Verner

Eliminimi nga Champions-i, Bajerni nis revolucionin për sezonin e ardhshëm

Sport Ekspres — Mon, 18 Mar 2019 18:04:34 +0000

Bajerni i Mynihut nuk është më skuadra që të gjithë e kishin frikë në Europë dhe sezonet për t’u harruar në Ligën e Kampionëve e tregojnë këtë gjë. Si pasojë, drejtuesit bavarezë kanë nisur punën për të përforcuar skuadrën për sezonet pasaardhëse.

Emrat më të përfolur janë në sulm, me dyshen Verner-Haiverc në kry të listës. Vernerit i mbaron kontrata në fundin e sezonit të ardhshëm dhe nuk ka ndërmend të rinovojë, ç’ka ka bërë që Lajpcigu ta nxjerrë në shitje. Bajerni ka muaj që interesohet për Verner, por tani kanë nisur dhe bisedimet e avancuara.

Edhe për Haiverc, interesimi është i madh. Talenti i Leverkuzenit po bën një sezon të shkëlqyer, por Bajerni është në mëdyshje deri diku për shkak të moshës së tij të re dhe mungesës së eksperiencës. Megjithatë, nëse nuk arrihet te shërbimet e Verner, Haiverc me shumë gjasa do të veshë fanellën e Bajernit sezonin e ardhshëm.

Kovaç: Ja situata me Havertz dhe Verner, Levandovski na kushtëzon

Sport Ekspres — Wed, 20 Feb 2019 14:12:06 +0000

Me largimin e Timo Verner drejt kampionatit kinez, Bajerni i Mynihut ka ngelur pa një sulmues të dytë. Mediet gjermane kanë përfolur shpesh se “gjiganti” bavarez është i interesuar për lojtarin e Lajpcigut Timo Verner, ndërkohë edhe mesfushori Kai Havertc është përfolur shumë. Situata e të dy lojtarëve ka marrë një përgjigje nga trajneri i Bajernit Niko Kovaç.

HAVERTZ DHE VERNER – “Të dy ata janë lojtarë shumë të mirë, por jo të gjithë lojtarët e atij niveli mund të luajnë për Bajernin e Mynihut, pasi do të krijonim një konkurrencë shumë të egër në ekip. Në këtë lloj situatash i jepet rëndësi balancës së grupit”.

SULMUESI I DYTË – “Ne gjithmonë mendojmë se ku mund të përmirësohemi. Bajerni i ka mundësitë për të blerë lojtarë të një niveli të lartë që kushtojnë 50 ose 60 milionë euro, por më pas do të jetë shumë e vështirë t’i ulim stol ata. Për sulmin na duhet të gjejmë një sulmues që ta kuptojë rolin e tij”, tha trajneri i Bajernit.

Verner-Real, presidenti i Lajpcigut kërkon kohë

Sport Ekspres — Fri, 15 Sep 2017 10:45:47 +0000

A do të shitet Timo Verner te Real Madridi? Pronari i klubit të tij, RB Lajpcig, Oliver Minclaf, mendon që kjo nuk ka shans të ndodhë. Të paktën, jo për disa vite.

“Verner ka një kontratë deri në vitin 2020 me ne dhe ndihet sikur peshku në ujë. Nuk ka një klauzolë në kontratën e tij me skuadrën tonë. Luajmë në Champions League dhe po i ofrojmë gjithçka këtu. Gjithçka do ta analizojmë me qetësi për të ardhmen e tij. Nëse luajmë në kompeticionet evropiane në vitet e ardhshme, unë do të bëja një platformë të përshtatshme për të për ta zhvilluar si lojtar profesionist”, – është shprehur ai.