Usman Dembele

Barcelona pa një yll ndaj Atletikos, rrezikon edhe Junajtid

Sport Ekspres — Sat, 06 Apr 2019 11:21:27 +0000

Ernesto Valverde ka konfirmuar se Osman Dembele nuk është i gatshëm për ndeshjen e sotme, madje është në dyshim për çerekfinalen e parë të Champions ndaj Junajtid të mërkurën në ”Old Traford”. 21-vjeçari ka që nga 13 marsi jashtë fushave. Ai u fut si zëvëndësues kundër Lionit në Champions edhe pse nuk ishte shëruar plotësisht çka solli një përkeqësim të lëndimit.

Trajneri Valverde në konferencën para ndeshjes u shpreh se do ta ndjekë me kujdes situatën e tij. Ai shtoi se nuk do të rrezikojë ta aktivizojë lojtarin pa qenë 100%, pavarësisht se janë dy ndeshje delikate.

“Ai nuk do të luajë kundër Atletikos dhe nuk e di çfarë do të ndodhë ndaj Mançester Junajtid. Ne nuk duam ta rrezikojmë atë nesër apo të mërkurën sepse na presin ndeshje të vështira më pas. Ndaj Atletikos është e sigurt se nuk do të jetë.

Dembele është kthyer në një pikë kyç për blaugranat, ku ka arritur të përshtatet pas problemeve të hasura në fillim. Francezi regjistron 13 gola dhe 5 asiste për katalanasit këtë sezon. Megjithatë ka treguar një brishtësi fizike, ku ka pasur dy ndalesa për shkak dëmtimesh në këtë sezon.

Nga mistrec në shembullor, Dembele “transformohet” në 24 orë

Sport Ekspres — Mon, 10 Dec 2018 20:21:47 +0000

Usman Dembele vazhdon të jetë një problem te Barcelona. Sjellja e sulmuesit francez vazhdon të jetë problematike. Të shtunën 21-vjeçari ishte ndër lojtarët më të mirë në fushë në përballjen derbi ndaj Espanjolit. Në stërvitjen e nesërme, historia ishte krejt ndryshe.

Dembele u vonua më shumë se dy orë dhe kreu i vetëm ushtrimet përkatëse. Lajmi shkaktoi shumë bujë në mediet spanjolle dhe disa gazeta përhapën lajmin se sulmuesi do të pezullohej për të paktën dy javë nga stërvitja me ekipin e parë.

Por, mesa duket Dembele e ka kuptuar gabimin dhe nuk është dashur të përdorën masa disiplinore. Në stërvitjen e sotme, Dembele ishte pranishëm në qendrën stërvitore plot 50 minuta para orarit zyrtar. Të shohim nëse do ta mbajë këtë ritëm.

I “pandreqshmi” Dembele, te Barcelona nuk u mbajnë më nervat

Sport Ekspres — Sun, 09 Dec 2018 21:27:02 +0000

Usman Dembele ishte ndër lojtarët më të mirë në fushë,ndaj Espanjolit, takim ky që u mbyll me fitoren e Barcelonën me rezultatin 4 – 0. Kur dukej se Sulmuesi francez ishte “shtruar” më në fund, ka ardhur një surprizë mjaft e hidhur për të gjithë ambientin e skuadrës katalanase.

Në stërvitjen e ditës së sotme, Dembele është paraqitur dy orë me vonesë dhe është detyruar që të kryejë i vetëm ushtrimet e caktuara. Duke qenë se kjo sjellje është e përsëritur, nuk ka se si të mos ketë një dënim shembullor.

Sipas medieve katalanase, klubi ka vendosur që ta gjobisë lojtarin me 7% të rrogës mujore dhe një pezullim prej të paktën dy javësh nga grumbullimet e skuadrës. Ditën e nesërme, pritet që trajneri Ernesto Valverde të sqarojë situatën me lojtarin në daljen për shtyp për ndeshjen ndaj Interit.

Suarez i “tërheq veshin” Dembelesë: Të jesh futbollist është privilegj

Sport Ekspres — Mon, 19 Nov 2018 16:30:08 +0000

Prej disa ditësh Usman Dembele është kthyer në një çështje te Barcelona. Sulmuesi anësor nuk po arrin vazhdon të ketë shumë luhatje në paraqitjet e tij dhe sikur të mos mjaftonte kjo, së fundmi kanë filluar edhe disa probleme disiplinore si vonesat e përsëritura në stërvitje dhe në grumbullimet e ndeshjeve në “Camp Nou”.

I fundit që ka dhënë një koment në lidhje me këtë situatë të Dembelesë, ka qenë kolegu i tij Luis Suarez. Në daljen për shtyp të takimit miqësor midis Uruguait dhe Francës, “bomberi” i katalanasve dha disa këshilla për kundërshtarin e tij të nesërme.

“Mendoj se të qenit një futbollit është një privilegj. Mendoj se ai (Dembele) duhet të fokusohet më shumë te futbolli dhe të marrë shembull nga profesionsitët e rrallë që janë të shumtë në klubin e Barcelonës”, tha Suarez.

Te Barcelona kanë një problem, gjithçka lidhet me Dembele

Sport Ekspres — Sat, 27 Oct 2018 07:46:03 +0000

Në gushtin e 2017-ës, bordi drejtues i Barcelonës vendosi të shpenzonte 150 milionë Euro për të blerë kartonin e sulmuesit të talentuar të Borusias së Dortmundit, Usman Dembele. Thuajse një vit e gjysmë nga ai transferim, mund thuhet pa problem se talenti francez nuk ka bërë ndonjë progres të madh.

Talenti i pamasë 21-vjeçarit është i lehtësisht i dallueshëm, por në një klub si Barcelona duhet ta tregosh se e meriton fanellën javë pas jave, përndryshe të pret stoli, siç ndodhi sezonin e kaluar, kur Dembele u aktivizua vetëm 12 herë si titullar në La Liga.

Së fundmi mediet katalanase kanë raportuar se lojtari ka ardhur disa herë me vonesë në stërvitje. Dëmtimi i Mesit mendohej se do t’i jepte atij më shumë minuta nëpër këmbë. Por, nuk ka rezultuar kështu.

Trajneri Ernesto Valverde ia besoi krahun e djathtë të sulmit brazilianit Kutinjo, ndërsa Dembele e pa të gjithë ndeshjen nga stoli. E të mendosh se është lojtari i katër më i shtrenjtë në historinë e futbollit…