Veretout

Duel pa fund, Roma mposht Milanin për mesfushorin francez!

Sport Ekspres — Tue, 16 Jul 2019 20:13:17 +0000

Mesfushori i Fiorentinës, Zhordan Veretu, më në fund ka zgjedhur, pasi për javë të tëra së bashku me përfaqësuesit e tij është menduar, është takuar me Milanin e Romën dhe herë është afruar me njërën palë e herë me tjetrën.

Tani mesfushori francez e ka bërë zgjedhjen e vet, sepse i ka thënë “po” Romës.

Vendimtare oferta verdhekuqe: 17 milionë euro plus 2 milionë bonuse për Fiorentinën, pagë 2.5 milionë euro në sezon për mesfushorin që spikati sezonin e fundit, pagë që mund të shkojë deri në 3 milionë euro me bonuse.

Milani ofronte më pak, si për Fiorentinën, ashtu edhe për lojtarin, por mbi të gjitha kërkonte të përfshinte Bilian në marrëveshje.

Tani Milani do të mjaftohet me algjerianin Benaser në mesfushë dhe do të mbajë në ekip mesfushorin tjetër Kesie, i cili ka shumë oferta.

Milani dhe Roma “trokasin” në Firence, kërkohet mesfushori francez

Sport Ekspres — Wed, 12 Jun 2019 14:55:26 +0000

Mesfushori i Fiorentinës, Zhordan Veretut, është kthyer në një objektiv merkatoje për Romën dhe Milanit. Futbollisti francez ka zhvilluar dy sezone të shkëlqyera me skuadrën vjollcë, çka ka sjellë dhe interesin e Didier Deshamp, i cili i ka premtuar se nësë vazhdon kështu, Veretut do të ketë shansin e tij me kampionët e botës.

Sipas “Gazzeta Dello Sport”, Roma dhe Milan janë dy klubet e interesuara për 26-vjeçarin në Serie A. Lojtari e ka bërë të qartë që kërkon të bëjë hapin e radhës në karrierë, por gjithçka do të varët nga presidenti i ri i Fiorentinës, Roko Komiso.

Veretut ka një raport shumë të mirë me golin. Mesfushori ka shënuar 13 gola në dy sezonet e tij në Serie A, ndërsa një e metë e tij janë kartonët e shumtë, plot 23 të verdhë dhe dy të kuq (direkt) në dy vitet e fundit.

Risi te kombëtarja franceze, Deshamp gjen mesfushor te Fiorentina

Sport Ekspres — Thu, 01 Nov 2018 09:24:44 +0000

Ndeshjet e kombëtareve po afrojnë dhe trajnerët e përfaqësueseve europiane janë duke përgatitur ftesat për lojtarë të ndryshëm në të gjithë kontinentin. Trajneri i Francës, Didier Deshamp, njihet si një teknik që nuk i ka qejf shuëm ndryshimet. Ish-lojtari i Marsejës dhe Juventusit është shumë besnik ndaj lojtarëve të tij, por kësaj radhe duket se francezi do të ndryshojë strategji.

Në grumbullimin e Francës për muajin nëntor, Deshamp pritet të ftojë shumë emra të rinj. Një ndër emrat që është zbuluar nga mediet franceze është ai i mesfushorit të Fiorentinës Zhordan Veretut. Futbollisti ka shkëlqyer me skuadrën e “viola”, ku sezonin e kaluar shënoi tetë gola në 36 takime.

Një tjetër emër që pritet t’i bashkohet sërish kombëtares franceze është Antoni Marsial. Sulmuesi i Mançester Junajtid po kalon një moment mjaft të mirë në Angli, ndërsa një tjetër emër që përflitet është ai talentit të Lionit, Husem Auar, për të cilin është e interesuar dhe kombëtarja algjeriane.