Van Dajk

Van Dajk: Ka ardhur koha që Topin e Artë ta fitoj unë

Sport Ekspres — Sat, 20 Jul 2019 20:57:00 +0000

Diskutimet për Topin e Artë akoma nuk e kanë arritur kulmin, me trofeun që do të jepet në fund të vitit kalendarik. Virxhil Van Dajk dhe Leo Mesi janë dy kandidatët kryesorë për të fituar çmimin më prestigjoz në nivelin personal.

Në një intervistë, Van Dajk na dëshmon se ka filluar t’i pëlqejë ideja se mund të fitojë Topin e Artë, ndryshe nga ç’tha pas finales së Champions League. Mbrojtësi deklaron se është koshient që ka bërë një sezon të madh dhe mendon se ka ardhur koha ta fitojë një mbrojtës atë çmim.

“Është nder që njerëzit flasin për mua në garën për Topin e Artë, por unë nuk kam asgjë në dorë. Nuk e mohoj se kam pasur një sezon të mirë atë të kaluarin, por e vetmja gjë që mund të bëj tani është fokusi në sezonin e ri. E kuptoj faktin se sulmuesit apo numrat ‘10’ fitojnë këto çmime sepse janë më të bukur për t’u parë. Megjithatë, mendoj se ka ardhur koha ta ndryshoj atë”, u shpreh 28-vjeçar.

E thotë një legjendë e kuqe: Mesi meriton “Topin e Artë”

Sport Ekspres — Mon, 10 Jun 2019 18:51:58 +0000

Leo Mesi dhe Virxhil Van Dajk janë dy kandidatët kryesorë për të fituar çmimin më të madh individual, “Topin e Artë”. Të dy kanë bërë një sezon shumë të mirë dhe opinioni sportiv është ndarë në dy kampe.
Shumë personalitete kanë folur mbi këtë temë, ndoshta edhe duke mbrojtur interesat e veta. Por Xhejmi Karrager i vë vulën kësaj çështje. Legjenda e Liverpulit nuk mendon se Van Dajk nuk mund të dalë sipër Mesit dhe të fitojë atë çmim. Ai shprehet se Leo e meriton ”Topin e Artë”.

“E pashë që Van Dajk doli lart në kuotimin e basteve. Dua të jem i sinqertë që Mesi e meriton atë çmim. Shumë rrallë shohim ta marrë një mbrojtës. Kanavaro e mori atë pasi fitoi një troofe si Kupa e Botës. Ne kemi parë mbrojtës si Pike dhe Serxho Ramos që kanë performuar shumë më mirë se Van Dajk, por kanë vetëm medaljet”, u shpreh Karrager.

“Van Dijk meriton Topin e Artë”, flet legjenda e Brazilit

Sport Ekspres — Fri, 07 Jun 2019 07:00:22 +0000

Van Dijk apo Mesi për “Topin e Artë”. Kjo do të jetë çështja, që do të na ndjekë deri në zbardhjen e fituesit në fillim të vitit të ardhshëm. Mesi ka bërë një sezon individual të çmendur. Ai ka mbuluar më shumë se gjysmën e punës te Barcelona e këtij viti.
Është shpallur fituesi i “Këpucës së Artë” dhe golashënuesi më i mirë në Champions League. Ka më shumë asiste se të gjithë. Statikstikave të “pleshtit” nuk i afrohet askush.

Ndërkohë edhe Van Dijk ka bërë një sezon të artë me Liverpulin. Ai ka treguar se është një mburojë e fortë në mbrojtje dhe ka cilësitë e një lideri. 27-vjeçari nuk është dribluar asnjë herë këtë sezon.

Kjo ka ndodhur prej aftësive të mëdha, por edhe kujdesit, që ai ka për të hyrë në duele një me një. Ndryshe nga Mesi, Van Dijk nuk do kishte arritur gjë pa ndihmën e skuadrës. Fitimi i Champions League e favorizon jo pak.
Rikardo Kaka ka folur rreth kësaj çështje dhe si duket ka parë pak më shumë se ç’duhet Premier Ligën këtë sezon, duke humbur kështu magjitë e Mesit. Ose ngaqë Leo ka një dekadë që mrekullon, tashmë Kakasë nuk i bën përshtypje.

Ai mendon se argjentinasi nuk ka bërë sa Van Dijk për të fituar “Topin e Artë”. “Do të shohim kohën e mbetur se çfarë do të ndodhë. Gjatë bisedave të ndryshme kam analizuar se Van Dajk meriton të fitojë atë trofe individual. Pati një sezon të shkëlqyer dhe fitoi Champions League, duke luajtur në mënyrë të çmendur. Mendoj se ka ardhur koha ta fitojë një mbrojtës”, u shpreh Kaka.

“Jam me fat që nuk luaj shpesh kundër Mesit”, Van Dajk përgënjeshtron gjithçka

Sport Ekspres — Mon, 06 May 2019 16:23:53 +0000

Pas ndeshjes që Barcelona e fitoi 3-0 ndaj Liverpulit me ndihmën e një Mesi në formë të jashtëzakonshme, ku shënoi një dopietë, në media qarkulloi një deklaratë e Van Dajk. “Jam me fat që nuk luaj në Spanjë dhe nuk përballem me Mesin çdo vit. Kur ai është në maksimumin e tij është e pamundur ta ndalosh”, ishte deklarata, që së pari u publikua nga gazeta spanjolle “Marca”. Kjo deklaratë qarkulloi me shumë shpejtësi për t’u shpërndarë në gjithë mediat Evropiane.

Por sipas Van Dajk dhe klubit të Liverpulit asgjë nuk është e vërtetë. Nëpërmjet një shkrimi nga media pranë tyre “Liverpool Echo”, përgështrohet gjithçka. Në postim thuhet se klubi dhe lojtari janë të indinjuar nga deklarata e rreme dhe akuzojnë drejtpërdrejt gazetën “Marca”, si e para që e ka publikuar. Ata shprehen se lojtari është shumë i sigurt që nuk e ka thënë diçka të tillë.

Van Dajk injoron Ramos: S’e pëlqej atë lloj mbrojtësi, Varan…

Sport Ekspres — Sat, 17 Nov 2018 20:23:52 +0000

Virxhil Van Dajk u bë mbrojtësi më i shtrenjtë në planet gjatë janarit të kaluar, kur drejtuesit e Liverpulit pranuan të paguanin 90 milionë Euro për të blerë kartonin e tij nga Sauthempton. Holandezit i mjaftuan pak ndeshje për të justifikuar investimin e bërë dhe sot e kësaj dite konsiderohet si ndër më të mirët në rolin e tij.

Në një intervistë për gazetën holandeze “telegraaf”, qendërmbrojtësi ka folur mbi mbrojtësin e tij të preferuar, që është Rafel Varan, por nuk ka harruar të flasë edhe për Serxho Ramos, të cilin nuk ruan ndonjë simpati të madhe.

“Ai është një lojtar i madh dhe e respektoj për ato që ka arritur në futboll, por ai nuk është lloji i mbrojtësit që më pëlqen. Varan është i preferuari im. Ai është një mbrojtës i shkëlqyer që është ende i ri në moshë dhe mund të përmirësohet akoma. Ai ka një lojë të veçantë, sepse përpiqet të shmangë të futurit në sparkatë” tha Van Dijk.