Vardy

VIDEO | Arsenali për turp, Leisteri i jep shuplakën e tretë radhazi

Sport Ekspres — Sun, 28 Apr 2019 12:55:33 +0000

Leisteri i jep një tjetër shuplakë shpresave të Arsenalit për të arritur Championsin nga Premier Liga. Londinezët janë shkatërruar nga “Dhelprat” me shifrat 3-0, duke marrë humbjen e tretë radhazi në kampionat.

Ndeshja nisi e luftuar nga të dyja ekipet me dyluftime të shumta, ku pre e lojës së ashpër ra Maitland-Najls. Anglezi u ndëshkua me kartonin e dytë të verdhë në minutën e 36-të, duke lënë Arsenalin me dhjetë lojtarë.

Që nga ai moment, Leisteri e rriti shumë presionin dhe ndeshja u bë një dialog mes sulmit të “Dhelprave” dhe portierit Bernt Leno, i cili u mundua të ndalte çdo top që i vinte drejt katërkëndëshit.

Gjithsesi, pavarësisht përpjekjeve të gjermanit, në minutën e 59-të ishte Juri Tilemans, i cili pas një krosimi nga Medison, shënoi me kokë, duke çuar në avantazh ekipin e tij.

Pavarësisht golit të pësuar, “Topçinjtë” u treguan të pafuqishëm për të reaguar dhe Leisteri gjeti edhe dy gola të tjerë, me anë të Vardit, i cili shënoi dopietë, me ndeshjen që u mbyll me shifrat 3-0.

Kështu, Arsenali mbetet i pesti në renditje vetëm dy javë nga fundi, me Championsin që mund të arrihet vetëm nga dritarja e Europa League, pasi nga kampionati me formën e shfaqur duket jashët mase e vështirë.

Premier Ligë
Java e 36-të

Leister 3-0 Arsenal
Shënues: Tilemans 59′, Vardi 86′, 90+5′

VIDEO | Rekordi i pabesueshëm i Vardit, shkarkimet e trajnerëve i sjellin fat

Sport Ekspres — Sun, 03 Mar 2019 17:14:42 +0000

Xhemi Vardi shënoi golin e vetëm të Lestër Sitit në humbjen në transfertë ndaj Uotfordit me rezultatin 2 – 1. Kjo ishte ndeshja e parë që “dhelprat blu” drejtoheshin nga trajneri i ri Brendan Roxhers, i cili zëvendësoi të shkarkuarin Klod Puel.

Megjithatë, pas golit të anglezit fshihet një statistikë shumë të veçantë. Kjo është hera e katërt radhazi që Vardi shënon në ndeshjen debutuese të një trajneri të ri te skuadra e Leisterit.

Më parë Vardi kishte shënuar në ndeshjen e parë të Ranierit, Shejkspir dhe Puel, ndërsa Roxhers është i katërti në listë.

VARDYYYYYY!

Leicester are level!#WATLEI pic.twitter.com/WX74rbeGF7

— Ladbrokes (@Ladbrokes) March 3, 2019

VIDEO | Xhejmi Vardi “shpik” një mënyrë për të shënuar

Sport Ekspres — Thu, 08 Nov 2018 19:39:44 +0000

Çdo ditë shohim gola nga më të ndryshmit dhe një të veçantë e ka realizuar ditën e sotme sulmuesi i Leister, Xhejmi Vardi. Gjatë një ushtrimi në stërvitje, pas një krosi të dhënë, sulmuesi e ka dërguar topin në rrjetë.

Se si ka shënuar, vetëm ai e di. Padyshim një gol mjaft i bukur i sulmuesit 31-vjeçar. Vardi këtë sezon nuk po shënon shumë, teksa ka gjetur rrugën e rrjetës vetëm tre herë në Premier League. Sezonin e shkuar sulmuesi shënoi plot 20 gola.

https://www.facebook.com/lcfc/videos/vb.324520502768/259534404759762/?type=2&theater

Vardi i hap rrugën brezit të ri, jep dorëheqjen nga “Tri Luanët”

Sport Ekspres — Tue, 28 Aug 2018 16:32:44 +0000

Xhemi Vardi ka vendosur të japë dorëheqjen nga përfaqësuesja angleze. Lajmin për këtë vendim të sulmuesit e jep e përditshmja angleze “The Guardian”. Sulmuesi i Lester Sitit do të mbushë 32-vjeç në janarin që vjen dhe nuk e shikon veten të vlefshëm për kombëtaren e drejtuar nga Gareth Sauthgejt.

“Sa vij e po plakem dhe trajneri dëshiron që t’i japi akoma më shumë mundësi lojtarëve të rinj, diçka kjo që do t’i vijë në ndihmë kombëtares në të ardhmen siç ndodhi dhe në Botëror. Kështu që i thash trajnerit se do të ishte më mirë që të ndanim rrugët”, tha 31-vjeçari.

Në moshën 24-vjeçare Vardi luante për Halifaksin në kategorinë e gjashtë angleze. Djaloshi nga qyteti i Shefilldit kurrë nuk do ta imagjinonte as në ëndrrën më shfrenuar se një ditë do të ishte pjesë e përfaqësueses së “Tri Luanëve” e aq më pak fitimin e një titulli të Premier League. Në tri vite Vardi luajti 25 ndeshjen me kombëtaren e Anglisë ku gjeti shtatë herë rrugën e rrjetës.