Edhe pse ekipi duket i kompletuar, Valverde ka piketuar një pozicion në formacionin e tij që ka probleme dhe është pikërisht krahu i majtë i mbrojtjes. I vetmi që e mbulon këtë rol është Zhordi Alba dhe duhet me patjetër një afrim i ri.

“Merkato nuk është mbyllur, është e mundur që të sjellim ndonjë emër surprizë. Të gjithë e dimë se kemi pasur probleme në krahun e majtë të mbrojtjes, po shqyrtojmë alternativën më të mirë”, tha shkurtimisht Valverde. David Alaba dhe Junior Firpo janë emrat që janë lidhur me një kalim te Barcelona këtë verë.

Sidoqoftë, është trajneri i Barçës që mendon ndryshe. Siç raportojnë mediat spanjolle, Ernesto Valverde ka dhënë dritën jeshile për Grizman, me drejtuesit e klubit që pritet të nisin sulmin për të siguruar shërbimet e tij.

? No genera consenso en el vestuario
? Ya lo esperaba el año pasadohttps://t.co/kY3w9ALNJY

— AS (@diarioas) June 5, 2019

Pavarësisht se lojtarët nuk e pëlqejnë një lëvizje të tillë, numri një i stolit katalanas duket se e ka marrë vendimin dhe tashmë, Grizman duket gjithnjë e më pranë Barcelonës.

Për këtë arsye, largimi i Ernesto Valverdes, duket diçka thuajse e sigurt. Sipas raportimeve të “Diario Gol”, drejtuesit katalanas e kanë gjetur zëvendësuesin dhe ai është Masimiliano Alegri, ish-trajneri i Juventusit.

Gjithsesi, pavarësisht këtyre raportimeve, ai që nuk është dakord me një situatë të tillë është kapiteni Lionel Mesi. Ky i fundit duket se ka një raport të shkëlqyer me trajnerin Valverde dhe kërkon që t’i jepet dhe një mundësi e fundit. Gjithçka mbetet për t’u parë…

“Nuk ishte e thënë fillimisht. Fillimisht më duhet të uroj Valencian, dolën kampion me meritë. Në pjesën e dytë tentuan medoemos të shënonim, por pavarësisht përpjekjeve të djemve goli nuk erdhi”.

“Ky sezon nuk është një dështim. Nuk kemi bërë shkëlqyeshëm, por kemi bërë shumë mirë. Luftuam deri në fund dhe për Kupën e Champions-in. Çdo vit synojmë që të arrijmë objektivat më madhorë”.

MERKATO – “Çdo vit do të vijnë lojtarë të rinj në klubin tonë. Për momentin De Jong është një blerje e zyrtarizuar. Duke filluar nga nesër do punojmë për blerjet dhe shitjet që do bëjmë. Nuk është momenti për të thënë kush do qëndrojë e kush jo”.

VALVERDE – “Ka kontratë edhe për një sezon. Sot skuadra punoi fortë dhe krijoi shumë mundësi”.

“Një muaj më parë fitonim kampionatin dhe shpresonim se mund të kompletonim tripletën. Pritshmëritë ishin të larta dhe ne u përpoqëm t’ia dilnim. Valencia është një ekip shumë i rrezikshëm në kundërsulm. Luajtëm pranë portës së tyre, por hasëm vështirësi në finalizim”.

“Ndeshja e sotme ishte ndryshe nga ajo në “Anfield”. Në pushimin e ndeshjes i kujtova se ia kishim dalë ta përmbysnim Valencian gjatë këtij sezoni. U përpoqëm deri në fund, dhamë gjithçka, por nuk ia dolëm dot”.

A e keni të vështirë të vazhdoni? – “Shiko, çdo trajner duhet të ketë vullnet për t’i kthyer gjërat në rrugën e mbarë. Nëse do të ishte në dorën time të zgjidhja midis eliminimit në fazën e 1/8-ve ose në çerekfinale, do zgjidha finalen”, përfundoi Valverde.

Fillimisht, u spekulua shumë se trajneri do të lagohej sapo të mbyllej sezoni, por presidenti Bartomeu ka folur ditën e sotme për mediat spanjolle, ku ka treguar haptazi qëndrimin dhe vendimin e tij për sa i përket kësaj çështjeje.

“Planet për sezonin e ardhshëm janë bërë prej kohësh. Valverdes i është bërë me dije që ka mbështetjen e të gjithëve. Është trajneri që duam dhe projekti me të është afatgjatë. Ka një kontratë dhe jemi shumë të lumtur me të.”

Sipas “Catalunya Radio”, një kandidat i ri për stolin e klubit katalanas është Ronald Kuman.
Trajneri holandez e njeh mirë ambientin pasi ka qenë një ndër futbollistët më të shquar të klubet në fillim të viteve 90, ndërsa ka pasur edhe një eksperiencë 2-vjeçare si zëvendës trajneri, kur trajneri i Barcelonës ishte bashkëkombësi i tij Luis Van Gal.

Aktualisht, Kuman është trajneri i kombëtares së Holandës, ku ka kryer një punë të shkëlqyer. Marrëveshje me federatën holandeze mund të prishet në këmbim të një shumë të caktuar monetare, që sigurisht nuk përbën problem për financat e një klubi gjigant si Barcelona.

LIVERPULI – “Nuk e kam riparë ndeshjen, por e kam gjithçka të qartë në mendje, duke analizuar fillimin e asaj sfide. Ishim pranë golit, por më pas erdhi goli i Liverpulit, që në pjesën e dytë na befasoi me dy gola të shpejtë, ashtu si na befasoi te goli i katërt. Kur pëson 4 gola, analizat kalojnë në plan të dytë”.

E ARDHMJA – “Ndihem mirë, jam i fortë. Dua të shoh përpara, nuk do fshihem si struci. Jemi të prekur dhe të dëshpëruar, nuk e mohoj. Mund të humbasësh një ndeshje, problemi është si e humbet. Nuk luajtëm mirë në pjesën e dytë, ishte e dhimbshme. Tani këmbët janë më të rënda se kurrë, por duhet të luajmë futboll dhe ta mbyllim mirë sezonin, sepse nuk kemi mbaruar punë. Kam folur me presidentin dhe më ka mbështetur gjithnjë. Kur merr një goditje të tillë çdo gjë tronditet, të vjen të thyesh gjithçka, por pastaj duhet të rikthesh gjithçka në vendin e vet”.

LARGIMET – “Nuk nxitohemi, sezoni nuk ka mbaruar. Na mbetet një ndeshje që vlen një trofe, do të kërkojmë tripletën. Nuk u rrënuam, në muajin maj kemi mbërritur duke qenë në garë për gjithçka. Shpresojmë që Kutinjo të vazhdojë të na ndihmojë. Rakitiç? Bisedova me të, më shpjegoi që shkoi në Sevilje për të takuar gruan dhe vajzat. Po kalonte në rrugë dhe dikush bëri një fotografi me të. Nuk dyshoj te profesionalizmi i tij”.

Flitej se bordi i Barcelonës do ta shkarkonte trajnerin spanjoll, por mungesa e alternativave ka bërë që t’i besohet ende Valverdes. Ai që me shumë gjasa do të largohet nga Barcelona, është Filipe Kutinjo. Bordi drejtues, por dhe pjesa tjetër e skuadrës së Barçës, e kanë humbur durimin me yllin brazilian.

Siç raportojnë mediat iberike, Kutinjo do të ndërrojë skuadër në verë dhe Barcelona është gati edhe të dalë me humbje. Katalanasit siguruan shërbimet e Kutinjos për 140 milionë euro nga skuadra e Liverpulit në janarin e shkuar.

Tekniku bask ka vlerësuar lojën e skuadrës së dhe ka kujtuar se kualifikimi për në finale mbetet i hapur.

NDESHJA – “Është një rezultat i mirë ndaj një skuadre të fortë. Na u desh të vuanim shumë që të mos pësonim gol. Janë një skuadër e madhe. Kanë mbetur edhe 90 minuta. E dimë çfarë na pret. Vitin e kaluar u eliminuam në çerekfinale pasi kishim një avantazh prej tri golash. Pra kualifikimi për ne finale mbetet krejtësisht i hapur, Liverpuli do të na e bëjë shumë të vështirë”.

MESI – “Leo të befason gjithmonë. Goditja e dënimit ishte nga një largësi e madhe. Unë nuk isha i sigurt nëse do të provonte të gjuante. Nuk e di se si e bën, por në momentet më të vështira ai përherë e tregon veten. Ai ka aftësinë t’i mbajë kundërshtarët në ankth gjatë të gjithë kohës. Është lideri i kësaj skuadre”, tha Valverde.

Pas ndeshjes Valverde foli në mikrofonët e Movistar Partidazo.

Ndeshja e vuajtur ndaj Levantes: “Ata luajtën një ndeshje të shkëlqyer, na sulmuan, kërkuan pikë dhe ishin agresivë si pak ekipe në Camp Nou. Patën edhe raste të mira, por më i pabesueshmi ishte momenti kur topi goditi shtyllën (Bardhi). Ne nuk e mbyllëm ndeshjen dhe në fund na pushtoi nervozizmi, por për fat ia dolëm të merrnim fitoren”.

Një titull iku, mbeten edhe dy: “E vërtetë, është një lumturi e madhe të fitosh titullin kaq herët me rivalët që kemi në Spanjë. Kemi fituar titullin e dytë rresht dhe është diçka fantastike të festosh në Camp Nou, me njerëzit tanë“.

Mesi u desh të futej për të zgjidhur ndeshjen: “Kemi një ndeshje të mërkurën, ndaj kisha në plan ta aktivizoja më pak sot. Natyrisht, nëse shkonim në avantazh të një apo më shumë golave Mesi nuk do futej aq shpejt, por Levante po luante shumë mirë. U desh ta futja, na dha titullin. Është tjetër planet”.

Pas ndeshjes, trajneri Ernesto Valverde ka përgëzuar të tijtë: “Ishte një ndeshje e madhe, edhe pse vuajtëm në 5 minutat e para. Traversa e Rashford na goditi, por më pas erdhi goli dhe gjithçka u bë e lehtë.

“Messi? Ai shfaqet gjithnjë në maksimumin e vet në ndeshjet e mëdha. Jo thjesht se shënon, por sepse mbështet gjithë peshën sulmuese të skuadrës.

“Kutinjo dhe festim paksa polemik? Nuk e di pse festoi ashtu, duhet ta pyesni. Unë shijoj golin e tij dhe nivelin e lartë të lojës. Në jemi një klub me kërkesa maksimale, duhet të fitojmë gjithçka dhe jemi gjithnjë në qendër të vëmendjes dhe kritikave, ndaj Kutinjo dihet të dijë të përballojë gjithçka.

“Ronaldo u eliminua? Do të thotë që do të duhet të bëjmë kujdes të madh, sepse nuk ka asnjë gjë te sigurt. Edhe Ajaksi është pretendent tashmë”.

Në daljen për shtyp, Valverde u shpreh se skuadra e tij nuk duhet të bëjë gabimin e PSG-së që e la kualifikimin të hapur deri në momentin e fundit.

NDESHJA – “Ideja jonë është që të futemi për ta fituar. Duhet të zhvillojmë atë lojë që dimë të bëjmë ne. Ata mund të na ndëshkojnë në momentet e fundit”.

DEMBELE – “Dembele është i grumbulluar dhe mund ta nisë nga minuta e parë, por nuk e di sa minuta mund të mbajë, pasi nuk luan prej disa javësh”.

KUNDËRSHTARI – “Çfarë kam më shumë frikë te Mançester Junajtid është shpirti i garës dhe historia që kanë krijuar. Janë shumë të rrezikshëm”.

ELIMINIMI NDAJ ROMËS – “Ajo eksperiencë e dhimbshme na hyn në punë tani. Të gjithë jemi të vetëdijshëm se nuk do ta kemi të lehtë të kalojmë më tutje”.

Trajneri i blaugranave është shprehur i pakënaqur me pakujdesinë e Smolling në atë duel. Ai është shprehur se goditja ndaj Leos ishte shumë e fortë dhe me shumë mundësi ai do të pushojë nesër ndaj Hueskas.

“Ka mundësi që Mesi të pushojë. Goditja ishte e fortë sikur ta kishte goditur një tren”, u shpreh Valverde në konferncën për shtyp para ndeshjes së nesërme në La Liga. Kujtojmë që pas takimit Smolling dhe argjentinasi janë takuar dhe kanë sqaruar gjithçka.

Në lidhje me problemet e Suarez pas ndeshjes kundër “djajve të kuq”, Valverde shprehet se ai është mirë dhe gati për të luajtur. Për dënimin për tetë ndeshje për Diego Kosta pas incidenteve me gjyqtarin në përballjen ndaj katalanasve ai u shpreh i çuditur. Valverde tha se e parashikonte katër dhe jo tetë ndeshje.

Fitorja e parë në Mançester – “Duke parë atmosferën dhe çfarë skuadre është Junajtid, është e vështirë të fitosh këtu. Ishte një ndeshje e vështirë, e ndërlikuar. Pati momente kur dominuam, por gjithashtu pati momente kur hasëm vështirësi. Nuk prisnim të ishte shëtitje, natyrisht, dhe e kemi të qartë se në kthim n aoret një betejë edhe më e vështirë”.

Autogoli që mund të ishte gol i Suarez – “Nuk ka rëndësi, një gol më shumë a më pak nuk e ndryshon vlerën e asaj që Suarez bën për ekipin”.

Mesi dhe goditja në hundë – “Ishte në goditje e fortë, do kryhen kontrolle mjekësore, sepse dukej qartë që nuk ishte një goditje e thjeshtë”.

Pike, njeriu i ndeshjes – “Po luan në nivele fantastike. Junajtid ka lojtarë shumë të fortë në sulm dhe Pike ishte perfekt”.

Trajneri Valverde në konferencën para ndeshjes u shpreh se do ta ndjekë me kujdes situatën e tij. Ai shtoi se nuk do të rrezikojë ta aktivizojë lojtarin pa qenë 100%, pavarësisht se janë dy ndeshje delikate.

“Ai nuk do të luajë kundër Atletikos dhe nuk e di çfarë do të ndodhë ndaj Mançester Junajtid. Ne nuk duam ta rrezikojmë atë nesër apo të mërkurën sepse na presin ndeshje të vështira më pas. Ndaj Atletikos është e sigurt se nuk do të jetë.

Dembele është kthyer në një pikë kyç për blaugranat, ku ka arritur të përshtatet pas problemeve të hasura në fillim. Francezi regjistron 13 gola dhe 5 asiste për katalanasit këtë sezon. Megjithatë ka treguar një brishtësi fizike, ku ka pasur dy ndalesa për shkak dëmtimesh në këtë sezon.

Lojtari nën vëzhgimin e zyrtarëve të kampionëve të Spanjës është sulmuesi i Frankfurtit Luka Joviç. Talenti serb po mahnit prej dy sezonesh në Bundesligë, ndërsa u tregua vendimtar edhe në takimin e sotëm ku shënoi golin që zhbllokoi ndeshjen.

Joviç është vetëm 21 vjeç dhe shikohet si kandidat i mundshëm për të pasur Luis Suarez në rolin e sulmuesit te skuadra “blaugrana”.

FOTO ? | #InterEintracht, dirigenti del Barcellona a San Siro: Jovic nel mirino ? #UELhttps://t.co/xcei75Tf29

— Gianluca Di Marzio (@DiMarzio) March 14, 2019

BALANCA – “Është një ndeshje e Champions League, është normale të ketë tension dhe presion. Rezultatet janë zakonisht të ndershme”.

FILLIMI I MIRË – “Në pjesën e parë luajtëm në mënyrë të jashtëzakonshme, e dominuam ndeshjen, mund të shënonim edhe më shumë. Në pjesën e dytë Lioni luajti në sulm dhe shënoi një gol që na sikletosi”.

ULJE RITMI – “Në Champions nuk lejohet ta ulësh ritmin, të relaksohesh, sepse 2-0 nuk është rezultat që ofron siguri. Nuk po koordinoheshim mirë, patëm ndjesinë se Lioni mund të barazonte”.

MESI – “Barcelona është klub që ka mentalitetin për të luajtur në Champions dhe Leo luajti një ndeshje të madhe, si zakonisht”.

CHAMPIONS – “Nuk shoh një favorit, e pamundur. Të gjithë kanë mbërritur me meritë deri këtu, të shohim shortin fillimisht”.

“Sa me afër fundi i sezonit, aq më i vështirë bëhet. Tre pikë nesër kundër Vahekanos kanë të njëjtën vlerë si kundër Seviljas apo Reali, prandaj duhet vlerësuar në maksimum. Liga e Kampionëve është shumë pranë dhe duhet të tregojmë se jemi në formë dhe gati.

Sa i takon garës për titull, Atletiko është rivali ynë kryesor, por dua të them diçka dhe mos e konsideroni si çmenduri: Pavarësisht krizës që po kalon Reali, është absurditet t’i largojmë nga gara”,- përfundoi Valverde.

Valverde e ka udhëhequr Barcelonën drejt fitimit të kampionatit dhe Copa del Rey në sezonin e tij të parë dhe në fund të këtij sezoni përfundonte kontratën, ndërkohë që kishte spekulime se Barça ishte e pakënaqur dhe po kërkonte trajner të ri.

Gjithsesi, drejtuesit e klubit blaugrana kanë kaluar nga fjalët te faktet, duke rinovuar me trajnerin e vet.

? [LATEST NEWS] Agreement to extend Ernesto Valverde’s contract
More info ? https://t.co/LiAjy53jnP pic.twitter.com/ehuoU4V5ms

— FC Barcelona (@FCBarcelona) February 15, 2019

“Që prej ardhjes në drejtim, Valverde ka regjistruar shifra spektakolare, si pak trajnerë të tjerë. Në sezonin e tij të parë fitoi titullin dhe kupën dhe në sezonin aktual ka fituar edhe Superkupën.

“Në 96 ndeshje deri tani, ai ka fituar 65 e barazuar 22, duke humbur vetëm 9 herë. Sezonin e shkuar Valverde i shkoi shumë pranë rekordit të titullit kampion pa asnjë humbje, duke u mposhtur vetëm në fushën e Levantes në fund të kampionatit, ndërkohë që Barcelona shënoi në 37 ndeshje rresht në kampionat, para se të ndalej javën e shkuar në Bilbao.

“Në 96 ndeshjet me Valverde në drejtim, Barcelona ka shënuar 233 gola dhe ka pësuar vetëm 78, me 45 ndeshje të mbyllura pa pësuar gol. Mesi është shënuesi më i mirë i epokës Valverde, me 74 gola, ndjekur nga Luis Suarez me 47. Mesi ka dhënë gjithashtu më shumë asiste, ndërsa Luis Suarez është lojtari që ka luajtur më shumë minuta, 7.026, ndjekur nga Pike me 7024 dhe Ter Stegen me 7020. Lojtari me më shumë ndeshje është Ivan Rakitic, me 89 të tilla, ndjekur nga Sergio Buskets dhe Mesi (83), Luis Suarez (82) dhe Pique (81)”.

Rotacionet në kupë – “Ka pasur shumë zhurmë për këtë gjë. Më lëni të jem i qartë. Kampionati është proritet për ne dhe këtë e pranoj pa asnjë hezitim”.

Zhirona – “Është thelbësore të fitojmë ditën e nesërme. Duhet të shikojmë rivalët tanë. Jemi vetëm pesë pikë larg nga Atletiko dhe ata janë një skuadë që nuk dorëzohen kurrë, ndërsa Realin e njohim të gjithë se çfarë ekipi është. Nuk do ta kemi lehtë të nesërmen. Zhirona po zhvillon një kampionat shumë të mirë”.

Merkato – “Morëm Boatengun, që Suarez të lirohet pak nga ngarkesa e madhe. Malkom? Kam besim tek ai. Do të ketë mundësi për të treguar veten. Duhet të tregohet më agresiv në lojën një kundër një. Kemi vetëm një mangësi. Duhet të përforcojmë krahun e majtë të mbrojtjes. Klubi po studion disa lojtarë për këtë çështje|.

Mesi – Për takimin e nesërm do të rigjejë Leo Mesin. “Pleshti” u la pushim në dy ndeshjet e fundit të katalanasve dhe mungesa e tij u ndje shumë, sidomos në humbjen në Kupën e Mbretit ndaj Sevijës. Megjithatë, ka dhe lajme të këqija. Talenti francez Usman Dembele është lënë pushim pas një –

Pyetja e parë kishte të bënte në lidhje me negociatat për rinovimin e kontratës, që i skadon në fund të këtij sezoni: “Kur të kemi lajme në lidhje me këtë çështje do t’u informoj menjëherë. Kam një marrëdhënie të mirë me klubin, s’kam pse të fsheh asgjë”.

NË MERKATO PËR SULMUES ? – “Klubi po punon për këtë gjë, por nuk është aq e thjeshtë sa duket. Të shohim nëse mund të afrojmë ndonjë lojtarë cilësor. Nëse jo, do të na duhet të vazhdojmë me çfarë kemi në dispozicion”.

KARLOS VELA ? – “Ai është një lojtar shumë i mirë, që e ka treguar në të shluarën se sa vlen në kampionatin spanjoll. Qarkullojnë lajme të shumta për emra të ndryshëm, e vetmja gjë që mund të them për Velën është që është pjesë e një skuadre tjetër”

DE JONG? – “Ai gjithashtu është pjesë e një klubi tjetër. Një futbollist i madh me një të ardhme të madhe. Megjithatë, s’mund të flas më shumë, s’dua të flas më lojtarët e ekipeve të tjera”.

AKTIVIZIMET E MALKOM – “Ai ka disa cilësi të mrekullueshme, dhe ne duam që t’i shohim ato në fushën e lojës. Te Barcelona marrim lojtarë që janë vendimtarë në takime. Këtë presim nga ai”, përfundoi Valverde.

NEJMAR – “Ne nuk flasim për lojtarë të skuadrave të tjera. E respektojmë PSG-në. Kemi një skuadër të mirë me lojtarë të mëdhenj dhe po përpiqemi të fitojmë gjithçka. Kemi gjithashtu lojtarin më të mirë në botë, Leo Mesin, kështu që e kemi të sigurt se do luajmë futboll të bukur për shumë vite të tjera”.

DEMBELE – “Ai ka ka ardhur në një klub gjigant. E ka ditur shumë mirë që s’do ta kishte të lehtë në fillim dhe s’do ta ketë të lehtë as tani. Nuk ka zgjidhje tjetër përveç se të punojë fort, çka po e bën së fundmi. Trajneri beson tek ai, ashtu si dhe lojtarët. Mund të them se potenciali dhe talenti i tij është i pabesueshëm. Barcelona do ta çojë atë drejt një rruge të vetme: suksesit”.

“Jemi të motivuar. Duam tripletën dhe për këtë mua më duhet të punoj që të sjell lojtarët më të mirë në qarkullim. Valverde? Nuk kemi asnjë dyshim se Valverde do të jetë trajneri i Barcelonës edhe sezonin e ardhshëm. Kemi shumë besim tek ai dhe do të bisedojmë kur të vijë koha e duhur”, përfundoi Bartomeu.

Trajneri  i Barcelonës, Ernesto Valverde, u shpreh se ka ndërmend të fusë një skuadër me lojtarët e stolit, por ai theksoi se pret që ata të tregojnë vlerat e tyre duke siguruar tri pikët në përfundim të takimit.

ROTACIONET  – “Luis Suarez nuk do të jetë pjesë e ndeshjes së nesërme, ndërsa jam duke menduar ende për portën, pasi mund të luajë Silesen që nga minuta e parë. Vermaelen është gati për të luajtur 90 minuta, ndërsa do të ketë minuta edhe për Kutinjon”, tha tekniku i katalanasve.

Ndërkaq, interes të madh për këtë sfidë do të ketë edhe nga Milano, ku Interi do të luajë ndaj PSV-së. Një fitore ose barazim i Barcelonës do t’i jepte ekipit zikaltër, ndërsa në rast goleade ekipi i Spaletit mund të kualifikohet edhe nëse Totenhemi triumfon në Barcelonë, pasi në lojë hyn diferenca e golave.

Kampionët e Spanjës vijnë të pamotivuar në këtë takim, por trajneri Ernesto Valverdo ka qetësuar tifozët e Interit, duke deklaruar se skuadra e tij do të futet në fushë për të fituar e asgjë më pak.

“Jam pjesë e një klubi që e vlerëson në maksimum këtë kompeticion dhe të jeni të sigurt se lojtarët që do të luajnë të martën do të bëjnë gjithçka për të fituar. Minuta për Mesin? Përgjigjen do ta merrni të martën”, tha tekniku i Barcelonës.

Duket paksa e çuditshme që të jepte një trofe i tillë për aq kohë sa vetë lojtari është në aktivitet, edhe pse për “pleshtin” do të ishte një nderim jo i vogël. Sigurisht lojtari vetë duhet të japë mendimin  tij për këtë çështje, pasi është emri i tij mbi të gjitha që konsiderohet markë më vete, edhe pse nuk pritet që të ketë ndonjë kundërshtim.

Në konferencën për shtyp është pyetur dhe trajneri Ernesto Valverde, i cili u shpreh se duket një ide e mirë, por më parë duhet që të merret mendimi i lojtarit të tij: “Nuk e di çfarë të them, pasi më parë duhet të pyesim Leo Mesin, nëse do ai që të përdoret emri i tij apo jo, nuk e di çfarë të them. Mund të jetë një ide e mirë, por vendimi i takon atij. Është një pyetje e vështirë për mua”.

Mesi do të qëndrojë dhe për pak javë jashtë fushave të blerta, pasi ka pësuar një dëmtim në krah. Sulmuesi do të humbasë edhe ndeshjen e kthimit me Interin në Champions League.

NDESHJA – “Në pjesën e parë dominuam lojën. Ata vendosën të na prisnin në mbrojtje, ndërsa ne iu përshtatëm mirë kësaj situate.  Ata na rrezikuan vetëm me goditje nga distanca në pjesën e dytë Reali ndryshoi strategji dhe treguan se janë një ekip i madh duke shënuar e duke krijuar disa raste të rrezikshme. Fatmirësisht, me kalimin e lojës i ndëshkuam sërish”, përfundoi Valverde.

LOPETEGUI – “E di shumë mirë se si është të jesh në pozicionin e tij. Duket se gjithçka po shkon keq dhe kjo gjë ka efekt te trajeri. I tillë është futbolli i sotëm. Ajo që po i ndodh atij tani, mund të më ndodh mua pas tri javësh. Dëshiroj më të mirën për Lopeteguin. Nuk dua të komentoj nëse do të shkarkohet ose jo. Për mua të gjitha shkarkimet janë të padrejta”

GOLI I MARCELOS – “Kanë qenë 15 minuta të vështira në fillim të pjesës së dytë, por kemi bërë një ndeshje të mirë. Pjesa e parë ishte e gjitha e jona. Ata gjuanin nga larg dhe nuk afroheshin, ndërsa ne ishim më afër. Në pjesën e dytë kanë ndryshuar shumë, sidomos nga krahët. Për pak momente patëm një hutim, që erdhi dhe nga goli që pësuam. Gjithsesi, arritëm të reagonim dhe përfituam nga hapësirat që ata linin pas”.

“Real Madrid është një skuadër që krijon shumë shanse shënimi, ndërsa tani kanë pasur fat të keq para porte. Në ndeshjen e kaluar krijuan 12 raste shënimi, gjë që tregon nivelin e lartë që kanë në fazën sulmuese. Pres një Real shumë të fortë. Ndaj Barcelonës ata përherë kanë treguar se janë të aftë të dalin nga kriza”

“Mungesa e Mesit dhe Ronaldos dhe nuk e zbeh këtë takim. Rivaliteti i kësaj sfide ka filluar vite para shumë dekadash. Luajmë për më shumë se tri pikët nesër, pasi përveç pikëve fitorja mund të na ndihmojë shumë në aspektin emocional”

SHKARKIMI I LOPETEGUIT ? – “Nuk mendoj se rezultati i këtij takimi do të vendos të ardhmen e Lopeteguit te Reali”, përfundoi .

“Mungesa e Mesit? Ndihet gjithmonë, por do të kërkojmë që të luajmë dhe të fitojmë gjithnjë si sot, që mungesa e tij të kalojë me fitore. E kemi thënë gjithnjë, duhet të bëhemi të pavarur nga një lojtar. Nuk e lejuam Interin të luante lojën e vet dhe bëmë atë që kishim në plan para ndeshjes. Ishte një ndeshje e rëndësishme, e vështirë dhe e para pa Mesin. E gjithë bota ishte kurioze dhe besoj se treguam çfarë dimëë të bëjmë”.

Tashmë mendja tek El Clasico, në fundjavë: “Është një sfidë ku nuk ka rëndësi momenti dhe forma psikologjike, është një ndryshim total në aspektin emocional dhe nuk futemi në fushë duke menduar se jemi superiorë”.

“Ky është futbolli dhe mund të ndodhë. E vështirë të shpjegosh këtë që ndodhi në një ndeshje të kontrolluar, ku pëson gola në këtë mënyrë. Ndërkohë që respektojmë kundërshtarin, mendojmë se ata mund të na ndëshkojnë dhe kjo na ndodhi”, është shprehur tekniku spanjoll pas ndeshjes.

Sigurisht ai merr përsipër atë që i takon: “Ndihem përgjegjës, si të tjerët. Fundja të gjithë ne ndihemi përgjegjës”. Valverde shpjegoi edhe mungesën e rasteve, që sipas tij erdhi për shkak të ngjeshjes së kundërshtarit në prapavijë. Gjithsesi takimi me Leganes ka përfunduar dhe duhet hedhur vështrimi te ndeshja e radhës.

“Nuk kam folur me asnjë në klub. Trajnerët shkojnë nga dita në ditë, nga java në javë. Më duket e parakohshme për të folur për këtë çështje në këtë moment”, deklaronte ish-trajneri i Bilbaos, i cili do të ndjekë të njëjtën strategji si Guardiola raporton gazeta “Sport” në Spanjë.

Valverde mendon se është herët për të biseduar për të ardhmen. Guardiola në të shkuarën rinovonte vit pas vit, ndërkohë që edhe trajneri aktual kërkon që lojtarët të mos shpërqendrohen me lajme që lidhen me të ardhmen e tij.

Gjithsesi në muajin shkurt ai do të ndajë mendjen se çfarë do të bëjë, në mënyrë që edhe klubi të ketë kohën e mjaftueshme për të menduar për sezonin e ardhshëm, qoftë me Valverden në stol, qoftë pa të.

Trajneri spanjoll ka mbështetjen e klubit dhe klauzola “+1” në kontratë nuk është se lidhet me objektivat, por nga dëshira e përbashkët e palëve për të vijuar bashkëpunumin. Edhe në klub ende nuk e kanë ngacmuar Valverden në lidhje me të ardhmen.

Sikurse është bërë me dije në shtypin spanjoll, konkretisht nga gazeta “Sport”, francezët janë gati të ofrojnë 90 milionë euro për shërbimet e Rakitiç. Kroatit nga ana tjetër mund t’i dyfishohet paga. Në këto kushte transferimi i mesfushorit te PSG është një realitet i mundshëm.

Nga ana tjetër, trajneri Ernesto Valverde është i qartë, teksa thekson se e shikon Rakitiç pjesë të ekipit edhe këtë sezon. Dhe në fakt mesfushori është i lumtur te Barcelona. Ana financiare është e vetmja që mund t’u prishë mendjen palëve, pasi edhe katalanasit e kanë të vështirë t’i thonë jo 90 milionë eurove për një 30-vjeçar, të cilit i kanë mbetur edhe dy vite kontratë.

“Unë jam trajner dhe dua lojtarë më të mirë. Rakitiç është një prej tyre dhe është i përfshirë me ekipin dhe klubin. Nuk jemi këtu për të bërë biznes për një lojtar, por për të fituar ndeshje”, është shprehur Valverde, që ka theksuar se Rakitiç është shumë i rëndësishëm për ekipin e tij.

“Ivan është thelbësor për ekipin tonë dhe unë bëj planet me të. Numrat e tij janë këtu dhe të gjithë e dimë rëndësinë që ka për ekipin. E kuptoj që mund të ketë lojtarë nga ekipe të tjera që mund ta rregullojnë këtë, por ne e kemi Rakitiç dhe shpresoj që pa asnjë dyshim ai të qëndrojë”, u shpreh trajneri i Barcelonës gjatë konferencës për shtyp.

“Është një lojtar që shpresojmë të na japë energji në mesin e fushës. Ai ka goxha eksperiencë, numra që tregojnë se ai luan shumë, është shumë prezent në fushë dhe nuk kalon pa u vënë re, si dhe është agresiv. Duket si Paulinjo, një profil ndryshe nga ata që kemi. Presim të na ndihmojë shumë. Ai ka luajtur në ndeshje të mëdha dhe ka lëvizur nga një ligë në tjetrën, në këtë rast nga Gjermania në Spanjë, dhe mendoj se nuk ka shumë ndryshim”.

“Vidal, përforcim për momentet vendimtare në Champions?  Shpresojmë që është kështu. Ka statistika të pabesueshme. Këtu përshtatet një lojtar si Artur, gjithashtu edhe një si Vidal e Paulinjo, sikurse u demonstrua vitin e  shkruar. Ai duket si një luftëtar, jep gjithçka në fushë, agresiv në mbrojtje dhe në sulm, në punë, në shpirt dhe kjo është ngjitëse. Është e nevojshme që të lirohet dhe të gjitha këto cilësi t’i demonstrojë në fushë”.

“A do përshtatet me stilin? I kuptoj mendimet, ose më saktë i pranoj ato. Por edhe vitin e kaluar ka pasur shumë polemika për Paulinjon pa e parë atë të luante një minutë. Në një klub si ne a hapësirë për këdo, në një stil apo në një tjetër”.

“U mbyll merkato? Unë jam trajneri, nuk kam çelësat për të hapur dhe mbyllur dyert. Jemi të hapur, si të gjitha klubet, për të përmirësuar ekipin tona brenda afateve kohore që ne i shohim të përshtatshme. Nuk e dimë çfarë do të ndodhë. Jemi të përgatitur për gjithçka”.

“Rafinja? Po përgatitet mirë dhe të shohim se çfarë do të ndodhë. Pjesën e parë të vitit të kaluar nuk luajti shumë dhe pastaj nuk munda ta ndiqja. Gjithashtu duhet parë se çfarë ai dëshiron”.

“Cilesen drejt largimit? E vërteta është se ai është shumë pranë nesh, ai do përgatitet shumë shpejt. Nuk mund të imagjinoj një situatë përpara kohe. Unë nuk kam çelësat, por ai është  një lojtar që ne e kemi, një portier i shkëlqyer, me të cilin jemi të kënaqur”.

“Pogba? Ai është në një tjetër ekip. Duhet të keni shumë respekt për ata që janë në klube të tjera dhe jo të merrni për bazë të gjitha spekulimet e merkatos, nga ku dalin shumë. Duhet ta respektoni lojtarin dhe klubin”.

“Gatuzo? E njoh pak Gatuzon, por shoh që atë që e ka pasur si lojtar e transmeton edhe si trajner. Ka shumë temperament dhe ai i transmeton zgjedhjet e tij në ekip. Milani është një ekip i përgatitur, si dhe i organizuar mirë. E pamë kundër Totenhamit, që me vështirësi e mundi. Fryma e trajnerit transmetohet në atë ekip”.

Ndeshja e radhës e Barcelonës është ajo me Las Palmasin në një duel të hapur nga larg me Real Madridin, për të mbajtur distancën prej gjashtë pikësh. Trajneri Ernesto Valverde u bëri thirrje lojtarëve të tij me konferencën e tij për shtyp për të mos e lëshuar veten për asnjë sekondë, sepse ishullorët janë skuadër e paparashikueshme, siç ka treguar gjithmonë në ndeshjet vendimtare.

Interesant është fakti se populli katalanas ka referendumin për pavarësinë dhe ndoshta nuk do ta ketë mendjen te skuadra, por Valverde nuk shqetësohet. “Pavarësisht se duam të argëtojmë tifozët, gjëja më e rëndësishme është marrja e tri pikëve. Ne duam të vazhdojmë të fitojmë. Shpresojmë që nesër (sot) gjatë referendumit të ketë respekt gjatë votimit. Las Palmas ka një trajner të ri dhe ata janë ende duke bërë një punë të mirë, kjo nuk diskutohet. Duam të fitojmë ndeshjen e nëntë radhazi. Njerëzit do të vijnë për të shijuar ekipin e tyre dhe për të parë fitoren tonë”, – u shpreh tekniku.

I pyetur mbi merkaton dhe kërkesat e tij, ai u përgjigj: “Nuk më pëlqen ekipi me shumë lojtarë. Ne do të shohim në merkaton e dimrit. Deulofeu? Unë mund të thërras 18 lojtarë dhe të aktivizoj 11, kështu që nuk mund të garantoj minuta për gjithkënd”.

Në fund, dy fjalë edhe për Mesin. “Leo ka aftësinë për të thyer rekorde. Është dominues për të gjithë, është e mahnitshme kjo që bën”.

Barcelona ka qenë e përkryer deri tani në La Liga, por problemi më i madh i momentit është Osman Dembele, i dëmtuar në ndeshjen e fundit me Getafen në kofshë. Mesfushori francez do të mungojë për rreth katër muaj dhe ky është një shqetësim i pashmangshëm për trajnerin Ernesto Valverde, i cili në konferencën për shtyp para ndeshjes së sotme me Eibarin theksoi një gjë e cila nuk u mendua në fundjavë lidhur me dëmtimin e 20-vjeçarit. Sipas teknikut, i cili këtë sezon e ka të parin në stolin e katalanasve, asnjë futbollist me përvojë nuk do ta kishte pësuar atë dëmtim. Valverde theksoi se Dembele dëmtoi veten me atë gjuajtje të topit me thembër. “Rikuperimi është gjëja më e vështirë për çdo futbollist. Mendoj se Dembele ka gabuar. Një futbollist, kur bën streçing, prek gjithmonë gjunjtë, bicepsin dhe kështu me radhë. Osman dihet se është një futbollist pa historik në lidhje me dëmtimet muskulore, ndaj nuk ka përvojën e duhur të identifikojë ndonjë shqetësim muskulor. Ai u dëmtua duke gjuajtur me thembër. Një veteran do ta kishte lënë topin të dilte jashtë”, – u shpreh tekniku. I pyetur se kush mund ta zëvendësojë djaloshin, Valverde përmendi disa emra. “Në fakt, kemi disa lojtarë që mund të luajnë në pozicionin e tij. Gerard Deulofeu, Aleiks Vidal, Denis Suarez dhe Andre Gomes janë disa nga alternativat tona nga stoli, kështu që do ia dalim”.

Klauzola
Për shkak të dëmtimit, Dembele do të humbë 50 ndeshje me Barcelonën këtë sezon. Kjo do ta lejojë klubin katalanas të kursejë 10 milionë euro, për shkak të një klauzole të përfshirë në transferimin e 20-vjeçarit nga Barcelona. Siç ka sqaruar “Bild”, një nga klauzolat e kontratës thekson se Barça do të duhet të paguajë 10 milionë euro pas 50 ndeshjesh të Dembelesë si katalanas. Kjo për ca kohë nuk do të ndodhë, kështu që “pagesa” do të nisë të llogaritet diku nga shkurti apo marsi. Dembele aktualisht është në Finlandë, ku do të duhet t’i nënshtrohet operacionit në kofshë.

Valverde e pranon se gjithçka është përmbysur me largimin e Nejmarit: “Gjatë javëve të fundit kanë ndodhur gjëra që kanë shkatërruar ekuilibrin e skuadrës dhe duhet të gjejmë një të ri. Po punojmë, është një moment i vështirë sepse kemi humbur, por nuk kemi alternativa, duhet të shohim përpara. Nëse vijnë lojtarë të tjerë, do të rigjejmë ekuilibrin tonë”.