Të dy teknikët iu bashkuan skuadrave në mes të sezonit të kaluar, por asnjëri prej tyre nuk arriti të kapte objektivat që i kishte vendosur klubi. Gjatë kësaj merkatoje të dy klubet kanë afruar shumë lojtarë dhe mbetet për t’u parë se çfarë do të tregojë fusha e lojës.

Konkurrenca në kampionatin kosovar mbetet më e fortë se kurrë. Mbi pesë ekipe pretendojnë për titullin kampion, shpenzimet në merkato tregojnë qartë që në Kosovë do zhvillohet një kampionat mjaft i luftuar.

Gjatë dy sezoneve të shkuara, 30-vjeçari ka luajtur për skuadrën e Prishtinës ku dhe arriti të gjente 11 herë rrugën e rrjetës. Për shërbimet e Januzit ishte në garë dhe klubi i Dritës, por gjilanasit nuk gjetën akordin financiar me lojtarin, i cili në të shkuarën është aktivizuar tetë herë me fanellën e përfaqësueses së Shqipërisë, kur luante në kampionatin ukrainas me skuadrën e Vorskla Poltavës.