohet portieri danez i Leisterit, Kasper Shmajkëll i cili ka qenë dëshmitar okular i aksidentit.

https://www.youtube.com/watch?v=G0yU_W8kE6o&feature=youtu.be

Dega hetimore e aksidenteve ajrore ka filluar hetimet për të zbardhur shkaqet e këtij aksidenti tragjik.

Një sukses i paimagjinueshëm që i emocionoi të gjithë. Portieri danez ka shkruar një letër prekëse në rrjetet sociale, kushtuar presidentit dhe heroit të tij. 31-vjeçari nuk e beson dot ngjarjen e ndodhur, ndërsa dhimbja është akoma e madhe dhe e gjallë. Vlerësim, dashuri dhe krenari për Srivaddhanaprabha, i cili investoi te klubi i “dhelprave”, dhe realizoi ëndrrat e gardianit të portës.

Letra e plotë e Shmajkëll

Presidenti im i dashur

Nuk e besoj dot këtë që ndodhi. Jam totalisht i shkatërruar dhe zemërthyer. Thjeshtë nuk e besoj dot atë që ndodhi mbrëmjen e kaluar. Nuk më duket reale. Është e vështirë ta shprehësh me fjalë rëndësinë që kishe për ekipin e futbollit dhe qytetin e Leisterit. Të gjithë i dimë investimet që keni bërë në ekipin e futbollit bashkë me familjen tuaj. Por, ka dhe diçka më tepër. Ti u kujdese aq shumë jo vetëm për klubin, por dhe gjithë komunitetin. Kontributi yt i pafund për spitalet e Leisterit dhe bamirësitë e bëra nuk do të harrohen kurrë. Ti shkove mbi dhe përtej gjithçkaje në çdo aspekt. Kurrë nuk kam takuar një person si ti. Punëtor i madh, i dedikuar, pasionant, i këndshëm dhe ekstremisht bujar. Ti e gjeje kohën për çdokënd dhe largimi yt preku çdokënd. Nuk kishte rëndësi kush ishte, ti e gjeje kohën për të gjithë. Të kam admiruar gjithmonë si lider, si baba dhe si burrë. Ti e ndryshove futbollin. Përgjithmonë! I dhe shpresë gjithkujt që e pamundura është e mundur, jo vetëm fansave tonë, por të gjithë fansave të çdo sporti nëpër botë. Pak njerëz e kanë bërë këtë gjë. Kur nënshkruam bashkë në vitin 2011, më the se do të luanim në Champions Ligë brenda gjashtë vitesh dhe do të arrinim suksese të mëdha. Më frymëzove dhe unë të besova. Më bërë të ndihem sikur asgjë nuk është e pamundur. Pa ty dhe familjen tënde, e gjitha kjo, çdo gjë që bëmë dhe arritëm bashkë nuk do të ndodhte kurrë. Më bërë të përjetoj eksperienca, që ndodhin vetëm në fantazi. Më pak fjalë, mi bërë ëndrrat realitet.

60-vjeçari tajlandez është presidenti i klubit të Premier ligës që nga gushti i vitit 2010, ndërsa në sezonin 2015-2016, ekipi i drejtuar nga Klaudio Ranieri mahniti botën e futbollit, duke fituar kampionatin anglez dhe dhuruar tifozëve të ndryshëm nëpër botë emocione të paharrueshme.

Siç raportohet nga “Reuters”, në bordin e helikopterit kanë qenë 5 persona, presidenti i Leisterit, vajza e tij, dy pilotët dhe një person i pestë, identiteti i të cilit nuk bëhet i ditur. Helikopteri është përplasur rreth orës 20:30 të së shtunës, jashtë stadiumit “King Power”, ndërsa nuk ka të dhëna për të mbijetuar.

Ndeshja e sotme midis ekipeve të femrave të Leisterit dhe Mançester Junajtid është shtyre siç citon “The Guardian”, ndërsa nuk dihet akoma se çfarë do të bëhet me ndeshjen e “Carabaoo Cup”, midis Leisterit dhe Southemptonit.

“Në respekt të ngjarjeve të fundit në stadiumin “King Power”, ndeshja jonë kundër ekipit të femrave të Mançester Junajtid është shtyrë”, shkruan komunikata e klubit të “dhelprave”.

Ndihmësi i shefit të zjarrfikëseve të Leistershire, Endrju Brodi, tregon që aksidenti ishte “qartësisht serioz dhe tragjik”. Në një postim në “Twitter”, gjatë orëve të para të mëngjesit të sotëm, ai shkruan: “Duke lënë selinë qendrore të policisë pas një takimi strategjike të agjencive të ndryshme për incidentit e ndodhur të helikopterit. Qartësisht serioz dhe tragjik, ju lutem mos spekuloni për shkakun, ose njerëzit e përfshirë. Mendoni për familjet, miqtë dhe tifozët e tyre.”

Helikopteri u rrëzua në tokë, duke u ulur pranë parkut E, që përdoret nga stafi i klubit. Djali i presidentit dhe zëvendëspresidenti Aiyawatt nuk morën pjesë në këtë ndeshje, kështu që ata nuk kanë qenë në helikopter.

Një burime i klubit të Leisterit tha se “po ndihmojmë policinë dhe shërbimet emergjente në trajtimin e incidentit të madh të ndodhur në stadiumin ‘King Power’. Klubi do të lëshojë një deklaratë më të detajuar, pasi të kemi marrë informacione të mëtejshme.”

Nga ana tjetër, një zëdhënës i King Power, kompanisë së Srivaddhanaprabha në Tajlandë nuk pranoi të komentonte ngjarjen e ndodhur. Gjatë mëngjesit të ditës së sotme, tifozë të Leisterit kanë vendosur lule afër stadiumit të tyre, duke u lutur për kreun e klubit dhe personat e tjerë, të cilët ishin me të në bordin e helikopterit.