Mësohet se Vllaznia ka nisur bisedimet me ish-mesfushorin e kombëtares, Armando Vajushi, i cili luajti me Teutën në gjysmën e dytë të sezonit të shkuar. “Djemtë e Detit” dhe Vajushi nuk e vazhduan bashkëpunimin dhe 27-vjeçari është lojtar i lirë.

Vajushi e ka nisur karrierën e tij pikërisht te skuadra e Vllaznisë, me të cilën ka luajtur për tre sezone. Në Superiore, Vajushi ka luajtur 55 ndeshje me Vllazninë, duke shënuar 8 gola.

Vajushi u aktivizua në 10 ndeshje nga Bledi Shkëmbi, ku nuk arriti të gjente rrugën e rrjetës. Dëmtimet e njëpasnjëshme në dy muajt e parë dhe forma e dobët në ndeshjet e mëpasshme bënë që shkodrani të përjetonte një sezon për t’u harruar në Durrës.

Javën e shkuar, Teuta nuk arriti të marrë më shumë se një pikë përballë Luftëtarit, sfidë e mbyllur 0-0 në “Niko Dovana”. Këtë javë, transferta përballë Skënderbeut pritet të jetë edhe më e vështirë, jo vetëm për kundërshtarin, por dhe për disa problemeve që skuadra durrsake ka në organikë.

Armando Vajushi nuk po arrin të ruajë vazhdimësinë dhe dëmtimet e tij po shqetësojnë jo pak trajnerin Shkëmbi. Ish-mesfushori i kombëtares kuqezi është në dyshim për sfidën kundër Skënderbeut. Mungesë e sigurt është ajo e mesfushorit Avdyli, i pezulluar për shkak kartonësh. Por te Teuta, ka dhe një lajm të mirë, pasi mbrojtësi Ditmar Bicaj është rikthyer nga pezullimi me karton të kuq (përballë Kukësit) dhe do të jetë nën urdhrat e teknikut Shkëmbi.

Pas atij kartoni të kuq kundër Kukësit, Osmani mungoi përballë Luftëtarit, por për sfidën kundër Skënderbeut do të jetë në dispozicion të teknikut Shkëmbi. Megjithatë, te Teuta nuk ka vetëm rikthime, pasi Sidibe do të mungojë për shkak kartonësh.

Edhe mesfushori afrikan ka qenë shumë i rëndësishëm për Shkëmbin dhe mungesa e tij pritet të ndikojë te loja e durrsakëve. Te “Djemtë e Detit”, sytë janë nga Armando Vajushi, mesfushori i afruar në merkaton e janarit.

Ish-futbollisti i kombëtares nuk ka debutuar ende me fanellën e Teutës për shkak të problemeve fizike. Kundër Skënderbeut, Vajushi mund të jetë në dispozicion të teknikut Shkëmbi dhe ndoshta edhe do të debutojë përballë kampionëve në fuqi.

ZGJEDHJA E TEUTËS – “Me thënë të drejtën, kam 7 vite që kam qenë jashtë. Kam qenë në bisedime me shumë ekipe këtu në Shqipëri, por erdha te Teuta, pasi ishte i vetmi vend ku më kërkuan me ngulm. Drejtuesit më kanë thënë që duhej vetëm të vija këtu, pasi do të më siguronin çdo gjë tjetër. Ata më kanë kërkuar me zemër dhe prandaj zgjodha të vij këtu”.

OBJEKTIVAT – “Pikësynimin e kam që të luaj këto katër muaj, të ndihmoj ekipin dhe të arrij te objektivi personal: Të iki sërish jashtë”.

NDESHJA PËRBALLË KUKËSIT – “Kjo është një ndeshje e vështirë, por jo që është ndeshja e fundit dhe që ndikon në sezonin tonë. Do të bëjmë maksimumin në fushën e lojës që të marrin tri pikët”,- përfundoi Vajushi.

“Pas dy barazimeve duhet të rikthehemi te fitorja dhe tri pikët, pasi do të na shërbejnë shumë për javët e ardhshme. Gjithmonë të shënosh është shumë e vështirë, jo vetëm Teuta, por dhe Barcelona dhe Reali e kanë të vështirë.

Jam dakord që nuk jemi aty ku ne kemi kërkuar, por mendoj se ndikon pak edhe momenti i merkatos, ardhjes, ikjes. Por shpresoj që pas kësaj jave, të gjithë të jenë në 100% dhe të jenë të gatshëm.

Vajushi do të jetë i grumbulluar kundër Kamzës, por nuk është ende gati ta nisë nga fillimi. Është një vlerë e shtuar për ne, nuk diskutohet dhe jam i bindur se do të na ndihmojë shumë. Unë thjesht dua që të vijnë sa më shpejt në formën e tyre më të mirë, si Vajushi, ashtu dhe Bushiç, pasi janë lojtarë shumë cilësorë”,- u shpreh Shkëmbi.

RIKTHIMI – “Erdha në Shqipëri për të marrë veten e të dhënë maksimumin, në mënyrë që të rikthehem përsëri jashtë. Në këto katër muaj dua të kap formën dhe të gjej sërish një ekip jashtë Shqipërie”.

KONTAKTI ME KUKËSIN – “Me Kukësin kemi biseduar deri në ditën e fundit të merkatos, por nuk ramë dakord për disa gjëra. Më pas fola me Teutën dhe ramë dakord për çdo, nuk i kushtova shumë rëndësi aspektit financiar, pasi mu afruan me një dashuri shumë të madhe. Mjaftuan vetëm dy minuta që të firmos kontratën”

“Mendoj se prej disa vitesh është rritur niveli i kampionatit shqiptar. Kukësi, Partizani dhe Teuta po zhvillojnë një kampionat shumë të luftuar shpresoj që të jemi ne ato që do të dalim në vend të parë”.

“Te Kievo nuk gjeta dot hapësira. Kalova nga kampionati bullgar në Serie A dhe ishte e vështirë për t’u ambientuar. Më pas huazova në disa ekipe të Serie B. Në vitin e fundit pësova dy dëmtime, që më kanë lënë një vit pa luajtur”.

“Më vjen shumë keq që Vllaznia ka arritur në këtë farë grade. Bëhet fjalë për një ekip që njihet dhe jashtë Shqipërisë. Qëkur iku Valter Fushaj nuk e di se si Vllaznia shkoi në këtë gjendje. Kam gjashtë muaj që kam qenë lojtari i lirë dhe askush nuk mi ka rënë telefonit nga Vllaznia. Askush nuk më ka thënë që nëse do të vish te Vllaznia sezonin tjetër kur të ngrihet ekipi në Superiore”.

RIVALËT PËR TITULL – “Favorit e shikoj Partizanin. Profesor Gega ka bërë një punë shumë të mirë. Kukësi ka pasur oscilacione. Nuk është se Partizani ka lojtarë më të mirë, por e shikoj se ekip më të kompletuar”.

AVENTURA ME TEUTËN – “Më mungonte shumë Shqipëria dhe mezi pres të luaj. Vij me një dëshirë të jashtëzakonshme dhe uroj që të realizojmë objektivat. Kam folur me trajnerin Shkëmbi dhe falënderoj presidentin e Teutës. Janë shkruar shumë të pavërteta mbi kalimin tim në Rumani. Më vjen keq për këtë gjë. Jam stërvitur rregullisht gjatë kësaj kohe dhe dua të jap më të mirën.

OFERTAT – “Refuzova oferta nga Qipro, Izraeli dhe Turqia, sepse më mirë në atdheun tim me më pak pretendime se sa jashtë. Do të shpërblej besimin e Teutës karshi meje”.

KUKËSI – “Po, Kukësi më ka kërkuar vazhdimisht gjatë kësaj periudhe. Kam pasur biseda me presidentin Gjici, por në fund nuk ramë dakord për pjesën ekonomike. Trajnerin Cungu e njoh dhe ai më njeh. Nuk ishte asnjë problem teknik, thjesht ekonomik. Teuta më deshi më shumë dhe u ulëm në tavolinë e biseduam. U deshën vetëm pak minuta që të gjenim akordin”,- u shpreh mesfushori 27-vjeçar.

Armando Vajushi e ka arritur akordin me skuadrën e Teutës dhe do të jetë nën urdhrat e trajnerit Blendi Shkëmbi. Klubi dhe lojtari kanë arritur akordin dhe klubi e ka zyrtarizuar përmes një postimi në Facebook. Do të ishte një dhuratë për ekipin e “djemve të detit”. Më parë për mesfushorin shkodran kishte interes edhe Kukësi e Partizani, por Teuta duket se e ka fituar këtë duel.

Më herët në Superiore zbarkoi edhe Valdet Rama, i cili si Vajushi në të shkuarën ka veshur fanellën kuqezi. Edhe Jahmir Hyka është përfolur këtë merkato për një rikthim në Superior, por kryeqytetasi zgjodhi të kalonte në Izrael.

“Patjetër që kam dijeni për Vajushin. Nuk e di çfarë kanë ndodhur këto dy orë, por shpresoj që klubi dhe Vajushi të bien dakord dhe ai të jetë një lojtar i Teutës, pasi do të jetë një vlerë e shtuar për ne”,- tha Shkëmbi.

Fjalët e numrit një të pankinës konfirmojnë deri diku afrimin e ish-mesfushorit të kombëtares te skuadra durrsake dhe me shumë gjasa, Vajushi do të firmosë me “Djemtë e Detit” brenda këtyre ditëve.

Si pasojë, klubi që do të përfitojë do të jetë Teuta. Mësohet se lojtari do të udhëtojë drejt kryeqytetit nesër, për tu takuar me kreun e klubit durrsak, Edmond Hasanbelliu.

Gjysma e dytë e sezonit mund ta shohë Vajushin në Superiore, pasi kanë mbetur vetëm disa detaje të fundit për të gjetur akordin. 27-vjeçari u largua nga skuadra italiane e Pro Verçelit në muajt e verës dhe që nga ajo kohë, është pa skuadër.

Pas Livornos, Pro Verçelit dhe Avelinos në Itali, Vajushi nuk arriti të gjente një ekip të ri në verë dhe si pasojë, ishte një lojtar i lirë për plot gjashtë muaj.

Por gjatë ditës së sotme, mesfushori 27-vjeçar i është bashkuar ekipit rumun, Botoshani. Skuadra e Enriko Papës ka udhëtuar drejt Turqisë dhe Armando Vajushi ka qenë i grumbulluar me skuadrën.

Nuk ka ende zyrtarizim nga klubi dhe mendohet se Vajushi do të duhet të kalojë disa kohë në provë te kjo skuadër. Vetë Papa ka publikuar një foto në rrjetet e tij sociale në krah të Vajushit, ku të dy janë të pajisur me uniformën e skuadrës.

Ditë e veçantë për Naser Alijin, i cili debutoi në Serinë B, duke u ulur në stol për Virtus Entelën, që u mund në shtëpi 2-1 nga Foxhia dhe është shumë pranë zonës së ftohtë.

Në stol edhe Emanuele Ndoj në Palermo, ku Breshia u mund 2-0, ndërkohë që Vajushi nuk ishte as në stol, në fitoren 2-0 që Pro Verçeli arriti ndaj Askolit.

Në sezonin e ri sulmuesi anësor, i cili shpesh bën mesfushorin, ka luajtur 4 ndeshje dhe sot ka qenë perfekt na fitoren 5-1 që Pro Verçeli arriti në Peruxhia.

Vajushi u fut në minutën e 36-të dhe ndryshoi ndeshjen, sepse rriti ndjeshëm forcan sulmuese, përveçse përjashtoi me karton të kuq një kundërshtar në shtesën e pjesës së parë, që e goditi me bërryl.

Në pjesën e dytë Pro Verçeli dominoi dhe Vajushi dha edhe asistin për golin e pestë.