Vendimi

Gjykata e Lacios i jep të drejtë Foxhias, Serie B në kaos

Sport Ekspres — Thu, 23 May 2019 19:06:24 +0000

Përjashtimi i Palermos dhe rrëzimi në Serie C bëri që të ketë disa ndryshime në verdiktet e Serie B.

Peruxhia përfitoi dhe u bë pjesë e ndeshjeve play-off për t’u ngjitur në elitë, ndërsa Salernitana shpëtoi. Këta të fundit kanë si president Klaudio Lotiton, njëherazi kreu i klubit lacial.

Lotito njihet për pushtetin e madh që ka në futbollin italian. Lotito kërkoi që të mos zhvilloheshin fare ndeshjet play-out dhe diçka e tillë solli rënien e Foxhias një kategori më poshtë.

Këta të fundit apeluan vendimin e dhënë me 13 maj nga Liga e Serie B. Gjykata Administrative Rajonale e Lacios i ka dhënë të drejtë Foxhias, që do të përballet me Salernitanën për të qëndruar në Serie B.

Megjithatë, kuqezinjtë duhet të presin datën 28 maj, aty ku do të mësojnë përfundimisht fatin e tyre pas vendimit të shkallës së dytë në Gjykatën e Apelit të Federatës në lidhje me ekipin siçilian.

Nëse vendimi për Palermon do të përmbyset në këtë datë, atëherë Foxhia, e cila u rrëzua nga rezultatet, do të humbiste shansin për të luajtur finalen kundër Salernitanës, që do të përballej me Venecian e Vrionit.

? #UltimOra #SerieB
Tar del Lazio accoglie ricorso del #Foggia
Annullato lo stop dei playout#SkySport

— Sky Sport (@SkySport) May 23, 2019

Trupi nuk duron më, tërhiqet nga futbolli izraeliti i talentuar

Sport Ekspres — Sat, 13 Apr 2019 10:53:19 +0000

Jusi Benajun është futbollisti më i talentuar izraelit. 39-vjeçari (i mbush në maj) po luan me Beitar Jeruzalem në vendin e tij dhe ky do të jetë sezoni i fundit. Lojtari ka vendosur të tërhiqet përfundimisht pas një karriere shumë të gjatë.

Ai u bë i njohur gjatë kohës që aktivizohej me Arsenalin dhe Çelsin në kampionatin anglez. Benajun ka luajtur edhe për ekipet e Uest Hemit, Rasing Santander dhe QPR, përveçse shumë ekipeve izraelite.

Mesfushori ofensiv, i cili bën mirë edhe krahët e sulmit, numëron 1-2 ndeshje të zhvilluara me kombëtaren e tij, gjatë të cilave ka shënuar 24 gola.

CAS korrigjohet: Skënderbeu ka apeluar, gjyqi në pranverë

Sport Ekspres — Thu, 15 Nov 2018 18:02:15 +0000

Një email i ardhur nga zyra e komunikimit pranë “CAS” si përgjigje mbi kërkesën për informacion të bërë nga “News24”, në lidhje me datën e zhvillimit të seancave të apelit për çështjen e dënimit të klubit të Skënderbeut, shkaktoi me të drejtë jo pak bujë në medie dhe rrjete sociale. Shkak për këtë ishte se në përgjigjen e oficeres së sigurisë thuhej se në të dhënat Gjykatës nuk figuronte asnjë një kërkesë apelimi në lidhje me çështjen në fjalë. Por, mesa duket gjithçka ka ardhur si pasojë e një mungese komunikimi nga stafin e “CAS”.

Mbas përgënjeshtrimit nga ana e klubit të Skënderbeut për këtë çështje, “News24” ka kontaktuar sërish me zyrën e komunikimit të “CAS”, ku ka marrë një përgjigje të dytë, ku është sqaruar se përse ka ndodhur gabimi në email-in e parë.

Në email-in të dytë, oficerja e komunikimit i ka sqaruar gazetarit të “neës24” se ajo e ishte përgjigjur gabimisht duke e informuar se nuk kishte çështje të regjistruar në lidhje me ngjarjen në fjalë, ndërkohë që përgjigja e saktë duhet të kishte qenë se “nuk është vendosur akoma për datën e seancës dëgjimore”.

Email-i i publikuar nga “balkanweb”

PËRMBAJTJA E EMAIL-IT TË DYTË –

“Sa i përket kësaj çështje, si pasoje e mungesës se komunikimit te brendshëm ti u informove se nuk kishte asnjë çështje te regjistruar mbi këtë teme, ndërkohë qe përgjigja korrekte ishte se nuk është regjistruar asnjë date mbi seancën. Pasi kontrolluam te dhënat në të vërtetë është e qarte se ekziston një apelim në pritje në CAS mes KF Skënderbeu dhe UEFA në lidhje me vendimin e lëshuar nga trupa e apelimit te UEFA me 26 prill. Ju kërkoj ndjese për gabimin në mesazhin e pare dhe kuptoj konfuzionin që mund të ketë shkaktuar. Procedura e arbitrazhit të CAS është në vazhdim dhe paneli i arbitrareve është emëruar. Një datë për seancën dëgjimore do të rregullohet së shpejti. Mbasi të mbahet seance dëgjimore, paneli do të lëshojë një dokument të quajtur Vendim Arbitrar, që do të përmbajë vendimin e marrë nga ata. Në këtë moment, nuk është e mundur të thuhet se kur do të lëshohet Vendimi Arbitrar”.

Qëlloi tifozët me armë, Gjykata e Pejës merr vendimin!

Sport Ekspres — Tue, 14 Aug 2018 17:37:45 +0000

Gjykata e Pejës ka shpallur vendimin për shtetasin Arian Sijarina, i cili më datë 20 maj, kur në qytetin e Pejës po zhvillohej ndeshja Prishtina – Drita, qëlloi me armë zjarri ndaj një veture të mbushur me tifozë të skuadrës nga Gjilani.

Gjashtë muaj burg ka qenë dënimi për Sijarinan, i cili akuzohej për veprat penale shkaktim i rrezikut të përgjithshëm dhe për armëmbajtje pa leje. Por, pjesa e mbetur e këtij denimi do shlyhet me anë të një gjobë në vlerën e 600 eurove

Sipas prokurorisë, Arijan Sijarina ishte pasagjer në veturë, së bashku me Albert Kastratin dhe Dardan Dodën, ndërsa pas përfundimit të ndeshjes, në dalje të Pejës, kishte shtënë në drejtim të veturës së tifozëve nga Gjilani e cila po lëvizte para tyre.