GOLI – “Ndjenjë e mirë, një gol që e prisja, ndihem mirë që ia dola dhe tani shpresoj të kem vazhdimësi. Në ndeshjet e fundit miqësore kam luajtur rregullisht, e kam nisur titullar, kam shënuar me Kamzën dhe Teutën. Gjeta golin ndaj Partizanit, pavarësisht se kishim dhe mungesa. Pjesa e parë për ne ishte e mirë, por mungesat bënë të vetën”.

REPARTI I SULMIT DHE MERKATO – “Nuk do thosha që jam i vetmuar përpara. Roger nuk ka qenë në 100%, Henry nuk ka ardhur në formën e vetë më të mirë. Taulanti (Marku), që është alternativë, e ka treguar veten, vjet dhe sivjet. Nuk është se jam vetëm”.

VENDI I FUNDIT – “Renditja bën të vetën, pavarësisht se ne kemi zhvilluar ndeshje të mira. Fati nuk na ka ndihmuar në ndeshje të caktuar. Me shpresë zoti do e ngremë kokë në ndeshjet që kanë mbetur”.

NDESHJA ME LUFTËTARIN – “Ndeshje që ka të bëjë shumë, aty jemi fokusuar në minifazë dhe është objektivi kryesor. Ndoshta e kemi lënë disi pas dore ndeshjen e kupës, pasi nuk ishte objektiv i qartë për ne. Shpresoj që ajo ndeshje të ndryshoj disi pjesën e klasifikimit, që të mos jetë ky hendeku i madh që është krijuar”.

MUNGESA E KAPITENIT ÇELA NË FUNDJAVË – “Çela është kapiten i ekipit. Besoj se trajneri e ka menduar këtë pjesë, dhe ai që do e zëvendësojë Çelën do e bëjë si duhet. Përforcime? Shpresoj, por këto janë punë që i përkasin stafit teknik. Unë kam pjesën e fushës dhe aty duhet të jap maksimumin, duke shënuar”

Në pjesën e parë, nuk kishte gola dhe skuadrat ishin disi më të kujdesshme. Gjithsesi, me fillimin e së dytës, të dyja ekipet gjetën rrugën e rrjetës. Fillimisht, ishte Kastrioti që kaloi në avantazh.

Djemtë e drejtuar nga Bledar Devolli gjetën rrjetën me anë të Vatnikaj, i cili duket në një formë shumë të mirë. Vetëm pesë minuta nga fillimi i së dytës dhe skuadra krutane e sheh veten në epërsi.

Gjithsesi, ky avantazh nuk do të zgjaste shumë, pasi sulmuesi argjentinas i Kamzës, Martinena do të barazonte gjithçka. Ky gol i bomberit do të vendoste dhe rezultatin përfundimtar të takimit, që u mbyll 1-1.

Miqësore, 16 janar 2019, Kamëz

Kamza – Kastrioti  1-1
Shënues: Martinena / Vatnikaj 50’