Protagonisti i absolut i kësaj ngjarje është arbitri Raul Orosko, i cili bëri një budallallëk me brirë duke përdorur shenjën e sistemi “VAR” për sinjalizuar për një 11-metërsh në minutën e fundit të takimit. I gjithë problemi qëndron te fakti që Bolivia nuk e ka implentuar këtë sistem, pra veprimi i arbitrit është një çmenduri e padëgjuar ndonjëherë.

Acá hay una mejor imagen con toda la jugada. La falta es un penal claro.pic.twitter.com/3Ab7dgXbcl

— Gonza (@gbobadi) August 3, 2019

Lojtarët dhe stafi i Bolivar protestuan për minuta të tërë, por Orosko e kishte ndar mendjen: Penalltia do kryhej medoemos. Qetësia u rikthye në fushë pas rreth 10 minutash pritje dhe për fatin e mirë të Bolivar, lojtari i Always Ready tregohet i pasaktë.

Vendasit e Internacional kaluan në avantazh në minutën e 18-të, gol që u anulua fillimisht nga gjyqtari për pozicion jashtë loje. Sidoqoftë, ishte sistemi VAR që njoftoi se goli ishte i rregullt dhe arbitri e akordoi, por me sa duket gaboi rëndë.

Nëse shohim përsëritjen e aksionit dhe momentin e pasimit, duket qartë që lojtari i Internacional është në pozicion të rregullt. Goli ka shkaktuar polemika të shumta në Brazil. Për sa i përket ndeshjes, sfida u mbyll me fitoren 3-1 të vendasve.

Pak minuta pas fillimit të pjesës së parë, Bernardo Silva rrëzohet në zonë. Në të njëjtën kohë zviceranët po pretendonin për një penallti të tyren. Gjyqtari gjerman Feliks Bryh i drejtohet ekranit të “VAR” dhe për habinë e të gjithë anulon penalltinë e Portugalisë dhe akordon një të tillë për zviceranët. Rodrigez tregohet i saktë nga pika e bardhë dhe barazon shifrat në 1 –  1.

Disenjatori i arbitrave në FSHF, Sokol Jareci, ka zbuluar gjithçka: “Do fillojmë zyrtarisht nesër aplikimin në FIFA. Kemi një “video-call” me zyrtarët e IFAB, të cilët para pak ditësh na sollën përmes e-mailit kërkesat që ne duhet të plotësojmë për VAR-in. Edhe ne tashmë do të jemi pjesë e VAR-it. Besoj se nga 2021, 2022 do të fillojë aplikimi i VAR-it në kampionatin shqiptar”.

Futja e VAR në Superiore ka problematikat e veta dhe Jareci shton: Është një procedurë që shkon një vit deri në një vit e gjysmë, pasi aty futet trajnimi i stafit, i infrastrukturës, i personave dhe kompanisë që do të merret me transmetimin. Pra është një procedurë që zgjat 1 vit e gjysmë”.

Nisur nga stadiumet ku luhen ndeshjet e Superiores, është e pamundur të aplikohet sistemi VAR kudo. “Për momentin mund të jemi me një ndeshje, sikurse jemi me sistemin me 6 arbitra. VAR-i këkron infrastrukturë. Mund të jenë Arena Kombëtare, Shkodra dhe Elbasani, pra mund të jemi me një ndeshje në javë me VAR”, u shpreh Jareci në emisionin “Pressing” në ABC News.

Gjatë Botërorit të fundit që u zhvillua verën e kaluar në Rusi, plot 27 minuta u harxhuan me ndërprerjen e ndeshjeve. Për t’i shfrytëzuar më mirë në aspektin televiziv pauza të tillë, drejt FIFA-s dhe UEFA-s kanë vërshuar oferta tunduese për reklama nga kompani të mëdha gjatë kohës që arbitrat rishikojnë pamjet, sipas raportimeve të “Financial Times”.

Dy qeveritë e futbollit pretendojnë se i kanë refuzuar këto propozime, ndërsa gazeta britanike e cilëson këtë rast si mundësinë më të madhe që është krijuar ndonjëherë në futboll.

Një zë i brendshëm i Ligës spanjolle zbulon se kjo pistë është e qëndrueshme. Komercializimi i VAR-it mund të gjenerojë të ardhura nga 58-116 milionë euro. Një minutë publicitet gjatë ndeshjeve me eliminim direkt në Kupën e Botës Rusi 2018 do të kishte gjeneruar rreth 700 mijë euro fitime.

Polemika të shumta shpërthyen për rastin në fjalë, që realisht nuk ishte penallti. Marçelo Karli nuk i beson syve. Drejtori sportiv i Kaljarit nuk përmbahet në deklaratën e tij, ndihet i ofenduar dhe e cilëson të gjithën si barcaletë.

“Çfarë panë? Si mundën të akordonin një penallti të tillë? Askush nuk flet për këtë rast, sepse ndoshta askujt nuk i plas për ne. Është absurde, sepse dhanë një penallti të pabesueshme. Dora është jashtë zone. Nëse duam ta kthejmë VAR-in në barcaletë, atëherë le të vazhdojmë kështu. 

Mund të më shpjegoni dot se çfarë ka parë shkencëtari i VAR-it? Ose gjërat janë të qarta ose kthehen në barcaleta. Teknologjia është shërbim apo një mundësi që të tjerët të bëjnë fenomenin? Jemi të zhgënjyer dhe të acaruar. Unë ndihem sikur janë tallur me mua. Flasim për një cm, por nuk ka siguri gjeometrike. Jam i tërbuar me arbitrin kryesor dhe atë të VAR-it. Bënë një gjest absurd.

Çfarë do të bënim nëse do të ndodhte në një finale Champions Lige një gjë e tillë? Nëse tenton të bësh shkencëtarin në një ndeshje si kjo është shumë acaruese. Arbitri duhet të jepte maksimumi goditje dënimi dhe të mos bënte kot si shkencëtar.”

|| Napoli 2-1 Cagliari || Insigne#NapoliCagliari pic.twitter.com/aRGvFmcY8I

— ????? ?????? ??????? (@NapoliAR_Media) May 5, 2019

Në vendin tonë aplikimi i sistemit VAR duket i largët, edhe pse në stadiumet më të mira në vend, “Arena Kombëtare”, “Loro Boriçi” dhe “Elbasan Arena” po programohet që të plotësohen kushtet që VAR të implementohet. Aspekti financiar është një tjetër problem, si për klubet, ashtu edhe për transmetuesin e kampionatit. Diçka e tillë rrit ndjeshëm shpenzimet dhe mbetet për t’u parë se çfarë do të ndodhë.

Sokol Jareci, disenjatori i arbitrave, ka folur në lidhje me futjen e VAR-it në Superiore. Gjithsesi, aplikimi parashikohet të bëhet vetëm për ndeshje të caktuara. Sigurisht që kjo nuk është normale, pasi lë vend për diskutime.

“Ne jemi në diskutim me UEFA-n dhe FIFA-n, kemi një projekt strategjik si të gjithë federatat e tjera. Implementimi mund të ndodhë në vitet 2021-2022 dhe për shkak të infrastrukturës nuk do të jetë në të gjithë stadiumet. Me “VAR” do të gjykohen ndeshje të caktuara për shkak se edhe kompania që do të transmetojë kampionatin nuk e mbulon dot”, është shprehur Jareci për “Report TV”.

Fqinjët tanë përtej Adriatikut vazhdojnë të sjellin risi në këtë drejtim. Së fundmi është konfirmuar se faza “play-off” dhe “play-out” e Serie B do të zhvillohet me sistemin “VAR”. Ky vendimi u mor me nga mbledhja e fundit e federatës italiane, ku u votua në mënyrë unanime.

Serie B bëhet liga e parë dytësore në botë që përdor këtë teknologji. Fatkeqësisht për sezonin tjetër “VAR” do të përdoret vetëm në raste të caktuara në Serie B, ndëkohë në Gjermani ky sistem do të përdoret në të gjitha ndeshjet e Bundesliga.2 duke filluar nga sezoni i ardhshëm

Në minutën 52-të, Bentakur rrëzohet në zonë e Ajaksit pas një shtyrje nga argjentinasi Taljafiko, për arbitrin spanjoll Del Cerro ndërhyrje ishte tepër e lehtë, madje nuk pranon as konsultimin me sistemin VAR pavarësisht thirrjeve të lojtarëve të Juventusit.

Në studion e emisionit “Sky Sports” në Itali, të gjithë analistët e ftuar ishin të mendimit se rasti i mësipërm është një penallti e pastër dhe s’lë vend për diskutim.

https://twitter.com/juventusfans/status/1116105260970520578

Incidenti i penalltisë është krejt i pabesueshëm. Futbollisti polak Cionek bie pas një kontakti me mbrojtësin Lacios, Patris Gabarron. Për arbitrin nuk ka asgjë dhe lojtari i SPAL ngrihet menjëherë dhe i thotë gjyqtarit Marko Guida se mes tij dhe kundërshtarit nuk pati kontakt për të evituar ndëshkimin me të verdhë për simulim.

Për habinë e të gjithëve kryesori i takimit kontaktohet nga dhoma e VAR-it për të kontrolluar rastin në fjalë. Pasi shikon për disa minuta pamjet Guida futet në fushë dhe drejton dorën për nga pika e penalltisë, që më pas realizohet me sukses nga sulmuesi Petanja.

Vendimi i arbitrit polak Simon Marciniak është shtangës sidomos, po të kemi parasysh se nuk ka pasur korrigjim nga gjyqtarët në dhomën e VAR-it.

Në Portugali njerëzit janë mësuar me skena të tilla, sidomos kur bëhet fjalë për një ndër tri ekipet e elitës: Porto, Benfika, Sporting. Mirëpo ky rast bën përjashtim, pasi këtë sezon liga e parë e Portugalisë ka implementuar sistemin VAR.

Për habinë e të gjithëve gjyqtarët në dhomën e VAR-it nuk ndërhynë për të korrigjuar këtë vendim të arbitrit.

Në përfundim të takimit trajneri Boavistës  Lito Vidigal tha: “Çfarë mund të them për atë rast. S’kam fjalë.Tani kam një tufë lojtarësh të mërzitur. Bënë një lojë të mirë, punuan fortë dhe krijuan raste për shënim. U detyrova të ndërhyja  për t’i larguar nga trupa e arbitrave.

Kjo ka bërë që Roma të akuzojë UEFA-n dhe presidenti Xhejms Palota nuk përmbahet: “Vitin e shkuar kërkuam VAR në Champions, sepse na shkatërruan gjysmëfinalen, ndërsa kundër Portos na vodhën sërish, edhe pse ishte VAR. Shik u rrëzua në zonë, VAR e tregon qartë, por nuk jepet asnjë. U lodha nga ky m*t. Dorëzohem”.

JP: “Lo scorso anno abbiamo richiesto il VAR in UCL perché ci avevano rovinato la semifinale e questa sera, nonostante ci fosse, siamo stati derubati. Schick è stato atterrato in area, il VAR lo dimostra, e non viene fatto niente. Sono stufo di questa merda. Non ho più parole!” pic.twitter.com/uHqgJqGKsi

— AS Roma (@OfficialASRoma) March 7, 2019

MANOLAS – Edhe mbrojtësi grek i Romës, Kostas Manolas, është i tërbuar me arbitrin: “Jemi të hidhëruar, sepse patëm shanse për të barazuar, ndërsa më pas na u dha një penallti kundër me VAR. Në të njëjtën situatë, kur ishte penallti e kërkuar prej nesh, arbitri nuk shkoi ta shihte fare. Për mua është e turpshme”.

“Nuk mund ta eliminosh kështu një skuadër që jep gjithçka. Çfarë na tha arbitri për penalltinë që kërkuam në fund? Që e kishin parë arbitrat në VAR dhe nuk ishte asgjë. Pse nuk shkoi ta shihte ai? Kontakti është, neto. Nuk e kuptoj pse këto gjëra na ndodhin vetëm ne. Edhe vjet nuk na dhanë dy penallti, më pas na kërkuan falje. Nuk ka falje, sepse tani është VAR. Duhet të shkosh ta shohësh, që të mos gabosh”.

Në përfundim të ndeshjes drejtuesi dhe ish-lojtari i Real Madrid, Emiljo Butragenjo refuzoi të komente mbi incidentin në fjalë, duke thënë se klubi i tij nuk flet asnjëherë për arbitrat.

Real Madrid were awarded a penalty for this ‘foul’ on Casemiro after a VAR review ?

The Brazilian with a late attempt to win Best Male Performance at the #Oscars #RealMadrid #LaLigapic.twitter.com/V2x27jwGme

— GiveMeSport Football (@GMS__Football) February 25, 2019

Një deklaratë kjo shumë ironike, pasi pak më shumë se një muaj më parë vetë Butragenjo lëshoi kritika të panumërta kundër sistemit VAR dhe arbitrit në përfundim të ndeshjes kundër Real Sociedad për një penallti të pathënë ndaj Vinisjus, ku tha: “Ishte një penallti e qartë përse nuk u dha. Për çfarë ekziston VAR-i”.

Ndërkohë që s’duhet harruar se presidenti Florentino Perez dhe kapiteni i “Los Blancos” u shprehën kundër përdorimit të “VAR” në fillim të sezonit, ndërsa tani pikëpamja e tyre ka ndryshuar krejtësisht.

Onana komenton dhe teknologjinë VAR. Tek Ajaksi janë të acaruar për anulimin e golit, por kjo nuk është ndonjë befasi e madhe kur përballë është Reali i Madridit!

DE LIGT – “Ashtu si dhe De Jong, Matijs dëshiron të luajë me Barcelonën. Kam biseduar shumë herë me të dy lojtarët dhe De Ligt i pëlqen të transferohet në Katalunjë. De Jong? Frenki është i ri, shumë i fortë dhe mund të përmirësohet akoma.”

VAR – “Janë gjëra që nuk i kemi ne në dorë, pasi nuk mund ta ndryshojmë vendimin e arbitrit. Jemi të zemëruar, por ky është futbolli. Ka gjëra që nuk mund t’i kontrollojmë dhe VAR-i është një prej tyre. Mos të harrojmë që po luanim kundër Realit të Madridit dhe e dimë mirë që mund të ndodhin gjëra të tilla… ”

Tekniku holandez nuk harroi të përmendte as golin e anuluar me “VAR” të Nikolas Taljafikos, që për mendimin e tij ishte krejtësisht i rregullit.

“Nga njëra anë jam shumë i zhgënjyer për rezultatin, por në të njëjtën kohë jam krenar për lojën e skuadrës që fatkeqësisht nuk e shpërblye me atë që meritonte në fund. Ishim dominues, krijuam raste, por nuk shënuam as sa duhej”.

“Nuk e kam të lehtë të flas për arbitrimin. Mendoj se goli i parë që na u anulua është i rregullt dhe kjo është për të ardhur keq, pasi në ato momente loja ishte e hapur. Nuk e di pse arbitri mori atë vendim. Kam parë videon, por nuk arrij ta kuptoj se ku ndërhyrja të parregullt ndaj portierit”.

“Te goli i dytë i Madridit fajin e patëm vetë. Gabimet sado të vogla qofshin ato, të kushtojnë shumë përballë kundërshtarëve të këtij niveli”, përfundoi trajneri i Ajaksit.

Shefi i sektorit të arbitrave të UEFA-s, Roberto Roseti ka folur për risinë, duke shpjeguar dhe momentet kur do të ndërhyjë VAR-i.

“Jemi të bindur se teknologjia do të jetë e dobishme për kompeticionin tonë, pasi do të ofrojë një ndihmë të çmuar për arbitrat dhe do të na lejojë të zvogëlojmë vendimet e gabuara. VAR-i do të ndërhyjë vetëm kur ka prova të qarta dhe të dukshme të gabimeve në katër situata: te shkeljet që dërgojnë në shënimin e një goli, penalltitë, kartonët e kuq dhe kur arbitri ngatërron lojtarin gjatë ndëshkimit me karton”.

Në ndeshjet e këtij raundi në Champions dhe Europa League do të mbahet dhe një minutë heshtje për Emiliano Salan. UEFA ka marrë vendimin për të nderuar ish-sulmuesin fatkeq, ndërsa ekipet që dëshirojnë mund të përdorin shirita të zinj në krah.

16 trajnerët do të kenë mundësinë të përdorin ndërrimin e katërt në ndeshjet me eliminim direkt. Nëse dy ndeshjet dalin në barazim dhe shkohet në shtesa, atëherë klubet mund të kenë mundësinë e një tjetër ndërrimi.

Diçka e tillë u përdor për herë të parë në Botërorin Rusi 2018, ndërsa tashmë do të ndodhë dhe në Champions. Nga ana tjetër, lojtarët që janë aktivizuar në pjesën e parë të sezonit në Champions dhe kanë ndryshuar ekip gjatë janarit do të kenë mundësinë të luajnë përsëri në turneun e më të mirëve.

Masimo Ferrero është një nga presidentët më të veçantë të botës së futbollit. Kreu i Sampdorias i është rikthyer dhe njëherë akuzave për teknologjinë VAR. Teknologjia ka “krijuar” dy ndeshje: një në fushë dhe një në televizor, ndërkohë që duhet të ishte një ndihmesë për arbitrat.

“Pas ndeshjes u ngjita në autobusin e ekipit dhe përgëzova të gjithë lojtarët. U thashë që isha krenar për mënyrën sesi u përballën me Juventusin. VAR-i? Nuk mund të jetë më protagonisti i vetëm. Tani e dimë se kur shkojmë në stadium, ekziston mundësia për të parë dy ndeshje, një në fushë dhe një në televizor. Nuk vazhdohet kështu, duhet të kthehemi t’u japim besim arbitrave, të cilët janë të aftë dhe të përgatitur. Të gjithë e kemi kërkuar VAR-in dhe nuk kthehem mbrapa, por teknologjia duhet të ishte korrigjuese, një ndihmë shtesë për arbitrin. Tani na është kthyer në problem, nuk mund të ndërpritet ndeshja 6-7 herë, edhe për episode minimale”, përfundon Masimo Ferrero.

Edhe pse VAR-i u testua në Kupën e Botës dhe aplikohet në disa prej kampionateve më elitare Evropë, sërish drejtuesit e UEFA-s nguruan që ta fusnin që në fazan  grupeve, por ideja e tyre ishte që nga edicioni i ardhshëm VAR të ishte pjesë e UEFA Champions League.

Gjithsesi, nga zhvillimet e fundit, duket se institucioni më i lartë qeverisës i futbollit evropian është bindur, që më në fund sistemi VAR të jetë pjesë e Champions që këtë sezon. Duke nisur nga raundi i dytë, pra pas përfundimit të fazës së grupeve sistemi VAR do të jetë pjesë e Ligës së Kampionëve.

“Të gjithë e pamë çfarë ndodhi, nuk është nevoja të flasim më shumë për atë rast. Dua të marr vesh se përse arbitrat e dhomës së VAR-it, nuk e panë atë rast. Është e turpshme”.

“Ju gazetarët duhet t’i bëni një zile atyre që të marrim vesh se si nuk e panë. Kjo është arsyeja përse u implementua VAR-i. Gjyqtari Roki, ndoshta nuk e ka parë, por kjo nuk ka rëndësi, pasi VAR-i duhet ta kishte parë. Mesa duket, Fabri (gjyqtari në dhomën e VAR-it)  ka qenë duke parë një ndeshje tjetër”.

“Nuk dua të justifikohem, por një rast i tillë e ndryshon krejtësisht lojën. Mund të kishim shënuar, ndërsa pak sekonda më vonë Interi na ndëshkoi. Një ndeshje mund të vendosë fatin e një sezoni”, tha Toti, dukshëm i përfshirë nga emocionet.

https://youtu.be/m8Z9rbzIjts

Ditën e sotme në mbledhjen e kryer është vendosur që të bëhet një kërkesë në FIFA dhe në bordin e shoqatës ndërkombëtare të futbollit. Sistemi i video asistentit, është testuar në futbollin ishullor në kupën FA si dhe në “Carabao Cup” dhe duket se më së fundmi në Angli janë të bindur.

“Në këto 10 ndeshje, të paktën në 5 prej tyre, ka patur episode që na kanë penalizuar. Për ne është e rëndësishme të kemi një trajtim të barabartë, nuk bëhet fjalë për të ulëritur, por për të thënë atë që është e drejtë. Jam i pari që kam kërkuar të ulen tonet dhe nuk është mirë ta teprojmë. Kemi thënë që jemi penalizuar, në disa raste na janë mohuar penallti, por po presim që gjërat të ndryshojnë.”

Pasi flet atë që mendon dhe e shqetëson, presidenti i Torinos vjen me një propozim të veçantë, sa i përket sistemit VAR. “Diskutova me trajnerin për këtë propozim, por më pas duke folur me disa gazetarë, e kundërshtova. ‘Si mund ta shohë saktë trajneri?’ Atëherë, e modifikoj propozimin tim. Nuk mund të kërkojë trajneri VAR-in, por kapiteni i ekipit, i cili është në fushë afër aksionit dhe mund të ketë një pamje më të qartë. Një thirrje për VAR-in mund të shërbejë për të përmirësuar gjërat. Teknologjia më pëlqen, por duhet ta përdorim më shumë. Kur zotëron një mjet teknologjik kaq të mirë dhe të fortë, është e drejtë ta përdorësh më shumë. Pastaj kërkesa nga ana e kapitenit është vetëm një propozim”, përfundon Urbano Kairo për “Sky Calcio Club”.

Van Basten ishte personi përgjegjës për implementimin e rregullave dhe teknologjive të reja në sportin e futbollit. Në letrën e lamtumirës, 53-vjeçari tha se përdorimi i teknologjisë së sistemit “VAR” në Botërorin “Rusi 2018” ishte një ndër sukseset e tij më të mëdha.

Një tjetër rregull i iniciuar nga holandezi ishte dhe ai i shtimit të një zëvendësimi të katër në “extra-time”, ndërkohë një ide e Van Basten që ngeli pezull ishte dhe futja për herë të parë e një kartoni portokalli, një karton i ndërmjetëm midis të verdhit dhe të kuqit, që do të pezullonte lojtarët për disa minuta jashtë fushave të lojës si në sportin e Hokejit.

Bëhet fjalë për klubin e Atletikos së Madridit, që ditën e sotme në një komunikatë zyrtare për shtyp ka kërkuar shpjegimi nga Komiteti teknik i Arbitrave për penalltinë e padhënë pas prekjes së topit nga Kasemiro në derbin e djeshëm ndaj Real Madridit, ku gjyqtari Huan Martinez refuzoi përdorimin e sistemit VAR, pavarësisht insistimit të lojtarëve të Atletikos.

Reagimi erdhi fill pasi një episod i ngjashëm ndodhi në takimin e ditës sotme midis Vijarealit dhe Vajadolidit, ku kryesori i takimit akordoi një 11-metërsh pas ndërhyrjes së sistemit “VAR”. Drejtuesit e Atletikos kërkojnë shpjegime se për çfarë arsye ndaj tyre nuk përdor e njëjti vendim.

El Atlético de Madrid solicitará una aclaración al Comité Técnico de Árbitros sobre los diferentes criterios en el uso del VAR en una misma jornada https://t.co/xSHzfGZOR0 pic.twitter.com/GrlTggvCkl

— Atlético de Madrid (@Atleti) September 30, 2018

“Nëse do të ishte VAR ai moment do të ishte parë nga gjyqtari. Duhet t’i kushtojmë rëndësi kësaj ngjarjeje. Ai duket se nuk ka bërë asgjë dhe gjyqtari e ka dëmtuar atë. Do të ishte një ndihmë e madhe për gjyqtarët VAR”.

“Mendoj se VAR është në favor të lojës. Jam i bindur se do të futet së shpejti. Është një siguri më tepër në lojë”.

Luis Suarez shënoi një dygolësh në fitoren 8-2 përballë Hueskës dhe Barcelona mori fitoren e tretë rresht në La Liga duke ndarë kreun e renditjes me Realin e Madridit me nga nëntë pikë të plota.

Uruguaiani është i lumtur me golat e shënuar dhe ndalet te sistemi VAR duke dhënë mendimin e tij për teknologjinë në fjalë.

“Unë dëshiroj të ndihmoj gjithmonë skuadrën në çdo lloj forme, por nëse e bëj duke shënuar, atëherë edhe më mirë. VAR? Kur ke dyshime, VAR-i të ul adrenalinën dhe dëshirën për të festuar dhe gëzimi zbehet. Kur gjithçka është e kontrolluar, ti nuk mund të gabosh më”, përfundon 31-vjeçar i Barcelonës.

Luhej Guimaresh-Tondela dhe një gjatë një dueli të fortë në mesfushë, arbitri ndëshkon me të kuqe lojtarin vendas, Alhasan Vakaso. Ky e kishte një karton dhe pas ndërhyrjes së “gabuar”, arbitri i tregon kartonin e dytë të verdhë duke e larguar nga fusha me të kuqe.

Protesta nga lojtari i Guimareshit, i cili ishte viktima dhe jo ai që shkakton faullin. Ndërkohë që ai po futej në dhomat e zhveshjes, arbitri vendos të shikojë pamjet e afruara nga VAR. Realiteti është ndryshe dhe faulli është shkaktuar nga lojtari i Tondelës, Kristian Arango.

Arbitri thërret Vasakon në fushë dhe mbasi anulon kartonin e kuq, atë ia drejton lojtarit të Arangos. Ishin minutat e fundit dhe Guimaresh mbrojti rezultatin 1-0 duke fituar ndeshjen, por ky është rasti klasik kur teknologjia VAR vendos drejtësi duke korrigjuar vendimin e gabuar të arbitrit.

Tani po ndodh e kundërta dhe teknologjia VAR po i bezdis të gjithë.

How do you say "dive" in German?
Come on @FranckRibery, TF is this trash? ???????? pic.twitter.com/i0Ik9ce0jl

— Couch Correspondent ? (@notkerouac) August 24, 2018

Të premten sfida mes Bajernit e Hofenhajmit u bë lëmsh nga disa ndërhyrje të VAR-it, shpesh me vonesë, ndërkohë që nuk u sinjalizua asgjë te penalltia fituar nga Riberi, edhe pse ishte shumë e dyshimtë. Pikërisht dy standardet e përdorura janë problemi kryesor në Bundesligë, ku ende nuk po arrij e nivelin e Botërorit, që e shfrytëzoi mjaft mirë teknologjinë.

Edhe të shtunën historia nuk ndryshoi, 9 herë u desh ndërhyrja a e VAR-it në 5 ndeshje, shifër rekord, me tifozët që janë mërzitur që tani nga pritja për të festuar apo për t’u hidhëruar. Është vetëm fillimi, natyrisht, por duhet përmirësim urgjent.

“The Times” shkruan se UEFA po mendon ta fusë VAR-in nga faza çerekfinale, prej edhe ku luhen ndeshjet më të rëndësishme. Vitet e fundit ka pasur shumë polemika për gjykimin dhe në një fazë të tillë eliminimi i gabimeve arbitrare do bënte që shumë gjëra të ndryshonin dhe askush nuk do të ankohej më.

Komiteti i Garës do të mblidhet në Montekarlo javën e ardhshme dhe do të diskutohet për këtë ndryshim. Gjithsesi vendimi do të merret vetëm në fund të muajit shtator nga ana e Komitetit Ekzekutiv.