Braziliani po zbavitet në këtë post, por ai ka një ëndërr të madhe. Diçka e tillë mund të ndodhë brenda 5-6 vitesh, ndërsa për momentin do të vazhdojë në krye të ekipit spanjoll.

Në një prononcim për “TV Globo”, fenomeni zbulon dëshirën e madhe. Ai ka luajtur me disa ekipe, por i fundit i ka mbetur në zemër. Flasim për Korinthias, ekip ky u aktivizua për tre sezone dhe aty ku mbylli karrierën si futbollist

“Besoj se një ditë mund të bëhem president i Korinthiasit. Projekti kërkon kohë, sepse kam një cikël për të përfunduar te Vajadolidi. Jam i bindur se mund të pasoj presidentin Andres, i cili po bën një punë shumë të mirë. Brenda 5 apo 6 vitesh, kur të jem kthyer në Brazil, mund ta realizoj këtë ëndërr.

Kam mbërritur te Korinthiasi në fazën e fundit të karrierës time, e cila ishte më e mirë për disa arsye. Kam ndërtuar një raport fantastik me klubin dhe tifozët, një raport që vijon edhe sot dhe që është një gjë e mrekullueshme. Ndihem i nderuar dhe krenar që kam arritur t’ua fitoj zemrat këtij grupi të çmendurish dhe falënderoj Zotin për gjithçka që më ka ndodhur.”

Nikola Kaliniç zhbllokoi shifrat në minutën e 26-të. Kroati u tregua i saktë pas një pasimi të Grizman dhe kaloi ekipin në avantazh dhe regjistroi rrjetën e dytë në kampionat. Djemtë e Simeones nuk u ndalën dhe shënuan përsëri në minutën e fundit të pjesës së parë. Një goditje e Grizman u ndal nga dora e një mbrojtësi dhe arbitri akordoi penallti, pas shikimit të pamjeve në VAR. Francezi mori përsipër penalltinë dhe ia doli të dyfishonte shifrat.

Vendasit reaguan në pjesën e dytë dhe shkurtuan diferencën me anë të Kaleros në minutën e 57-të. Mbrojtësi kërceu më shumë se të gjithë pas një goditje këndi dhe rihapi shanset e Vajadolidit për të mos dalë pa pikë. Vendasit nuk u ndalën dhe barazuan rezultatin pas gjashtë minutash. Një tjetër goditje dënimi dhe pas një rrëmuje në zonë, topi përfundoi në këmbët e Saul, i cili shkaktoi autogol.

Megjithatë, ekipi “colchoneros” ai doli të kalonte përsëri në avantazh. Antuan Grizman shënoi dhjetë minuta përpara fundit të ndeshjes, pas një rrëmujë në zonën e Vajadolidit. Tre pikë fantastike për Atletikon, ndërsa kampioni i botës dhe ylli i ekipit u ngjit në kuotën e 6 golave në kampionat.

Grizman theu një rekord gjatë ndeshjes së sotme. Dygolëshi i sotëm e ngjit 27-vjeçarin në kuotën e 83 golave në kampionat me Atletikon, duke u bërë golashënuesi më i mirë i huaj në kampionat për ekipin kryeqytetas.

83 – Antoine Griezmann has become the all time non-Spanish Atletico scorer in LaLiga history (83 goles). Prince. pic.twitter.com/kuyCLeGBsZ

— OptaJose (@OptaJose) December 15, 2018

Vajadolid – Atletiko Madrid 2-3
(Kalero 57’, Saul (aut) 63’ / Kaliniç 26’, Grizman (pen) 45’, 80’)

Rrugëtimi i Kaleros është mjaft interesant, pasi qendërmbrojtësit i është dashur të durojë shumë sprova për të arritur statusin që gëzon tani. I dalë nga akademia e Malagës, Kalero nuk ra kurrë në vëmendjen e skuadrave të Primera Divizion dhe La Ligës.

U vu përpara dy zgjidhjesh: T’i jepte fund futbollit ose të vazhdonte të luante në kategorinë e tretë spanjolle,  me një divizion me qindra ekipe amatore të ndara në grupe të ndryshme. Situata vazhdoi kështu për tre vite radhazi. Fillimisht me rezervat e Malagës dhe më pas te rezervat e Vajadolid, por Kalero nuk u dorëzua.

Fati doli në krah të tij, kur në ekipin e parë të Vajadolid pati një “epidemi” dëmtimesh. Ishte vetëm një shans, por mjaftoi. Prej 16 muajsh Kaloro nuk e ka lëshuar vendin e titullarit te skuadra e Vajadolid e së shpejti

Fitorja e tretë rresht për ekipin e ardhur nga Segunda Divizion dhe braziliani Ronaldo, i cili mban postin e presidentit të bordit drejtues të ekipit spanjoll, nuk e fsheh lumturinë për ecurinë e Vajadolidit.

“Jam shumë i lumtur me triumfin e skuadrës, morëm tre pikë të rëndësishme dhe nuk është pak të fitosh tre ndeshje rresht. Më pëlqen qëndrimi i skuadrës dhe trajneri e lojtarët kanë meritat e tyre. Të gjithë ndeshjet janë deçizive për ne dhe nëse vazhdojmë kështu do të qëndrojmë në kategori. Kemi shumë punë për të bërë dhe duam t’u krijojmë lojtarëve tonë kushtet më të mira për të punuar”, përfundon Ronaldo Fenomeni.

“Kam patur oferta nga klube të tjera, por rreth dhjetë muaj më parë bisedova me presidentin aktual të Vajadolidit për një marrëveshje të mundshme. Në atë periudhë isha pak i shqetësuar për borxhet e klubit, por biseduam përsëri dhe arritëm marrëveshjen. Natyrisht mendoj dhe për biznes, sepse ky është futbolli, por besoj se mund të kontribuoj shumë në këtë projekt dhe në rritjen e këtij qyteti.

Sigurisht që gjithçka varet dhe nga mbështetja e njerëzve. Pas meje nuk fshihet asnjë fond investimi, jam vetëm unë me paratë e mia, ëndrrat e mia dhe projektet e mia. Ky vit është tepër i rëndësishëm për projektin. Nuk kam ardhur këtu për të luajtur, nuk jam në formë për ta bërë di, nuk jam në formë për ta bërë diçka të tillë, por do të nis stërvitjen me djemtë (nëse trajneri është dakord), për t’u rikthyer në formë dhe për të dhënë kontributin tim në aspektin teknik të skuadrës”, përfundon 42-vjeçari i famshëm.

Ronaldo është prezantuar te Vajadolid dhe ka shpalosur idetë e tij, duke ftuar tifozët dhe gjithë qytetin të mbështesin planin e ri për ngritjen e klubit në nivele të larta.

“Unë do të jem presidenti i bordit drejtues dhe puna jonë do të bazohet në konkurrencë, punë dhe transparencë. Kemi krijuar një ekip konkurrues dhe do të kemi një program të qartë social në të gjitha veprimet tona, sepse nuk duam t’i harrojmë tifozët tanë.

Dëshiroj që çdokush të bëhet pjesë e klubit dhe ftoj gjithë qytetin të marrë pjesë në këtë projekt. Tifozët duhet të jenë pjesë e së tashmes dhe e ardhmja e Vajadolidit. Qyteti ka një potencial të pabesueshëm dhe do të përpiqem të vë të gjithë aftësitë e mia futbollistike në dispozicion të lojtarëve nëpërmjet një menaxhimi efikas”, përfundon ish-topi i artë dhe Kampioni i Botës me Brazilin.