Vedat Muriqi

Zyrtare: Merr fund telenovela, Muriqi transferohet te gjiganti i Stambollit

Sport Ekspres — Sun, 07 Jul 2019 12:08:34 +0000

Vedat Muriqi është bërë me ekip të ri dhe njëfarë mënyre ka surprizuar, pasi ka shkuar pikërisht aty ku nuk dëshironte: te Fenerbahçe. Në fakt ata kishin bërë ofertën më të mirë dhe Rizespori donte pikërisht këtë lëvizje, që është zyrtarizuar.

Shtatlarti bëri një sezon super, duke shënuar 17 gola në kampionatin e shkuar dhe pas tiju vunë disa klube. Në media u fol për interesim nga Spanja, Franca dhe Italia, por në fund ai ka zgjedhur të nënshkruajë në Turqi.

View this post on Instagram

#BizFenerbahçeyiz V E D A T M U R I Q I. ?

A post shared by Fenerbahçe SK (@fenerbahce) on Jul 7, 2019 at 4:51am PDT

Muriqi nuk duron më, zbulon ku do luajë vitin e ardhshëm

Sport Ekspres — Thu, 04 Jul 2019 21:52:10 +0000

Bisedimet e stërzgjatura midis Rizesporit dhe klubeve të shumta të interesuara për Vedat Muriqin, duket se kanë lodhur dhe vetë sulmuesin shqiptar. Duke qenë se negociatat nuk po rezultonin të frytshme, futbollisti ka marrë vetë çështjen në dorë.

Me anë të një postimi në rrjetet sociale Muriqi ka bërë të ditur se ai do respektojë vitin e mbetur në kontratës: Pas bisedimeve me presidentin e klubit z. Hasan Kartal dhe mosmarrëveshjeve për transferimin, vendosa që deri në përfundim të kontratës karrierën ta vazhdoj te Rizespori.

Me të mbaruar sezoni i ardhshëm Muriqi do të jetë lojtarë i lirë në treg çka do rrisë akoma dhe më shumë interesin e klubeve nga e gjithë Europa, por më parë 25-vjeçari duhet të tregojë se sezoni i kaluar ku nuk ishte thjesht një rastësi.

“Nuk e shes për këtë shifër”, presidenti i Rizesporit zbulon ofertat për Muriqin

Sport Ekspres — Mon, 17 Jun 2019 16:25:08 +0000

Sulmuesi kryesor i Kosovës, Vedat Muriqi ka disa oferta nga klube të mëdha. Paraqitjet e mira dhe golat e 25-vjeçarit kanë bërë që drejt tij të vërshojë interesi i klubeve si Gallatasaraj dhe Fenerbahçe. Muriqi regjistron plot 17 gola dhe 8 asiste këtë vit në Superligën turke me Rizesporin.

Presidenti i klubit turk, Hasan Kartal, ka folur rreth të ardhmes së yllit të tij. Numri një i Rizesporit pohon faktin se Fenerbahçe dhe Gallatasaraj kanë bërë oferta zyrtare për drejt tij.

“Kemi dëgjuar në lajme se ka shumë oferta , por të vetmet oferta zyrtare për të janë nga Fenerbahçe dhe Gallatasaraji. Ne nuk mund ta shesim një futbollistë të tillë për 2.5 ose 3 milionë euro. Më mirë na bie që ta mbajmë edhe vitin tjetër në skuadër e më pas mund të largohet falas. Kështu mund të kontribuojë akoma për Rizesporin”, u shpreh presidenti Kartal.

Muriqi e Hadërgjonaj në kor: Mund të shënonim edhe më shumë!

Sport Ekspres — Mon, 10 Jun 2019 21:21:30 +0000

Vedat Muriqi, sulmuesi i Rizespor, shënoi golin e barazimit 2-2 me Bullgarinë, ndërkohë që në fund Kosova fitoi dhe shtatlarti nga Prizreni normalisht ndihet mirë. Pas ndeshjes, në SuperSport Kosova ai deklaroi: Ishte një fitore e madhe, e merituar. Mund të triumfonim edhe më thellë. Jam sulmues dhe golat më kënaqin, sidomos kur shënon me përfaqësuesen. Besuam shumë te fitorja. Në pjesën e parë pësuam, më pas shënuam. Kishim vetëbesim, luftuam dhe ia dolëm”.

“Më parë ka qenë ndryshe dhe nuk donim të bëheshim si San Marino e Malta. Tani kemi shumë kualitet, mos të keqkuptohen ata që ishin atëherë. Tani po luajmë në klube dhe po marrim rezultate edhe me Kosovën. Ndeshjet e ardhshme, edhe pse do jenë më të vështira, besoj se do të marrim rezultate”, tha Muriqi.

Më pas foli debutuesi Florent Hadërgjonaj: “Erdha me këmbë të mbarë. Ishte fitorja e parë në kualifikuese, diçka shumë e veçantë. Për qejf do e kisha veshur më parë këtë fanellë. Ndeshja dhe fitorja e parë është e veçantë, kemi pasur shumë shikues. Ishte diçka shumë speciale”.

“Festa në dhoma? Ishte fantastike, u djeg. E merituam, besuam dhe përmbysnim. Mund të shënonim 5-6 gola më shumë. E merituam me gjithë këtë luftë. Anglia? Pak herët të flasim për Anglinë. Kemi ndeshje me Çekinë njëherë. Normalisht do ketë ndeshje më të vështira dhe do mund të matemi me lojtarët më të mirë në botë”, përfundoi Hadërgjonaj.

VIDEO | Gol dhe asist, Muriqi merr “medaljen e argjendtë” në podiumin e golashënuesve

Sport Ekspres — Fri, 24 May 2019 20:33:57 +0000

Vedat Muriqi mund të ketë zhvilluar ndeshjen e fundit me fanellën e Rizesporit. Mbrëmjen e sotme skuadra e sulmuesit shqiptar u mund 3 – 2 nga vizitorët e Trabzonsporit, por 24-vjeçari ia doli të ishte më i mirë në fushë pavarësisht humbjes.

Muriqi pati rol vendimtar në të dy golat e Rizesporit, duke asistuar golin e parë dhe shënuar vetë të dytën. Lojtari i përfaqësueses së Kosovës e mbyll këtë edicion të Superligës turke me një rekord personal prej 17 golash, ndërkohë nuk kanë munguar as asistet plot 9 të tillë. Shifra prej 17 golas e vendos Muriqin në vendin e dytë të tabelës së golashënuesve, duke pasur mbi veten vetëm sulmuesin e Gallatasarajit, Mbaje Dianje, i cili e mbylli kampionatin me 30 gola.

https://twitter.com/LegendSportoff/status/1132014974203826176

Kontrata e Muriqit me Rizesporin mbaron në qeshor të 2020-ës, por pritet që sulmuesi te transferohet këtë verë të një ekip i një niveli më të lartë. Deri më tani për 24-vjeçarin kanë shfaqur interes klube te Superligës turke, por edhe nga kampionati francez e spanjoll.

VIDEO | Super Vedat Muriqi, Gallatasaraji “preja” e radhës!

Sport Ekspres — Sat, 11 May 2019 13:53:58 +0000

Vedat Muriqi po bën një sezon super në Turqi dhe sot i ka shënuar Gallatasarit. Sulmuesi, i cili në Superiore është aktivizuar me Besën dhe Teutën, po shkëlqen me fanellën e Rizespor dhe goli i realizuar sot ishte mjaft i bukur.

Muriqi me një lëvizje të bukur u fut në zonë dhe arriti të shënonte golin e 15-të për këtë sezon, ndaj Gallatasarajit që u përfol si opsion për t’u transferuar në merkaton e janarit. Shifrat për futbollistin nga Prizreni janë super, pasi ka arritur edhe të asistojë shtatë herë për shokët e skuadrës.

https://twitter.com/PlayMakerDergi/status/1127209697411518464

Një “bomber” shqiptar drejt Francës, agjenti zbulon bisedimet

Sport Ekspres — Fri, 10 May 2019 15:39:44 +0000

Një ndër zbulimet e këtij viti në Superligën Turke ka qenë padyshim sulmuesi shqiptar Vedat Muriqi. Futbollisti shtatlartë ka shënuar 14 gola në 31 ndeshje dhe ka regjistruar 7 asiste me ekipin e Rizesporit.

Ecuria e mirë e 25-vjeçar ka tërhequr interesin e shumë klubeve turke, ndër to dhe gjigantët e Fenerbahçes, pos së fundmi është zbuluar oferta e parë nga një kampionat elitar evropian.

Agjenti i lojtarit, Haluk Canatar, ka konfirmuar për mediet turke se klubit të Rizesporit i ka ardhur një ofertë nga skuadra e Tuluzës. Në intervistë përfaqësuesi i lojtarit theksoi se për momentin ai nuk ka informacion mbi detajet e ofertës, pasi bisedimet po kryhen fillimisht midis klubeve.

Ndër të tjera, Canatar, foli hapur për interesin e treguar nga Fenerbahçe për lojtarin e tij. Klubi nga Stambolli është interesuar mbi detajet e kontratës aktuale të Muriqit, por palët janë ende në pritje të një oferte zyrtare.

https://www.youtube.com/watch?v=D5sVmHvehxo

Muriqi i shumëkërkuar, ka “derbi” në Stamboll për sulmuesin

Sport Ekspres — Sun, 31 Mar 2019 15:34:54 +0000

Vedat Muriqi ka qenë një ndër zbulimet e këtij sezoni në Superligën turke, teksa ka shënuar 11 gola e ka regjistruar 7 asiste me skuadrën e Rizesporit.

Paraqitjet e mira të sulmuesit të Kosovës kanë sjellë interes nga shumë klube elitare turke. Disa javë më parë u përfol për një transferim te Gallatasaraji, por së fundmi në lojë është futur një tjetër klubi i madh.

Bëhet fjalë për Beshiktashin. Skuadra nga qyteti i Stambollit ka ndërmend të mbyllë bashkëpunimin me kanadezin Kajl Larin dhe turkun Mustafa Pekmetek. Muriqi është një ndër kandidatët kryesor për të plotësuar repartin e sulmit sëbashku me Burak Jilmaz .

Futbollisti 24-vjeccar ka një kontratë deri në vitin 2020 me Rizesporin, prandaj Beshiktashit i duhet të paguajë për kartonin e sulmuesit të Kosovës.

VIDEO | “Bisha” Vedat Muriqi nuk ndalet, gol dhe asist

Sport Ekspres — Sat, 16 Mar 2019 10:56:15 +0000

Vedat Muriqi është kthyer në një mostër, pasi në Turqi vijon të shënojë rregullisht për Rizesporin. Sot ia ka dalë që në minutën e dytë, teksa ka ndëshkuar skuadrën e Konjaspor. Për sulmuesin shtatlartë ky është goli i 11-të në kampionat.

https://twitter.com/EZSPOR/status/1106868071455690752

Por jo vetëm ka shënuar, pasi sulmuesi ishte vendimtar edhe te goli i dytë i Rizesporti, që vulosi fitoren 0-2. Në minutën e 68-të ai asistoi për Samudio dhe ky i fundit i vetëm me portierin realizoi golin që mbylli llogaritë.

https://twitter.com/goalforza/status/1106894173804875776

Gjashtë prej tyre i ka shënuar gjatë vitit 2019 dhe për trajnerin e Kosovës, Bernard Shaland, është një lajm i mirë kjo ecuri që ka Vedat Muriqi. Gjatë muajit janar ai u përfol edhe për një kalim te gjigantët e Gallatasarajit.

Gjithsesi nuk lëvizi dhe duket se kjo është zgjedhja më e mirë. Në verë me shumë mundësi do të ndryshojë ekip dhe mbetet për t’u parë se ku do të transferohet sulmuesi që në muajin prill mbush 25 vjeç. Në të shkuarën ai ka luajtur edhe në Superiore, konkretisht me Teutën dhe Besën e Kavajës.

VIDEO | Muriqi përbindësh goli, Rizespori marshon

Sport Ekspres — Sun, 10 Mar 2019 14:41:47 +0000

Vedat Muriqi ndodhet në një formë fantastike. Sulmuesi i Rizesporit ka gjetur golat e radhës në kampionat gjatë ditës së sotme. 24-vjeçari ka shënuar dy herë në ndeshjen shtëpiake përballë Kajserisporit.

Muriqi zhbllokoi shifrat në minutën e 22-të. Gjiganti i sulmit shfrytëzoi një top të kthyer nga portieri mik dhe dërgoi atë në rrjetë. Sulmuesi nuk u ndal dhe trefishoi shifrat për ekipin e tij në minute e 65-të. Nëntë minuta më pare kishte paraguaiani Samudio golin e dytë për Rizesporin.

Lojtari i përfaqësuesës së Kosovës nuk gaboi nga pika e penalltisë duke vulosur fitoren e ekipit të tij. Ky ishte goli i dhjetë në Superligën turke për Muriqin, ndërkohë që numëron dhe gjashtë asiste.

GOLAZOOO! Muriqi ! dk’22
Rizespor 1 – 0 Kayserispor pic.twitter.com/5BmsiYungt

— GOLAZOOO! Sports (@GOLAZOOOxSports) March 10, 2019

Rizespor tam pompa yap?yor ya yine vedat muriqi pic.twitter.com/rcyezDKmEE

— slimshady (@kurusikisavar) March 10, 2019

VIDEO | Perla e Muriqit nuk mjafton kundër Fenerbahçes, te Rizespori është njëshi

Sport Ekspres — Sat, 02 Mar 2019 19:32:04 +0000

Rizespori i Vedat Muriqit nuk mundi të shmangte humbjen në transfertën ndaj Fenebahçes. Skuadra nga Stambolli rrezikon rënien nga Superliga Turke dhe tri pikët ishin detyrim për ta. Gjithsesi, skuadra e sulmuesit të Kosovës u mundua t’u bënte ballë.

Muriqi dha një asist të shkëlqyer gjatë pjesës së dytë për të çuar shifrat në 2 – 2 për Rizesporin, por vendasit ia arritën të rimerrnin avantazhin të ndihmuar dhe nga fakti që Rizespori luajti me 10 lojtarë gjatë të gjithë pjesës së dytë.

Muriqi është padyshim lojtari që po spikat më shumë te skuadra e Rizesporit. Ish-sulmuesi i Teutës dhe Besës kryeson renditjen e golave dhe asisteve te skuadra e tij me respektivisht 6 asiste dhe 8 gola.

VIDEO | Shkëlqejnë Rashica dhe Muriqi, vlerësim maksimal për dy sulmuesit

Sport Ekspres — Tue, 12 Feb 2019 19:11:12 +0000

Viti 2019-të ka filluar shumë mirë për dy yjet e përfaqësueses së Kosovës Milot Rashica dhe Vedat Muriqi. Të dy lojtarët janë vlerësuar me një vend në formacionin e javës të kampionateve respektiv nga kompania e njohur e statistikave “Whoscored”.

?? Bundesliga Team of the Week — @bayer04fussball and @werderbremen have 3? players each

Jirí Pavlenka@TheoGS23
Waldemar Anton
Martin Hinteregger@AchrafHakimi @KimoBellarabi @JulianBrandt @jamesdrodriguez @milotrashica @KeVolland @davieselke27 https://t.co/m9Ss60TZR4 pic.twitter.com/Uc4tjDgkZk

— WhoScored.com (@WhoScored) February 11, 2019

Rashica luajti vetëm 36 minuta në fitoren e Verderit ndaj Augsburgut, por kaq i mjaftoi për të qenë autori i një dopiete. “Whoscored” e ka vënë futbollistin nga Vushtrria në formacionin e javës dhe e ka vlerësuar me notën 8.6.

There was just no stopping @milotrashica on Sunday ?#werder pic.twitter.com/jzvU034hpe

— SV Werder Bremen EN (@werderbremen_en) February 12, 2019

Të njëjtin vlerësim ka marrë dhe Vedat Muriqi, i cili aktivizohet në kampionatin turk me Rizesporin. Futbollisti shtatlartë ishte autori i një supergoli në ndeshjen e mbyllur në barazim 1 – 1 ndaj Antaliasporit. Vetëm marokeni Junes Belhanda ia kalon Muriqit me një vlerësim prej 9.8.

https://twitter.com/detayanalizzzz/status/1094223538377183232

?? Super Lig Team of the Week — Liverpool loanee Loris Karius features between the sticks after earning a clean sheet in @Besiktas's 2-0 win over Bursasporhttps://t.co/eRnSkIvVGV pic.twitter.com/vq2Ph6q8C1

— WhoScored.com (@WhoScored) February 12, 2019

VIDEO | Muriqi nuk ndalet, habitet çfarë eurogoli shënoi!

Sport Ekspres — Sat, 09 Feb 2019 13:29:49 +0000

Rizespori po kalon një formë të mirë në kampionatin turk. Tre fitore rresht, ndërsa sot po përballet në shtëpi me Antaljasporin. Vedat Muriqit i kanë mjaftuar vetëm 6 minuta lojë për të gjetur golin.

Sulmuesi i Rizesporit ka marrë një pasim të bukur, ka stopuar mirë topin dhe ka lëshuar një të majtë, që ka përfunduar në trekëndëshin e portierit kundërshtar. Në stadium ka shpërthyer festa, ndërsa vetë sulmuesi është befasuar nga ajo goditje shumë e bukur.

Goli i shtatë në kampionat për 24-vjeçarin e përfaqësueses së Kosovës, duke qenë dhe golashënuesi më i mirë i ekipit të tij. Ndeshja vazhdon dhe Rizespori ndodhet në avantazh me golin e sulmuesit shqiptar.

Vedat Muriqi Harika gol #rizespor pic.twitter.com/UFP1sv5PG9

— ikibucuküstt (@detayanalizzzz) February 9, 2019

FOTO | Askush si Muriqi, statistikat e nxjerrin në krye

Sport Ekspres — Thu, 31 Jan 2019 08:41:18 +0000

Fundjava që lamë pas ishte mjaft pozitive për Vedat Muriqin në Turqi. Futbollisti i kombëtares së Kosovës, shënoi golin e parë në fitoren, që ekipi i tij Rizespor arriti ndaj Akhisarspor, me të cilët aktivizohet sulmuesi i kombëtares kuqezi, Sokol Cikalleshi.

Pas golit të shënuar dhe formës së mirë, Muriqi merr një tjetër vlerësim. “Whoscored.com” ka publikuar formacionin e javës në kampionatit turk dhe gjiganti i sulmit është lojtari më i vlerësuar për sa i përket notave.
Muriqi është vlerësuar me notën 8.6, më e larta nga lojtarët që bëjnë pjesë në formacion, në të cilin bëjnë pjesë lojtarë, si boshnjaku i Bashakshehir, Edin Viska, apo dhe Hugo Rodajega e Badu Ndiaje.

“Gjiganti” Muriqi, në Turqi është “mbreti” i ajrit

Sport Ekspres — Mon, 28 Jan 2019 14:47:32 +0000

Vedat Muriqi po zhvillon sezonin më të mirë të karrierës në Superligën turke. Futbollisti shtatlartë ka shënuar gjashtë gola, në 19 takime, ndërkohë që nuk harron as të shërbejë shokët e ekipit me asiste, me plotë pesë të tillë.

Një tjetër aspekt ku shkëlqen 24-vjeçari janë duelet ajrore. Gjatësia prej 194 centimetrash e ndihmon Muriqin që të mos ketë konkurrent në luftën në ajër. Sulmuesi i përfaqësueses së Kosovës është futbollisti që fiton më shumë duele ajrore në Supeligën turke, më konkretisht 5.4 duele për ndeshje.

Kontrata e Muriqit me Rizesporin mbaron në vitin 2020-të, por me paraqitjet që lojtari po kryen këtë sezon, nuk do të jetë aspak çudi që 24-vjeçari të transferohet në një ekip shumë herë më të fortë.

VIDEO | Muriqi fiton derbin e shqiptarëve në Turqi, 90 minuta për Vrionin

Sport Ekspres — Mon, 21 Jan 2019 22:14:22 +0000

Rizespori, skuadra ku aktivizohet Vedat Muriqi ka qenë surpriza e javës në Superligën turke, pasi ka mundur në transfertë Kasimpashën e vendit të katërt me rezultatin 1 – 0. Futbollisti i përfaqësueses së Kosovës rezultoi vendimtar në këtë takim me një asist mjaft të bukur për nigerianin Umar.

https://twitter.com/GOLAZOOOxSports/status/1087401268677693440

Loret Sadiku, mesfushori shqiptar i Kasimpashës, si rrallëherë u aktivizua nga stoli, duke luajtur gjatë të gjithë pjesës së dytë. Me këtë fitore skuadra e Muriqit shkon në kuotën e 15 pikëve, sërish në vendin e fundit të tabelës, por mbijetesa nuk është e pamundur.

Zhvendosemi në Itali, ku Venecia e Xhakomo Vrionit barazoi 1 – 1 në transfertë ndaj Specias. Sulmuesi i komëbares shqiptare luajti për 90 minuta në këtë takim, ku nuk arriti të gjente rrugën e rrjetës.

“Bisha” e Superligës turke është një shqiptar, flasin shifrat

Sport Ekspres — Thu, 10 Jan 2019 12:20:55 +0000

Është titullar i padiskutueshëm në ekipin e tij dhe po shënon. Pesë herë ka tundur rrjetat e kundërshtarëve dhe për Vedat Muriqin nuk është një shifër e vogël duke pasur parasysh se është pjesë e Sivaspor, ekip që renditet në vendin e fundit në klasifikim.

Por nëse të tjerët shënojnë më shumë gola, ai bën diçka tjetër më mirë se kushdo: fiton duelet. Muriqi është lojtari që ka fituar më shumë të tilla në Turqi në 17 javët e para të kampionatit. Sa duele ka fituar? Plot 151.

https://twitter.com/TFFSuperLig/status/1083101102038568965

Shtatlarti madje është lakuar në media edhe për një kalim te Gallatasaraji dhe jo më kot Fatih Terim po e monitoron. Muriqi në të shkuarën është aktivizuar edhe në Superiore. Fillimisht ai veshi fanellën e Teutës, për t’u huazuar më pas te Besa.

Giresunspor në ligën e parë turke i besoi për herë të parë dhe me këtë ekip ai arriti të realizonte deri në 17 gola në një sezon vetëm në kampionat. Sulmuesi 24-vjeçar u ble nga Gençlerbirligi, ekip me të cilin debutoi në Superligë dhe tanimë është pjesë e Rizespor.

Terim do sulmues, Muriqi në listën e gjigantit turk

Sport Ekspres — Thu, 27 Dec 2018 14:33:51 +0000

Vedat Muriqi është sulmuesi kryesor i Rizersporit, klub që mund t’i humbasë shërbimet e tij në muajin janar. Nga Turqia vjen lajmi se për Muriqin interesohet Gallatasaraj, klub gjigant atje. Ndër të tjera thuhet se Fatih Terim e ka dhënë “OK”-in.

Plani është që Muriqi të jetë alternativë për sulmin, pasi klubi turk po mendon të afrojë edhe një tjetër sulmues. Aktualisht Derdijok është shënuesi më i mirë i Gallatasarajit me 7 gola. Për sulmuesin e Kosovës do të kishim të bënim me një hap gjigant.

Këtë sezon Muriqi ka arritur të shënojë në Superligë 5 gola në 17 ndeshje me fanellën e Rizesporit, çka ka bërë që te Gallatasaraji ta shohin si një opsion për sulmin. Tanimë mbetet për t’u parë nëse mes klubeve do të arrihet një marrëveshje për transferimin e sulmuesit shtatlartë.

Grezda titullar në fitoren e Rejnxhërs, asistojnë Muriqi dhe Ekuban

Sport Ekspres — Sun, 23 Dec 2018 16:35:51 +0000

Gllasgou Rejnxhërs arriti një fitore tepër të rëndësishme në transfertë përballë St. Xhonston me rezultatin 1-2. Eros Grezda ishte pjesë e formacionit titullar, ndërsa Stiven Xherard e la në stol gjatë pushimit mes pjesëve. Rejnxhërs përmbysi dizavantazhin e pjesës së parë dhe shënoi dy herë me anë të kolumbianit Morelos, duke u ngjitur në kuotën e 38 pikëve me një pikë më pak se Selltiku kryesues, që ka për të luajtur një ndeshje më shumë.

Trabzonspori i Ekuban shkatërroi Rizesporin e Ujkanit dhe Muriqit me rezultatin 4-1. Ish-sulmuesi i Partizanit zbriti në fushë në minutën e 78-të, kur rezultati ishte 2-0, ndërsa dhuroi asistin e golit të fundit për ekipin e tij. Nga ana tjetër, Vedat Muqiri ishte në formacion dhe luajti gjatë gjithë ndeshjes, ndërsa dhuroi një asist shumë të bukur për golin e vetëm të ekipit të tij.

Një pjesë loje u aktivizua dhe Samir Ujkani, i cili zëvendësoi Akan në fillimin e pjesës së dytë. Ky trepikësh e ngjiti Trabzonsporit në vendin e dytë me 29 pikë, gjashtë më pak se kryesuesit e Bashkashehirit, ndërsa Rizespori mbetet i fundit me 12 pikë.

Humbje dhe për Xhakomo Vrionin. Venecia e sulmuesit u mposht në shtëpi nga Kozenca me rezultatin 0-1, ndërsa sulmuesi i kombëtares u hodh në fushë nga trajneri Zenga në minutën e 65-të, por miqtë shënuan dhjetë minuta përpara fundit dhe dolën me tre pikë nga ky takim.

Durmishaj gol në Kupë me Panionios, eliminim surprizë i Muriqit

Sport Ekspres — Tue, 18 Dec 2018 17:33:38 +0000

Sulmuesi i Panionios, Fiorin Durmishaj, ka gjetur rrugën e rrjetës në takimin e Kupës kundër skuadrës së Irodotos. Futbollisti vlonjat u tregua i saktë nga pika e bardhë në minutën e 78-të duke çuar rezultatin në 2 – 0. Skuadra vendase ngushtoi diferencën pak minuta më vonë, por Panionios nuk lejoi që tri pikët t’i iknin nga duart dhe siguroi kështu kalimin në fazën me eliminim direkt.

Në Turqi, Rizespori i Vedat Muriqi ka surprizuar duke u eliminuar nga kupa e Turqisë nga Balekesirspor, skuadër kjo që militon në kategorinë e dytë të futbollit turk. Ekipi ku luan sulmuesi i Kosovës kishte humbur 2 – 0 takimin e parë, ndërsa në përballjen e sotme nuk arritën më shumë se një barazim 1 – 1. Muriqi u fut në lojë në minutën e 73-të.

Në ndryshim nga Muriqi, Sokol Cikalleshi dhe Gëztepe kanë siguruar kalimin më tej. Ekipi i sulmuesit kavajas mundi me rezultatin 2 – 1 skuadrën e Nazilli Beledijesporit, duke e çuar rezultatin e përgjthëm në 5 – 1. 28-vjeçari luajti për 90 minuta në këtë takim.

VIDEO | Muriqi “hero” në Turqi, Llullaku pikë mes ngricës

Sport Ekspres — Sat, 15 Dec 2018 14:40:19 +0000

Vedat Muriqi ka gjetur rrugën e rrjetës në takimin e sotëm midis Rizesporit dhe Alaniasporit , ndeshja që përfundoi në barazim 1 – 1. Sulmuesi i përfaqësueses së Kosovës, shënoi golin që barazoi shifrat për vendasit për skuadrën vendase në minutën e 56-të.

Ky ishte goli i pestë për Muriqin në këtë edicion të Superligës turke. Edhe pse ka ngelur pa luajtur më shumë gjysma e kampionatit, Muriqi ka arritur të përmirësojë ecurinë e tij të mëparshme në këtë kompeticion, ku më parë ka luajtur për skuadrën e Gençlerbirlit për dy sezone ku shënoi 3 dhe 2 gola.

Zhvendosemi në Rumani, ku Azdren Llullaku luajti për 90 minuta në barazimin 1 – 1 ndaj Voluntarit të vendit të fundit. Ndeshja u luajt në temperatura të ulëta dhe e gjitha fusha ishte e rrethuar me pirgje të mëdha bore.

Punëtorët e fushës duke pastruar borën përpara ndeshjes Astra – Voluntari

VIDEO | Muriqi “turpëron” portierin kundërshtar, nuk mjafton për Rizesporin

Sport Ekspres — Sun, 25 Nov 2018 12:58:06 +0000

Rizespori arriti një barazim në transfertë me ekipin e Sivasporit, duke barazuar 1-1. Goli i miqve u shënua nga Vedat Muriqi, i cili gjeti golin e katërt në kampionat.

Sulmuesi i përfaqësuesës së Kosovës tundi rrjetën në minutën e 60, duke kaluar Rizesporin në avantazh, por vendasit barazuan pas 16 minutash me anë të brazilianit Braz.

24-vjeçari mori një pasim nga Umar, u fut në bukur në zonë dhe lëshoi një diagonale që kaloi mes këmbëve të portierit. Pikë e rëndësishme për Rizesporin, pavarësisht se renditet në vendin e fundit në Turqi në kuotën e 9 pikëve, katër pikë larg mbijetesës.

VIDEO | Muriqi i shënon Bashakshehirit, Qaka e Balaj festojnë triumfet

Sport Ekspres — Sat, 10 Nov 2018 15:34:08 +0000

Asnjë minuta për Bekim Balajn, i cili pa të fitonte skuadrën e tij në transfertë kundër Krilia Sovetov. Sulmuesi shkodran ishte në stol, ndërkohë që për Ahmat Grozni fitorja e marrë ishte me shumë vlera.

Kamer Qaka u aktivizua për 90 minuta në takimin që Poli Iashi fitoi 1-2 me përmbysje ndaj Astras. Mesfushori u ndëshkua me karton të verdhë në minutën e 83-të, ndërkohë që ekipi i tij luajti prej minutës së 41-të me një lojtar më pak. Llullaku mundoi për Astrën.

Sokol Cikalleshi po merr minuta te Gëztepe, por sërish nuk ka shënuar. Sulmuesi kavajas zbriti në fushë për ekipin e tij në minutën e 63-të, kur ndeshja ishte 2-0 në favor të Erzurum. Skuadra e sulmuesit shqiptar realizoi në shtesë, por doli pa pikë nga kjo transfertë.

Vedat Muriqi është ai që ka shënuar në Superligën turke, madje Bashakshehirit kryesues. Rizespori u mund 2-1 dhe sulmuesi i Kosovës realizoi me një goditje brenda zonës pas një aksioni të bukur të skuadrës së tij. Ujkani vijon të qëndrojë në stol për skuadrën turke.

?Vedat Muriqi’nin skoru 2-1’e getiren golü: pic.twitter.com/gEhUAIUFSA

— CanliSkor.com (@CanliSkor) November 10, 2018

Muriqi “ndëshkon” Fenerbahçen, Cikalleshi mungon në fitoren e Gëztepes

Sport Ekspres — Sun, 30 Sep 2018 18:04:54 +0000

Vedat Muriqi ka hapur serinë e golave në fitoren 3-0 të Rizersporit ndaj Fenerbahçes. Sulmuesi i përfaqësueses kosovare ka zhbllokuar sfidën në minutën e 30-të. 24-vjeçari përdori armën e tij më të fortë, shtatlartësinë, dhe ka shënuar një gol me kokë. Në 10 minutat e ardhshme skuadra e Muriqit shënoi dhe dy gola të tjerë.

Sokol Cikalleshi nuk ka qenë i grumbulluar në fitoren 3-2 të Gëztepes ndaj Koniasporit. Klubi nga Izmiri ka konfirmuar se mungesa e sulmuesit vjen si pasojë e dëmtimit të pësuar në stërvitjen e një javë më parë.

https://twitter.com/goalradar/status/1046437380054536192

Muriqi e bën “sefte”, vjen goli i parë në Superligën turke

Sport Ekspres — Sun, 19 Aug 2018 18:50:48 +0000

Vedat Muriqi ka gjetur golin e parë më ekipin e Rizesporit. 24 vjeçari u transferua këtë sezon tek klubi i ngjitur në Superligën turke dhe me golin e tij, i ka dhënë barazimin ekipit në ndeshjen përballë Akhisarit. Sulmuesi i Kosovës kaloi Rizesporin në avantazh në minutën e 28’. Paraguaiani Samudio shmangu portierin, pas një zbritje të shpejtë dhe pasoi për Muriqin, i cili shënoi me portën e boshatisur.

Për fat të keq, Rizespori, nuk arriti do të dilte nga transferta me tri pikët. Vendasit barazuan pak minuta më vonë, dhe rezultati qëndroi i njëjtë deri në fund të takimit, edhe pse Akhisarispori luajti gjatë të gjithë pjesës së dytë me 10 lojtarë.

Muriqi numëron 5 ndeshje dhe 1 gol të shënuar me shpresat e Shqipërisë, por që nga viti 2016, ai aktivizohet me Kosovën, më të cilët ka shënuar dy gola në 9 ndeshje të zhvilluara.