Van Basten

Futbollisti më i mirë që ka trajnuar? Dy legjenda vënë në dilemë Kapelon

Sport Ekspres — Sun, 24 Mar 2019 20:09:16 +0000

Fabio Kapelo do të mbetet në histori si një ndër trajnerët më të mirë të historisë së futbollit. Tekniku italian e ushtroi këtë profesion për thuajse tre dekada, ku drejtoi klube nga më të mëdhenjtë e Europës.

Së fundmi 72-vjeçari ishte i ftuar në një emision radiofonik në Itali, ku u pyet se cili ishte futbollisti më i mirë që kishte trajnuar.

Përgjigja ishte e dyzuar. Kapelo ishte në dilemë midis Van Basten dhe Ronaldos, por në fund u duk sikur anoi më shumë nga holandezi, të cilin e trajnoi për katër sezone te Milani, në ndryshim nga Ronaldo me të cilin punoi në vetëm një sezon te Reali (2006/07).

“Është e vështirë të përmend një emër të vetëm. Ndoshta më i miri nga të gjithë lojtarët që kam trajnuar është Marko Van Basten, por dhe Ronaldo (braziliani). Van Basten ishte shumë i veçantë. Kur e kam trajnuar kishte shtuar ca kile, por përsëri kishte cilësi në këmbët e tij, driblonte mirë dhe kishte kualitete të tjera unike. Megjithatë, ka pasur dhe mbrojtës që i veçoj si Maldini dhe Baresi, të cilët s’do t’i harroj kurrë”.

Van Basten mbush 54 vjeç, Milani dhe Ajaksi i bëjnë urimin special

Sport Ekspres — Wed, 31 Oct 2018 14:16:44 +0000

Marko Van Basten mbush sot 54 vjeç. Karriera e sulmuesit holandez njeh vetëm dy klube, Ajaksin dhe Milanin, ku ka shënuar 277 gola (153 për Ajaksin, 125 për Milanin). Të dy klubet përgatitën nga një urim special, që e shpërndanë në rrjetet sociale.

Ajaksi e uroi sulmuesin duke i kujtuar një gol akrobatik, që Van Basten ka shënuar për skuadrën nga Amsterdami. Urimi i Milanit ishte më i veçantë, pasi për 54-vjeçarin ishte përgatitur një video përmbledhëse e 10 golave të tij më të bukur me fanellën e kuqezinjve.

He could score goals in every possible way ?
Happy birthday, @MarcoVanBasten! ?
Il Cigno poteva segnare in ogni modo ?
Buon compleanno, Marco Van Basten! ? pic.twitter.com/olEtEZtEyd

— AC Milan (@acmilan) October 31, 2018

Van Basten i jep fund, holandezi braktis detyrën në FIFA

Sport Ekspres — Fri, 12 Oct 2018 21:20:30 +0000

Marko Van Basten i ka dhënë fund një eksperience 2-vjeçare si kreu i sektorit të zhvillimit teknik në FIFA. Holandezi është dorëhequr për t’iu përkushtuar më shumë jetës me familjen në Amsterdam.

Van Basten ishte personi përgjegjës për implementimin e rregullave dhe teknologjive të reja në sportin e futbollit. Në letrën e lamtumirës, 53-vjeçari tha se përdorimi i teknologjisë së sistemit “VAR” në Botërorin “Rusi 2018” ishte një ndër sukseset e tij më të mëdha.

Një tjetër rregull i iniciuar nga holandezi ishte dhe ai i shtimit të një zëvendësimi të katër në “extra-time”, ndërkohë një ide e Van Basten që ngeli pezull ishte dhe futja për herë të parë e një kartoni portokalli, një karton i ndërmjetëm midis të verdhit dhe të kuqit, që do të pezullonte lojtarët për disa minuta jashtë fushave të lojës si në sportin e Hokejit.