Vettel

S’ka më shpresë për Ferrarin, FIA mban krahun e Hemilton

Sport Ekspres — Fri, 21 Jun 2019 18:09:20 +0000

Federata Ndërkombëtare e Automobilëve (FIA) i ka kthyer përgjigje negative skuderisë Ferrari në lidhje me ankimimin e këtyre të fundit për penalizimin me 5 sekondat të pilotit Sebastien Fettel në pistën e kanadasë.

Ylli gjermani i Formula Uno kreu një manovër të rrezikshme gjatë hyrjes në pistë duke rrezikuar përplasjen me rivalin Luis Hemilton. Komisarët e garës vepruan menjëherë duke zbatuar me rigorozitet rregulloren.

Fettel e kaloi i pari vijën e finishit, por penalizmi i dha fitoren Hemilton, çka e bëri akoma dhe më të dhimbshëm dënimin. Provat e dërguara nga Ferrari drejt “FIA”-s, nuk qenë të mjaftueshme për të zhvleftësuar dënimin e dhënë nga zyrtarët e pistës kanadeze.

VIDEO | Polemika në Formula Uno, Hamilton fiton pas penalizimit të Vettel

Sport Ekspres — Sun, 09 Jun 2019 19:49:43 +0000

Sebastien Vettel dhe Ferrari s’mundën të festonin vendin e parë në pistën kanadeze. Gjermani kaloi i pari vijën e finishit, por një penalizim me pesë sekonda nga komisarët e garës i dha Hamilton të vendit të dytë vendin e parë.

Shkak për këtë dënim u bë një dalje nga pista e Vettel, manovër kjo që për pak sa nuk shkaktoi një përplasje midis tij dhe Hamilton. Në përfundim të garës piloti gjerman u pa tejet i acaruar mbi këtë vendim.

Vendi i tretë në podium u mor nga piloti tjetër i Ferrarit, Leclerc. Në përfundim të garës piloti anglez Hamilton u shpreh se nuk ishte kjo fitorja që ai dëshironte. Në krahun tjetër Vettel shfaqi pakënaqësinë e tij duke ndryshuar numrat në vendet ku pilotët e renditur në podium parkojnë makinat.

Formula 1: Mercedes pa rivalë, Hamilton merr stafetën

Sport Ekspres — Sun, 12 May 2019 17:09:44 +0000

Edhe në Spanjë histori e njëjtë: Mercedes triumfon sërish me 2 pilotët e saj, 5 dopieta në po aq gara të Botërorit të Formulës 1, por këtë radhë fitues ka qenë Ljuis Hamilton, ndërsa Ferrari nuk kap as podiumin.

Kampioni britanik e nisi në mënyrë perfekte në Barcelonë, me një start agresiv, pa mëshirë, për të kaluar shokun-rival të skuadrës Valteri Botas.

A first @DHL_Motorsports Fastest Lap Award of the season for @LewisHamilton ??

And a valuable bonus point for him in the title race ?#F1 #SpanishGP ?? pic.twitter.com/ojtyIRoIBL

— Formula 1 (@F1) May 12, 2019

E nisi mirë edhe Sebastian Fetel, por jo aq sa për të ngjitur disa vende në renditje, ndërsa më vonë gjermani e uli ritmin dhe u kalua nga Verstapen me Red Bull.

Në një moment Leklerk përfiton nga një urdhër skuadre për të parakaluar Fetel, por gjermani e mori më vonë vendin e katërt.

Në tërësi një shëtitje e gjatë dhe e lodhshme për Mercedes, me Hamilton që tashmë ka rinisur sulmin drejt titullit.

Confirmation of another 1-2 for @MercedesAMGF1

That's five in a row, tying the all-time record for consecutive 1-2 finishes ?#F1 #SpanishGP ?? pic.twitter.com/ceP72v8LlR

— Formula 1 (@F1) May 12, 2019

Bottas i pakapshëm në prova, Hamilton dhe Vettel në ndjekje

Sport Ekspres — Sat, 11 May 2019 15:21:26 +0000

Valtteri Bottas ishte i pandalshëm në provat zyrtare në Spanjë. Piloti finlandez regjistroi kohën më të shpejtë në të tre provat e ditës së sotme, duke siguruar “pole position” për garën e ditës së nesërme.

Bottas la në vend të dytë kolegun e tij Lewis Hamilton, duke e lënë pas anglez me një diferencë prej 0.634 sekondash.

Vendi i tretë i takoi Sebastian Vettel, i cili la pas vetes më një diferencë shumë të vogël Max Verstappen dhe Charles Leclerc.

Dominim gjerman, Botas më i shpejti edhe në Azerbajxhan

Sport Ekspres — Sat, 27 Apr 2019 15:09:06 +0000

Më në fund pas mbi dy orësh është vendosur linja e nisjes së garës së nesërme të Formula 1 në Baku të Azerbajxhanit. Mercedesi vazhdon që ditë pas dite të na bindë se edhe këtë vit të vendosë hegjemoninë e saj.

Të dyja vendet e para janë “zaptuar” nga dy pilotët e “shigjetave të argjendta”. Ka qenë Valteri Botas që ka surprizuar shokun e tij, Hemilton. Anglezi u rendit i dyti me vetëm 59 të mijtat e sekondës më shumë se finlandezi. Sebastian Fetel arriti të zërë vendin e tretë, ndërkohë që ferraristi tjetër, Leklerk u aksidentua në sesionin e dytë. Monegaskku do të niset i nënti. Verstapen me Red Bull u rendit i katërti.

Provat zyrtare janë pezulluar dy herë pas dy aksidenteve të njëpasnjëshme në të njëjtën kthesë të Kubica dhe Leklerk. Çmimi i Madh i Bakusë zhvillohet në rrugë qyteti dhe është një pistë mjaft e vështirë. Edhe pse zhvillohet në mjedis urban nesër pritet të ketë shumë parakalime edhe për shkak të pjesës së drejtë që është 2.2 kilometra dhe të ofron mundësi shumë të mirë parakalimi.

Testet në Barcelonë: Dominon Ferrari, Mercedes “enigmatik”

Sport Ekspres — Tue, 26 Feb 2019 12:25:16 +0000

Jemi në javën e dytë të testeve në Barcelonë, ku skuderitë e Formula 1 po bëjnë testet e fundit para nisjes së sezonit më 17 mars në Australi. Kanë zbritur të gjitha makinat në pistë, ku Ferrari me të dy pilotët e saj ka realizuar numrin më të madh të xhirove.

Rivalët kryesorë të kokëkuqes, Mercedes, nuk janë paraqitur në nivelin e pritur. Kjo edhe për faktin se ata janë treguar të fshehtë rreth të dhënave të makinës. “Shigjetat e argjendta” pritet të tregojnë potencialin e tyre të vërtetë më vonë, me qëllim për të qenë sa më të befasishëm.

Diçka e veçantë që është vënë re deri tani, është se skuadrat nuk i kanë vënë rëndësi xhirove të shpejta, por rezistencës së motorrit. Ferrari ka përformuar më mirë deri tani.

Edhe këtë sezon protagonistët pritet të jenë të njëjtit, me Mercedesin dhe Ferrarin që i japin tonin kampionatit. Vetel dhe Hamilton do synojnë edhe këtë vit ta bëjnë të tyrin titullin, pa harruar edhe të riun Leklerk, i cili do përpiqet të tregojë gjithë potencialin e tij.

Hamilton në “Pole Position”, sa shumë gabime te Ferrari

Sport Ekspres — Sat, 06 Oct 2018 09:00:49 +0000

Luis Hamilton ka siguruar vendin e parë në prova zyrtarë në pistën e Suzukës në Japoni. Piloti anglez regjistroi kohën më të shpejtë në xhiron e fundi, ku ndali kronometrin në 1 minuta 27 sekonda 760 të qindtat. Në vend të dytë dhe të tretë u renditën Botas dhe Vershtapen.

Ndërkohë, te Ferrari kanë kaluar disa orë ferri. Sebastian Fetel nuk ka shkuar më shumë se vendi i nëntë. Gjithçka ndodhi pas një gabimi logjistik nga ana e skuadrës, që vendosi ta pajiste makinën e gjermanit fillimisht me goma të forta, pasi i druheshin reshjeve të shiut. Piloti tentoi të ndërronte gomat për një xhiro të fundit, por nuk ia doli të futej në pistë brenda limit të kohës.

Me vetëm pesë ndeshje të mbetura (125 në total), Hamilton shkon mëse i qetë drejt titullit të pestë kampion të “Formula 1”.

JUMP ONBOARD: @LewisHamilton's pole lap is here

Watch as man and machine turn 18 corners into mechanical poetry, following the timeless curves of this mythic racing circuit ?#JapaneseGP ?? #F1 pic.twitter.com/2VNgdkHKdH

— Formula 1 (@F1) October 6, 2018

Triumf pa turp, Hamilton i pari me urdhër

Sport Ekspres — Sun, 30 Sep 2018 13:01:25 +0000

Ljuis Hamilon me Mercedesin e tij ka triumfuar në Çmimin e Madh të Soçit në Rusi, duke arritur fitoren e 70-të në karrierë dhe duke qenë tashmë i sigurt për titullin kampion për pilotë në Formula 1.

Mund të quhet fitorja me më pak nder për Hamilton, sepse britaniku kaloi shokun e skuadrës Botas vetëm për shkak të një urdhri të dhënë nga skuadra nëpërmjet radios. Në mesin e garës Botas ishte i dyti dhe hapi krahun për të lejuar Hamiltonin ta parakalonte, ndërsa më pas kryesuesi i Botërorit kaloi edhe Verstapen, i cili u fut në bokse për pit-stop.

RACE REPORT: @LewisHamilton takes victory in Sochi as teammate Bottas moves aside >> https://t.co/0UKqxl9uxc #RussianGP ?? #F1 pic.twitter.com/GPM01tyNbM

— Formula 1 (@F1) September 30, 2018

Në fund dy pilotët Mercedes e mbyllën në dy vendet e para, ndjekur nga Fetel dhe Raikonen. Për Ferrarin Botërori praktikisht ka marrë fund, pasi tashmë Fetel është 50 pikë pas Hamilton në renditje. Për Mercedes është hera e 43-të në histori që bën dopietë në një garë, e treta herë këtë vit dhe e shtata për dyshen Hamilton-Botas.

Hamilton është i dyti më i mirë në histori, me 130 ngjitje në podium, ndërsa më i madhi është Mikael Shumaker, me 155 podiume.

Soçi, “pole” është pronë e Mercedes

Sport Ekspres — Sat, 29 Sep 2018 21:14:12 +0000

Asnjë surprizë, asnjë rivalitet, Mercedesi është tepër i fortë për Ferrarin dhe rivalët e tjerë. Provat zyrtare të Çmimit të madh të Soçit në Rusi, që do të zhvillohet të dielën prej orës 13.10, kanë konfirmuar epërsinë e dyshes Bottas-Hamilton.

Bottas ka vendosur rekord të ri piste, 1:31.387, që i ka vlejtur nisjen nga pole-position, ndërsa pas tij kryesuesi i Botërorit, Ljuis Hamilton.

Në rreshtin e dytë Ferrari, me Vettel e Raikkonen, të cilët do të tentojnë t’i shqetësojnë.

Ndërkaq, makinat Red Bull të Verstapen dhe Rikardo do të nisen nga vendet e fundit, për penalizim.

Formula 1: Hamilton lundron i qetë, Fetel “luftë” për vendin e dytë

Sport Ekspres — Sun, 29 Jul 2018 15:03:29 +0000

Ljuis Hamilton ka fituar edhe Çmimin e Madh të Hungarisë, gara e 12-të e Botërorit në Formula 1.

Anglezi i Mercedesit u nis nga vendi i parë, pa bere asnjë gabim, ndërsa e lëshoi kreun vetëm kur bëri pit-stop, me Sebastian Fetel që tentoi në të gjitha mënyrat të përfitonte.

Gjermani i Ferrarit e mbylli në vendin e dytë, pas një beteje të egër në fund, me Valteri Botas. Në xhirot e fundit Fetel e parakaloi dhe dy pilotët u prekën, duke bërë që të nisë hetim nga zyrtarët e garës.

Edhe Raikonen përfitoi, duke marrë vendin e tretë, ndërkohë që pati prekje edhe mes Rikardos e Botasit, tjetër episod nën hetim.

Në renditjen e pilotëve Hamilton kryeson me 24 pikë më shumë se Fetel, ndaj titulli duket gjithnjë e më shumë pronë e britanikut.

Mjafton pak shi, Mercedesi “mbyt” Ferrarin

Sport Ekspres — Sat, 28 Jul 2018 15:39:47 +0000

Ljuis Hamilton do ta nisë nga vendi i parë garën e nesërme në Hungaroring, pasi ka qenë perfekt në provat e lira sot, duke fituar Pole-position.

Në fakt, ishte Ferrari favorit, për shkak se makinat e kuqe janë shumë të shpejta në pistë të thatë, por në të vërtetë ndodhi e kundërta, sepse ra shi, ashtu si një javë më parë në Hokenhajm, ku makinat Ferrari u bënë çorap.

Mercedes përfitoi dhe Hamilton bëri “kërdinë”, duke marrë pole position në Hungari, ndërsa pas tij u rendit shoku i skuadrës, Valteri Botas. Gjithcka e thjeshtë, tashmë edhe gara e nesërme duket se ka pronar, sepse në Hungaroring është tepër e vështirë të ndodhin parakalime.

Kimi Raikonen e Sebastian Fetel do nisen nga vendet 3-4 dhe shpresa e vetme është që të mos bjerë shi dhe të nisen fuqishëm në start.

Q3 CLASSIFICATION

A Qualifying session for the ages in Budapest, with Hamilton splashing his way to pole, earning a 60th front row lockout for @MercedesAMGF1 ?#HungarianGP ?? #F1 pic.twitter.com/2Xi6Eb9sG3

— Formula 1 (@F1) July 28, 2018

Hungaria ringjall Ferrarin, Fetel kthehet perfekt

Sport Ekspres — Sun, 30 Jul 2017 14:39:10 +0000

Në pistën e preferuar, atë të Hungarisë, Fderrari është kthyer fuqishëm. Sebastian Fetel ka garuar në në ditët e tij të arta dhe ka fituar Çmimin e Madh hungarez dhe duke shkuar i qetë me pushime.

Triumf total, duke nisur që nga “pole-position” i së shtunës, ndërsa sot pas Fetelit u rendit ferraristi tjetër Kimi Raikonen.

Hungaroring është terren i vështirë për Mercedesin, me Botas e Hamilton që e mbyllën në vendet 3-4, pa kërcënuar asnjëherë dy kryesuesit.

Triumfi në garën e 50-të me Ferrarin për Fetel, që shkon 14 pikë mbi Ljuis Hamiltonin ndjekës në renditjen e Botërorit, ndërsa Botas është i treti me 169 pikë. Raikonen i pesti, por shumë pranë Rikardos, i cili doli nga gara që në nisje sot, i goditur nga Verstapen.

HUNGARORING

RENDITJA E PËRGJITHSHME PËR PILOTË

Hamilton nuk gabon në Angli, niset i pari

Sport Ekspres — Sat, 15 Jul 2017 21:29:16 +0000

U zhvilluan dje provat zyrtare të Çmimit të Madh të Britanisë së Madhe dhe ka dominuar totalisht Ljuis Hamilton, i cili ka regjistruar pole-position numër 6 në këtë sezon dhe të 67-tin në karrierë (një më pak se rekordmbajtësi Mikael Shumaher). Britaniku i Mercedes-it ishte perfekt në pistën e vet, që e njeh mirë, duke mos qenë asnjëherë në vështirësi nga ndjekësit.

Në fakt, gjatë kualifikueseve Hamilton përdundoi nën hetim për një pengim që i bëri Romen Groszhonit, por nuk u dha asnjë dënim për të. Hamilton ka lënë pas Kimi Raikonen me Ferrari, i cili në xhiron e fundit befasoi, duke kaluar shokun e skuadrës Sebastian Fetel. Ky i fundit mbeti i bllokuar në trafikun e dendur dhe nuk arriti të bënte xhiron e shpejtë finale.

Në krah të Fetelit do të jetë Maks Verstapen, ndërsa ka mbetur pas Valteri Botas, i cili regjistroi kohën e katërt më të mirë, por do të niset nga vendi i nëntë, pasi është penalizuar me 5 pozicione. Edhe pse rezultati i vendosur nga Hamilton është në investigim, në Silverstone, Leëis u konfirmua si njeriu i provave zyrtare. 3-herë kampioni i Botës regjistroi pole-position e tij të 67-të në karrierë dhe tashmë është vetëm një pole-position larg rekordit absolut që mbahet nga Michael Schumacher.

SILVERSTON, RADHA E NISJES

Hamilton (Mercedes)
Raikonen (Ferrari)
Fetel (Ferrari)
Maks Verstapen (Red Bull Racing)
Niko Hulkenberg (Renault)
Sergio Perez (Force India)
Esteban Okon (Force India)
Valteri Botas (Mercedes)
Romen Groszhon (Haas)

RENDITJA E PËRGJITHSHME/ PILOTË

Sebastian Fetel – Ferrari – 171 pikë
Ljuis Hamilton – Mercedes – 151
Valteri Botas – Mercedes – 136
Daniel Riçiardo – Red Bull – 107
Kimi Raikkonen – Ferrari – 83

Mercedesi është perfekt, por Fetel shkëputet sërish në krye

Sport Ekspres — Sun, 09 Jul 2017 13:51:10 +0000

Mercedesi bën ligjin edhe në Çmimin e Madh të Austrisë, duke triumfuar për të katërtën garë rresht.

Formula 1/ Hamilton kthehet fuqishëm në Montreal

Sport Ekspres — Mon, 12 Jun 2017 14:25:31 +0000

Ljuis Hamilton, piloti britanik i Mercedesit, dominon Çmimin e Madh të Kanadasë dhe i afrohet kryesuesit të renditjes së përgjithshme të Kampionatit Botëror, Vetel, që e ka mbyllur qenë i katërti. Anglezi, që merr suksesin e tij të gjashtë në Montreal, lë nga pas shokun e skuadrës së tij Botas dhe Riçiardon.

Tanimë Vetel 141 pikë dhe Hamilton 129 pikë. Në nisje, Ferrari ka humbur dy pozicione, ndërsa Vetel është parakaluar nga Botas dhe Verstapen. Holandez është në nokaut pas xhiros së njëmbëdhjetë dhe ndërpret garën.

Më pas Seb është ndalur në xhiron e gjatë për të ndryshuar mbulesën e makinës, ndërsa Çmimi i Madh i Kanadasë është i kompromentuar për Ferrarin, e cila duhet të sqarojë nëse makina e gjermanit ka qenë i dëmtuar, apo jo.

Përpara Hamilton e bën garën i vetëm. Vetel rikuperon pozicionet e humbura dhe e përfundon në vendin e katërt. Raikonen është i shtati. Një paraqitje shumë e mirë e pilotëve të Forca India, ndërsa Perez është i pesti dhe Oçon i gjashti.