Varan braktis Realin, gjiganti evropian bën gati 100 milionë euro

Sport Ekspres — Mon, 01 Apr 2019 20:08:02 +0000

Reali ka bërë një ndër sezonet më të dështuar të viteve të fundit aktualisht dhe tashmë ka nisur prej kohësh të mendojë për sezonin e ardhshëm. Pika kryesore për ringritjen, shihet të jetë merkatoja e verës, ku pritet të afrohen shumë lojtarë.

Janë përmendur disa emra për një kalim të mundshëm në “Bernabeu”, ndërkohë për merkaton në dalje, thuajse nuk është folur aspak. Pikërisht, ditën e sotme, është raportuar në media, se Rafael Varan do të largohet në fundin e sezonit, me mbrojtësin francez që e ka shprehur hapur këtë dëshirë te drejtuesit e klubit.
Sipas lajmeve të fundit në mediat spanjolle, por jo vetëm, për Varan duket se ka nisur të mendojë seriozisht Juventusi, që pritet të ofrojë 100 milionë euro. Klubi bardhezi, e sheh francezin si liderin ideal të mbrotjes, me Kielinin që është në moshë të madhe, po ashtu edhe Leonardo Bonuçi.

Për momentin janë vetëm spekulime, por diçka është e sigurt, merkatoja këtë verë do të jetë mjaft e nxehtë…

Kavani: Nejmar simuloi, “Topi i Artë” duhet t’i shkojë një francezi

Sport Ekspres — Wed, 21 Nov 2018 09:59:16 +0000

Sulmuesi uruguaian Edinson Kavani ka qenë i ftuari i ish-futbollistit francez Kristof Dugarri në emisionin e këtij të fundit në “Radio Monte Carlo”. Në bashkëbisedimin me 46-vjeçarin, futbollisti i PSG-së foli mbi marrëdhënien e tij me Kilian Mbapenë dhe brazilianin Nejmar, si dhe për çmimin e Topit të Artë.

SHERRI ME NEJMAR – Kavani foli dhe mbi incidentin që ndodhi në miqësoren ndaj Brazilit, ku ai dhe Nejmar u përfshinë në një debat të vogël pas një ndërhyrjeje: “Janë gjëra që ndodhin në futboll. Jemi shokë e vëllezër, por në fund secili prej nesh ka dëshirë të fitojë e të nderojë kombëtaren e tij. Nuk i bëra asgjë, as nuk e preka. Iu afrova dhe i thash se nuk e kisha prekur, vetëm kaq”.

Is this bromance? #Neymar #Cavani https://t.co/pP18vwXrCy

— Samuel YNWA (@Samuel_YNWA) November 17, 2018

TOPI I ARTË : “Varane mund është një ndër kandidatët, Grizman dhe Mbape gjithashtu. Duhet shikuar me kujdes performanca dhe jo vetëm emri i tyre. Për mendimin tim, Topi i Artë duhet t’i shkojë një francezi. Modriç bëri gjithashtu një sezon të shkëlqyer, por Varan fitoi Champions-in së bashku më Botërorin”.

KONKURRENCA NË SULM – “Jemi tre lojtarë me aftësi të shkëlqyera dhe është normale që të gjithë duam që të shënojmë. Trajneri ka për detyrë që ta në bëjë të luajmë si një grup i vetë, qoftë në sulm apo në mbrojtje. Sigurisht është më e lehtë ta thuash se sa në praktikë”.