Giannis Antetokounmpo ishte magjik në ndeshjen e fituar ndaj skuadrës nga Michigani. Greko-nigeriani shënoi 41 pikë, dha 3 asiste dhe rikuperoi 9 topa. Një shifër rekord pikësh: Giannis bëhet basketbollisti i parë që në play-off shënon më shumë se 40 pikë në më pak se 32 minuta.   Khris Middleton dhe Eric Bledsoe shënuan respektivisht 18 dhe 16 pikë, çka i siguroi Bukcs fitoren ndaj Pistons. Te këta të fundit spikatën Reggie Jackson (26 pikë) dhe Blake Griffin (22 pikë).

Houston Rockets është skuadra tjetër që ka zbritur në parket, pa mundur të mbyllë llogaritë me Utah Jazz. Këta të fundit kanë fituar ndeshjen e parë me shifrat 107-91, duke çuar dëm 30 pikët e James Harden dhe 23 pikë e Chris Paul. Donovan Mitchell (31 pikë, 4 asiste, 7 rikuperime) , Jae Crowder (23 pikë, 1 asist, 4 rikuperime) dhe Ricky Rubio (18 pikë, 11 asiste, 3 rikuperime) bashkuan forcat dhe çështja e kualifikimit shtyhet për ndeshjen e radhës.

NBA | Serie Play-Off
Detroit Pistons-Milwaukee Bucks 104-127 (0-4)
Utah Jazz-Houston Rockets 107-91 (1-3)

Megjithatë, ajo që ka bërë bujë dhe që ka shkaktuar shumë polemika në SHBA është ngjarja e ndodhur në ndeshjen Utah Jazz-Oklahoma City Thunder. Miqtë fituan me rezultatin 89-98, me Russell Westbrook (23 pikë, 8 asiste, 11 rikuperime), i cili ishte në lartësinë e duhur. 30-vjeçari pati problem me publikun vendas gjatë gjithë ndeshjes. Një gjë e tillë i kishte ndodhur dhe gjatë prillit të kaluar në ndeshjet “play-off”.

Një moment Westbrooke nuk duroi më dhe iu kthye një tifozi, i cili po e ofendonte lojtarin papushim. “Ti mendon se unë po luaj, por të betohem në Zot që t’i thyej kockat, ty dhe gruas tënde”. Një kërcënim i tillë është kapur në video nga Eric Woodyard, një gazetar i “Desert News”. Ky i fundit ka postuar videon në rrjetet sociale, aty ku kanë shpërthyer polemikat e shumta.

Basketbollisti është mbrojtur, duke shpjeguar me detaje incidetin e ndodhur. Numri 0 pretendon se është ofenduar me shprehje raciste dhe nuk mund të toleronte diçka të tillë.

“Kam marrë fyerje raciste dhe nuk mund t’i pranoj ato. Natyrisht që të gjithë komentojnë në bazë të videos së publikuar, por nuk shihet se si nisi e gjitha kjo. Një djalë i ri dhe gruaja e tij m’u drejtuan me fjalët: ‘qëndro i gjunjëzuar, ashtu siç je mësuar gjithmonë’. Nga këndvështrimi im, ky është një koment që ka doza racizmi dhe përbuzje. Në Utah ka shumë tifozë pasionantë, të cilët vijnë shohin ndeshjen dhe zbaviten, por ka edhe nga ata që vijnë vetëm për të më ofenduar mua dhe familjen time.”

“Kam bërë gjithçka mirë për shumë vite, pa krijuar asnjë problem me askënd. I kam qëndruar larg problemeve dhe nuk kam patur asnjë problem me tifozët në 11 vite në NBA. Kam marrë kritika pafund, por nuk jam i gatshëm të pranoj ofendime personale plot përbuzje dhe urrejtje. Nëse do të ndodhem përsëri në një situatë të tillë, nuk do të hezitoj të them të njëjtat gjëra. Nuk do të merrem kurrë me një grua dhe nuk do të ngre kurrë dorë kundrejt saj, por në momentin kur burri i saj po më ofendonte, ajo nisi të përsëriste të njëjtat gjëra.”

Tifozi i përfshirë në këtë çështje quhet Shane Keisel dhe ai mohon që të ketë ofenduar lojtarin e Oklahomës. Edhe klubi i Utah Jazz ka reaguar për ngjarjen, duke thënë që po heton atë çfarë ka ndodhur, ndërsa bën thirrje për një klimë më të mirë midis lojtarëve dhe tifozëve.

Ndeshja nisi mirë për Warriors në periodën e parë, por më pas Jazz rikuperoi disavantazhin dhe arriti të kalojë në epërsi. Gjithsesi perioda e fundit ishte më e mirë për kampionët në fuqi, që shënuan 10 pikë më shumë dhe arritën të siguronin fitoren.

LeBron James, edhe pse regjistroi “triple-double” me 28 pikë, 16 asiste dhe 11 rikuperime, nuk e ndihmoi dot skuadrën e tij të triumfonte ndaj Atlanta Hawks. Los Angeles Lakers u thyen me rezultatin 117-113. Vendasit bënë mjaftueshëm mirë në periodën e parë dhe të tretë dhe triumfuan.

Atlanta Hawks-Los Angeles Lakers 117-113
Memphis Grizzlies-San Antonio Spurs 107-108
New Orleans Pelicans-Orlando Magic 88-118
Philadelphia 76ers-Boston Celtics 109-112
Golden State Warriors-Utah Jazz 115-108

Portland gjithashtu nuk kishte probleme me Phoenix Sun. Ishte një dominim i Portland që në fill9im me periodën e parë që u mbyll me rezultatin e thellë 34-9. Ishte shumë e vështirë më pas për Phoenix Sun që të përmbyste rezultatin, pasi vendasit marshuan gjatë gjithë lojës të qetë.

Houston Rocket është mundur në transfertë nga skuadra e Utah Jazz, me një rezultat deri diku surprizë 118-91. Miqtë pësuan humbjen e 13-të këtë edicion dhe konsiderohen si një prej zhgënjimeve më të mëdha të sezonit.

REZULTATET  

Boston Celtic 128 – 100 New York Knicks

Portland Trail Blazer 108-86 Phoenix Sun

Utah Jazz 118–91 Houston Rocket

Lakers në anën tjetër u mundën në shtëpi nga Orlando me rezultatin 104-108. Edhe pse LeBron James shënoi 24 pikë në gjysmën e parë të lojës, mysafirët bënë më mirë pjesën e ,mbetur të lojës, duke arritur një fitore që tregon se Lakers nuk po gjejnë dot qëndrueshmëri.

Skuadra e Toronto dominoi në suksesin 125-115 ndaj Miami-t. Skuadra e cila komandon në Konferencën e Lindjes kaloi pa vështirësi edhe këtë pengesë. Aspak të lehtë nuk e pati Atlanta, e cila mundi me vetëm 1 pikë më shumë skuadrën e Charlotte.

REZULTATET

Portland 100-104 Clippers

Lakers 104-108 Orlando

Toronto 125-115 Miami

Memphis 98-103 New York

Brooklyn 125-127 Philadelphia

Detroit 118-107 Phoenix

Atlanta 124-123 Charlotte

Sacramento 112-133 Utah Jazz

Pelicans në periodën e fundit, edhe pse shënuan më shumë, nuk mund të përmbysnin dot. Stephen Curry si zakonisht dha kontributin e tij për Warriors, teksa realizoi 37 pikë. Durant realizoi 24, ndërkohë që edhe Klay Thompson vijon të bëjë mirë. Këtë herë realizoi 18 pikë.

Emocionues takimi Chicago Bulls-Denver Nuggets. Vetëm një pikë diferencë në fund, ndërkohë që u desh shtesa për të përcaktuar fituesin. Rezultati përfundimtar? 107-108. Paul Millsep ishte ai që vendosi fituesin, pasi shënoi koshin e fitores kur kish mbetur edhe 0.1 sekondë nga përfundimi.

Nuggets realizuan katër pikë më shumë në periodën e parë, ndërkohë që gradualisht Chicago Bulls e zvogëloi epërsinë dhe katër periodat e kohës së rregullt u mbyllën me rezultatin 98-98. Në “Over time” miqtë shënuan një pikë më shumë dhe fituan.

Los Angeles Lakers janë rikthyer te fitorja. LeBron James ishte udhëheqësi i skuadrës së tij në fitoren 114-113 ndaj Dallas Mavericks. “Mbreti” ishte më i miri në parket me 29 pikë të shënuara, ndërkohë që ndeshja pati disa tablo. Lakers e nisën më mirë, teksa periodën e parë e mbyllën 38-21.

Teksanët reaguan dhe e ngushtuan rezultatin në mbyllje të gjysmës së ndeshjes. Lakers ishin në epërsinë e 7 pikë dhe e rritën në 13 pas mbylljes së periodës së tretë. Dallas Mavericks nuk u dorëzuan dhe e vunë në rrezik fitoren e Lakers, por në fund një pikë bëri diferencën.

San Antonio Spurs ka kaluar lehtësisht Phonix Suns me 30 pikë diferencë. Një ndeshje ku të gjithë basketbollistët e miqve shënuan pikë, me DeMar DeRozan që regjistroi 25 pikë të shënuara. Një më pak shënoi shoku i tij i skuadrës LaMarcus Aldridge.

Indiana Pacers ka fituar ndaj New York Knicks. Rezultati përfundimtar ishte 101-107 dhe miqtë treguan forcën e tyre në periodën e fundit, kur shënuan 10 pikë më shumë. Domantas Sabonis shënoi 30 pikë për Pacers, duke zhvlerësuar 37 pikët e realizuara nga Tim Hardaway Jr.

Skenën e ka marrë Derrick Rose në fitoren 128-125 që Minnesota Timberwolves mori ndaj Utah Jazz. Plot 50 pikë të realizuara nga basketbollisti i vendasve, që regjistroi edhe numrin më të lartë të pikëve të shënuara në një ndeshje përgjatë gjithë karrierës së tij.

Ndërkohë që paraqitje mbresëlënëse ka bërë edhe Karl-Anthony Towns (28 pikë, 4 asiste, 16 rikuperime). Një ndeshje disi e ekuilibruar, me Timberwolves që ishte më mirë në dy periodat e para, ndërkohë më pas Jazz u mundua të përmbyste rezultatin. Gjithsesi nuk ia arriti dot qëllimit.

New York Knicks-Indiana Pacers 101-107

Minnesota Timberwolves-Utah Jazz 128-125

Phoenix Suns-San Antonio Spurs 90-120

Chicago Bulls-Denver Nuggets 107-108

Los Angeles Lakers-Dallas Mavericks 114-113

Golden State Warriors-New Orleans Pelicans 131-121

Stephen Curry (35 pikë, 3 asiste, 7 rikuperime) dhe Kevin Durant (34 pikë, 6 asiste, 8 rikuperime) si zakonisht ishin në lartësinë e duhur dhe i dhanë mundësinë ekipit të tyre që të realizonte 16 pikë më shumë në tre perioda. Në të katërtën u kursyen pak energjitë, por në asnjë moment nuk u vu në diskutim fitorja.

Utah Jazz ka marrë një fitore me vlera kundër Dallas Mavericks. Të udhëhequr nga Rudy Gobert (23 pikë, 2 asiste, 16 rikuperime) dhe Donovan Mitchell (20 pikë, 4 asiste), Jazz fitoi me rezultatin 104-113. Që në periodën e parë treguan se kishin shkuar me objektivin për të fituar.

Ata shënuan shtatë pikë më shumë se vendasit. Mavericks u munduan të reagojnë dhe në periodën e dytë e ngushtuan diferencën në katër pikë. Gjithsesi Utah Jazz me epërsi të lehtë fitoi në dy periodat e tjera dhe festoi triumfin. Denis Smith me 27 pikë dhe Wesley Matthews me 22 pikët e tij nuk u mjaftuan djemve të Mavericks.

Oklahama City Thunder ka marrë fitoren e parë dhe e ka regjistruar ndaj Phoenix Suns me rezultatin 117-110. Ata nuk e diskutuan në asnjë moment fitoren, teksa e rritën diferencën nga një periodë në tjetrën. Pas të tretës kishin realizuar 20 pikë më shumë dhe në të katërtën lëshuan pak. Oklahoma funksionoi në tërësi, teksa Paul George dhe Russell Westbrook realizuan nga 23 pikë. Nerlens Noel gjithashtu u paraqit shumë mirë, pasi shënoi 20 pikë dhe rikuperoi 15 topa.

Los Angeles Clippers kanë likuiduar Washington Wizards me rezultatin e thellë 136-104. Dominim total i vendasve, që në gjysmën e parë të lojës shënuan 15 pikë më shumë. 28-20 dhe 41-34 u mbyllën dy periodat e para. Clippers nuk u tërhoqën deri në fund, teksa në periodat e tjera thelluan rezultatin, duke shënuar 17 pikë më shumë.

Brooklyn Nets-Golden State Warriors 114-120
Dallas Mavericks-Utah Jazz 104-113
Oklahoma City Thunder-Phoenix Suns 117-110
Los Angeles Clippers-Washington Wizards 136-104