Tashmë, skuadra është me pushime, por kapiteni Besart Çokaj deklaron se këto nuk janë pushime pafund, sepse drejtuesit po mendojnë për sezonin e ri. Për SportEkspres.com, Çokaj tregoi për startin e ri dhe mundësitë që kanë për të bërë merkato cilësore.

“Skuadra e kishte të domosdoshme të pushonte kaq gjatë, sepse kemi kaluar një sezon shumë të vështirë. Kemi luajtur të gjitha ndeshjet jashtë fushës sonë dhe fundi i kampionatit na rezervoi tronditjen e mbijetesës, të cilën e kaluam falë përkushtimit të skuadrës, stafit teknik e drejtuesve”.

“Ne nuk kemi asnjë largim nga skuadra e sezonit të kaluar. Gjatë këtyre ditëve, trajneri dhe drejtuesit e klubit kanë menduar edhe për merkaton e përgatitjet e sezonit të ri, të cilat do të nisin në datën 10 korrik”.

AGRON KAJA

Duke qenë njëherësh edhe President i Veleçikut, Kryetari i Bashkisë në Malësinë e Madhe, Tonin Marinaj deklaroi për SportEkspres.com se në fazën e dytë të kampionatit të ri, në Koplik përfundon ndërtimi i një impianti të ri.

“Së pari më takon ta uroj edhe zyrtarisht skuadrën që arriti mbijetesën në Kategorinë e Parë. Javën e kaluar ne u njohëm me vendimin e FSHF-së sa i përket terrenit të fushës në stadiumin tonë. Nuk kemi qëndruar indiferentë, sepse kemi marrë pronësinë e një trualli të ri për të ndërtuar një impiant modern që ti shërbejë jo vetëm skuadrës së parë, por gjithë brezave në bashkinë tonë”.

“Në fazën e dytë të kampionatit të ri ne e mbyllim projektin e ndërtimit të impiantit, sepse qytetarët tanë janë shumë të interesuar që ta kemi këtë stadium. Gjatë kësaj periudhe skuadra do të organizohet më fuqishëm për sezonin e ri, ku stafi teknik ka menduar edhe merkato. Ne si Bashki do ta mbështesim skuadrën për më shumë sukses”.

AGRON KAJA

Besnik Duli, trajneri i Veleçikut, për Sportekspres.com ka deklaruar: “Veleçiku vuajti përvojën. Si debutues në Kategorinë e Parë pas katër vitesh, në Koplik u ndërtua një skuadër për të qëndruar në këtë kategori. Ky ishte synimi kryesor, i cili u arrit edhe nga gërshetimi i përvojës me të rinjtë. Në dy fazat e para u dhanë frytet reale”.

SEZONI I ARDHSHËM –  “Për sezonin tjetër, Veleçikut i nevojitet një formatim ndryshe, me lojtarë më cilësorë për Kategorinë e Parë. Së bashku me klubin, kemi menduar të mbledhim edhe lojtarët vendas që janë larguar në skuadra të tjera, si Ymeraj, Rustemaj, Hepaj e Hasaj. Do ndërtojmë një skuadër më dinjitoze për Kategorinë e Parë”.

AGRON KAJA

Pikërisht në shtesën e dytë, erdhi dhe goli i parë i sfidës. Në minutën e 111’, Lami i jep avantazhin skuadrës së tij, duke shënuar një gol shumë të bukur. Lami u shndërrua menjëherë në hero te skuadra e Veleçikut, por festa e tij zgjati pak, pasi në minutën e 113’, merr kartonin e dytë të verdhë dhe lë skuadrën e tij me 10 futbollistë.

Të dyja skuadrat e mbyllën me nga 10 futbollistë takimin, por Veleçiku është ajo që triumfon në fund dhe siguron qëndrimin për në Kategorinë e Parë. Ndërsa ekipi i Shkumbinit, do të ndeshet me Luzi 2008 për vendin e fundit në Kategorinë e Parë.

Kategoria e Parë, Play Off

Shkumbini – Veleçiku 0-1
Shënues: Lami 111′

Skuadra e drejtuar nga Besnik Duli është gati për ndeshjen e nesërme në Shijak dhe trajneri i koplikasve deklaron: “Nuk duhet të ishim në këtë fazë, por futbolli kështu e ka. Po përqendrohemi te ndeshja me Shkumbinin dhe vlerësimi ynë është maksimal. Do luajmë ndaj një ekipi me traditë, por me dëshirë e disiplinë që në fushë të shprehim vlerat tona më të mira”.

Duli, në fjalën e tij për SportEkspres, shprehet i bindur se skuadra e tij do triumfojë: “Parashikimi im? Ai ekip që do të gabojë më pak do ta fitojë këtë sfidë dhe unë besoj se lojtarët e mi do japin më të mirën e tyre në fushën e lojës. Mendoj se pas kësaj sfide Veleçiku do të jetë përsëri pjesë e Kategorisë së Parë. Nuk do t’i zhgënjejmë tifozët tanë, të cilët i duam si gjithmonë edhe në stadiumin e Shijakut”.

AGRON KAJA

Klubi nga qyteti i Koplikut ka postuar së fundmi një video të tensionit, ku bie në sy një veprim i një prej futbollistëve të Shënkollit që rrëzon përtokë njërin prej lojtarëve të skuadrës së Veleçikut.

https://www.instagram.com/p/BwSoEI_n5uB/?utm_source=ig_web_copy_link

“Ne e vlerësojmë Shënkollin, jo nga pozicioni që ka në renditje, por nga loja e fortë që zhvillon dhe nga shpirti i garës. Në këtë fazë të tretë nuk ka më ndeshje të lehta. Për ne janë si finale, e tillë është edhe ajo e radhës me Shënkollin. Kemi punuar gjatë gjithë javës për këtë përballje”, u shpreh Duli për sfidën me Shënkollin.

Për vazhdimësinë e garës, ai shton: “Ne kemi patur dhe kemi si objektiv mbijetesën në Kategorinë e Parë. Në çdo ndeshje do bëjmë lojën tonë me dinjitet. Po e përsëris, se duke i vlerësuar të gjitha ndeshjet si finale, do të shkojmë më të sigurt tek objektivi ynë”.

AGRON KAJA

“Çdo ndeshje ka specifikën e vet dhe pasi ajo është mbyllur, gjithçka përqendrohet për ndeshjen e radhës. Ne arritëm një fitore të merituar me Erzenin, por ky nuk është fundi, sepse beteja vazhdon dhe skuadra duhet të jetë e qartë nga ana psikologjike për të shmangur euforinë”, ishte kjo deklarata e teknikut të Veleçikut, Besnik Duli.

Ndërsa për ndeshjen në Burrel, tekniku i koplikasve thekson se gara është shumë e fortë në Kategorinë e Parë, pamvarsisht pozicioneve që kanë skuadrat në tabelën e renditjes. “Kjo është një transfertë e vështirë, por ne do të shkojmë të bëjmë maksimumin tonë për një rezultat pozitiv. E theksoj, nuk ka vend pwr eufori”, ishte kjo deklarata e trajnerit të Veleçikut për ndeshjen e javës së 17-të në Burrel.

AGRON KAJA

Drejtuesit e Vllaznisë e kanë parë të rrugës t’i huazojnë këta lojtarë te Veleçiku, ku edhe hapësirat për ta do të jenë më të mëdha. Trajneri Besnik Duli i ka dashur vetë këta dy futbollistë dhe tashmë skuadra e tij do të jetë më e plotë për pjesën e dytë të sezonit.

NJOFTIMI – “KF Vllaznia bën të ditur se dy prej futbollistëve që kanë qenë në organikën e ekipit të parë, pikërisht mbrojtësi Brendon Smajli dhe mesfushori Sinisha Rajçeviq, janë huazuar deri në fundin e këtij sezoni te KF Veleçiku.

Nisur nga mungesa e hapësira për të luajtur me ekipin tonë, në bashkëpunim edhe me stafin teknik por edhe me dëshirën e vetë lojtarëve, është parë e arsyeshme që ato të kalojnë tek skuadra koplikase ku do të kenë më shumë minuta lojë dhe kjo padyshim që do të ndihmojë në rritjen e tyre sportive, për t’u rikthyer në një nivel më të lartë sezonin tjetër sërish tek Vllaznia. KF Vllaznia iu uron suksese Smajlit dhe Rajçeviq me ekipin e tyre të ri”, shkruan klubi shkodran në njoftimin e bërë në sajtin zyrtar.

“Puna jonë me skuadrën ka nisur që në datën 4 janar, ku i gjithë grupi i cili mbylli 14 ndeshjet e para të kampionatit, ka qenë i gatshëm në këto ditë. Por ne tashmë i quajmë të Veleçikut tre futbollistët që kanë qenë pjesë e Vllaznisë: Nimanin, Rajçeviç dhe Pusin. Forca jonë është grupi, dhe së bashku do të mundohemi që skuadra të renditet në pesë të parat në fundin e fazës së dytë, sepse faza e tretë do të jetë më e vështirë në pesë të dytat e grupit”.

Në ndeshjen e javës së 14-të Veleçiku luan në Peshkopi ndaj Korabit, dhe këtë trajneri Duli e vlerëson si të vështirë, por e quan të shpejtë të flasësh, pasi duhen edhe tre javë që të rinisë kampionati.

“E kam nisur 17 vjeç te Veleçiku dhe në këtë rrugë të gjatë deri më sot kam luajtur në tre sezone në Kategorinë e Parë. Dallimi është i madh dhe shoh se në këtë sezon është Veleçiku më i mirë se në dy pjesëmarrjet e tjera në Kategorinë e Parë. Nuk kemi synim vetëm një pjesëmarrje në këtë kategori”, kështu deklaron Çokaj për SportEkspres.com, duke theksuar më pas se nga starti deri në javën e 14-të synimet kanë ndryshuar.

“Në fillimin e këtij sezoni Veleçiku kishte si synim primar qëndrimin në grupin e mbijetesës, por gradualisht skuadra erdhi në rritje dhe po tregon se ka mundësi për më shumë. Nëse ne do të kishim stadiumin tonë të licencuar dhe do t’i zhvillonim ndeshjet në shtëpi, besoj se Veleçiku do të kishte më shumë pikë në renditje”.

AGRON KAJA

“Duke qenë se Veleçiku vinte nga Kategoria e Dytë, mendoj se ballafaqimi në këto 14 javë nuk ka qenë thjesht si një debutues. Natyrisht që kemi patur edhe mangësi, të cilat më shumë na kanë ardhur nga fakti se fusha jonë nuk është e liçencuar nga FSHF-ja dhe ndeshjet të gjitha i kemi luajtur në transfertë”, kështu theksoi fillimisht në deklarimin e tij tekniku i Veleçikut.

Gara për pjesën tjetër të sezonit në këtë kategori do të jetë më e vështirë, kryesisht në fazën e tretë që do të përgjysmohen pikët e dy fazave të para, por Duli thekson se në këtë periudhë do të eliminohen disa mangësi. “Duke ardhur nga një kategori më poshtë, kontingjenti ynë ka qenë i cunguar dhe harmonizimi i lojtarëve ka ardhur gradualisht. Dhe për pjesën e dytë të kampionatit kemi menduar të plotësohemi me lojtarë cilësorë në boshtin e skuadrës: mbrojtje-mesfushë-sulm”.

Në 14 ndeshjet e luajtura në Kategorinë e Parë, Veleçiku ka grumbulluar 19  pikë, dhe me 6 fitore, 1 barazim dhe 7 humbje renditet në vendin e 6-të në Grupin A të Kategorisë së Parë.

Ka mjaftuar një gol i Tomas në minutën e 13-të skuadrës nga Kopliku për të marrë 3 pikë me shumë vlerë. Skuadra vendase ka tentuar në disa raste që të ndryshojë rezultat por nuk ia ka mundur që të gjej rrugën e rrjetës.

Iliria nuk arrin të gjejë vazhdimësinë, duke shënuar humbjen e tretë në 4 takimet e fundit dhe me 15 pikë mbetet në vendin e tetë.  Skuadra nga Fushë-Kruja duhet të reagojë nëse nuk do që të rrezikojë seriozisht rënien, edhe pse është ende herët. Duhet të veçohet se u luaj në një terren skandaloz dhe mjaft të rënduar.

Ata kanë kërkuar llogari te gjyqtarët, ndërkohë që për të qetësuar situatën është dashur ndërhyrja e forcave të rendit.

Në grupin A, Veleçiku ka mundur Burrelin me rezultatin 1-0. Ishte goli i Plishtit në pjesën e dytë që bëri diferencën në këtë sfidë. Në këtë mënyrë është skuadra nga Kopliku shkon në vendin e 5 me 12 pikë, ndërsa Burreli mbete në vendin e parafundit me vetëm 6 pikë.

Në grupin tjetër Besa ka marrë një fitore jo pak të vuajtur ndaj Lushnjes, pasi ka pritur deri në minutën e 87-të për të gjetur golin e avantazhit. Tedi Cara ka realizuar golin me vlerën e tre pikëve, duke i rikthyer kavajasit në vendin e parë në grupin B me 17 pikë. Në krahun tjetër del duarbosh Lushnja, e cila e sheh veten në kuotën e 8 pikëve, duke u pozicionuar në vendin e tetë.

Heroi i këtij takimi ka qenë Donat Toma, i cili ka realizuar të dy golat për Veleçikun. Sulmuesi i dha avantazhin skuadrës së tij në minutën e 21-të, ndërkohë që rreth 10 minuta më pas Korabi barazoi shifrat. Një penallti e fituar prej tyre u kthye në gol nga Erand Hoxha.

Gjithsesi shifrat nuk mbeten të barabarta për shumë kohë, pasi Toma pesë minuta më pas gjeti sërish rrugën e rrjetës. 2-1 u mbyll pjesa e parë. Në të dytën gjërat u vështirësuan për Korabin, pasi Hoxha u ndëshkua me karton të kuq në minutën e 73-të. Rezultati deri në fund mbeti i pandryshuar dhe Veleçiku mori pikët e plota.

Kategoria e Parë – Java 6

E diel, më 21 tetor 2018, ora 14:00
Stadiumi “Reshit Rusi”, Shkodër

Veleçiku-Korabi 2-0
Shënues: Toma 21’, 37’ / E. Hoxha 32’ (pen.)

Golin e vetëm të takimit e ka shënuar Ergys Kuçi në minutën e 47-të. Elbasanasit nuk mundën të shfytëzonin faktorin fushë, pasi luanin në “Elbasan Arena”. Në takimin e raundit të parë të Kupës së Shqipërisë ndaj Kukësit, Orikumi do të luajë fillimisht si pritës më datë 12 shtator, ndërsa ndeshja e dytë zhvillohet pas dy javësh.

ELBASANI – ORIKUMI 0 – 1

GOLI: /Kuçi 48′

ELBASANI: Hasfatija, Mici, Dishani, Duka, Hoxhaj, J. Lleshi, A. Lleshi (Çangu 65′, Ferhati 75′), Ukaj, Balla (Fejzaj 65′), Brahimaj, Ezike. Trajner: E. Merxha

ORIKUMI: Halilaj, Hoxhaj, Nurçe (Sadushi 79′), Kongjini (Dhrami 64′), Qejvanaj, Azizaj, Livanaj (Çapoj 57′), Çaushaj, Gjinaj, Kuqi, Kuçi. Trajner: A. Sakaj

GJYQTARË: R. Muska, E. Morina, E. Shehu (Tiranë)

Ndeshja tjetër e raundit eliminator midis Veleçikut dhe Klosit, pasi skuadra matjane nuk u paraqit dhe fitorja iu akordua në tavolinë ekipit nga Kopliku, që do ndeshet me kampionët në fuqi të Skënderbeut në raundin tjetër.

Miqësorja e sotme u mbyll me rezultatin e barabartë 1-1. Golin për Vllazninë e shënoi Silvio Zogaj, sulmuesi anësor i marrë nga skuadra e Laçit së fundmi. I riu në të shkuarën ka qenë pjesë e Luftëtarit dhe vetë trajneri Hasan Lika e ka pasur nën urdhra lezhjanit, i cili gjithashtu ka luajtur edhe me Vllazninë U19.

Pjesa e parë u mbyll 1-0, kurse në të dytën Veleçiku barazoi me anë të Lamit në minutën e 72-të. Pavarësisht kohës në dispozicion, Vllaznia nuk arriti ta realizojë golin e fitores. Ky takim u mbyll me rezultatin 1-1.

Me të njëjtat shifra ka përfunduar edhe ndeshja miqësore mes Elbasanit dhe Lushnjës. Këto dy ekipe garojnë në grupin B të Kategorisë së Parë dhe do tentojnë të rikthehen në Superiore. Tjetër takim miqësor që është mbyllur në barazim është ai mes Pogradecit dhe Egnatias. Asnjëra skuadër nuk shënoi dot dhe gjithçka u mbyll 0-0.