venezuela

Tension dhe thatësi golash, Venezuelë-Peru marrin nga një pikë

Sport Ekspres — Sat, 15 Jun 2019 20:53:46 +0000

Është mbyllur në barazim pa gola sfida mes Venezuelës dhe Perusë, sfidë e vlefshme për raundin e parë të Copa America në Grupin A. Ndeshja e parë në këtë grup u luajt mes Brazilit dhe Bolivisë, me “Seleçao” që triumfuan pastër 3-0 dhe që morën kreun e grupit.

Ndërsa pak minuta më parë, u mbyll dhe takimi mes Venezuelës dhe Perusë, me të dyja skuadrat që ndanë nga një pikë pas barazimit 0-0. Gjithçka mes dy skuadrave ishte e barabartë, që nga qarkullimi i topit 50%-50%, deri te gjuajtjet në kuadrat, nga pesë për secilën skuadër. Megjithatë, goli mungoi.

Në fundin e takimit, pati dhe tension në fushën e lojës. Futbollisti i Venezuelës, Mago, u ndëshkua me karton të kuq, duke u pezulluar për takimin pasardhës. Pas raundit të parë, Brazili është në krye të grupit A, me 3 pikë, ndërsa vendi i dytë dhe i tretë është për Venezuelën e Perunë, me nga një pikë, ndërsa Bolivia renditet e fundit me 0 pikë dhe -3 golavarazh.

Copa America

Venezuela – Peru 0-0

Dy ndeshje brenda ditës, çfarë rraskapitje në Libertadores!

Sport Ekspres — Wed, 03 Apr 2019 16:41:02 +0000

Situata e rënduar politike që ka mbërthyer shtetin e Venezuelës po sjell pasoja të rënda edhe për futbollin vendas. Skuadra e Deportivo Larës do i duhet të bëjë një çmenduri duke luajtur dy ndeshje në harkun pak orëve!

Në orën 15:30 skuadra venezueliane zhvillon një takim në transfertë ndaj skuadrës së Janeros në kuadër të kampionatit vendas. Tre orë e gjysmë pas përfundimit të kësaj ndeshje, ekipi do të ndeshet kundër argjentinasve të Hurakan, ndeshje e vlefshme të fazës së grupeve të kupës Libertadores.

I gjithë faji është i Federatës së futbollit të Venezuelës, që ka marrë këtë vendim nga frika se situata mund të përkeqësohet me kalimin e ditëve dhe prandaj formula e kampionatit është ndryshuar, që të përshpejtohet mbarimi i këtij edicioni.

Sipas medieve venezueliane, ndeshja e kampionatit do të luhet nga lojtarë të skuadrës rezervë, ndërsa ekipi i parë do të përqendrohet tërësisht për duelin ndaj Hurakan.

VIDEO | Argjentinës nuk i bën punë as Mesi, disfatë zhgënjyese ndaj Venezuelës

Sport Ekspres — Fri, 22 Mar 2019 21:58:42 +0000

Argjentinës nuk i mjafton rikthimi i Lionel Mesit në kombëtare, teksa është mposhtur në miqësoren ndaj Venezuelës me shifrat 1-3. Një paraqitje zhgënjyese e albicelestëve, të cilët duken një ekip pa identitet.

Ndeshja nisi menjëherë në malore për Argjentinën, teksa vetëm gjashtë minuta mjaftuan për Rondon, i cili dërgoi në avantazh ekipin e tij.

Në fundin e pjesës së parë, konkretisht në minutën e 44-të ishte Murijo, i cili shënoi edhe golin e dytë për Venezuelën, duke mbyllur pjesën e parë me shifrat 0-2.

Fraksioni i dytë nisi disi më mirë për Argjentinën dhe në minutën e 58-të Lautaro Martinez rihapi gjithçka, duke çuar shifrat në 1-2.

Gjithsesi, ishte Maritnez, i cili u tregua i saktë nga pika e bardhë e 11-metërshit në minutën e 75-të, duke hipotekuar fitoren e kombëtares së tij dhe duke çuar në terr Argjentinën.

Argjentinë 1-3 Venezuelë
Shënues: L.Martinez 58′ / Rondon 6′, Murijo 44′, J.Martinez 75′(pen.)