“Jemi të kënaqur, sepse dëshironim kualifikimin dhe e arritëm. Ishte shumë e vështirë, sa për motin, ashtu edhe për Teutën që luajti shumë mirë. Të lumtur, edhe pse humbëm, duke parë si shkoi kjo ndeshje, që në fakt e prisnim të vuajtur”.

“Gjithçka shkoi sipas planit, edhe spe për fat të keq pësuam një gol në fillim të pjesës së dytë që na tronditi pak. Megjithatë, jam i kënaqur nga paraqitja e ekipit dhe tani mendojmë për turin e ardhshëm”.

Ndeshja nisi shumë mirë për “Djemtë e Detit”, që e kërkuan golin që në sekondat e para të sfidës. Megjithatë, rastet e krijuara nuk u shfrytëzuan dhe goli mungoi. Pjesa e parë u mbyll me rezultatin e bardhë, 0-0.

Pjesa e dytë nisi me të njëjtin ritëm, me Teutën që mendoi vetëm për të sulmuar. Goli do të vinte shumë shpejt, që në minutën e 47-të. Kallaku bën gjithçka mirë brenda zonës, driblon kundërshtarët duke dhuruar spektakël dhe arrin të kalojë ekipin durrsak në avantazh. Pritej që Teuta të shënonte sërish dhe të rihapte fatet e kualifikimit, por Ventspils u mbrojt dhe u largua nga Durrësi si skuadra e kualifikuar.

Europa League, kualifikuese
“Niko Dovana”, 18 korrik 2019 (17:00)

Teuta (ALB) – Ventspils (LIT)   1-0 (0-3)
Kallaku 47′

Kartonë të verdhë: Sidibe 12’ / Monteiro 26’

EPISODET –

90’ – Mbyllet takimi në Niko Dovana. Kallaku gjen rrjetën, por Teuta eliminohet nga Europa League. Ventspils kalon në fazën tjetër, falë fitores 3-0 në fushën e tyre

82’ – Avdyli bën gjithçka mirë në hyrje të zonës, driblon kundërshtarin dhe gjuan bukur me të majtën, por e ndal portieri

47’ – Gooool Teuta. Kallaku është magjik dhe shënon një supergol. Pasi i driblon të gjithë brenda zonës, mesfushori mposht dhe portierin kundërshtar, duke i dhënë avantazhin “djemve të detit”

45’ – Mbyllet pjesa e parë, Teuta dominoi por nuk arriti te goli, ndërsa Ventspils u  tregua i rrezikshëm me anë të kundërsulmeve

40’ – Ulet disi ritmi, lufta po bëhet në mesfushë

33’ – Ventpils shumë pranë golit, Arapi iu mohon avantazhin duke larguar një top në vijën fatale. Probleme për Shkëmbin, pasi dhe Sidibe dëmtohet

22’ – Teuta dominon. Rasti i radhës shkon në kokën e Arapit, i cili me portën thuajse të boshatisur mund të shënonte, por goditja e tij shkon mbi tra.

16’ – Çfarë shansi për Teutën. Nikiç ka një rast të pastër brenda zonës, por gjuajtja e tij pritet nga portieri i Ventspils

2’ – Teuta e nis vrullshëm, të besuarit e Shkëmbit godasin shtyllën. Vijnë kërcënimet e para.

1’ – Nis takimi në Niko Dovana, Teuta hidhet në sulm

FORMACIONET

Teuta: Hidi, Beqja, Hoxha, Arapi, Kuro, Sidibe, Aleksi (Progni 57′), Kallaku, Avdyli, Nikaç, Bushiç. Trajner: B. Shkëmbi

Ventspils: Maknovski, Mshedivilli, Monteiro, Mamah, Alsenat, Villela, Kazaçoks, Osipov, Tosin, Svarups, Sergiçuk. Trajner: I. Klosovs

Për të ndjekur ekipin e tyre në ndeshjen e raundit të parë kualifikues të Europa League, tifozët durrsak kanë mundësi zgjedhje midis biletave 300 lekëshe për tribunat A dhe B dhe biletave 200 lekëshe për tribunat A1 dhe B1.

Shitja e biletave do të fillojë në orën 9:00 të së enjtes, ndërsa orari i ndeshjes është ora  17:00.

https://www.instagram.com/p/Bz-q_aCgrQG/?igshid=1g7lofc99yac8

“Të gjithë prisnin më shumë nga ajo ndeshje, pasi ishte ndeshja e parë dhe të gjithë prisnin një paraqitje më të mirë në Europë duke parë se çfarë ndeshjesh kemi bërë në kampionat. Do thosha që ne ia dhuruam ne golat kundërshtarit, se sa i bënë ata”.

“Skuadra beson. Shpresoj që në ndeshjen e kthimit të shënojmë shpejt golin e parë, kjo do ta motivonte shumë për pjesën e mbetur të lojës”.

“Çfarëdolloj skeme që të përdorë trajneri ne mund të përshtatemi shumë mirë. Me modulin 4 – 3 – 3 me të cilin kemi gjatë të gjithë sezonit, por ardhja e Nikaç na mundëson të luajmë dhe me skemën 4 – 4 – 2”, tha Kallaku.

Pjesa e parë u mbyll 1-0 në favor të Ventspils dhe e dyta nisi sërish me vendasit që u hodhën në sulm. Në minutën e 78-të do të vinte goli i dytë me anë të Umbilsasev. Vetëm 10 minuta më pas, Tosin do të shënonte sërish për Ventspils, duke vendosur rezultatin final në 3-0.

E enjte, 11 korrik 2019 (16:45)
Europa League, kualifikuese

Ventspils (LAT) – Teuta (ALB)  3-0
Sergiçuk 4′, Umbilsasev 78′, Tosin 88′

Kartonë të verdhë: Progni 33’, Kouros 74′

EPISODET –

90’ – Mbyllet takimi 3-0 në favor të Ventspils. Teuta e nis keq aventurën europiane dhe tani do të tentojë të përmbysë gjithçka në Shqipëri

88’ – Teuta në tapet, Ventspils shënon sërish. Tosin në minutën e 88’ i çon shifrat në 3-0, duke e bërë kualifikimin shumë të vështirë për “Djemtë e Detit”

78’ – Ventspils shënon sërish. Umbilsasev kombinon mirë me njërin nga shokët e skuadrës dhe lëshon një të djahtë të hidhur, duke lënë në vend portierin Hidi.

70’ – Pas shumë minutave të qeta, Kallaku provon të jetë i rrezikshëm, por gjuajtja e tij me të majtën shkon jashtë

46’ – Fillon pjesa e dytë, asnjë ndryshim në formacionet e skuadrave

45’ – Mbyllet pjesa e parë, Teuta është në disavantazh 0-1 përballë Ventspils

28’ – Lojtarët e Ventspils janë të rrezikshëm në kundërsulm. Pas një aksioni të shpejtë, autori i golit Sergiçuk e sheh veten të vetëm përballë Hidit, por gjuajtja e tij ndalet nga gardiani i Teutës

21’ – Teuta pranë barazimit. Mbrojtësi Kouros ka mundësinë për të shënuar me anë të një goditje dënimi në pozicion të favorshëm, por e majta e tij shkon pak mbi tra

4’ – Shënojnë vendasit e Ventspils. Një krosim në zonë nga e djathta kontrollohet mjaft mirë nga sulmuesi kryesor Sergiçuk, që shënon me një gjysmë roveshatë dhe mposht Hidin.

1’ – Fillon takimi në Letoni

Formacionet

Ventspils: Makhonovski, Alsenat (Stuglis 84′), Monteiro, Mamah, Mshedivilli, Ananias (Osipov 40′), Kazaçoks, Villela, Ulimbaes, Sergiçuk (Svarups 61′), Ajegun. Trajner: I. Klosovs

Teuta: Hidi, Todorovski (Nikac 85′), Hoxha, Arapi, Kuoros, Progni, Aleksi, Sidibe, Beqja (Kalaja 62′), Kallaku, Bushiç. Trajner: B. Shkëmbi

Ventspils është skuadra e parë letoneze që mori pjesë në grupet e Europa League, pasi në vitin 2009, mposhti BATE Borisov në ndeshjen e fundit kualifikuese. Skuadra letoneze mori pjesë në Grupin D, së bashku me Sporting Lisbonën, Herenvenin dhe Hertën e Berlinit.

Ventspils e ka fituar kampionatin në vitet 2006, 2007, 2008, 2011, 2013 dhe në vitin 2014, duke pasur një periudhë dominimi në futbollin letonez. Megjithatë, në vitet e fundit, Ventspils ka pasur një rënie dhe ka plot 5 sezone që nuk e fiton kampionatin.

Madje, në sezonin e shkuar, rivali i Teutës e mbylli kampionatin e rregullt në vend të pestë, me vetëm 20 pikë në 15 takime. Sipas Transfermakt, vlera e lojtarëve të Ventspils kap kuotën e 3.65 milionë eurove, gati 1 milionë euro më pak se Teuta, që vlerësohet 4.58 milionë.

Lojtari më cilësor i Ventspils është sulmuesi brazilian, Jo Santos, i cili vlerësohet 500 mijë euro në treg. Sezonin e shkuar, 28-vjeçari shënoi 3 gola në 12 ndeshje në kampionat, por golashënuesi më i mirë ishte talenti nigerian, Tosin Ajegun, me mesfushorin që shënoi 7 gola.

Diferencat mes Teutës dhe Ventspils janë shumë të vogla dhe “Djemtë e Detit” kanë mundësi reale për të kaluar raundin e parë në kualifikueset e Europa League.

VERONIK ISTREFAJ

https://sportekspres.com/luftetari-felliq-shqiperine-damka-e-trukimit-nga-pas/

https://sportekspres.com/luftetari-do-te-perjashtohet-nga-europa-uefa-pritet-te-dergoje-edhe-gjoben/

Ajo që u pa qartë në Elbasan ka shqetësuar pa masë UEFA-n, që ka marrë menjëherë pas ndeshjes sinjalizim për trukimin e ndeshjes.

Tani UEFA lajmëron FSHF se paratë e Luftëtarit janë bllokuar dhe ka hetim, që dihet si do përfundojë, sepse Luftëtari do marrë dënimin e Skënderbeut, me përjashtim të gjatë nga kupat e Europës.
https://twitter.com/XhavaraM/status/1020044835812765697?s=19

Ja teksti i letrës së ardhur nga UEFA në FSHF, publikuar nga Procesi Sportiv..

“Kjo korrespondencë është për t’ju dhënë informacion në lidhje me shpërndarjen e pagesave të solidaritetit për klubet pjesëmarrëse në fazën kualifikuese të Ligës së Europës për sezonin 2018-2019.

KS Luftëtari është i përfshirë në disa ndeshje të Ligës së Europës të cilat janë në hetim paraprak nga Komisioni i Integritetit i UEFA sipas nenit 12 të Rregullores Disipliniore të UIEFA-s. Vini re që pagesat e solidariteti janë bllokuar në pritje të përfundimit të hetimit.

Siç jeni në dijeni, UEFA ka një detyrim të mbrojë integritetin e kompeticioneve të saj dhe të parandalojë të gjitha mënyrat që mund të rrezikojnë rregullsinë e ndeshjeve apo aktiviteteve apo të lindin dyshime për abuzim me futbollin në përputhje me Nenin 2 të Statutit të UEFA.

Si rrjedhojë, ne do të kërkonim që FSHF dhe klubi në fjalë të mos bëjë asnjë komunikim publik në lidhje me këtë komunikim dhe përmbajtjen e tij. Ju do të kontaktoheni nga Komisioni i Integritetit i UEFA në momentin e duhur nëse ndonjë gjë tjetër do të kërkohet nga ju në lidhje me këtë çështje”.

Klubi letonez ka bërë me dije se ka kërkuar që lojtari të kthehet të zbatojë kontratën, por kjo nuk është pritur mirë dhe ka pasur presione të ndryshme. Në deklaratën e tyre, ata theksojnë se e gjitha kjo bëhet për qëllime përfitimi. Venstpils dyshon se për shkak të performancës së mirë të lojtarit, që ka bërë që edhe çmimi i tij të rritet, personat që e kanë rrëmbyer, duan të përfitojnë në aspektin financiar nga shitja e tij.

“Jemi të detyruar ta ndjekim çështjen ligjërisht në institucionet në Letoni, me qëllim që të kapen dhe të ndiqen penalisht autorët e kësaj vepre kriminale. Ne do të vëmë në dispozicion të gjitha provat që do të ndihmojnë në zbardhjen e kësaj çështjeje”, thuhet mes të tjerash në reagimin e Ventpsils, që njofton çdo klub që të mos tentojë afrimin e lojtarit, pasi është nën kontratë dhe vetëm duke biseduar me ta mund të bëjnë tyrin Adeleken. Gjithashtu ata vënë në dijeni edhe FIFA-n e UEFA-n, institucione me të cilat do bashkëpunojnë për ta rikthyer sulmuesin në ekip.”

Nuk kanë munguar dhe reagimet nga pala e lojtarit, të cilët tregojnë se çfarë ka ndodhur. Adigun Adebajo është akuzuar si një nga personat që ka gisht në rrëmbimin e Adeleke, por përfaqësuesi i tij ligjor ka hedhur poshtë gjithçka, madje ka deklaruar se nigeriani është kërcënuar.

“Komentet e Ventspils për klientin tim nuk janë të vërteta. Adeleke ka menaxherin e tij dhe emri i tij është Mr. Adebajo, i cili është i regjistruar në Federatën Britanike të Futbollit. Sa më përket mua, unë jam këshilltari ligjor i Adebajo. Deklaroj në emër të klientit tim se deklarata e klubit kundrejt lojtarit nuk është korrekte. Para tre ditësh klubi ka kërcënuar lojtarin, i cili ka refuzuar të nënshkruajë kontratën e re për pesë vite. Në akordin e ri, ata kanë dashur të heqin klauzolën e shitjes prej 300 mijë eurosh, që ishte caktuar në vitin 2018.

Kur lojtari refuzoi të nënshkruajë pa praninë e menaxherit, klubi e kërcënoi seriozisht. Lojtari e mori seriozisht kërcënimin dhe u ndje në rrezik për jetën e tij. Futbolli nuk është gjithçka në jetë dhe jeta e futbollistit ka më shumë rëndësi sesa futbolli. Adeleke do të rikthehet në klub, vetëm me një kusht, vetëm nëse klubi garanton sigurinë e tij. Zotërojmë dokumenta që tregojnë që kontrata e lojtarit për vitin 2018 është një farsë”, përfundon një nga përfaqësuesit ligjor të sulmuesit për “Sportazinas.com”.