Venecia e pafat, 11-metërshat mbajnë në Serie B Salernitanën

Sport Ekspres — Sun, 09 Jun 2019 19:14:50 +0000

Venecia nuk ia doli të përmbyste Salernitanën në ndeshjen “Play-Out” të Serie B. Skuadra e drejtuar nga Serse Kosmi i duhet të fitonte me të paktën 2 gola diferencë për të zhvleftësuar humbjen e 2 – 1 të pësuar në takimin e parë.

Goli i Modolos në minutën e 41-të nuk mjaftoi për venecianët. Rezultati qëndroi i pandryshuar përgjatë të gjithë pjesës së mbetur të ndeshjes dhe skuadrat iu drejtuan goditjeve të 11-metërshave.

Fati nuk ishte me lojtarët e Venecias, të cilët humbën dy penallti, ndërsa te Salernitana nuk pati vend për gabime. Në këtë takim u aktivizua nga stoli mbrojtësi shqiptar Hysen Memolla.

VIDEO | Vrioni e bën sefte, vjen goli i parë me Venecian

Sport Ekspres — Mon, 03 Dec 2018 21:56:04 +0000

Xhakomo Vrioni ka shënuar golin e parë në Serinë B. Sulmuesi i Venecias dhe kombëtares shqiptare u zhbllokua kundër Foxhias në transfertë, ndërsa ky ishte takimi i shtatë që aktivizohet me ekipin e drejtuar nga Valter Zenga.

20-vjeçari tundi rrjetën në minutën e parë shtesë të pjesës së parë, pasi shfrytëzoi një pasim të Bruskajn. Foxhia kishte shënuar më parë me penallti në minutën e 18, ndërsa ndeshja nuk pati më gola.

Vrioni ishte një nga surprizat e Panuçit, i cili i dhuroi debutimin me datë 14 tetor në humbjen përballë Izraelit. Ai luajti minutat e para me Shqipërinë, 1 ditë përpara ditëlindjes së 20-të, ndërsa tashmë vjen dhe zhbllokimi në divizionin e dytë të futbollit italian.