Ishte paralajmëruar prej kohësh që fundi i sezonit do të sillte një eksod të madh në Amsterdam, pasi xhevahirët e Ajaksit do të kërkoheshin nga klubet më të mëdha në Europë. Diçka e tillë ka ndodhur dhe pas largimit të Frenki De Jong që zgjodhi Barçën, janë edhe gjashtë lojtarë të tjerë të formacioni që pritet të transferohen në një ekip tjetër.

Emri i parë siç e thamë ishte Frenki De Jong, i cili ka zgjedhur prej kohësh Barcelonën. Të njëjtin fat mund të ketë edhe kapiteni i ekipit, Matijs De Ligt. Gjithsesi, në rast se nuk zgjedh Barçën, 19-vjeçari pritet të kalojë te PSG.

Emri i tretë është ai i Hakim Zijesh. Për fantazistin dihet vetëm kampionati me siguri, pasi transferimi në Premier League duket i sigurt. Pikëpyetja e vetme është se kë do të zgjedhë marokeni mes Liverpulit dhe Arsenalit.

Lojtari i katërt, gjithmonë nga titullarët e këtij sezoni tek Ajaksi që pritet të largohet është Doni Van de Bek. Mesfushori kërkohet me ngulm nga Mançester Junajtid, dhe sipas gjasave “Old Trafford” do të jetë destinacioni i ardhshëm i Van de Bek.

David Neresh është një tjetër emër që pritet të lërë Ajaksin. Braziliani kërkohet momentalisht nga Arsenali dhe Evertoni, por duhet përmendur fakti që Neresh është me Kombëtaren e tij në Copa America dhe vlera e tij mund të rritet pas përfundimit të kompeticionit, teksa 22-vjeçari ka luajtur titullar në të dyja ndeshjet e para.

Nusar Mazraui është emri i gjashtë në listë dhe një ndër më të kërkuarit. Mbrojtësi i majtë ka mahnitur me paraqitjet e tij dhe ekipe si Mançester Junajtid, Çelsi, Juventus apo Real Madrid janë vënë pas tij. Me shumë gjasa, e ardhmja do të vendoset pas përfundimit të Kupës së Afrikës.

Për ta mbyllur listën është edhe portieri Andre Onana. Gardiani kamerunas ka shfaqur siguri të jashtëzakonshme në katërkëndësh dhe ekipi kryesor që interesohet për të është Mançester Junajtid, pasi David De Gea nuk duket më i paprekshëm.

Pikërisht për këtë të fundit, duket se ka lëvizje të reja dhe madrilenët duken gjithnjë e më pranë danezit. Kjo është edhe arsyeja që Totenhemi ka nisur kontaktet për Doni Van De Bek, fenomenin holandez që po mahnit me Ajaksin.
“Gjelat” kanë bërë gati 45 milionë sterlina, një ofertë që do të tundonte jo pak “Harkëtarët”. Një skenar i tillë duket shumë i mundshëm, me Eriksen që niset drejt Madridit dhe Van De Bek, i cili bën gati valixhet për në Londër.

I vlerësuar 25 milionë euro nga Transfermarkt, Van de Bek është një talent mjaft premtues dhe trajneri Tomas Tuhel e sheh si lojtari ideal për të luajtur pas treshes Mbape-Nejmar-Kavani. 22-vjeçari holandez ishte njeriu që i shënoi Totenhemit në Londër në takimin e parë gjysmëfinal mes dy skuadrave.

Po ashtu, Van De Bek i shënoi dhe Juventusit, si dhe bëri një paraqitje të shkëlqyer përballë Realit të Madridit. Përveç PSG-së, edhe Arsenali dhe Barcelona kanë shfaqur interes për mesfushorin, por kampionët e Francës shihen si favoritë për të arritur te firma e tij.

Për të siguruar “biletën” për në Champions, duhet që skuadra nga Milano të sigurojë disa përforcime nga merkato e janarit dhe drejtori brazilian Leonardo e di mjaft mirë këtë gjë. Krahas Lukas Paketës së Flamengos emra të rinj kanë dalë në skenë. Sipas “Sky Sports” dy objektivat e Milanit në merkaton e dimrit janë Doni Van de Bik dhe Uisam Ben Jeder.

Mesfushori i Ajaksit, Van de Bik nuk është një emër i ri për Milanin, pasi interesi për të ka qenë i hershëm. Kriza e dëmtimeve që ka kapur repartin e mesfushës e bën ata një domosdoshmëri për Gatuzon, ndërsa Ben Jeder është një objektiv shumë herë më i vështirë, por me pak sforco financiare sulmuesi francez mund të lëshohet nga klubi i Sevijës.