“Nuk e nisëm mirë kampionatin, rezultati ishte surprizë për ne. Nuk e prisnim një humbje në fushën tonë. Kemi bërë lojën më të dobët, edhe në krahasim me sezonin e shkuar. Edhe barazimi do ishte pozitiv për ne”, u shpreh fillimisht në “RTSH Sport” Çavo.

Ndeshja e radhës për Luftëtarin është në transfertë. “Po shohim ndeshjen me Laçin, është një takim i vështirë. Fusha e Laçit është gjithnjë e vështirë për ne. Do mundohemi të marrim një rezultat pozitiv, pra të mos dalim pa pikë”, shtoi drejtori sportiv i bluzinjve.

Në fund ai thekson se është lënë pas ndeshja me Kastriotin dhe se të gjithë janë gati të shohin përpara. “Lojtarët janë profesionistë, si stafi. E kemi kaluar humbjen me Kastriotin dhe jemi të mobilizuar për Laçin”, përfundoi Çavo.

Përmes një postimi në faqen e tyre në “Facebook”, “Shqipponjat Bluzi” kërcënojnë se nëse nuk merren masa për teatrin e bërë kundër Ventspils, ekipi nuk do stërvitet në stadium, pasi janë të gatshëm ta mbjellin fushën me patate.

“Nesër ekipi fillon përgatitjet për edicion e ri . Shqiponjat bluzi të vendosur: kërkojmë largimin e Drejtorit teknik. Z.Grigor, o ne, o Çavon.
P.S Nesër çuna, lopata, bel, kazma e ça të keni në shpi, se do ta mbjellim fushën me patate, nuk bëhet më stërvitje pa u marrë masa për teatrin”, shkruajnë ultrasit bluzi.