Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

Elton Kale u ndëshkua me karton të verdhë përballë Teutës vetëm pak minuta para se të zëvendësohej nga Daja, duke plotësuar numrin e kartonëve të verdhë. Kale bëri një ndeshje shumë pozitive përballë Teutës dhe do të jetë mungesa më e rëndësishme për kuqezinjtë në takimin përballë Kukësit.

Mbrojtësi dhe kapiteni i skuadrës, Franc Veliu u ndëshkua me karton të kuq në minutat e para të pjesës së dytë dhe do të mungojë edhe ai në sfidën e fundjavës përballë ekipit verilindor. Por problemet nuk mbarojnë këtu për teknikun Daja. Me Kalen me kartona dhe me Bushiç të larguar, do t’i duhet të bëjë edhe pa shërbimet e Torasës, i cili po ashtu ka mbushur numrin e kartonëve.

Ndeshjen përballë Teutës pa mesfushorin Batha të bëjë “pykën” në majë të sulmit dhe me shumë gjasa, do të luajë në të njëjtin pozicion edhe përballë Kukësit. Ndoshta mund t’i besohet dhe Ribajt, por për momentin, trajneri Daja duket se nuk ka asnjë sulmues për të shqetësuar mbrojtësit e Kukësit.

Mbrojtësi vlonjat, tashmë 29 vjeç, është një ndër produktet e Flamurtarit dhe ndër lojtarët më besnikë të këtij klubi, sepse ka luajtur gjithë karrierën në Vlorë, me përjashtim të sezonit 2015/16, kur u nda mes Kukësit e Partizanit.

Ish-lojtar i kombëtares, Veliu nuk provoi asnjëherë të luante jashtë Shqipërisë, duke preferuar Vlorën, ambient i vështirë dhe shpesh me trysni të padurueshme, por që Franci e ka duruar dhe tashmë vijon bashkëpunimin me Sinan Idrizin. Administratori kuqezi e ka thënë gjithnjë që nuk i largon lojtarët vlonjatë, por e vërteta është se nuk ka shumë cilësorë në qarkullim.

Veliu është vlonjati i vetëm që ka shanse të luajë titullar sezonin e ardhshëm te Flamurtari, sepse gjithë të tjerët janë lojtarë në moshë të re dhe ende pa eksperiencë.

Elton Nika

Flamurtari realizoi katër afrime gjatë merkatos së dimrit, të cilësuara si mjaft cilësore dhe që pritet t’i japin më shumë cilësi skuadrës vlonjate. Gjithsesi është evidentë që në pjesën e parë të sezonit kuqezinjtë kanë bërë mjaft mirë, duke u renditur në vend të dytë. Por afrimet nuk janë vetëm katër, pasi vlonjatët një të tillë cilësor e kanë edhe në gjirin e tyre. Bëhet fjalë për vlonjatin Franc Veliu. Futbollisti vlonjat mungoi gjatë për shkak të një dëmtimi të pësuar gjatë fazës përgatitore në verë, ndërsa tani ai është rikthyer të jetë në stërvitje me grupin dhe pritet të jetë një vlerë e shtuar e këtij Flamurtari. Veliu, nga faza përgatitore në Antalia ku ndodhet së bashku me skuadrën, konfirmon se kjo është një periudhë mjaft e rëndësishme dhe pret që të japë mbi të gjitha kontributin e tij në skuadër për pjesën e dytë të sezonit. “Pas një periudhe mjaft të vështirë sa i përket anës personale, tashmë jam rikthyer në stërvitje me grupin dhe mund të them se ndihem mjaft mirë. Të shpresojmë se gjithçka kam kaluar është lënë pas”, shprehet nga Turqia Veliu.

“Një periudhë që në fakt nuk dua shumë ta kujtoj, tani dua të shikoj vetëm përpara. Stërvitjen e kam nisur që në Vlorë kur rinisëm përgatitjet më 3 janar dhe tashmë jam së bashku me pjesën tjetër në këtë fazë përgatitore, që është mjaft e rëndësishme për skuadrën, por padyshim edhe për mua, duke ditur që nuk kam luajtur për shkak dëmtimit të kaluar. Edhe në dy miqësoret, si në atë në Vlorë, por edhe këtu në Turqi, u aktivizova në pjesën e dytë dhe deri më tani gjërat kanë shkuar shumë mirë. Të shpresojmë se nuk do të kem sërish dëmtime, por aktualisht stërvitja po shkon mjaft mirë. Ngarkesat janë të mëdha, por të nevojshme, pasi dihet që na pret një pjesë e dytë e sezonit mjaft e vështirë, duke marrë në konsideratë edhe skuadrat e tjera, që janë përforcuar ndjeshëm. Çdo skuadër, pavarësisht asaj që ka bërë në pjesën e parë të sezonit, tashmë do të kërkojë të arrijë objektivat e veta dhe kjo rrit shkallën e vështirësisë. Megjithatë shikoj një Flamurtar që do të dijë, ashtu si edhe deri më tani, ta thotë mjaft mirë fjalën e vet në kampionat, por edhe në Kupën e Shqipërisë”, deklaron mbrojtësi vlonjat.

AFRIMET Në lupën e Veliu ka kaluar edhe merkatoja e bërë: “Afrimet gjithmonë vlejnë dhe janë të nevojshme për një skuadër. Pastaj mendoj se janë afrime mjaft të mira dhe lojtarë që do të rrisin cilësinë e skuadrës. Janë lojtarë që kanë luajtur në skuadra me objektiva të rëndësishëm dhe padyshim një vlerë më shumë për Flamurtarin”.

OBJEKTIVAT “Nga ana personale mbetet që të rikthehem sa më shpejt në gjendjen më të mirë dhe mund të them se më mungon shumë fusha e blertë. Tani rëndësi ka skuadra, jo vetëm një lojtar, prandaj do të jap gjithmonë maksimumin sa herë të më kërkohet të zbres në fushën e Lojës”, thotë fillimisht Veliu kur e pyet për objektivat. Skuadra vjen e para dhe për mbrojtësin Flamurtari mund të shkojë shumë larg.

“Sa i përket skuadrës, duhet të vijojmë të shikojmë ndeshje pas ndeshje. Nuk kemi vendosur objektiva, por llogaritë bëhen në fund të kampionatit, ndaj na del si detyrë të vijojmë të punojmë fort në stërvitje gjatë kësaj periudhe. Kur t’i vijë koha do t’i marrim ndeshjet njëra pas tjetrës. Ky Flamurtar ka mundësinë të shkojë shumë larg”, përfundon mbrojtësi i Flamurtarit, Franc Veliu.

Në miqësoren e djeshme kundër skuadrës U-19 mbrojtësi u kthye në fushë për herë të parë pas shumë kohësh dhe në Turqi shpreson të kapë ritmin maksimal, për të bindur trajnerin Shpëtim Duro se është gati të luajë rregullisht.

Është vlonjat, ish-kapiten dhe një emër i rëndësishëm në futbollin shqiptar, por kjo nuk do të thotë që do të kthehet në formacion menjëherë. Veliu është pas Bicajt dhe Pollozhanit në hierarkinë e Duros, ndërsa nderi i vetëm që i ka bërë Duro është që të mos rinovojë me Jakovljeviçin, duke besuar se Veliu së shpejti do të kthehet në maksimumin e vet, për të tentuar formacionin.

Nëse Franci kthehet në nivele të larta, është një fitore për të gjithë në Vlorë.

28-vjeçari ka luajtur gjatë gjithë jetës së vet në Vlorë, me përjashtim të sezonit 2015/2016, ku u nda mes Kukësit e Partizanit.

Në asnjërin klub nuk i shkoi mbarë dhe në fillim të sezonit të shkuar u kthye në shtëpi, ku u bë sërish i rëndësishëm, duke luajtur 31 ndeshje kampionati nga minuta e parë.

Tani mbrojtësi ka hedhur firmën mbi kontratë, ndërsa trajneri Shpëtim Duro nuk ka më shqetësime në prapavijë, sepse Veliu është i aftë të luajë në qendër dhe në të majtë.