Në një intervistë për “Supersport”, Rama flet mbi humbjen në transfertë dhe mbi mënyrën se si skuadra duhet ta nisë ndeshjen e kthimit edhe pse rezultati i takimit të parë nuk lë shumë vend për të shpresuar.

“Në pjesën e parë bëmë një lojë të shumë të mirë. Krijuam disa raste për shënuar, por fatkeqësisht nuk ia dolëm dot. Në pjesën e dytë ndodhi ajo që ndodhi. Pësuam tri gola, prej të cilëve duhet nxjerrim mësime”.

“Mendoj se më shkaktuan një penallti, por arbitri e pa ndryshe. Po ta kishim një gol në fushë kundërshtare do ta kishim shumë herë më të lehtë. Gjithsesi në futboll ndodhin gjëra të papritura. Duhet të besojmë e të mundohemi të fitojmë lojën, na duhet energji pozitive”.

ECURIA NË EUROPË – “U bënë shumë vite që luajmë në Kupat e Europës. Në përgjithësi kemi dalë mirë, duke kaluar turet. Duke pasur besim te stafi dhe ekipi, pavarësisht se është një ekip shumë i mirë. Debreceni është një ekip me traditë në Hungari, eksperienca që kanë një pjesë e mirë e lojtarëve do mundemi t’ia dalim me sukses. Patjetër që iu them se turi i parë është detyrim, natyrisht edhe fati në futboll është një pjesë që mund të na ndihmojë për sa i përket kalimit të këtij, turi pasi është një tur shumë i vështirë”.

Ndeshja e parë në Hungari? Në fakt ky është një favorizim mund të thosha. Po të nxjerrim një gol atje, pastaj e kemi më të lehtë në Shqipëri. Gjithsesi duhet mobilizim nga ana e stafit dhe ekipit. Besoj se kanë bërë një fazë të mirë. Them se janë mirë, duket mirë ekipi dhe them se pse mos ta kalojmë. Në futboll luajnë 11 me 11 dhe natyrisht duam që të kemi edhe pak fat”.

MERKATO – “Sivjet nuk kemi ndërhyrë shumë. Kemi bërë gabime në vitet e fundit, pasi ndërhyjmë shumë në shumë reparte dhe prish shumë gjëra. Pavarësisht se e kaluam një tur, nuk na rezultoi i suksesshëm, sidomos verën e vjetshme. Kështu që sivjet kemi ndërhyrë pak. Kemi nevojë për të ndërhyrë në disa reparte, sidomos në repartin e sulmit apo të mesfushës. Kemi kohë deri më 24 gusht, kur edhe fillon kampionati.

Natyrisht edhe drejtori sportiv, por edhe stafi, nuk janë nxituar për të marrë lojtarë që nuk janë niveli që bëjnë diferencën në Shqipëri. Janë 20 lojtarë që kanë në dispozicion dhe mendoj se janë mjaftueshëm për këtë tur të parë. Na nevojitet edhe një sulmues që të bëjë diferencën, apo një mesfushor qoftë qendre apo krahu. Mendoj se me 2-3 blerje do e kompletojmë ekipin, që më pas do të luftojnë denjësisht në kampionat”.

EKIPI MË I MIRË SHQIPTAR NË EUROPË – “Mbetet për t’u parë në fakt, nëse do të kemi sukses dhe do ta kalojmë turin e parë. Ne dhe Partizani i kemi shumë të vështira ekipet që na kanë rënë në short për hir të së vërtetës. Karabakun e njohim, e dimë se çfarë skuadre ka, por edhe Debreceni është një ekip me traditë.

Gjithsesi kjo nuk do të thotë që ne të shkojmë dhe të mos marrim atë rezultat që presim. Kam bindjen dhe besoj shumë te stafi teknik dhe te lojtarët që do t’ia dalin me sukses, edhe pse ekipi kundërshtar është shumë i fortë. Pas kësaj mbetet të shihet se kush është ekipi më i mirë mbas kalimit të turit, sidomos ne dhe Partizani, që i kemi kundërshtarët edhe më të fortë”.

GJUNJËT – “Këtu problemi është se nuk garojmë në kampionatin shqiptar. Aty e ka në dorë stafi teknik, skuadra, nuk kemi se çfarë menaxhojmë ne, pjesa jashtë. Natyrisht që janë skuadra si Debrecen dhe Karabak që kanë kaluar edhe në fazat e grupeve të Europës, kështu që duhen respektuar dhe vlerësuar maksimalisht”.

EKIPI I KAMPIONATIT – “Do të ketë edhe ndërhyrje të tjera. Thashë që ne nuk kemi bërë shumë ndërhyrje, sepse nuk duam që ta prishim ekipin. Kemi larguar Rexhinaldon, ka qenë një ndër sulmuesit kryesorë të Kukësit. Më shumë u vetëlargua se sa e larguam, pasi kishte problemet e veta. Duam që të kemi një sulmues, pasi me një sulmues nuk mund ta nisësh kampionatin, sidomos kampionatin e Shqipërisë. Kemi një sulmues që është Van Basten i Shqipërisë, ishalla na del si Van Basteni atje.

Emrin e ka të madh, por nuk e di se çfarë do të na dalë. Është sulmues i ri, i perspektivës, por duam një sulmues me përvojë që të përballojë kampionatin shqiptar. Kjo pasi do të jetë një kampionat akoma dhe më i fortë, sepse ekipet janë përforcuar. Ne na duhen 2-3 lojtarë që të bëjnë diferencën, jo lojtarë për të mbushur numrin edhe kaq. Na duhen lojtarë duke nisur nga reparti i sulmit, mesfushës dhe deri në mbrojtje”.

VALDET RAMA – “Nga Valdeti pres që të tregojë emrin e vet, si lojtar i madh, lojtar me përvojë në këto ture, që në fakt duhen lojtarë të tillë, sepse kanë eksperiencën e duhur. Me çfarë më thanë sot, stafi dhe ekipi e kanë studiuar ekipin kundërshtar. E dinë se çfarë pikash të forta kanë dhe çfarë pikash të dobëta kanë. Besoj se tani që stafi i ka bërë analizën, edhe këta janë mobilizuar që të kalojnë turin dhe pse jo të dalin me rezultat pozitiv edhe në Hungari. Pastaj mbetet për t’u parë. Kam besim se do ia dalim”.

STADIUMI – “Në fakt stadiumi duhet të kishte nisur para një muaji. Kontrata është firmosur para një muaji me firmën zbatuese. Kanë vajtur mjetet, ka vajtur për të filluar punë, por Bashkia që iku nuk lejoi për të filluar punimet. Kjo ishte një gjë e rëndë në fakt, sepse ai stadium nuk bëhet as për mua personalisht, as për atë që ishte në krye të Bashkisë, por bëhet për qytetarët kuksianë, për Kukësin. Stadium me standarde europiane.

Është e pafalshme që të luajmë për 8 vite larg fushës sonë, si dhe në Kupat e Europës. Të loz sa në një stadium në një stadium tjetër. Tifozët shpresojnë që të mbarojë. Shpresoj dhe besoj se kjo kompani do të punojë me ritme të shpejta. Do mundohemi që të mos ketë pengesa, burokracira dhe të ecim me ritme të shpejta. Nëse do ecin punët ashtu siç e kemi planifikuar, për 6-7 muaj, ose 1 vit, e përfundojmë. Ekipi i Kukësit do të luajë edhe këtë sezon jashtë. Do mundohemi që të luajmë në një vend fiks. Elbasani dhe Kamza do të jenë shtëpia e re dhe nuk do ta lëvizim deri në fund”, ka thënë Gjici në mbyllje të intervistës për “Ora News“…

Kukësi, në rast se kalon Debrecenin përballet me Torinon. Gjithsesi Rama thekson se fokusi duhet të jetë te hungarezët:  “Të them të drejtën nuk mendoj për Torinon. Për momentin vetëm për Debrecenin duhet të mendojmë të kalojmë. Shpresojmë t’ia dalim me sukses”.

Sulmuesi flet edhe për periudhën e kaluar te Kukësi: “Besoj se kanë qenë 6 muaj të mirë. Normalisht nuk kanë shkuar gjërat siç duhet në kampionat, por me Kupën që e morëm në fund bëmë detyrën më së miri dhe ishte diçka pozitive”. Në fund, në lidhje me të ardhmen, ai shtoi: “Kam akoma kontratë dhe do flasim me drejtuesit dhe të vendosim se çfarë do të bëjmë”.

RITI – Mbrëmjen e djeshme, afrimet e Kukësit në merkato kanë pasur mundësinë të tregojnë aftësitë e tyre në të kënduar. Sikurse ndodh zakonisht, ata kënduar nga një këngë para shokëve të skuadrës dhe ato momente janë shoqëruar me të qeshura. Sigurisht te Kukësi i kanë marrë të tregojnë vlerat në fushë.

Gjoka po mendon pikërisht për ata që do e nisin nga fillimi ndaj hungarezëve. Ditën e sotme me verilindorët është bashkuar edhe Valdet Rama. Sulmuesi anësor do të vijojë bashkëpunimin me Kukësin edhe për kupat e Europës.

Kishte dyshime për diçka të tillë, por Rama është shfaqur në Elbasan. Një lajm i mirë për trajnerin Ernest Gjoka, ashtu sikurse rikthimi i mbrojtësit Edis Maliki. Prurja e re, Tome Kitanovksi, vështirë të jetë gati për ndeshjen e parë me Debrecen dhe ish-lojtari i Shkupit pritet titullar.

Dëmtimin e ka lënë pas dhe ndaj Laçit Mailiki e nisi nga fillimi. Shenja pozitive edhe nga kapiteni Ylli Shameti. Qendërmbrojtësi ende nuk është gati për lojë, por gradualisht po e merr veten dhe pritet që shumë shpejt të ingranohet me intensitet të plotë me pjesën tjetër të skuadrës.

Mbrojtësi, i cili luan në qendër dhe në të djathtë të prapavijës, sikurse edhe në mesfushë, lë Skënderbeun ku hapësirat i ka pasur të pakta dhe do të jetë një alternativë për trajnerin Ernest Gjoka. Gjithsesi merkato te Kukësi nuk është se po shkon si duhet, pasi janë disa lojtarët e larguar.

Rexhinaldo dhe Uilliam Kordeiro janë dy nga më të spikaturit që zyrtarisht kanë ikur, ndërkohë që SportEkspres.com mëson se edhe Valdet Rama nuk do të rikthehet te Kukësi. Një gropë e madhe që lihet nga anësori i sulmit, i cili sapo kishte kapur formën maksimale dhe në kampin verilindor i kishin shpresat tek ai.

Sulmuesi 31-vjeçar luajti vetëm 10 ndeshje në Superiore, katër prej të cilave nga minuta e parë. Ai shënoi dy gola në kampionat, ndërkohë që cilësitë e tij janë të padiskutueshme. Rama shënoi edhe në gjysmëfinalen e Kupës me Skënderbeun dhe në fund festoi fitimin e trofeut.

Një çështje tjetër për të cilën foli tekniku i Kukësit janë edhe kontratat në përfundim të lojtarëve: “Janë marrëdhënie të klubit me lojtarët, gjëra normale. Kur klubi dëshiron t’i mbajë disa lojtarë, i mban ata duke u përmirësuar kushtet financiare, ndaj më të gjithë do ketë bisedime. Për Rexhinaldon duhet të pyesni klubin, nuk më intereson pjesa pas këtij sezoni për momentin”.

Kupa është objektivi kryesor i Kukësit dhe Gjoka deklaron: “Me një president si Gjici dhe një trajner si unë, duhen vetëm trofe. Kampionati iku, ndaj kupa është detyrim për mua. Po të kishim ecur me mirë e të kishim pasur pak fat në disa ndeshje, kampionati do ishte shume më i bukur e interesant”.

VALDET RAMA – Më pas e mori fjalën sulmuesi anësor, që tregon se është mirë fizikisht dhe gati të luajë. “Jam mirë fizikisht, kam pasur 3 javë jo të mira. Lëndimet më kanë shqetësuar disa herë, por tani jam kthyer dhe nuk ndiej dhimbje. Natyrisht, nuk është e lehtë të përballesh shpesh me dëmtime, por duhet parë përpara. Lëndimet janë pjesë e lojës”, u shpreh Rama.

Më tej ai shtoi: “Kemi përpara një ndeshje shumë të rëndësishme e të vështirë, por jam optimist se do ia dalim.  Kampionati shqiptar më pëlqen, po zhvillohet gjithnjë e më shumë dhe jam duke dhënë maksimumin për të ndihmuar ekipin tim. Ka lojtarë të talentuar në Superiore, nuk veçoj dot askënd me emër”.

E ardhmja është një temë e rëndësishme për sulmuesin anësor, i cili deklaron: “Kam kontratë me Kukësin, të fitojmë Kupën një herë”. Ndërkohë ka pasur edhe një ndërhyrje të trajneri Gjoka, i cili qartazi është shprehur: “Nuk e lëshojmë Valdetin”.

Gjithsesi duket se gjithçka ka qenë një alarm fals, pasi 31-vjeçari nuk do të operohet dhe do të bashkohet me ekipin javën e ardhshme.

Klubi verilindor ka publikuar në faqen zyrtare gjendjen e ish-lojtarit të kombëtares. Rama ka kryer disa kontrolle, që kanë konfirmuar problemin në menisk. Ai nuk e ka mbyllur sezonin, për momentin po qëndron pushim dhe javën e ardhshme do të nisë përgatitjet me ekipin.

Gjithsesi duket se gjithçka ka qenë një alarm fals dhe nuk do të duhet që Rama të operohet. Të paktën kështu njofton fizioterapisti Ervin Kapaj, i cili ka postuar një foto me futbollistin e Kukësit dhe tregon edhe se kur do të jetë i gatshëm.

“Nuk operohet Valdet Rama, javën e ardhme gati”, shkruan Kapaj në postimin e tij të bërë në Instagram. Sulmuesi i verilindorëve sapo kishte kapur formën e tij dhe normalisht që një dëmtim i rëndë do kishte qenë një goditje e rëndë për Kukësin.

Gjithsesi, për 31-vjeçarin nuk ishte e thënë, teksa pësoi një dëmtim javën e shkuar në stërvitje. Tashmë, vjen edhe lajmi i hidhur për Kukësin, pasi Rama do të operohet dhe do ta mbyllë këtu për këtë sezon.
Mesfushori i avancuar ka zhvilluar nëntë ndeshje me Kukësin, ku tre prej tyre si titullar. Në këto nëntë takime, Rama ka gjetur rrugën e rrjetës dy herë, në fitoret ndaj Kamzës me shifrat 3-2 dhe ndaj Luftëtarit me shifrat 3-0.

Vasil Shkurtaj dhe Valdet Rama ditën e sotme janë stërvitur të diferencuar. Prania e tyre në ndeshjen me Tiranën është në dyshim, por po bëhet maksimumi që të jetë në dispozicion të stafit teknik. Nesër, në seancën e fundit para ndeshjet do të kuptohet më mirë nëse do jetë gati apo jo.

Në ndeshjet e fundit trajneri Gjoka për arsye dëmtimi nuk ka pasur kapitenin Ylli Shameti, ndërkohë që edhe Irakli Dzaria ka pasur probleme shëndetësore. Për sfidën me Tiranën është rikthyer mesfushori Vesel Limaj, i cili mungoi kundër Flamurtarit për shkak se kishte plotësuar numrin e kartonëve të verdhë.

KRASNIQI – në seancën e sotme stërvitore Kukësi pati edhe një vizitor special. Mbrojtësi Gëzim Krasniqi, i dëmtuar në ndeshjen me Kastriotin, është operuar në gju dhe me paterica kishte udhëtuar drejt Pezë-Helmësit dhe ka takuar shokët e skuadrës.

Ai komentoi edhe ndryshimin e trajnerit, pasi sikurse dihet Armando Cungu u pasua nga Ramadan Ndreu: “Nuk i marrim ne si lojtarë vendimet, vendos klubi. Ne japim maksimumin. Siç e thashë, jemi përgatitur dhe kemi punuar mirë. Jemi gati për ndeshjen”.

Kjo periudhë i ka shërbyer Ramës të përmirësohet fizikisht edhe tani është gati të luajë nga fillimi: “Nuk kam qenë fizikisht ku duhet të isha kur erdha në fillim. Kisha disa muaj pa luajtur. I kam treguar cilësitë e mia në ofensivë dhe ndihem mirë. Jam gati të luaj”.

“Ndryshimi i futbollit jashtë me vendin tonë? Normal janë liga më të forta ato ku unë kam luajtur, sidomos taktikisht. Këtu luhet fizikisht fort, ka lojtarë të fortë dhe të shpejtë. Në Spanjë dhe Gjermani janë më lart. Këtu ka shumë talente, kam përshtypje të mira deri më tani”, shton Rama, që më pas pyetet edhe me cilin nga lojtarët e sulmit ndihet më mirë. “Më të gjithë që kemi luajtur jam ndjerë mirë. Kemi kualitete përpara, të gjithë janë shumë të mirë. E ndjej veten mirë me te gjithë”, deklaron sulmuesi anësor.

NDESHJA DHE DEKLARATA E MUSOLLIT  – “Nesër kemi një ndeshje të veçantë, janë të parë. Kemi dëshirë të fitojmë. Do japim maksimumin. Shpresoj të bëjmë atë që kemi bërë në stërvitje, ato që kërkon edhe profesori nga ne. Lojtarët i kemi të mirë dhe të gjithë kemi dëshirë të luajmë për fitore”, thotë Rama.

Një ditë më parë Besar Musolli deklaroi se nëse Partizani i mund, atëherë titulli është çështje e mbyllur. Rama mendon ndryshe: “Nuk mendoj kështu, janë edhe 10 ndeshje. Normalisht 12 pikë janë shumë dhe është e vështirë. Në futboll nuk dihet çfarë ndodh”.

Nisur nga situata e krijuar, te Kukësi po shohin mundësinë e aktivizimit të Uilliam Kordeiro. Braziliani ka sakrifikuar për disa javë dhe ende nuk është gati. Gjithsesi pritet që të kryejë disa kontrolle mjekësore për t’u përcaktuar përfundimisht nëse luan.

Për të mos mjaftuar problemet në mbrojtje, shqetëson edhe Valdet Rama. Anësori, i cili shënoi kundër Luftëtarit golin e tretë të takimit, nuk është përgatitur me skuadrën dhe është në dyshim për sfidën me Skënderbeun. Ish-lojtari  i kombëtares ka probleme me muskujt e qafës.

VALON ETHEMI – Mesfushori nga Tetova është një nga më të spikaturit te Kukësi dhe e pranon se mungesat kanë ndikimin e vet. “Mungesat bëjnë të veten, por e kemi grupin dhe lojtarët që i zëvendësojnë. Emrat që mungojnë janë të rëndësishëm dhe nga më të mirët në Superiore”, shprehet Ethemi.

Më tej ai flet për sfidën e së premtes me korçarët: “Me Skënderbeun gjithmonë ndeshje të forta. Vetvetiu motivohesh dhe është një sfidë e rëndësishme. Në çdo fushë ne shkojmë për fitore”. Në fund ai flet edhe për rivalitetin dhe diferencën me Partizanin.

“Gjashtë pikë nuk janë as pak, as shumë. Kemi dy ndeshje direkt, ka edhe ndeshje të tjera. Janë një hap para, por do shohim punën tonë. Luajmë në të njëjtin orar dhe nuk besoj se do e kemi mendjen te ndeshja e tyre. Do mbajmë mendjen te takimi ynë”, përfundoi për “Supersport” Valon Ethemi.

Rama nuk mund të thotë se në sa për qind të formës ka arritur, por thekson se gradualisht dhe duke u stërvitur dhe luajtur, ai do ta kapë shpejt maksimumin. “Ndeshjet e para kam luajtur pak, e kemi rritur ritmin. Do vazhdoj të stërvitem dhe për çdo ndeshje që bëj rritem. Besoj se do të bëhem edhe më mirë”, tha sulmuesi anësor i Kukësit.

Superiorja vlerësohet nga Rama, që ka provuar të luajë në Spanjë e Gjermani: “E kam thënë edhe më parë, këtu ka lojtarë që më pëlqejnë si luajnë. Janë lojtarë fizikisht të mirë dhe të gjithë janë të shpejtë. Nuk është kampionat i lehtë për të luajtur. Unë jap maksimumin tim dhe mundohem të bëj lojën time. Nuk ka rëndësi është Spanjë, Gjermani apo këtu. Unë mundohem të bëj lojën time dhe të ndihmoj ekipin”.

Numri 99 i Kukësit nuk e fsheh dëshirën për t’i shënuar edhe Skënderbeut javën e ardhshme. “Do punoj gjatë javës sa që të marr ngarkesën e duhur dhe normalisht do mundohem sërish të shënoj”, shtoi Rama, i cili në fund flet edhe për garën për titull.

“Ne shohim renditjen tonë. Partizani la dy pikë, por ata po luajnë mirë dhe janë në vend të parë. Në do shohim punët tona dhe do mundohemi të marrim sa më shumë pikë që mundemi”, përfundoi Rama deklaratën e tij për mediat.

KATEGORIA SUPERIORE –  “Mund të them se kampionati shqiptar ka lojtarë shumë të fizikshëm dhe shumë të shpejtë, këtu nuk mungon cilësia. I kam thënë dhe trajnerit dhe presidentit që do të duhen dhe dy ose tri lojëra për të marrë formën time më të mirë. Në ndeshjen kundër Tiranës nuk luajta mirë, pasi kisha 11 muaj pa një ndeshje zyrtare”

“Më duhet të përshtatem sa më shpejt. Po punoj ekstra në stërvitje për të kapur nivelet e mija të mëparshme. Te Kukësi kam nënshkruar një kontratë deri në fund të sezonit për të ardhmen të shohim më pas”.

PARTIZANI – “Partizani po luan shumë mirë. Kukësi duhet të shikojë ndeshjet e veta, duke dhënë maksimumin në çdo lojë. Në fund të shohim se kush do të bëhet kampion”.

KOMBËTARJA – “Ka qenë gjithmonë një kënaqësi për mua që të luaj për kombëtaren shqiptare. Megjithatë nuk po e mendoj për atë pjesë, tani jam i fokusuar te Kukësi”.

“Tërheqja në fushë, orientim i imi? Ua kam thënë disi në dhomat e zhveshjes. Duhet t’i prisnim në mesfushë, sepse mund të shfrytëzonim cilësitë e Grecës apo të Kobinës që futa nga krahu i djathtë. Është gjithmonë parashikim dhe jo çdo gjë të del. Kështu është futbolli. Gjithsesi do ndaloj te kjo pjesë në analizat me lojtarët, pasi ra disi ekipi. Kjo vjen edhe nga lodhja, kemi bërë disa ndeshje për 10 ditë”, shtoi tekniku i bardhebluve.

Mungesat në ndeshjen me Teutën ishin disa. Kërçiku, Hasani dhe Turtulli nuk ishin dhe normalisht vështirësitë për Memën në zgjedhje ishin jo të vogla. “Punët po na shkonin mirë, ekipi po shprehej. Kur ka një dëmtim, ‘OK’, themi që edhe mund ta riparojmë. Kur kemi 2 ose 3 bëhet pak e sikletshme”, tha Mema.

“Jeni larguar nga zona e ftohtë? Këtë nuk mund ta them. Jemi në momente të mira, edhe pse barazuam me Teutën. Ata janë ekip i fortë dhe më këto ekipe nuk duhet të humbësh, pasi pëson shok. Për më tepër që po kalon momente të mira. Nuk është se më pëlqen barazimi në mentalitetin tim. Për mënyrën se si erdhi loja edhe mund të kënaqemi, pasi ekipi nuk mundet. Kjo është shumë e rëndësishme. Mendoj që të jep garanci për të ardhmen”.

Vlerësime për Majkëll Ngo, i cili arriti të shënojë sërish: “Ngo ka kohë që vepron si duhet të veprojë një sulmues pykë. Është një lojtar që e tërheq shumë ekipin sipër. Unë jam shumë i kënaqur, ai lufton, është një pikë e fortë e ekipit”.

“Ju pëlqeu Kobina? Nuk është pjesë e analizës kjo intervistë, nuk mund të flas për emra. Lojtarët unë i mbroj në media, brenda grupit them gjithçka ashtu si unë e lexoj. Nëse nuk do jem i drejtpërdrejtë me futbollistët, atëherë ky do të jetë problemi im pastaj”.

GRENT HALILI – “Ka pasur polemika brenda skuadrës. Nuk kanë qenë të gatshëm ta kuptojnë se Grenti do luante. I shikoj lojtarët në stërvitje dhe e kuptoj kur një futbollist është gati të luajë”, shprehej Mema pas derbit me Partizanin, ndërkohë që Halili në takimin me Teutën asistoi në golin e Ngo.

Duke i kujtuar deklaratën e atëhershme dhe paraqitjet në vazhdimësi të sulmuesit anësor, Mema tha: “Grent Halili ka kohë që luan dhe është bërë pjesë e rëndësishme e ekipit. Pretendoj te Grenti që të rritet fizikisht. Ka pasur ndeshje që e kemi ndërruar shpejt, pasi lodhet prej faktit që vrapon dhe punon shumë për skuadrën. Është pjesë e rëndësishme e ekipit”.

GOLAT E TAKIMIT – “A ishte një gol i falur ai ndaj Teutës? Nuk mund ta them, është një moment i shpejtë, një lëvizje prerëse e sulmuesit të Teutës. Lëvizje shumë e shpejtë, ndoshta edhe pësohet ai gol. Edhe kjo do të jetë pjesë e analizës. Mendoj se duhet të kishim bërë një mbyllje, konkretisht qendra e djathtë dhe mbrojtësi i djathtë i joni. Pati një hezitimi në atë moment? Pikërisht, kjo ishte”.

“A duhet t’i gëzohem faktit që edhe kundërshtari hezitoi te goli i shënuar? (Qesh) Golin e shënuar nuk e pashë, pasi isha disi larg. Po shpresoja që të shënonim në atë rast. Një trajner kënaqet kur sheh topin në rrjetë dhe pastaj nisin disi ndryshe gjërat. Kishim pësuar dhe 1-1 ishte rezultat që e hapte ndeshjen. Kishim 1 ose 2 mundësi ta godisnim Teutën, por që disi të vakëta ishin rastet”.

“Problemi me pasin e fundit? Kjo është pjesë e punës tonë. I analizojmë lojtarët për punën që bëjnë. Është një moment që Greca duhet të kishte shërbyer, por sërish kjo është lojë dhe ka presion. Lojtarët kanë stres dhe në momente të caktuara ndoshta edhe nuk japin atë pasin e fundit”.

VALDET RAMA – “Merkato, vetëm një afrim i bërë? Mendoj se ky grup lojtarësh nuk është se luan keq. Them se niveli është rritur disi, kam shpresuar që të merrnim një ose dy lojtarë dhe ua kam bërë me dije. Gjithsesi nuk u realizua diçka e tillë. E kam thënë shpesh herë, që nuk mund të marr lojtarë që nuk bëjnë diferencën me grupin që kemi. Mendoj ta kalojmë kampionatin me grupin aktual”.

Para takimit me Teutën, Mema u shpreh se nuk do ta merrte në skuadër një lojtar që nuk luan prej një viti. Gjithkujt i ka shkuar mendja te Valdet Rama, i cili u prezantua te Kukësi në ditën e fundit të merkato. Ka pasur zëra se sulmuesi anësor i është propozuar edhe bardhebluve, por trajneri i Tiranës nuk e pranon diçka të tillë.

“Nuk e di këtë rast, nëse është diskutuar në vend tjetër kemi të bëjmë me thashetheme. Është hera e parë që e dëgjoj. Unë e di kush është Valdet Rama, pasi është lojtar i ekipi kombëtar. Gjithsesi nuk është diskutuar”.

VLADIMIR PRENGA

“Klubi njofton arritjen e marrëveshjes me Valdet Ramën. Mesfushori ka firmosur kontratën me skuadrën tonë deri në përfundim të Kampionatit dhe pjesëmarrjen në Kupat e Europës, me opsion rinovimi edhe për një vit. Futbollisti i lindur në Mitrovicë vjen nga skuadra e YB Funde e Kinës dhe do ti bashkohet menjëherë ekipit tonë”, njofton klubi i Kukësit.

Valdet Rama është futbollisti i cili pritet të vihet nën urdhrat e trajneri Armando Cungu. “Supersport” raporton se palët e kanë arritur akordin dhe mbetet vetëm të hidhet firma mbi kontratë. Kërkesat financiare në fillim ishin të larta, por më pas është gjetur ai “mesi i artë” që Ramën e sjell në Superiore.

Një bast, duke ditur që anësori ka kohë pa luajtur. Gjithsesi cilësitë e ish-lojtarit të kombëtares nuk vihen në dyshim. Rama tashmë është 31 vjeç, ndërkohë që prej një viti është pa ekip. Ekperienca e tij e fundit ishte ajo e Janbian Funde në Kinë.