Vasil Bici, i cili ka drejtuar disa skuadra në Superiore, ka komentuar situatën e krijuar. Në një postim të gazetarit Ervin Baku, anëtari i Komitetit Ekzekutiv në FSHF, ka dhënë opionin e tij dhe ka bërë thirrje për analizë të pastër sportive.

Ai vë në dukje atë që u ndodhi disa ekipeve në Botërorin e fundit, duke veçuar Gjermaninë e eliminuar për herë të parë nga grupet e një eventi madhor si “Rusi 2018”.

Asnjëri nga analistët , ish-kolegë trajnerë me mua, nuk e përmendin faktin që goli i parë ishte me pozicion jashtë loje dhe se ishte edhe kthesa e lojës, pa përmendur edhe mundësitë tona për të shënuar përpara tyre. Mos të harrojmeë që çdo ekip kombëtar ka baticat dhe zbaticat e veta. A ju kujtohet Spanja, Gjermania, Rusia ,Brazili, Argentina në Botërorin e fundit?. Çfarë duhet t’i bënte Gjermania trajnerit? Jo mllefe dhe agresivitet, por analizë profesioniste, se vetëm kështu e ndihmoni kombëtaren.