Vëllaznimi

Trepça 89 mbetet në IPKO Superliga, Vëllaznimi eliminohet mes tensionit

Sport Ekspres — Sat, 01 Jun 2019 16:22:07 +0000

Trepça ’89 ka siguruar qëndrimin në IPKO Superliga e Kosovës falë fitores 4 – 2 në Play-Out ndaj Vëllaznimit. Ekipi mitrovicas është ekipi i dytë nga Superliga që fiton në fazën Play-Out pas Gjilanit që eliminoi dy ditë më parë Besën e Pejës.

Në takimin e zhvilluar në stadiumin “Fadil Vokrri” nuk mungoi tensioni mes të dyja skuadrave dhe kartonët e kuq. Pjesa e parë u mbyll me epërsinë e skuadrës gjakovare, ndërsa në të dytën mitrovicasit përmbysën rezultatin duke shënuar tri gola dhe mbajtur të paprekur portën e tyre.

Sezoni i adhshëm i IPKO Superligës së Kosovës do të ketë vetëm dy skuadra të ardhura nga Liga e Parë: Dukagjini dhe Vushtrria. Këto dy ekipe zëvendësojnë KEK-un dhe Lirinë e Prizrenit.

PLAY-OUT, IPKO SUPERLIGA E KOSOVËS

Trepça 89’ 4 – 2 Vëllaznimi
Shënues: Asare 14’, Manaj 56’, Hyseni 65’, Hoti 87’ / Bardhoku 26’, Murati 44’

S’ka surpriza, Feronikeli dhe Trepça 89 në finalen e Kupës së Kosovës

Sport Ekspres — Wed, 01 May 2019 15:48:13 +0000

Feronikeli dhe Trepça 89 janë dy skuadrat finaliste të Kupës së Kosovës. Përballjet e kthimit nuk dhuruan surpriza me Feronikelin që mposhti 2 – 0 Ballkanin, ndërsa Trepça u mund 1 – 0 nga Vëllaznimi rezultat ky që nuk i prishi punë skuadrës nga Mitrovica që kishte fituar takimin e parë në Gjakovë me rezultatin e thellë 4 – 0.

Përveç trofeut, fitues i Kupës së Kosovës merr një biletë për në raundet kualifikuese të “Europa League”, një mundësi kjo që nuk u jepet asnjë prej skuadrave në kampionat, me përjashtim të fituesit që shkon në raundin e parë kualifikues të Champions League.

Feronikeli 2 – 0 Ballkani (Rezultati i përgjithshëm 4 – 1)
Shënues: Lladrovci 17’, Magani 82’

Trepça 89 0 – 1 Vëllaznimi (Rezultati i përgjithshëm 4 – 1)
Shënues: Gashi 25’

VIDEO | Drita dështon dhe në Kupë, ka festë në Gjakovë

Sport Ekspres — Sun, 10 Feb 2019 13:54:41 +0000

Feronikeli ishte ekipi i parë që u kualifikua në gjysmëfinalet e Digitalb Kupës së Kosovës, ndërsa ndeshjet e sotme kanë dhuruar surpriza. Vëllaznimi i Gjakovës ka arritur një fitore të madhe, duke eliminuar kampionët në fuqi të Dritës.

Një gol i Tun Bardhokut tre minuta përpara fundit të pjesës së parë ka vendosur ndeshjen, duke dërguar në festë tifozët kuqezinj. Sezon i dështuar për ekipin gjilanas, që humbet mundësinë e vetme për t’u kualifikuar në kupat europiane, madje eliminohet nga një ekip që garon një kategori më poshtë.

Ndeshja tjetër midis Kikës dhe Ballkanit është mbyllur pa gola dhe momentalisht po zhvillohen 30 minutat shtesë për t’u njohur me ekipin e tretë gjysmëfinalist. Sfida e fundit midis Prishtinës dhe Trepça ’89 sapo ka nisur dhe për momentin nuk është shënuar asnjë gol.

Vëllaznimi-Drita 1-0
(Bardhoku 42′)

Nuk ka pushim te Teuta, Bushiç gjen golin dhe Arapi debuton

Sport Ekspres — Mon, 28 Jan 2019 17:27:10 +0000

Teuta luajti dje përballë Flamurtarit në “Niko Dovana”, ndeshje e vlefshme për javën e 19-të të Superiore. Djemtë e drejtuar nga Bledi Shkëmbi nuk morën dot më shumë se një pikë përballë ekipit vlonjat, pavarësisht se luajtën thuajse gjatë gjithë pjesës së dytë me një lojtar më shumë në fushën e lojës.

Pa kaluar 24 orë nga kjo sfidë, Teuta ka zbritur sërish në fushë, kësaj radhe një ndeshje miqësore, përballë KF Vëllaznimit. Ndeshja u ndërpre në minutën e 80’ për shkak të kushteve atmosferike të rënduara dhe u mbyll me rezultatin 2-2.

Golat për KF Vëllaznimin u shënuan nga Almedin Murati, ndërsa për Teutën realizuan Vecaj dhe Bushiç, i cili shënon golin e parë me fanellën durrsake. Në këtë takim, u aktivizua edhe Renato Arapi, i cili debutoi me skuadrën e tij të re.

Miqësore, 28 janar 2019

Teuta – Vëllaznimi 2-2
Shënues: Bushiç, Vecaj / A. Murati x2

Vëllaznimi mbyll fazën me sukses, mposht dhe Besën e Maganit

Sport Ekspres — Mon, 14 Jan 2019 14:45:05 +0000

Pasi fitoi kundër Elbasanit të shtunën me golin e Jeton Dushit, Vëllaznimi i Gjakovës ka arritur të mposhtë dhe Besën e Kavajës. Kuqezinjtë triumfuan me rezultatin 2-1 kundër ekipit të Maganit në ndeshjen e zhvilluar në Durrës.

Golat e Besmir Fetahut dhe Almendin Muratit i dhanë fitoren ekipit nga Gjakova, që sezonin e kaluar u rrëzua nga Superliga e Kosovës.

Fundi i kësaj ndeshje ka përkuar dhe me fundin e fazës përgatitore që ekipi nga Kosova zhvilloi në qytetin bregdetar dhe Vëllaznimi është nisur menjëherë drejt Gjakovës pas fitores së sotme.

Besa e Kavajës-Vëllaznimi 1-2
(Mellugja (pen) / Fetahu, Murati)