Spanjolli luajti për pesë vite në Firence ku u kthyer në një ndër lojtarët më të rëndësishëm të ekipit.  Sipas “Sky Sports”, ditën e sotme drejtori i sportiv i klubit toskan, Daniele Prade ka zhvilluar një takim me homologun e tij zikaltër Piero Auzilio, ku temë bisedë ka qenë transferimi i Borha Valeros.

Mosha e madhe e futbollistit e bën të vështirë që Interi të ketë kërkesa të larta për kartonin e lojtarit, ndoshta marrëveshja mund të mbyllet me një shumë simbolike ose mes kalimi i spanjollit në Firence do të behet me anë të një huazimi 1-vjeçar.

Opsioni i fundit është mëse i realizueshëm. Mesfusha e Interit ka pësuar një ngjeshje me transferimin e lojtarëve si Sensi dhe Barela dhe është e qartë për të gjithë që Borha Valero është kthyer në një lojtar të tepërt për stolin e Interit.

Megjithatë, agjenti i futbollistit ka konfirmuar për mediat italiane se e ardhmaj e klientit të tij është vetëm në San Siro dhe se Valero nuk ka aspak ndërmend të largohet: “Interi është skuadra e tij, e ardhmja është vetëm zikaltër.

Nuk e di pse ka pasur zëra rreth tij, por Borja asnjëherë nuk e ka menduar largimin nga Interi. Ai është 100% zikaltër. Është i lumtur këtu dhe nuk ka arsye të ndërrojë skuadër”. Valero iu bashkua Interit në vitin 2017 nga skuadra e Fiorentinës dhe ka luajtur 75 ndeshje si zikaltër, ku ka shënuar dy gol dhe ka asistuar 1 herë.