Nga ana tjetër trajnerin Ernest Gjoka e shqetësojnë dëmtimet. Sikurse dihet, mbrojtësi Gëzim Krasniqi e ka mbyllur sezonin. Kapiteni Ylli Shameti gjithashtu është i dëmtuar, ndërkohë që në ndeshjen e fundit me probleme nga fusha ka dalë edhe Eduart Rroca.

Mesfushori kishte pasur probleme edhe gjatë javës dhe nuk e mbylli dot ndeshjen me Kukësin. Ditën e sotme ai nuk ka dalë në stërvitje dhe pritet një përgjigje pas vizitave mjekësore. Veç Rocajt një tjetër lojtarë që shqetëson është sulmuesi Vasil Shkurtaj.

Ky i fundit nuk ishte grumbulluar në ndeshjen me Skënderbeun dhe e ndoqi nga tribuna. Edhe sot ai nuk është bashkuar me grupin, çka tregon se ende problemet me shpinën nuk kanë marrë fund për të. Trajneri Gjoka shpreson që sulmuesi të jetë i gatshëm sa më parë, ashtu sikurse edhe lojtarët e tjerë.

Gjithsesi ka edhe shqetësime. Sulmuesi Vasil Shkurtaj nuk ka mundur të stërvitet gjatë këtyre ditëve për shkak të një problemi me shtyllën kurrizore. Vlonjati në takimin me korçarët ka pak shanse të luajë. Edhe Valdet Rama nuk do të jetë nën urdhrat e trajnerit Ernest Gjoka.

Sulmuesi anësor së fundmi ka qenë në Gjermani dhe ka zhvilluar një vizitë tek ortopedi i Shalkes. Gjendja e tij duket e mirë dhe në finalen e Kupës ndaj Tiranës pritet në fushë. Ky është një lajm i mirë për stafin teknik, që tashmë mund  t;i bëjë llogaritë edhe me Shametin. Gjirokastriti mori minuta në ndeshjen me Luftëtarin dhe tanimë mund të luajë edhe nga fillimi.

REXHINALDO – Sulmuesi nga Mozambiku është nën kontratë me Kukësin deri në fund të këtij muaji, por në kampin verilindor janë të vendosur ta mbajnë në skuadër. Sipas asaj që raporton Supersport, bisedimet për nënshkrimin e një marrëveshjeje kanë nisur.

Jo vetëm kaq, por thuhet se ka edhe një akord me menaxherin e sulmuesit. Gjithsesi pa u hedhur e zeza mbi të bardhë asgjë nuk mund të konsiderohet e mbyllur. Rexhinaldo këtë sezon me Kukësin ia ka dalë të shënojë 10 gola në kampionati.

Gjithashtu sulmuesi ka realizuar edhe katër herë në Kupë, në ndeshjet e rëndësishme në fazën çerekfinale dhe gjysmëfinale me Teutën dhe Skënderbeun. Për cilësitë e tij si futbollist nuk ka dyshime, por problem është karakteri i tij. Rexhinaldo është nga ana që nuk i pëlqen shumë t’i flasin, por në fushën e blertë jep gjithnjë maksimumin e tij.

Vasil Shkurtaj dhe Valdet Rama ditën e sotme janë stërvitur të diferencuar. Prania e tyre në ndeshjen me Tiranën është në dyshim, por po bëhet maksimumi që të jetë në dispozicion të stafit teknik. Nesër, në seancën e fundit para ndeshjet do të kuptohet më mirë nëse do jetë gati apo jo.

Në ndeshjet e fundit trajneri Gjoka për arsye dëmtimi nuk ka pasur kapitenin Ylli Shameti, ndërkohë që edhe Irakli Dzaria ka pasur probleme shëndetësore. Për sfidën me Tiranën është rikthyer mesfushori Vesel Limaj, i cili mungoi kundër Flamurtarit për shkak se kishte plotësuar numrin e kartonëve të verdhë.

KRASNIQI – në seancën e sotme stërvitore Kukësi pati edhe një vizitor special. Mbrojtësi Gëzim Krasniqi, i dëmtuar në ndeshjen me Kastriotin, është operuar në gju dhe me paterica kishte udhëtuar drejt Pezë-Helmësit dhe ka takuar shokët e skuadrës.

Pas ndeshjes Shkurtaj deklaroi se do të bënte kontrollet mjekësore. Pasi i kreu ato, u zbulua se kishte një krisje në dorë. Fatmirësisht mund të luajë, duke vendosur një mbrojtëse në dorë. Sulmuesi është bashkuar sot me skuadrën dhe është fotografuar me pjesën tjetër të ekipit në ambientet e palestrës ku kanë kryer seancën stërvitore të paradites. Sikurse edhe shihet në foto, vlonjati do të mbajë një mbrojtëse në dorë, siç bëri edhe braziliani Uilliam Kordeiro javët e fundit.

Shkurtaj u zhbllokua në fundjavë, duke shënuar edhe golin e parë të takimit në fitoren 3-2 që Kukësi regjistroi kundër skuadrës periferike të kryeqytetit. Tashmë pritet që ai të vijojë të japë kontributin e tij për verilindorët, që kanë edhe objektiva madhorë këtë sezon.

Në lidhjen direkte me emisionin “Gol pas Goli” në Supersport, ai foli edhe për golin e realizuar: E prisja golin dhe jam i kënaqur. Më gëzojnë më shumë tre pikët. Tani shohim ndeshjen me Luftëtarin. Mënyra e realizimit? Kam pasur edhe rate të tjera, por nuk shënova. Erdhi momenti dhe jam shumë i kënaqur”.

Shkurtaj luajti krah Rexhinaldos dhe ai e komenton edhe këtë: “Është ndeshja e dytë që luajmë bashkë, kemi luajtur edhe në Kupë. Gradualisht po kombinohemi më shumë. Ai bën gjëra që nuk i bëj unë dhe plotësojmë njëri-tjetrin. Është shumë e vështirë të ta them, nëse është më mirë me Rrocën apo me Rexhinaldon. Me Rexhinaldon luaj mirë, edhe Rroca është i rëndësishëm. Ai jep pasa për gol. Profesori është ai që vendos”.

Tashmë ai do t’i dhurojë dy fanellat e tij që kishte me Luftëtarin dhe për këtë tifozët duhet të plotësojnë disa kushte. Shkurtaj nuk i lëshon falas fanellat, por në këmbim të fansave në “Instagram”. Më poshtë janë edhe kërkesat e sulmuesit për tifozët.

“I dashur K.S Luftëtari Gjirokastër! Erdhi momenti të themi “mirë u takofshim” dhe jo ” lamtumirë”, pasi do jetë kënaqësia ime që rrugët tona të bashkohen sërish në të ardhmen.

Duke kaluar në shumë ambiente sportive gjatë karrierës time, duke u larguar detyrohem të them publikisht për klimën e jashtëzakonshme që ekziston tek ky ekip dhe përbënte një shtytje më tepër për mua, të jap më të mirën time në çdo ndeshje. Bashkë ne bëmë histori, duke çuar ekipin në Europë për herë të parë.

Një falënderim të madh për çdonjërin në veçanti për të gjithë këtë periudhë një vit e gjysmë të cilët më bënë të ndihem i dëshiruar në çdo moment brenda dhe jashtë fushës se blertë. Falënderoj bashkëlojtarët e mi, presidentin, stafin mjekësor dhe stafin mirëmbajtës, duke mos harruar tifozët tanë që kanë qenë mbështetje në çdo ndeshje”, shkruan Shkurtaj në faqen e tij në “Facebook”.

“Prandaj e zgjodha Kukësin, përveçse është një ekip i madh, është edhe pretendenti kryesor për ta fituar kampionatin. Edhe unë dua ta fitoj titullin. Në Kukësi ka shumë lojtarë të mirë. Besoj se me Rrocën dhe ardhjen time do jemi më të fortë. Nuk e di nëse do marrim lojtarë të tjerë. Kemi një president që kërkon shumë dhe besoj se mund ta arrijmë objektivin që kemi. Do punoj, do stërvitem mirë dhe po besoi trajneri se unë do të luajë, atëherë do jem gati në çdo moment”.

Kombëtarja është një dëshirë e madhe për Shkurtajn: “Patjetër Kukësi mund të më ndihmojë në shumë gjëra, për të fituar kampionatin, për të bërë një transfertë jashtë vendit. Besoj do më ndihmojë edhe të realizoj ëndrrën e madhe që kam për të luajtur me kombëtaren”.

Më tej ai shtoi: “Patjetër që me Kukësin do të kem më shumë raste për gol dhe do shënoj më shumë. Pse jo edhe unë të marr rrugën që mori Guri”. Shkurtaj pjesën e parë të këtij sezoni arriti të realizojë shtatë gola, po aq sa Rexhinaldo, i cili ishte sulmuesi kryesor i verilindorëve.

FALENDERIMI – Shqiponjat Bluzi kanë vetëm fjalë të mira për Shkurtajn, teksa edhe e kanë uruar pas largimit drejt Kukësit. “Futbollisti ynë, Vasil Shkurtaj, i ka dhënë fund aventurës me ekipin bluzi. Ne si tifozë i jemi mirënjohës futbollistit për atë çka dhënë për fanellën tonë. Faleminderit Vasil, të urojmë suksese në karrierë dhe shpresojmë që një ditë të rikthehesh sërish në ekipin tonë.

Presidenti i skuadrës verilindore, Safet Gjici, deklaroi se skuadra është më pranë objektivit të titullit kampion, ndërsa paralajmëroi edhe për përforcime të tjera të tjera në repartin e mbrojtjes.

“Rrocën edhe Shkurtaj jemi më pranë objektivit, që gjithmonë ka qenë titulli. Përforcuam mesfushën edhe sulmin, tani mund të shohim për ndërhyrje ne mbrojtje. Shkurtaj është një sulmues i rallë në kampionatin tonë, edhe kombëtarja duhet ta shohë”.

“Nuk ka rrezik për xhelozi brenda ekipit, të gjitheë janë profesionistë. Ekipi është i kompletuar edhe trajneri nuk ka më justifikime. Ia kemi plotësuar të gjitha kërkesat. Madje duke bërë sforco. Tani e kanë në dorë lojtarët edhe stafi, sepse klubi e ka bërë detyrën”, ishin fjalët e presidentit të kuksianëve.

https://www.facebook.com/313559492122738/posts/1645467858931888/

Sportekspres.com mëson se menaxheri i Shkurtajt ka mbërritur në Shqipëri dhe sot pritet të arrijë marrëveshjen me Kukësin dhe me pas të vijë zyrtarizimi.

Kukësi do të zhvendoset në fazë dhe koha është e limituar. Duke qenë nën kontratë, sulmuesi ka qenë disi i detyruar të pranojë ofertën e verilindorëve. Për trajnerin Armando Cungu në këtë mënyrë do të ketë më shumë alternativa për sulmin.

Në pjesën e parë të sezonit vetëm Rexhinaldo ishte opsion për shkodranin. Mbetet për t’u parë kush do jetë zgjedhje e parë për ofensivën, pasi duket e vështirë të luhet me dy sulmues qendrorë.

Vetë klubi i Luftëtarit shkurtimisht ka njoftuar: “Duke marre shkas nga deklarata të ndryshme, ju bëjmë me dije se asnjë futbollist shqiptar nuk do të largohet nga Luftëtari, përveç Rrocës dhe me shumë mundësi Shkurtaj, për të cilin ka oferta”.

Janë disa lojtarët që klube të tjerë të Superiores i kërkojnë nga Luftëtari, mes tyre edhe kapiteni Behar Ramadani. I larguar mund të konsiderohet edhe Lejdi Liçaj, të cilit i ka përfunduar kontrata me bluzinjtë dhe nuk do të rinovojë.

Ndërkohë drejtuesit po punojnë për të bërë përforcime dhe tregu vendas është ai më i “lakmuari”. Synimi është që të merren futbollistë që e njohin kampionatin tonë dhe në listën e objektivave është Erjon Vucaj, i cili në merkaton e janarit vetëm fanellën e Luftëtarit mund të veshë.

Mes tyre janë Partizani e Kukësi, që do të zhvendosen në Turqi. Verilindorët presin për sulmin Vasil Shkurtajn, por ende nuk ka asgjë zyrtare. Presidenti Gjici është shprehur se e ka arritur marrëveshjen me Luftëtarin, por duhet bindur vetë sulmuesi.

“SportEkspres.com” ka raportuar më parë se vlonjati ka kërkuar që të marrë pagat e prapambetura nga gjirokastritët, si dhe Kukësi t’i japë paradhënie pagat deri në fund të këtij sezoni. Nga ana tjetër edhe Partizani mbetet në garë. Duhet një qendërsulmues, pasi deri më tani është përshtatur shpesh Jurgen Bardhi në atë pozicion.

Por Kukësi e Partizani duan të përforcohen edhe në mbrojtje. Një mbrojtës i djathtë është i domosdoshëm për të kuqtë. Labinot Ibrahim “laj thaj” është alternativa e vetme e Gegës. Po ashtu edhe Kukësi ka në dispozicion vetëm Edis Malikin. Zgjidhja ka një emërues të përbashkët: Hektor Idrizaj.

Ramadan Ndreu e njeh mirë vlonjatin, pasi vjet e mori në ekip te Kamza dhe tashmë dëshiron ta ketë te Kukësi, ku është edhe drejtor menaxherial. Koha në dispozicion për të dyja klubet nuk është në favor, ndaj edhe do të duhet të veprohet shpejt. Më 4 janar nisin fazën në Turqi.

PERMBLEDHJA – “Jam shumë i kënaqur. Në fillim ka pasur skeptikë, edhe vetë unë e ka thënë që nuk e dija se deri ku mund të arrinim. Ia lija çdo ditë punës dhe vetë njohjes së grupit më tepër. I kemi marrë ndeshjet me radhë dhe në fakt edhe kemi gabuar rrugës. E kanë bërë edhe kundërshtarët, kështu ndodh. Besoj se kemi marrë maksimumin dhe jam i kënaqur. Kam privilegjin që po punoj me këtë ekip dhe jemi në këtë moment”.

SHKURTAJ TE KUKËSI – “Flirtimi është në modë kur vjen merkato. Ekipet shikojnë aty ku kanë probleme, nuk ka pasur diçka konkrete. kam shumë emra të dalë, unë e quaj konkrete kur firmos. Kukësi ia ka arritur, por merkato ende nuk ka nisur për ne. Dua ta theksoj se që të marrim dikë, duhet të largojmë dikë. Duhet të marrim lojtarin e duhur dhe të na japë shtyrje të madhe dhe të shkojmë aty ku duam. Nuk e kemi pasur ndonjëherë, e kemi sërish kundërshtar, nga Gjirokastra ka shkuar në Kukës rruga e mbarë i qoftë. Do takohemi, është djalë shumë i mirë. Secili ka projektin e vet, nëse Kukësit i funksionon projekti, do të thotë që ka punuar shumë mirë. Ne jemi shumë mirë pa Shkurtajn. Nëse vjen dikush që bën diferencën ndaj këtyre që kemi, projekti do ta na ecë edhe më mirë. Mos të ndalemi shumë te Shkurtaj. Me Kukësin jemi rivalë, jo armiq. Nëse punon mirë, i japim dorën. Ata e dinë për llogaritë e veta, puna e tyre nëse ndërhyjnë shpejt në merkato. Edhe në verë u tha që nuk kishim punuar shumë në merkato, por ja ku jemi dhe të gjithë jemi të kënaqur, nga presidenti deri tek tifozët“.

“Shkurtajn dhe Rrocën iu vlerësoj, sidomos të parin që e kam drejtuar. Ka alternativa, dikush shkon e dikush vjen. Nuk ka qenë asnjëherë lojtar i joni, kështu që nuk ndjej keqardhje. Do ndjeja keqardhje për një lojtar që ka një kontribut dhe për arsye të tjera mund të largohet dhe nuk ke fuqi ta mbash se i mbaron kontrata. Për dikë që nuk ka ardhur ndonjëherë nuk ndjek keqardhje, vetëm i uroj suksese aty ku është”.

NDESHJA ME LUFTËTARIN – “Në fazën e dytë patëm një ngërç, kemi barazuar me ekipet rivale. Jo gjithmonë merret maksimumi. Me Teutën dhe Kukësin bëmë paraqitje të mirë dhe morëm maksimumin e momentit. Shkojmë me synimin për të fituar në Gjirokastër. Jemi të gatshëm të gjithë, përveç Telushit që është i dënuar me kartonë të verdhë. Besoj se do bëjmë më të mirën për ta mbyllur me sukses”.

MUNGESA E TELUSHIT – “Një lojtar që ka kaq kontribut, nga fillimi nuk ka pushuar dhe i ka dhënë shtytje të madhe të ekipit. Është një pikë shumë e madhe e jona. Kemi lojtarë që mund ta kompensojnë, edhe grupi është i gatshëm. Për çdo mungesë kemi alternativa. Do ia lëmë fushës. Shpresoj që ai që do e zëvendësojë të jetë në lartësinë duhur”.

TRYSNI PAS DY BARAZIMEVE – “Është gjysma e kampionatit, nuk kemi trysni prej barazimeve. Duhet t;’i marrim ndeshjet një e nga e një dhe t’i vlerësojmë që nga Kastrioti e deri te rivali kryesor. e kemi bërë bilancin dhe me këtë grup që kemi mund të arrijmë edhe më lart. Jam me shpresë që pjesa e dytë e sezonit do jetë më e plotë, pasi është krijuar fizionomia e ekipit. Kemi mbështetje të jashtëzakonshme, tifozët kanë besim te ne. besoj se gjërat do të shkojnë mirë.

GOJKOVIÇ DHE FRASHËRI – “Është larguar me dëshirën e vet, ka qenë një alternativë për ne. Vjet kishte më shumë ndeshje. Gjatë kohës e pamë të arsyeshme të luajmë me Atandën dhe Belicën, të cilët u përshtatën mjaft mirë. falë kontributit të tyre jemi në këtë pikë. kemi alternativë, është Bitri, lojtar me të ardhme dhe vetëm 22 vjeç. Shpresojmë që edhe ai të ingranohet sa më shpejt, pasi ka pasur dëmtime. jemi të hapur edhe për alternativa të tjera. Frashëri opsion për Partizani? Asnjëherë nuk e kam përmendur, me gjithë respektin. Është lojtar i mirë, por nuk është diskutuar asnjëherë me të. Nuk kam folur as me presidentin, as me drejtorin. Nuk ka qenë në planet tona. Megjithatë gjithçka mund të ndryshojë”.

GRUPI – “Nuk kemi thënë asnjë moment se jemi për titull. Është gjysma e rrugës. Ky grup që është po bën maksimumin. Nuk kemi presion nga ata që investojnë. Nuk na kanë vënë kusht që të dalim kampion me çdo kusht”.

LUFTËTAR SURPRIZUES – “Dua të jem i fokusuar te puna ime, nuk shoh anash. Më interesin ekipi dhe ndeshja e radhës. Kundërshtarët kanë punët e tyre dhe nuk na takon të merremi”.

“Sa afrime ju kënaqin? Shkojmë në Gjirokastër dhe urojmë ta kalojmë me sukses këtë ndeshje. Më pas do shohim çfarë do bëjmë, do ulemi dhe do koordinohemi. Sa afrojmë, mbeten numra. Dua që ky grup që është të rritet dhe të ketë pjesën e dytë të sezonit një paraqitje edhe më të mirë”.

ORAKULLI MUÇA – “Nuk e di, edhe mund t’i dalë. Uroj që Muça të gabojë për ndeshjen tonë.  Të gjitha rezultatet janë të pranueshme në futboll. Nuk kemi frikë askënd, aq më tepër në Gjirokastër. I kemi respektuar kundërshtarët, por jemi Partizani. Kur të jemi afër, do të flasim për titull, nuk flitet që në dhjetor për titull. Kampion dimri është vetëm gjysma e punës. Nuk është punë modestie, fjala titull nuk na tremb, por ndeshjet luhen në fushë, skuadrat janë shumë pranë njëra-tjetrës dhe me dy ndeshje ndryshon çdo gjë. Ne duam të marrim më të mirën dhe deri më sot e kemi bërë”.

TRASHI – “Luan në mbrojtje, por avancon më shumë se çdo mesfushor tjetër. Realisht aty luan. Trashi është mbrojtës i majtë dhe për atë e mori Topin e Artë. Nuk e penalizon spostimi në mbrojtje, aty ka qenë i shkëlqyer dhe kur gjërat funksionojnë, ndryshimi i vogël nuk përbën problem. Me të i kemi të dyja pjesët, kemi shpinën të mbuluar dhe gjithashtu sulmojmë shumë mirë.”

/FLORIAN ALLA

Verilindorët duket se janë klubi që po tregohen më konkret. Pasi kanë marrë Eduart Rrocën, ata tashmë synojnë të finalizojnë marrëveshjen edhe për Shkurtajn. Jo vetëm kaq, por ka edhe një plan dhe është mjaft interesante.

Sipas asaj që raporton Supersport, Kukësi po tenton të përfshijë në marrëveshje edhe Rexhinaldon. Kështu, mozambikasi do të kthehej tek ish-skuadra e tij dhe Shkurtaj do i bashkohej ekipi të Armando Cungut për të tentuar fitimin e titullin kampion.

Sa u takon atyre në Superiore, Partizani është mes tyre dhe është gati edhe të paguajë për kartonin e tij. Për ta pasur më të lehtë fitimin e titullit ia vlen të shpenzosh. Nga ajo çfarë thuhet nga burime pranë klubit të Luftëtarit, çdo klub që e do duhet të paguajë rreth 100 mijë euro.

Kukësi është lakuar si i interesuar për Shkurtajn, ndërkohë që edhe te Laçi e dëshirojnë. Prej kohësh kurbinasit kanë kërkuar informacion mbi kontratën e tij me Luftëtarin, nëse i përfundon në janar apo më vonë. Mbetet për t’u parë gatishmëria e bardhezinjvë për të paguar kartonin e sulmuesit, pasi thuhet se me gjirokastritët pat nënshkruar për tre vite verën e shkuar.

PROBLEMI – Te Luftëtari ka pasur probleme pagash dhe vetë në klub e kanë pranuar. Pas një lajmi të “SportEkspres.com” se lojtarët prej pesë muajsh nuk paguhen, nga Gjirokastra erdhi edhe reagimi: “Lojtarët kanë vetëm dy muaj pa paguar”.

Gjithsesi disa ditë më pas erdhi një tjetër njoftim, këtë herë përmes sajtit zyrtar të klubit: “Luftëtari ka kaluar në bankë një nga tre rrogat e prapambetura”. Sikurse kuptohet, një situatë e tillë mund ta kishte nxjerrë Luftëtarin duarbosh me ndonjë prej futbollistëve.

Rregullorja e thotë qartë, që kushdo lojtar që nuk paguhet për tre muaj radhazi mund të dalë lojtar i lirë. Nëse një situatë e tillë do përsëritet sërish, në Gjirokastër mund të humbasin ndonjë prej lojtarëve. Futbolli është profesion dhe normalisht gjithsecili kërkon të marrë djersën e tij.

GJENDJA E EKIPIT – “Na ka shërbyer pushimi i kampionatit për të rritur disi ritmin e përgatitjeve. Por nuk na shërbeu për rikuperimin e disa futbollistëve, që nuk do të jenë në fushë nesër. Gjithsesi jemi munduar të bëjmë më të mirën me këta që kemi. Shpresojmë të shohim një Kukës luftarak dhe që të kërkojë tre pikët”.

ZËVENDËSIMI I TITULLARËVE – “Natyrshëm që nuk është e lehtë. Nuk është situatë e re për ne, e kemi pasur në vazhdimësi. Jemi munduar ta menaxhojmë situatën. Gjithkush ka mundësitë e veta për të dhënë më të mirën. Nuk duhet të shqetësohemi shumë. Me mungesat që kemi jemi munduar të gjejmë lojtarët e duhur për t’iu përshtatur lojës. Shpresoj që nesër t’ia dalim”.

PRESIONI – “Gjithmonë ka presion, jo vetëm tek unë. Edhe po të jesh i pari ke presion ta ruash. Jam i fokusuar tek ekipi. Do mundohem të bëj maksimumin, si nga ana profesionale ashtu edhe nga ana njerëzore, për këtë klub. Natyrshëm do mundohem të bëj zgjedhjet e duhura për vazhdimësinë e ekipit. Çfarë është në dorën time, padyshim që do bëj maksimumin për të përmbushur detyrat e mia si trajner”.

KUNDËRSHTARI I MOBILIZUAR – “Nuk do të thotë asgjë se kanë bërë ndryshime. Përtej pikëve që ata kanë, Kamza për mua ka lojtarë të mirë dhe duhet respektuar. Nuk janë ekip i lehtë. Në fushën e tyre dinë të shprehen mirë. Edhe ata kanë nevojë për pikë, ashtu si ne. Ia lëmë fushë dhe ekipi që do kërkojë më shumë do të marrë maksimumin. Jam i bindur dhe shpresoj të jemi ne ekipi që do të marrë pikët e plota”.

MERKATO – “Nuk kam bërë ndonjë listë, jam i fokusuar te puna me këta djem. Duhet t’i marrim më të mirën këtij ekipi. Mund të them fjalë të mirë për grupin, por futbolli luhet për pikë. Kemi merituar më shumë pikë me futbollin që kemi zhvilluar. Gjithsesi shpresojmë që në vazhdimësi të kemi një sjellje tjetër edhe në lidhje me pikët”.

KALE – “Kemi diskutuar me presidentin dhe drejtorin që kur kam ardhur këtu. Është përmendur problematika e Kale, gjyqet pafund, pretendimet. Mendoj që natyrshëm ardhja e tij do ishte një vlerë e shtuar, por kishte edhe një kohë të humbur. Ishte shkëputur nga ekipi. Mund të thoni që është stërvitur me Vlorën, por duke ardhur te Kukësi, në një ekip krejtësisht të ri, do të donte kohe për t’u përshtatur. Ne po shohim se kemi një ekip të ri, që edhe po stërvitet së bashku prej kohësh, dhe ende nuk mund të themi se kemi marrë maksimumin e këtij grupi. Drejtuesit e panë të arsyeshme të merrnin këtë vendim”.

SHKURTAJ – “Nuk dua të flas, nuk kam asnjë koment. Përmenden shumë emra, shpesh nga ata që nuk janë as në orbitën tonë, as në idetë tona. Nuk është hera e parë që më ndodh diçka e tillë, më ka ndodhur në çdo ekip që përmenden që nuk kanë lidhje. Kjo nuk do të thotë se është rasti i Shkurtajt që po përmend unë. Thashë edhe më përpara është shumë herët për të folur. Kemi pesë ndeshje përpara, na duhen pikë dhe jemi të fokusuar te puna me djemtë. kur të mbarojë kampionati do bëjmë bilancin dhe do shohim ku mund të ndërhyjmë”.

TIFOZËT – “Patjetër që është e nevojshme të na mbështesin. Këtë e kemi vuajtur, që nuk kemi luajtur në shtëpi. natyrshëm që ata janë impuls shumë i madh për ekipin. Shpresoj të jenë sa më të shumtë dhe ta mbështesin ekipin. Por nuk është vetëm një ndeshje, kemi nevojë për mbështetje të vazhdueshme. I kuptoj ata, jam në krahun e tyre, ashtu si edhe klubi. Natyrshëm ata duan fitore, janë të kënaqur me lojën, por jo me pikët. Shpresoj që nesër të kënaqen edhe me pikët”.

Nuk është aspak një “shashkë”, pasi burime të sigurta të “SportEkspres.com” bëjnë me dije se në klubin e kuq janë gati të paguajnë për kartonin e sulmuesit. Titulli është një “fiksim” i vjetër dhe për ta fituar normalisht që edhe duhet të shpenzosh disi.

Problem është fakti që Luftëtari do të dobësohej ndjeshëm në rast se Shkurtaj do largohej dhe mbetet për t’u parë se si palët mund të arrijnë te marrëveshja. Në të shkuarën janë tentuar Abazaj, Bregu dhe Rroca, por për asnjërin nuk është bërë oferta e duhur nga klubi kryeqytetas. Por për Shkurtajn ka edhe konkurrencë, Partizani nuk është klubi i vetëm që e do.

Aktualisht te të kuqtë  po aktivizohet në sulm më së shumti Jurgen Bardhi. Rubin Hebaj, i marrë në huazim nga Domzhale, deri më tani nuk e ka gjetur rrugën e rrjetës dhe gradualisht e ka humbur edhe formacionin. Kështu në kampin e kuq kërkojnë një lojtar që të mbajë peshën e sulmit.

Kapiteni Alban Hoxha pas ndeshjes me Skënderbeun e pranoi se u nevojitet një lojtar që ta dërgojë topin në rrjetë, ndërsa më pas në njëfarë mënyre edhe trajneri Skënder Gega u dorëzua. Më stil, si zakonisht ai është shprehur se është i hapur për çdo lojtar që do të rriste cilësinë e grupit që drejton. Shkurtaj ua mundëson diçka të tillë…

“Nuk kisha trupin mirë dhe e gjuajtja lart. Rezultati ishte i drejtë, mund të merrnim edhe tre pikët” u shpreh fillimisht sulmuesi. Vlonjati u ngacmua edhe për të ardhmen dhe normalisht si çdo futbollist do të donte të luante jashtë. Ka provuar edhe në të shkuarën të luajë në Greqi, Portugali, Holandë e Qipro

“Do doja të ikja jashtë, por jam i Luftëtarit dhe po bëj të pamundurën të dalim nga kjo situatë”. Vjet me Bregun dhe Abazajn Luftëtari ishte i rrezikshëm, por Shkurtaj thekson se edhe shokët që ka aktualisht në ekip e ndihmojnë goxha.

“Abazaj e Bregu ishin ndryshe, por edhe këta që janë tani japin shpirtin në fushë. Ata më ndihmojnë shumë kur mbrojnë. Kënaqem kur kam raste për gol. Golat do vijnë”, u shpreh në mbyllje sulmuesi i Luftëtarit..

“Ishte një fitore e mirë, u kënaqa që i dhashë tre pikët e ekipit. Me këtë fitore ndihem mirë. Nga tani e tutje do rregullohen gjërat. Sezonin që kaloi kisha probleme. Luajtja pjesën e dytë të sezonit dhe më pas u dëmtova. Këtë sezon ndihem mirë, kam pasur raste dhe po shënoj. Do përpiqem të shënoj sa më shumë deri në fund”, është shprehur për “RTSH Sport” Shkurtaj.

Ai tregon edhe se me Gentian Mezanin në krye kanë ndryshuar, ndërkohë që i ka vendosur trajnerit edhe një notë. “Trajneri e ri kërkon gjëra të tjera. E dimë çfarë kërkon ai dhe po dalin në fushë ato që mësojmë. Nota për Mezanin? Një nëntë do ia vija trajnerit”, deklaron sulmuesi i Luftëtarit.

Për ndeshjen e radhës me Laçin gjirokastritët do të kenë në dispozicion edhe Lejdi Liçajn, i cili mungoi kundër Kastriotit për shkak kartonësh. Gjithashtu edhe Albano Aleksi është rikuperuar dhe do të jetë trajneri Mezani ai që do të vendosë nëse mesfushori do të luajë nga minuta e parë apo do të nisë nga stoli.

Pas ndeshjes, për “Supersport” dhe mediat e tjera, Shkurtaj foli për takimin me krutanët dhe të radhës me Laçin.  “Ishte shumë e rëndësishme kjo fitore, kundër një ekipi shumë të vështirë që luajti shumë fort nga minutat e para dhe m’u duk se ishte nga ekipet e para që na vendosën në vështirë. Kjo fitore na jep shpresa për të shkuar më lart”, tha sulmuesi.

Më pas dy fjalë për kurbinasit, kundërshtarin e radhës: “Tani kemi një ndeshje shumë të rëndësishme me Laçin në Gjirokastër dhe shpresojmë të marrim edhe atje një rezultat të mirë”. Vjet Shkurtaj luajti vetëm në pjesën e dytë të sezonit, pasi kishte probleme me dokumentacionin në fillim.

Gjithashtu edhe dëmtimet nuk e kanë lënë të qetë. “Sezonin që kaloi kisha gjysmë viti pa luajtur dhe pastaj u dëmtova. Nuk ishte moment i mirë për mua. Këtë sezon nga fillimi po ndihem mirë, po më ndihmon ekipi dhe kam pasur raste”, shtoi Shkurtaj.

Ai nuk pranon ta konsiderojnë yllin e ekipit, apo një pasues të Bregut e Abazajt. “Jo, jo, nuk jam unë ylli. Unë bëj punën time dhe puna ime është të bëj gola. Nuk jam vetëm, jam bashkë me lojtarët e tjerë të skuadrës”, shprehet sulmuesi vlonjate, i cili shpreson që Luftëtari të ngjitet lart në renditje.

“Ku mund të shkojë ky Luftëtar, a mund të ngjitet më lart? Patjetër shpresojmë që të shkojmë sa më lart. Nuk mendoj se mund të bjerë ky ekip nga kategoria. Besoj se kemi një ekip shumë të mirë, që duhet të jetë lart në renditje”, përfundoi Vasil Shkurtaj.

Lajm i mirë është gatishmëria e sulmuesi Vasil Shkurtaj, i cili u dëmtua në ndeshjen me Partizanin. Vlonjati nuk ka diçka serioze dhe pritet titullar. Po ashtu edhe Eduart Rroca do të ketë më shumë minuta.

Mesfushori u rikthye të luante dhe ndaj Partizanit u aktivizua për rreth 30 minuta. Mungesë e sigurt për ndeshjen me Kastriotin është ajo e Lejdi Liçajt. Ky i fundit ka plotësuar numrin e katër kartonëve të verdhë dhe i duhet të shlyejë pezullimin.

Kjo ndodhi në fillim të pjesës së dytë, kur sulmuesi i zëvendësua me Dungën. Mërzitja e vlonjatit u pa qartë dhe shpresohet që mos të ketë ndonjë tërheqje që ta lërë gjatë jashtë fushave të blerta.

Gatishmëria e Shkurtajt është e rëndësishme për trajnerin Mezani dhe ekipin. Ai është një nga lojtarët më të rëndësishëm të ekipit. Pritet që sulmuesi të kryejë kontrollet mjekësore dhe më pas do të mësohet shkalla e dëmtimit dhe koha e rikuperimit.

Gëzim Beqiri

Luftëtari ende nuk e ka mbyllur merkaton, teksa pritet që pjesë e bluzinjve të zyrtarizohet një sulmues i njohur si Vasil Shkurtaj. 25-vjeçari e ka nisur sezonin me Arisin e Limasolit në Qipro, duke u aktivizuar në një ndeshje këtë sezon, ndërkohë që edhe vjet ishte pjesë e të njëjtit ekip, ku numëroi 18 ndeshje dhe katër gola të shënuar. Luftëtari e ka bindur sulmuesin të provojë një eksperiencë në Superiore dhe pritet që klubi të njoftojë zyrtarizimin e marrëveshjes me të. Aktualisht pjesë e Luftëtarit për sulmin është uruguaiani Fabricio Nunjez, ndërkohë që nga krahët e repartit ofensiv luajnë edhe Dejvi Bregu e Kristal Abazaj. Së fundmi është afruar edhe lezhjani Leonard Përgjini, që përllogaritet pjesë e lojtarëve që do të kontribuojnë për repartin ofensiv. Me ardhjen e Shkurtajt sulmi i Luftëtarit mund të konsiderohet i plotë.

KARRIERA – Shkurtaj e ka nisur karrierën në Greqi me Panioninis, për t’u huazuar në Ligën e parë te Thrasivolus dhe më pas në Portugali, ku ia bashkëngjit Vilaverdenses në ligën e tretë. Sezonin pasardhës, 2012-2013, Shkurtaj u transferua te Tondela po në Portugali, por një ligë më lart, për të provuar më pas një eksperiencë në Holandë me Rodën. Destinacioni i radhës për 25-vjeçarin ishte Greqia, por hapësirat për të nuk kanë qenë të mëdha, si tek Niko Volos, ashtu edhe te Asteras Tripolis dhe Ksanthi. Sezoni i fundi mund të konsiderohet më i miru për sulmuesin, pasi me Arisin e Limasolit luajti në 18 ndeshje, duke shënuar edhe katër gola.