Ndeshja ishte shumë e luftuar dhe e barabartë për 90 minuta, me të dyja skuadrat që kishin mundësitë e tyre për të shënuar. Dy portierët e skuadrave ishin në një ditë të mirë, duke mbajtur rrjetat e tyre të paprekura, por në minutën e 90+3’, portieri i Lokomotivës u mposht nga një gjuajtje e Çolak, i cili i dha fitoren Rijekës. Vetëm dy minuta para golit ishte zëvendësuar Uzuni.

Kroaci, java 2

L. Zagreb – Rijeka  0-1
Colak  90+3′

Uzuni kishte mundësinë të barazonte takimin për skuadrën e tij në takimin e parë të kampionatit kroat përballë Dinamos, por në minutën e 39-të u tregua i pasaktë nga pika e bardhë e penalltisë. Më pas, Dinamo do të shënonte dhe dy herë të tjera, për ta fituar takimin bindshëm 3-0.

Ndeshja mbaroi në minutën e 82-të për Uzunin, që u zëvendësua nga shqiptari tjetër Tuci, ndërsa Kastrati, i cili e fitoi penalltinë, luajti 90 minuta.

Kroaci, HNL League

Dinamo Zagreb – Lokomotiva e Zagrebit  3-0
Kadzior 17’, Orsiç 45+1’, Petkoviç 85’

Duke parë sukseset e këtyrë lojtarëve shqiptarë, Lokomotiva duket se e ka gjetur çelësin për të ndërtuar një ekip të fortë dhe të mbushur me talente. Disa çaste më parë, me anë të faqes zyrtare të tyre në “Tëitter”, klubi kroat njoftoi se do të organizojë një kamp në Kosovë për futbollistët e rinj të grupmoshës 13-18 vjeç, për të piketuar talentet më të mirë. Në njoftimin e tyre, shkruhej:

“Jemi krenarë të njoftojmë se në datat 15-20 korrik, klubi i Lokomotivës do të organizojë një kamp për futbollistët e grupmoshave 13-18 vjeç, në Gjakovë, Kosovë”.

S ponosom objavljujemo kako ?e od 15.7, do 20.7.2019. NK Lokomotiva održati kamp za dje?ake ro?ene od 2005. do 2001. godine u ?akovicama u Kosovu.

??https://t.co/qigmQKOyDe#kosovo #gjakove #lokosi pic.twitter.com/ZFQ61jnCE7

— NK Lokomotiva Zagreb (@NKLokomotiva) July 14, 2019

Myrto Uzuni dhe Lirim Kastrati lanë shenjën e tyre në këtë takim duke shënuar secili nga një gol. Duke qenë së përballë kishin një ekip gjysmë-profesionist formacioni titullar ishte i përbërë nga shumë lojtarë të rinj si katërshja shqiptare, Tuci, Marku, Mersinaj dhe Çokaj.

Lokomotiva vazhdon fazën përgatitore në Holandë. Testi i radhës miqësor do të jetë ndaj vendasve të NAC Bredës.

Në ndeshjen e Lokomotivës pati një risi në grumbullim. Mesfushori shqiptar Indrit Tuci debutoi në të parin grumbullim me ekipin e parë. Talenti 18-vjeçar u fut në fushë në minutën e 77-të. Lojtari i ekipeve të moshave të Shqipërisë u bë pjesë e akademisë së Lokomotivës gjatë muajit janar. Ecuria e mirë në kampionatin e moshave ka sjellë që i riu shqiptar të marrë vëmendjen e ekipit të parë.

https://www.instagram.com/p/Bx7_zLfAEm4/?utm_source=ig_web_copy_link

Pavarësisht dominimit që Lokomotiva pati përgjatë takimit, tre pikët nuk u siguruan. Me këtë barazim Lokomotiva mbyll matematikisht shanset e të renditurit në vendin e katërt, që do i siguronte pjesëmarrjen në turet kualifikuese të Europa League.

Zhvendosemi në Slloveni ku Endri Çekiçi u aktivizua për 45 minuta me Olimpian e Lubjanës, në tri takimet e mëparshme 22-vjeçari kishte gjetur çdo herë rrugën e rrjetës, por ecuria e mirë u ndal. Mesfushori me tipare sulmuese u zëvendësua gjatë pushimit të pjesës së dytë.  Kryeqytetasit pësuan një humbje befasuese ndaj Mariborit me rezultatin 1 – 4, gjithsesi kjo disfatë nuk ndikon në klasifikim pasi vendi i dytë është një çështje e mbyllur prej javësh për Olimpian.

“Ka qenë një ndjenjë e jashtëzakonshme fitimi i kampionatit për herë të dytë. E mbyllëm gjashtë javë para fundit. Arritëm të kryesonim grupin e Europa League, ku kishim kundërshtar si Fenerbahçe, Anderleht dhe Spartak Tërnava”.

“Mendoj se ky është sezoni im më i mirë. Jemi bërë një ekip shumë më i fortë se vitet e kaluara. Kanë ardhur shumë lojtarë të rinj dhe një trajner i ri, i cili ka bërë shumë rotacione midis Kupës, Kampionatit dhe Europa League”.

E ARDHMJA – “Dinamo është një klub që ka bërë shumë shitje me vlera të mëdha gjatë dy viteve të fundit. Nëse vjen një ofertë e mirë dhe klubi është dakord pse jo. Kampionati i preferuar? Ndoshta në Gjermani, aty do të ishte kampionati ku do ndihesha më mirë ”.

UZUNI –“Shpresoj që të kalojë në një ekip më të mirë, pse jo dhe te Dinamo. Dihet që Dinamo e Zagrebit merr gjithmonë lojtarët më të mirë. Uzuni ka bërë një sezon shumë të mirë shpresoj që ta kapin zonës e Europës, megjithëse do të jetë e vështirë”.

PARTIZANI – “Nuk e di a do të jem në festën e titullit. Partizani e ka merituar plotësisht këtë titull”.

Sokol Cikalleshi është rikthyer të luajë titullar, por Akhisarpor është mposhtur në shtëpi 1-2 nga Antaljaspor. Miqtë realizuan dy herë që në pjesën e parë, ndërkohë që sulmuesi kavajas ishte protagonist me një asit në minutën e 58-të. Goli i Barbosës hapi ndeshjen, por rezultati nuk ndryshoi deri në fund.

Pushkash Akademi ka mposhtur 1-0 Mezokovesd Zsori, ndeshje në të cilën sulmuesi Liridon Latifi qëndroi 90 minuta në stol. Ndryshe situata për mbrojtësin Herdi Prenga, që po luan rregullit me skuadrën e Riga në Letoni. Kryesuesit e RFS e kanë mposhtur skuadrën e mirditorit me rezultatin 3-1.

Abazaj u aktivizua me të filluar pjesa e dytë kur rezultati ishte 1-1. Kjo ishte ndeshje e parë e Osijekut nën drejtimin e trajnerit Dino Skender, i cili u gradua në këtë rol tri ditë më parë, duke lënë detyrën si trajneri i ekipit rezervë.

Qëndrojmë te shqiptarët e futbollit kroat, por kësaj radhe me një lajm jashtë fushës së blertë. Myrto Uzuni ka firmosur një marrëveshje sponsorizimi me kompaninë e veshjeve sportive “NIKE”. Lajmë është bërë i ditur nga menaxheri i tij Franci Bode me anë të një postimi në rrjetet sociale.

https://www.instagram.com/p/BvzTvudnFTm/?utm_source=ig_web_copy_link

Sulmuesi kuqezi luajti 90 minuta, por nuk arriti të kontriubojë për skuadrën e tij, e cila u mposht 1-2. Me këtë disfatë, Lokomotiva e Zagrebit rrezikon sëriozisht pjesëmarrjen në Europë për sezonin e ardhshëm, pasi vendi i katërt mund t’i rrëmbehet nga dy skuadra.

Ndërsa në Rumani, Naser Aliji bëri një ndeshje shumë të mirë për Dinamon e Bukureshtit. Mbrojtësi shqiptar luajti 90 minuta në krahun e majtë të mbrojtjes dhe ndihmoi skuadrën e tij në triumfin 2-0 kundër Hermenstad.

Ish-trajneri i Napolit dhe Lacios ka disa lidhje në Serie A dhe studioi këta futbollistë, në mënyrë që t’i transferojë në elitën e futbollit italian. Veseli aktualisht luan në Serie A, por Ismajli dhe Uzuni janë lojtarët që ka ndjekur më me shumë interes.

Sipas asaj që raportohet, Reja është impresionuar nga Uzuni dhe Ismajli, që mendohet se do t’iu bashkohen shqiptarëve të tjerë në kampionatin italian të futbollit. Mbetet për t’u parë sesi do të veprohet në merkaton e verës për dy futbollistët kuqezi.

2-0 NUHIU!!!! #wawaw #swfc #daretonuhiu @swfc pic.twitter.com/O0pKcSMP4l

— WAWAW76 (@ndunne76) March 16, 2019

Lajme të mira vijnë për Skocia. Eros Grezda ka lënë pas lëndimin në kyçin e këmbës dhe është rikthyer të luajë me Rejnxhërs pas më shumë se një muaji. Sulmuesi i kombëtares sonë luajti për 45 minuta në takimin ndaj Kilmarnok.

Myrto Uzuni dhe Lirim Kastrati kanë festuar tri pikët pas fitores 3 – 1 ndaj Slaven Belupo. Lojtari i kombëtrares shqiptare luajti për 90 minuta në këtë takim, ndërsa Kastrati u aktivizua si zëvendësues.

Abazaj e nisi titullar për Osijekun, ndërsa Uzuni dhe Kastrati për Lokomotivën. Ndeshja ishte shumë e luftuar dhe me gola, por në fund skuadrat ndanë nga një pikë, pas barazimit 1-1.

Abazaj u zëvendësua në minutën e 74’, ndërsa Kastrati dhjetë minuta para 21-vjeçarit të Osijekut. I vetëm që e mbylli takimin deri në fund ishte numri 7 i Lokomotivës, Myrto Uzuni, të cilit në këtë takim i mungoi vetëm goli.

Kampionët në fuqi të Kroacisë ishin dukshëm skuadra që luajti më mirë, por goli i futbollistit beratas në minutën e 79-të i mohoi atyre tri pikët. Pika e sotme vlen shumë për Lokomotivën pasi klubi nga kryeqyteti i Kroacisë po lufton për të siguruar një vend në kualifikueset e ardhshme të Europa League.

Ky është goli i shtatë i Uzunit në kampionatin kroat. Tani 23-vjeçari ndan vendin e golashënuesit të skuadrës së bashku me shqiptarin tjetër Lirim Kastrati.

Në Kroaci, Uzuni dhe Kastrati ishin titullarë për skuadrën e Lokomotivës së Zagrebit, por nuk arritën të marrin më shumë se një pikë në transfertën kundër Istra.

Naser Aliji ka qenë një tjetër titullarë këtë fundjavë nga legjionarët tanë, pasi ka plotësuar 90 minuta për skuadrën e Dinamo Bukureshtit. Mëngjarashi bëri një ndeshje të mirë në fashon e majtë të fushës, por as Dinamo nuk mori dot më shumë se një pikë në transfertë përballë Kalarasit.

Kastrati merr një top në mesin e fushës dhe shpërthen drejt zonës kundërshtare. Talenti kosovar pason topin te Uzuni dhe sulmuesi kuqezi kurrsesi nuk mund të gabonte, pasi është në formë të shkëlqyer.

23-vjeçari i dha avantazhin skuadrës së tij dhe rikonfirmoi dhe njëherë tjetër momentin e mirë që po kalon. Gjithsesi, ky gol i Uzunit nuk mjaftoi që skuadra e tij ta mbyllte këtë miqësore me triumf, pasi Gorica do të barazonte në sekondat e fundit të sfidës.

Miqësore

Lokomotiva e Zagrebit – Gorica   1-1
Shënues: Uzuni 7’ (Kastrati)

BASTI –  “Por, si ka qenë basti midis agjentit dhe lojtarit. Midis palëve u ra dakord se nëse Uzuni do të shënonte 10 gola dhe do të luante me kombëtaren shqiptare brenda vitit 2018, ai do përfitonte një automjetin.

Me kalimin e muajve Uzuni i realizoi të dyja kushtet e bastit dhe agjenti i lojtarit nuk iu shmang bastit, duke i dorëzuar sot çelësat e automjetit të markës “Porsche”.

https://www.instagram.com/p/Briq30uAxY5/?utm_source=ig_web_copy_link

Beratasi u mundua të rikuperonte një top të humbur nga Lirim Kastrati, por ndërhyrja ka qenë tejet e rrezikshme dhe gjyqtari i takimit nuk ka hezituar të nxjerrë të kuqin.

Në momentin e daljes nga fusha 23-vjeçari nuk i ka mbajtur dot lotët. Në momentin e ndëshkimit të Uzunit ndeshje ishte me rezultatin 1 –  0. Ndërsa në pjesën e dytë mbas Rijeka përmbysi rezultatin.

Lojtari i Kombëtares kuqezi u tregua i saktë me një veprim mjaft të bukur brenda zonës së mysafirëve, duke e çuar topin në fundin  rrjetës pak sekonda para fundit të pjesës së parë. Një gol me shumë vlera për skuadrën e Lokomotivës së Zagrebit, që shkoi në dhomat e zhveshjes në ekulibër.

Në formacionin titullar të Lokomotivës nuk mund të mungonin Lirim Kastrati dhe Myrto Uzuni, të cilët luajtën mbuluan krahët e sulmit për vendasit. Beratasi luajti për 90 minuta, ndërsa Kastrati u zëvendësua në minutën e 67-të.

Ish-lojtari i Laçit, po kalon një moment mjaft të mirë dhe trajneri duket se ka besim tek aftësitë e anësorit. Nga lojtarët kuqezi, Uzuni është i vetmi që po kalon një moment të mirë. Panuçi ka arsye për t’u gëzuar, duke marrë në konsideratë që dhe odise Roshi është i dëmtuar.

Kamer Qaka ka luajtur vetëm 45 minuta në humbjen e Poli Iashit me skuadrën e Hermanshtadtin. Skuadra e mesfushorit ndodhet në vendin e  10-të në kampionatin rumun.

Pasi janë luajtur të gjitha ndeshjes e kësaj jave në kampionatin kroat, normalisht është publikuar dhe formacioni i javës, ku nuk kishte si të mungonte dhe ish-lojtari i Laçit. Uzuni ndodhet mes 11 lojtarëve që kanë spikatur këtë javës. Në sajtin “24sata.hr” jepet dhe komenti për autorin e dy golave këtë sezon me Lokomotivën e Zagrebit.

Nuk harrohet të përmendet se Uzuni është një zbulim i Besnik Prengës, me këtë të fundit që pati mundësinë që ta trajnonte në periudhën kur drejtoi kurbinasit. “Myrto Uzuni është zbulimi i Besnik Prengës. Ky i ri ka bërë gjithçka mirë në këto javë. Ai arriti që ta fitonte mjaft shpejt simpatinë e trajnerit, çka dëshmohet dhe nga fakti se ka fituar një fanellë titullari.  Uzuni dha kontributin e tij në fitoren ndaj Hajdukut, pasi dha topin për golin e Drozdekas dhe më pas arriti që të shënonte dhe vetë. Dy gola dhe katër asiste tregojnë gjithçka në vetëm 5 ndeshje të luajtura”, shkruhet në komentin për Uzunin.

https://www.facebook.com/Romantika.hr/photos/a.1778501202462859/2061355487510761/?type=3&theater

Ish-lojtari i Laçit ka mundur që ta fitojë vendin e titullarit menjëherë sapo ka nisur aventurën e tij në Kroaci. Ky ishte goli i dytë për beratasin me fanellën e Lokomotivës së Zagrebit. Skuadra e tij po fiton me rezultatin 2-0.

Myrto Uzuni deri në pranverën e vitit 2017 luante ende në Kategorinë e Parë dhe në gusht të atij viti la Apoloninë për Laçin.

Brenda një viti, sulmuesi nga Berati ka hedhur hapa gjigantë, duke u bërë një lojtar kyç te kurbinasit me golat dhe asistent e tij dhe duke firmosur këtë verë në Kroaci, për Lokomotivën e Zagrebit, ku menjëherë është shndërruar në lojtar me shumë rëndësi, sepse po luan titullar dhe ka gjetur edhe golin e parë kroat.

Është vetëm 22 vjeç, i dha 350 mijë euro Laçit dhe ndoshta më shumë në të ardhmen, në rast rishitjeje, një vlerësim i frikshëm, sepse vjet Laçi e pagoi vetëm 20 mijë euro tek Apolonia, që edhe njëherë tregoi se di të rritë talente, por edhe të përfitojë financiarisht, sepse në bazë të rregullores së UEFA-s merr taksë për formimin e lojtarit, ashtu si merr edhe klubi i tij i origjinës, Tomori.

Në fakt, Uzuni u poq në Fier, për dy sezone e gjysmë, por u rrit në Berat, siç tregon ish-trajneri i tij, Bledar Fatia, i cili punon prej shumë vitesh në ekipet zinxhir të Tomorit.

“Jam trajneri i parë i Uzunit dhe jam i lumtur për ecurinë e tij të shkëlqyer, sepse tregon që edhe unë kam bërë diçka të rëndësishme për të, duke parë rritjen e tij dhe duke ditur se një futbollist së pari formohet kur është ende fëmijë. Myrto ka ardhur tek unë që në moshën 6-vjeçare, sepse drejtoja U-17, por kisha paralel dhe dy ekipe fëmijësh. Fillimisht qëndroi 3 vite me mua dhe më pas iku me familjen në emigrim në Greqi, ku qëndroi 6 vite, për t’u rikthyer sërish tek unë në moshën 15 vjeç”, tregon Fatia, i cili flet për cilësitë e Uzunit që në moshë të re.

“Elementet e  para që spikatnin dhe konstatova tek Uzuni ishin shkathtësia dhe shpejtësia e lartë, shumë inteligjent dhe me teknikë të lartë, dhe pse futbollin e ushtronte në kushte të vështira, në rrugicat dhe oborrin e lagjes Uznovë në periferi të Beratit. Duke qenë një djalë që vinte nga një familje punëtore, realisht ishte shumë i dëgjueshëm dhe i edukuar dhe mua ma bënte akoma më të lehtë punën. E vendosa qysh në fillim mesfushor krahu dhe i sugjeroja, falë aftësive teknike dhe shënuese, që të avanconte përpara portës kundërshtare edhe si sulmues i fshehtë. Duke qenë i përqendruar dhe i vëmendshëm gjatë procesit stërvitor dhe në ndeshje, Uzuni fitoi dhe përvetësoi shumë shpejt edhe disiplinën taktike, çka ndodh shumë rrallë në fëmijët e sotëm”.

Fatia tregohet modest, kur bëhet fjalë për ndikimin e tij në formimin profesional të futbollistit të kombëtares sonë: “Këtë gjë është mirë ta thotë vetë Uzuni dhe familja e tij. Unë jam shumë krenar që Uzuni kaloi nga U17 direkt në ekipin e parë dhe kur kishte pushim kampionati luante ndonjë ndeshje plotësuese me U19”.
Fatia ka edhe një keqardhje: “Ky talent iu shit Apolonisë për 4 milionë lek të vjetra, ishte një dhuratë nga kryebashkiaku Nasufi për Koço Kokëdhimën. Ishte një krim sportiv, pasi një talent u dhurua dhe tani flitet sikur Uzuni është talent i prodhuar nga Apolonia. Në të vërtetë, është Tomori klubi që ka meritën dhe duhet të përfitojë edhe financiarisht nga transferimi i Uzunit në Kroaci, ndërkohë që me punë e kujdes lojtarë të tjerë të nivelit të tij mund të evidentohen në të ardhmen”.

Ajo që bie në sy është fakti se plot 5 nga këto futbollistë janë shqiptar, por që nuk luajnë vetëm me Shqipërinë. Amir Rrahmani i Dinamos së Zagrebit ishte grumbulluar nga Kosova, por duke qenë dhe protagonist. Edhe shënuesi më i mirë i kampionatit kroat Lirim Kastrati kishte marrë ftesë nga Shalan. Po ashtu dhe Arijan Ademi ishte i grumbulluar nga Maqedonia në ndeshjet e fundit.

Shqipëria po ashtu kishte marrë dy lojtarë që luajnë në Kroaci. Myrto Uzuni dhe Herdi Prenga ishin bashkuar me skuadrën e Kristian Panuçit për ndeshjen me Jordaninë dhe Izraelin. 1/3 e lojtarëve që ishin me Kombëtaret e tyre janë shqiptar dhe kjo nuk është pak, paçka se jo të gjithë luajnë për ngjyrat kuqezi.

“Ka qenë si një ëndërr. Të përfaqësosh këtë Kombëtare është gjëja më e bukur në botë. Tregova cilësitë e mi këtu në Shqipëri dhe ruajta vazhdimësinë edhe në Kroaci. Po bëjmë mirë me skuadrën dhe kam kontribuar me gola dhe asiste. Jemi në vendin e dytë dhe them ndaj më ka ardhur dhe ftesa”.

“Nuk kisha vështirësi, pasi edhe trajnerin Kroaci më aktivizon mesfushor qendre, pasi vrapoj shumë. Goli në debutim do të kishte qenë një ëndërr. Panuçi më dha vetëm një këshillë para se të futesha: Vrapo”

Lojtari i Përfaqësueses së Kosovës ka arritur që të shënojë  në ndeshjen që skuadra e tij po luan ndaj Zapresiç. Kastrati mjaft mirë avancoi në minutën e 15-të dhe me mjaft qetësi shënoi golin e avantazhit.

Në fushë që nga minuta e parë është dhe Myrto Uzuni, lojtari i Kombëtares shqiptare. Të dy lojtarët shqiptar janë lojtarë mjaft të rëndësishëm të skuadrës nga Zagrebi.

Menjëherë pas shënimit të golit, Uzuni zgjodhi të festonte me shqiponjë një sinjal i qartë ky se objektivi i radhës për të është kombëtarja dhe të mendosh se para një viti e gjysmë luante në Kategorinë e Parë me Apoloninë.

Në një prononcim të shkurtër pas përfundimit të ndeshjes Uzuni tha se golin ia dedikonte familjes dhe se ëndrra e tij është një ftesë në kombëtaren shqiptare. “U ndjeva një çlirim i madh për mua, pasi në ndeshjet e kaluar kam qenë i pafat. Golin ia dedikoj familjes sime. Do të punoj fort dhe do jap 100% për skuadrën. Objektivi im është të marr një ftesë nga kombëtarja e Shqipërisë, besoj se nëse vazhdoj të luaj mirë do ta realizoj këtë ëndërr timen”

https://www.youtube.com/watch?v=nRJ7cjkvB6w&feature=youtu.be

Më pas ishte radha e Mërgim Mavrajt, qendërmbrojtësit të kombëtares që debutoi me Arisin e Selanikut në derbin kundër PAOK-ut. Në fund skuadrat u ndanë në barazim 1-1 dhe morën nga një pikë. Nuk mund të mungonte “show” në tribuna, sikurse edhe tensioni.

Ndeshja ishte e vlefshme për Kupën e Greqisë. Ergotelis dhe Aititos Spara janë dy ekipet e përfshira në grupin 4, ku bën pjesë edhe Arisi. Festë për Elis Bakajn në Bjellorusi. Shaktar Soligorski është kualifikuar në çerekfinalen e Kupës pas gjuajtjes së penalltive. Ndeshja kundër Dinamo Brest u mbyll në barazim 0-0 dhe Bakaj me shokë u treguan më të saktë.

Mbrëmjen e së shtunës, Lokomotiva bëri një tjetër surprizë, duke fituar 2-0 përballë Rijekas. Datkoviç i dha avantazhin ekipit kryeqytetas pas zhvillimeve nga një goditje këndi, ndërsa ndeshja u lehtësua pasi Rijeka mbeti në inferioritet numerik në minutën e 53-të.

Ekipi nga Zagrebi shpërdoroi edhe 11-metërsh me Radonjiç, por për të hipotekuar fitoren mendoi Lirim Kastrati, në minutën e 71-të, me një perlë. Kontroll i topit nga e djathta, inkursion në qendër dhe goditje e shkëlqyer me të majtën, me topin që përfundoi në rrjetë. Goli i pestë në shtatë ndeshje për talentin 19-vjeçar, i cili po përjeton një formë të jashtëzakonshme.

Mjaft e mirë edhe paraqitja e Myrto Uzunit, i cili qëndroi gjatë gjithë ndeshjes në fushën e lojës. Me suksesin e regjistruar, Lokomotiva regjistroi fitoren e dytë me radhë në kampionatin kroat dhe ngjitet në vendin e dytë, në kuotën e 16 pikëve, pas tetë javëve, duke qenë ndjekësit më të afërt të kryesuesve të Dinamos së Zagrebit.

https://youtu.be/XPdm3cfQB8M?t=164

Sërish gol: “Në aspektin personal jam shumë i lumtur për golin. Jemi një ekip me djem të rinj, duhet t’i marrim ndeshjet një nga një dhe besoj se do të arrijmë lart”.

E ardhmja? “Besoj se kjo pjesë i takon presidentit, nuk është në dorën time. Megjithatë, jam shumë i lumtur te Laçi”.

Skënderbeu? “Është e vërtetë që është dobësuar paksa ekipi, i kanë ikur disa lojtarë dhe kjo na ndihmoi”.

Pak minuta më parë ekipi ka zbritur në fushë dhe presidenti Pashk Laska ka prezantuar trajnerin e ri. Po ashtu me grupin mund të shihet dhe në video që është edhe portieri, njëkohësisht kapiteni i skuadrës Gentian Selmani, si dhe sulmuesi Myrto Uzuni.

Që të dy këto lojtarëjanë përfolur se mund të largohen nga Laçi, por sot kanë qenë nën urdhrat e trajnerit të ri dhe me shumë mundësi do të jenë së paku dhe për ndeshjen finale të Superkupës së Shqipërisë.

Luftëtari vjet fitoi zemrat e shumë shqiptarëve me lojën që bënte, ndërkohë që një gjë e tillë ndodhi edhe me Laçin në vitin 2010, kur bardhezinjtë e drejtuar nga Stavri Nica nga të kuotuar për të rënë nga kategoria siguruan për herë të parë pjesëmarrjen në kupat e Europës. Në kampionat Laçi arriti të fitonte edhe jashtë fushe me emra të mëdhenj si Tirana e Vllaznia, me një grup lojtarësh që mund ta kenë pasur kulmin e karrierës atë sezon. Aty “lindi” Vucaj, Nora shënoi 14 herë dhe rekordi i tij ende nuk është thyer, ndërkohë që Veliaj e Llani u ftuan në Kombëtare. Një ekip simpatik, që kishte ruajtur një pjesë të grupit që luajti në Kategorinë e Parë. Sefgjini, Kastrati, Çela, Nino, Shazivari dhe Nimani ishin disa prej tyre, ndërkohë që ishte afruar Veliaj, u fitua Kaja i ardhur nga Naftëtari i Kategorisë së Dytë, kurse lideri në prapavijë ishte i rikthyeri Julian Brahja.

Aty nisi “dashuria” për Laçin, ndërkohë që edhe në sezonet pasuese sukseset nuk munguan, madje u shoqëruan me dy Kupa Shqipërie dhe një Superkupë, si dhe për herë të parë u kalua një tur në Europa League, ku mes emocionesh u eliminua Rudar Velenje me penallti, me Vujadinoviç që priti tre të tilla. Gjithsesi kjo është e gjitha një parantezë e arsyeve pse Laçi fitoi simpatinë e dashamirësve të futbollit edhe në qytete të tjera dhe këtu nis e merr fill historia e Myrto Uzunit si bardhezi.

Laçi është një ekip që ka vuajtur shpesh nga krahët dhe pa nisur ende merkatoja dimërore në sezonin 2014-2015 kishin nisur kërkimet. Sugjerimi i parë erdhi nga Berati, nga një gazetar që e përcillte shpesh Laçin. “Shikoni Uzunin. Është fiks për skuadrën tuaj. Ushtron presing, djalë i urtë, i talentuar dhe punëtor”. Asnjë gënjeshtër. Shpesh ndodh që shumë klube i “snobojnë” ata që luajnë në të Parën, por bardhezinjtë nuk bëjnë pjesë në to. Djali i presidentit Laska, Kleo, mori rrugën për ta parë nga afër Myrton. Luhej Lushnja-Tomori dhe administratori i klubit aktualisht, ishte në tribunë. Uzuni binte në sy nga të tjerët, teksa një “veteran” si Viktor Gjyla detyrohej të ndalonte në mënyrë të gabuar mesfushorin që ende nuk i kishte mbushur 19 vjeç. Loja ishte e mërzitshme, pa raste dhe 0-0 përfunduan 45 minutat e para. Niveli i lojës bëri që Kleo të largohej, ndërsa Uzuni në pjesën e dytë realizonte golin e fitores për Tomorin.

Presidenti Laska mori përshtypjet e tij për beratasin, ndërkohë që nisi të interesohej edhe vetë, teksa të gjithë flisnin mirë. Bisedimet nisen, palët ishin shumë pranë, por tek Apolonia e kishte pikasur më parë Artan Mërgjyshi, në një miqësore Tomori-Besa (asokohe ai drejtonte kavajasit) dhe presidenti Koço Kokëdhima i fierakëve arriti të zgjidhte problemin e dokumentacionit dhe Uzuni firmosi për 4 vite. Laçi dhe Bylisi, dy skuadrat që po ngulmonim më shumë nuk ia dolën ta bënin të tyrin mesfushorin. Debutimi me Apoloninë për Uzunin erdhi në Durrës, kur Tirana priste fierakët në “Niko Dovana”. Aty pati një “shkëndijë”, Pashk Laska e kuptoi që kishte humbur një lojtar mjaft të mirë. Deri këtë verë ka pasur disa herë tentativa për ta veshur mesfushorin bardhezi. Nuk ndodhi, pasi Apolonia kërkonte 50 mijë euro, që as Tirana e Partizani nuk i paguanin, edhe pse e donin. 17 golat në sezonin e fundit bënë që numri një i Laçit të mendonte ta afronte sërish Uzunin. Në merkato po hasej vështirësi në gjetjen e një sulmuesi dhe fillimisht u mendua që Myrto të afrohej pikërisht për atë pozicion, pasi me Rexhinaldon bisedimet ishin “ngriva-shkriva”, por në fund u mor edhe ish-sulmuesi i Luftëtarit.

Tek Uzuni nuk u arrit lehtë, por në fund Laçi ia doli ta transferonte 22-vjeçarin, që kishte edhe 18 muaj kontratë me Apoloninë. Sigurisht u pagua për kartonin e tij dhe deri më tani te Laçi është aktivizuar në shtatë ndeshje. Nga java në javë në klub prisnin zhbllokimin e tij dhe iu afrua shumë me Luftëtarin kur goditi traversën. Pak minuta pasi ndodhi kjo, ai që e kish propozuar në fillim më dërgon mesazh: “Ore, bëri gol Myrto, se dëgjova të bërtitura te lokali i Artanit, babait të vet”. Atë ditë nuk shënoi dhe Laçi mori një goditje pasi gjirokastritët i shtangën në shtëpi, por gjithsesi goli i Uzunit erdhi aty ku ishte vëzhguar për herë të parë, në “Roza Haxhiu”, pranë Beratit, shtëpisë së tij. Ndoshta do i ketë dëgjuar patriotët e tij duke festuar për golin e shënuar…

Për Uzunin, sfida e fundjavës në Kukës është e vështirë, por shanset për surprizë ekzistojnë, siç u pa ndaj Partizanit: “I kemi të gjitha kualitetet për të bërë të njëjtën surprizë. Ndeshja me Partizanin nuk ishte rastësi dhe besoj se mund ta bëjmë sërish të njëjtën gjë. Normal në transfertë edhe pika është e rëndësishme për ne, duke parë që luajmë me Kukësin, skuadrën kampione. Por nuk na tremb fakti që ata kanë qenë kampionë vjet”.