Torino është në pritje të asaj që do të konstatojnë mjekët, por paraprakisht mësohet se trajneri ka marrë rekomandimin që të pushojë dhe të mos angazhohet në botën e futbollit. Nuk dihet se dhe për sa kohë do të duhet që Maxarri të qëndrojë larg profesionit të tij.

Skuadra e Torinos do që të dijë sa më parë diagnozën e trajnerit, në mënyrë që të vendosë nëse do ta presë derisa të shërohet, apo duhet të kërkojnë një timonier të ri. Për momentin skuadra po drejtohet nga zëvendëstrajneri.

“Dua të falënderoj tifozët, por sot ishim një tjetër ekip nga ai që luajti me Udinezen. Është e vështirë të flas taktikisht për ndeshjen e sotme, sepse jam shumë i acaruar me paraqitjen e ekipit. Fillimi i ndeshjes duhet të na shërbejë si leksion për ndeshjet e ardhshme.

Sot nuk ishim në fushë, flisja me Frustalupin dhe po i thoja ‘sa lojtarë duhet të ndërrojmë? Shtatë, apo tetë? Nuk po e njihja skuadrën. Patëm një reagim të vogël në fillimin e pjesës së dytë, por më pas u shkrimë si bora në diell. Lojtarët do të duhet të më japin shpjegime një nga një.

Nuk dua të merrem me mungesat. Kishim bërë mirë deri në këtë ndeshje, por kemi gabuar pafund. Napoli ishte i uritur, ndërsa ne nuk luftonim”, përfundon trajneri i Torinos, Valter Maxarri.

Këshillë me paralajmërim dhe për Valter Maxarrin e Torinos. Në një moment është futur në fushë dhe ka kundërshtuar një vendim arbitrar. Shkelja është zbuluar nga arbitri i katërt, i cili ka mbajtur shënim veprimin e Maxarrit.

De Rosi dhe Gomez ia kanë hedhur paq, edhe pse të dy kapitenët nuk zbatuan rregullin e vendosur nga Liga e Serisë A për shiritin e kapitenit. Ata mbajtën në krah një shirit personal, por asnjë dënim, madje as një paralajmërim kundrejt kapitenëve të Romës dhe Atalantës.

Nga lojtarët, vetëm Adam Nagi i Bolonjës mungon një javë, si pasojë e kartonit të kuq të marrë në ndeshjen përballë Spal.