Batuta e Zengës: Unë trajner i Interit? Po, në “playstation”… Gatuzo si Simeone

Sport Ekspres — Mon, 17 Sep 2018 10:01:58 +0000

Valter Zenga është një interist i zjarrtë, ekip me të cilin ka zhvilluar 16 sezone në vitet 80-90. Ish-portieri i famshëm ka komentuar ecurinë e keqe të ekipit në këto javë, ndërsa përgjigjet me batutë, kur e pyesin nëse mund të jetë trajner i zikaltërve.

“Unë në pankinën e Interit? Mos më vini në vështirësi me Spaletin, të cilin e kam mik. Ndoshta mund të bëhem trajner i Interit në vitin 2021 në ‘playstation’. Spaleti foli në konferencë për shtyp pas humbjes me Parmën dhe tha që Inter nuk është treguar cinik dhe nuk ka patur ide për të fituar ndeshjet. Diçka e drejtë, sepse nuk mjafton të luash mirë dhe të bësh detyrat e kërkuara. Nevojitet më shumë grintë dhe kurajo. Ikardi apo Higuain? Unë do zgjidhja Ikardin.”

Trajneri, i cili mbylli eksperiencën me Krotonen sezonin e kaluar dhe sot gjendet pa ekip, komenton dhe mbi sistemin VAR, ndërsa e mbyll me Milanin dhe trajnerin Xhenaro Gatuzo.

“Sezonin e kaluar VAR-i ishte eksperimental. Gjëja e çuditshme e këtij viti ishte fakti që në ndeshjen Inter-Parma, nuk lajmëruan arbitrin kryesor për të shikuar nga afër imazhet e rasteve të dyshimta. Gatuzo më pëlqen shumë. Kur u përballa me të sezonin e kaluar, biseduam shumë bashkë. Ai është një trajner i aftë dhe, si Simeone i Atletikos, ka një tjetër karakteristikë të madhe. Ai e ndjen skuadrën dhe i transmeton energjitë e tij lojtarëve.”

Zenga me mision shpëtimi, pranë akordit me klubin rumun

Sport Ekspres — Sat, 25 Aug 2018 13:32:41 +0000

Valter Zenga është drejt rikthimit në Rumani. Trajneri italian është pranë akordit me klubin e Voluntarit. Menaxheri i klubit, Jan Andon, një nga mbrojtësit e famshëm rumun të viteve 90-të, ka kontaktuar me Zengën. Ky i fundit është shprehur i gatshëm t’i japë një dorë klubit që ka marrë vetëm një pikë në pesë ndeshjet e para dhe mbyll tabelën e klasifikimit.

Zenga vjen nga një eksperiencë e hidhur me Krotonen, të cilën nuk arriti ta ndihmonte për të qëndruar në Serinë A. 58-vjeçari është gati për të nisur aventurën e katërt në Rumani, ndërsa më parë ka drejtuar FC Nationa, Steauan dhe Dinamon e Bukureshtit.

Ish-portieri i kombëtares italiane ka një lidhje të veçantë me këtë vend. Nusja e tij është nga Rumania dhe Zenga është gati për të ndihmuar Voluntarin për të qëndruar në elitë.