vicente del bosque

Nejmar apo Mbape? Përgjigja e Del Boske të lë pa fjalë

Sport Ekspres — Thu, 23 May 2019 18:52:15 +0000

Reali i Madridit këtë merkato pritet të pësojë një revolucion. Dështimi i këtij sezoni e ka futur në aksion Florentino Perezin për të sjellë yje të rinj në “Santiago Bernabeu”. Emrat e Nejmar, Hazard dhe Mabape janë kryefjala e tifozëve të “Los Blancos” në këto ditë. Visente Del Boske, një nga trajnerët dhe lojtarët historikë të Realit të Madrdidit dhe kombëtares spanjolle ka folur për merkaton madrilene të kësaj vere.

Një pyetje ngacmuese e një gazetari ishte se cilin mes Mbape dhe Nejmar do të donte në Madrid. 68-vjeçari ka zgjedhur Mbape dhe ka lëshuar një deklaratë të fortë për Nejmar. “Do të zgjidhja Mbape. Nejmar? Fëmijët po simulojnë duke u hedhur vetë në tokë falë tij”, u shpreh legjenda spanjolle.
Del Boske është një nga figurat më të larta të futbollit spanjoll dhe botëror. Ai ka arritur të fitojë një Botëror dhe një Kampionat Evropian me Spanjën dhe ka ngritur Championsin me Realin e Madridit. Në karrierën e tij në stol ka drejtuar edhe gjigantët turq të Beshiktashit.

“Nejmar apo Mbape? Shumë fëmijë e kanë hedhur të ardhmen në kosh falë tij…”

Sport Ekspres — Thu, 23 May 2019 14:41:21 +0000

Visente Del Boske njihet si një ndër figurat më të rëndësishme të futbollit në Spanjë, por sidomos te Reali i Madridit. Pikërisht për këtë të fundit, ish-trajneri i Kombëtares spanjolle ka folur, duke analizuar merkaton.

Përveç kësaj, Del Boske u pyet edhe për dyshen Nejmar-Mbape dhe kë do të zgjidhte mes tyre për ta parë në “Santiago Bernabeu”. Të dy yjet kanë qenë të lidhur me zëra për një kalim në Madrid, ndërsa Del Boske ka dhënë një përgjigje të sinqertë e të hapur, që ndoshta nuk do t’i pëlqejë aspak Nejmar.

“Për Realin e Madridit, mes Nejmar apo Mbapes, do të zgjidhja të blija Mbapen. Shumë fëmijë e kanë hedhur të ardhmen e tyre në kosh falë Nejmar…”

Ish-madrileni “tradhton” Ronaldon: Mesi, më i miri!

Sport Ekspres — Wed, 27 Feb 2019 18:58:57 +0000

Visente Del Boske njihet për periudhën e tij të artë në stolin e kombëtares së Spanjës, ku fitoi Botërorin e vitit 2010 dhe Europianin e dy viteve më pas. Prej kohësh, ose më saktë, që nga viti 2016, kur la Spanjën, 68-vjeçari nuk ka marrë asnjë ekip tjetër.

Së fundmi, Del Boske ka folur për mediat, në kuadër të “El Clasicos”, që do të zhvillohet sot, si dhe ka diskutuar mbi duelin e përjetshëm mes Kristiano Ronaldos dhe Lionel Mesit. Sipas spanjollit, Mesi është më mirë se Ronaldo, pasi është lojtar më shumë natyral, duke habitur disi me përgjigjen e tij.

“Jam më shumë për Mesin. E shoh si lojtar më shumë natyral. Kristiano ka guxim të jashtëzakonshëm dhe kualitet e tij fizike dhe teknike janë fantastike, por vijoj të mbaj anën e Mesit. Barcelona më duket më lart se Reali për momentin. Pavarësisht se Ronaldo nuk është më pjesë e tyre, kanë kampionë të tjerë si Bejl dhe Benzema. Janë në lojë për të gjitha trofetë dhe kam besim.”