Në analizën e bërë nga biznesmeni i njohur u diskutua mbi paketën e reformës që po përgatitet të implementohet në futbollin shqiptar. Ndër të tjera Kokëdhima nuk la pa “thumbuar” edhe kryebashkiakun e Tiranës, Erion Veliaj.

REFORMA – “Shqetësimi që kam unë është se qeveria nuk ka një vizion të drejtë për reformën në futboll. Ekonomia botërore e futbollit është një ndër më të mëdhatë dhe është një ndër ekonomitë me rritje të shpejtë, ndërsa futbolli në Shqipëri është i varfër, mjerat, i prapambetur, informal në të zezë dhe pa infrastrukturë. Përpjekjet e FSHF-së janë shumë më mbresëlënëse se sa pala e qeverisë. Qeveria duhet të reflektojë në përgjegjësitë e saj, të gjitha qeveritë e kanë braktisur këtë sferë të rëndësishme të shoqërisë”.

“Klubet profesioniste të Shqipërisë duhet të jetë në të shoqëri të së drejtës tregtare. Licencimi duhet të vendosë këtë standard të ri. S’duhet të kemi gjëra të s’kanë sens si te Flamurtari ku presidenti aktual ka në përdorim stemën dhe asetet, por pronësia është e bashkisë që s’do t’ia dijë për asgjë”.

APOLONIA –  “Është një shoqëri aksionere. Klub me kapitale e me vlera të njohura sipas ligjit. Nuk ka asgjë gjë të zezë, çdo gjë deklarohet. Marrëdhëniet bazohen në kontrata dhe fatura të rregullta. Apolonia është një model përsa i përket raportit dhe marrëdhënies se si duhet ndërtuar një shoqëri sportive në Shqipëri”.

PRIVATIZIMI DHE ASETET E KLUBEVE – “Shteti jonë ka shitur pasuri të pafundme strategjike për një euro. Kompani, banka, territore dhe kur vjen puna qeveria nuk u jep klubeve me 1 dollar terrene sportive, këto terrene nuk mund të ndryshohen e të bëhen pallate. Këto asete klubet do t’i zhvillojnë”

AMNISTIA – “Paratë që hidhen në futbollin shqiptar nuk merren mbrapsht. Çfarë futbolli është ky. Duhen incentiva për investime në sport, amnisti për kamat vonesat tatimore, por jo për sigurimet e prapambetura. Nuk jam i idesë që sportet elitare të përjashtohen nga taksat, nuk jam për taksa 0. Futbolli në veçanti duhet të ketë taksën 6% të sheshtë, aq sa bujqësia. Kjo gjë do të ndihmojë formalizimin. Po të modelojmë një treg me rregulla dhe barazimi mund të krijojë një ekonomi që mund të lulëzojë. Reforma duhet që t’i vendosë të gjitha klubet në kushte të barabarta. Ka nevojë për një fillim të lirë”.

“Futbolli duhet të bëhet treg fitimprurës. Klubet që nuk janë të pasura nuk zhvillojnë dot futbollistë të mirë, nuk marrin dot para nga tregu botëror i futbollit. Po flasim për një pasuri të madhe kombëtare. Tani po hedhim para në një vrimë të zezë, nuk mund të vazhdohet kështu”.

KANDIDATURA  PËR BASHKINË E TIRANËS – “Kryetari aktual pas katër vitesh nuk ka kuptuar asnjë përveç se të hedhë në shitje disa aksione të pavlera të Tiranës, gjë që e deklaroi pak ditë më parë. Për çdo impiant sportiv të ri që duhej bërë nga privati, qeveria duhet të jepte 30% të investimit donacion. Po të bëhem unë kryetar i Bashkisë së Tiranës nuk mund të ndodhi që të mos bëhen 100 impiante për Tiranën në katër vite, si mund të mbajë Tirana me kaq fusha 350 mijë fëmijë. Çdo investim në impiant sportive do të ketë 30% vlerës donacion nga buxheti i Bashkisë. Ai ka mendjen vetëm për t’u pasuruar vetë. Fola më parë për një impiant stërvitor me vlerë 3 milionë euro të një çifti në Tiranë (Football Republic), Bashkia s’ka pasur lidhje fare me atë investim, e ka braktisur”.

Veliaj rikthehet te Korabi, sepse luajti aty fazën e parë të sezonit të shkuar, ndërsa këtë vit u kthye në shtëpi, te Tomori.

Tani mesfushori organizator zgjedh të kthehet te Korabi, që do të thotë se edhe problemet financiare të klubit dibran janë lënë pas, përderisa aty kthehet një futbollist që i ka provuar mbi shpinë hallet e sezonit të shkuar.

Me afrimin e Veliajt, Korabi gjen një lojtar lider e me shumë eksperiencë, pas afrimeve të ditëve të fundit, me shumë lojtarë mjaft të rinj në moshë.

TAKIMI – Pasditen e djeshme të gjithë janë paraqitur gjithë futbollistët dhe stafi bardheblu. Kryebashkiaku Veliaj i ka ftuar në zyrën e vet për t’i përgëzuar për kupën, por gjithçka është bërë në heshtje, pa ndonjë bujë mediatike dhe pa trumbetim, aq sa nuk është dhënë asnjë njoftim as nga bashkia dhe as nga klubi bardheblu. Natyrisht, nuk është momenti për gjëra të tilla, sepse situata është shumë e acaruar dhe grupimi “Tirona Fanatics” nuk do ta priste mirë një takim të tillë. Në Elbasan u pa qartë që tifozëve nuk u intereson kupa dhe fitimi i saj thjesht sa shtoi nervozizmin, ndaj duhej evituar ndonjë shkëndijë tjetër, si do të dukej njoftimi për takimin në bashki.
PREMTIMET – Kryebashkiaku Veliaj nuk e ka prekur shumë ecurinë e Tiranës këtë sezon dhe rënien nga kategoria. Kryesisht ai është ndalur te triumfi ndaj Skënderbeut dhe tek e ardhmja e klubit. Ashtu si shpesh në të shkuarën, ai ka premtuar mbështetje të plotë për Halilin, ndërkohë që ka premtuar edhe fonde të tjera për klubin. Në fakt, ka kohë që është premtuar shlyerja e gjithë borxhit që bashkia ka ndaj klubit, por ka pasur shumë zvarritje për shkak se llogaria bankare e klubit ka qenë e bllokuar nga borxhet e akumuluara ndër vite. Mësohet se para pak ditësh Tiranës i janë kaluar 200 milionë lekë, nga fondi prej 400 milionësh që i takonte, ndërsa pjesa tjetër do të lëvrohet së shpejti, ka qenë premtimi i Veliajt.
E ARDHMJA – Nuk ka ndonjë plan për takim kokë më kokë mes Veliajt e Halilit. Rënia nga kategoria është një çështje që Bashkia nuk ka ndërmend ta përdorë kundër Halilit, i cili do të vazhdojë punën qetësisht, edhe pse tifozët i ka qartësisht kundër. Në horizont janë ndeshjet në Europa League dhe skuadra duhet ndërtuar me urgjencë, ose të paktën duhet evituar largimi i titullarëve.