Useini ka nënshkruar një kontratë katër vjeçare me skuadrën e Renovës në Maqedoni dhe do të vazhdojë karrierën e tij në elitën maqedonase. Kjo është hera e tretë që Useini nënshkruan me skuadrën e Renovës, pasi më përpara është aktivizuar dhe në dy periudha të tjera.

Pas largimeve të Bushiç dhe Siljanovskit, Useini është emri i tretë që largohet nga drejtimi i Ilir Dajës, që për pjesën e mbetur të sezonit, duhet të bëjë pa shërbimet e mesfushorit 30–vjeçar.

Useini ka përcjellë një mesazh përmes llogarisë së tij në “Facebook”. Aty ai falënderon dhe thekson se do të mbetet një tifoz i Flamurtarit. “Së pari dëshiroj të them se sa krenar jam që kam qenë pjesë e familjes?? dhe të luaj për klubin me një histori kaq të madhe”, shkruan ndër të tjera Useini. 

“Dëshiroj të ju falënderoj për të gjithë dashurinë, mbështetjen që kam pasur dhe që e kam. Nuk do t’i harroj kurrë disa momente dhe ndeshje speciale. Do të më mungojë Flamurtari F.C dhe Vlora.Ju uroj shumë suksese në vazhdimësi dhe besoj të shkoj Flamurtari aty ku e ka vendin. Do ngelem tifozi me i zjarrtë i skuadrës. Me respekt M.U22???????”, përfundon mesfushori postimin e tij.

Daja mund t’i bëjë llogaritë me ta në sfidën e radhës, që zhvillohet në shtëpi kundër Kamzës. Rikthehet në Vlorë si kundërshtar ish-trajneri Ernest Gjoka, por edhe lojtarë si Hektor Idrizaj dhe Sebino Plaku.

Te Flamurtari e kanë të qartë: ndaj Kamzës objektivi i vetëm është fitorja. Kuqezinjtë duan ta mbyllin sa më mirë vitin dhe të shtunën do tentojnë të marrin fitoren e dytë radhazi. Me Useinin dhe Bathën vlonjatët janë edhe më të fortë, ndërkohë që pritet edhe Torasa të rikuperohet plotësisht.

Idriz Batha, Meti Useini dhe Artim Pollozhani janë mungesa të sigurta ndaj bardhezinjve. Të tre këto futbollistë u ndëshkuan në harkun kohor të 4 minutave ndaj Kastriotit, duke plotësuar kështu numrin e kartonëve të verdhë. Andi Koçi  nuk u krusye aspka në ndeshjen e djeshme, duke dhënë plot 11 kartonë të verdhë për të dyja ekipet.

Një problem shumë i madh për Ilir Dajën që do i duhet të plotësojë një gropë të madhe në mesfushën e skuadrës së tij. Si Batha, ashtu edhe Useini dhe Pollozhani janë lojtarë me shumë eksperiencë, ndaj mungesa e tyre është një “hall” më vete.

Daja erdhi me petkun e trajnerit kampion, por në skuadrën vlonjate ndoshta duhet ta shohë situatën me më shumë kujdes. Useini ka përfunduar në stol që pas ndeshjes së parë. Mesfushori ka luajtur vetën në ndeshjen e parë si titullar dhe më pas ka pasur ka pasur vetëm nga pak minuta për të si zëvendësues.

Pa ndeshjes me Skënderbeun trajneri i kritikoi ashpër të tijtë, duke shënjestruar më shuam se të tjerët një prej titullarëve me eksperiencë. Dikush që e njeh ambientin dhe e kishte parë ndeshjen nuk e kishte shumë të vështirë që ta kuptonte për kë bëhej fjalë.

Në ndeshjen e fundit ishte Torasa ai i cili reagoi keq dhe pas zëvendësimit ishte shumë i irrituar. Ndonëse trajneri e mohoi që të ishte motivi kryesor fakti që u ul në stol, vështirë të mos ketë pasi ndikim dhe zëvendësimi. Edhe Musta në ndeshjen e fundit ishte në stol, por nuk mund të gjykojmë zgjedhjet e trajnerit.

Daja duket se ka jo pak punë, nëse nuk do që ta ketë situatën nën kontroll. Kampionati sa vjen e vështirësohet dhe Flamurtari duhet që të evitojë ato gabime që i janë bërë rutinë në edicionet e shkuara, të paktën për të mos hedhur sërish poshtë edhe një edicion tjetër mundimin e administratorit Idrizi.

Gjithsesi trajneri Ilir Daja ka menduar ndryshe deri më tani. Mesfushori 29-vjeçar ka luajtur titullar vetëm në ndeshjen kundër Teutës, e para në kampionat. Më pas janë preferuar të rinjtë Deliaj e Hyseni dhe ish-lojtari i Shkëndijës e ka nisur nga stoli në tre takimet e tjera.

Në ndeshjen me Partizanin Hyseni nuk do të jetë për shkak dëmtimi (edhe Alla do të vijojë të mungojë) dhe mbetet për t’u parë nëse Daja do zgjedhë Useinin, apo Mustafën. Ky i fundit njihet më shumë për organizimin e lojës.

Ajo që është është për t;u evidentuar është fakti që Useini dëshiron të luajë dhe të tregojë se është i rëndësishëm, çka në njëfarë mënyrë e ka shprehur edhe përmes një postimi në rrjetet sociale. “Kurrë mos u dorëzo”, shkruan mesfushori, i cili pret tanimë momentin e tij.

Elton Nika

Dy ndeshje dhe dy fitore 1-0 ndaj Partizanit, tri pikë shumë të rëndësishme në kampionat dhe një hap përpara drejt kualifikimit në kupë. Vlonjatët kanë ditur që në harkun kohor të pak ditëve ta mundin dy herë një kundërshtar të fortë. Skuadra e trajnerit Shpëtim Duro ka vuajtur për të shënuar në të dyja këto ndeshje, që i ka fituar me rezultat minimal, por pozitiv është fakti që nuk ka pësuar, çka tregon se pjesa prapa e Flamurtarit funksionon si duhet.

USEINI – Mesfushori Muhamed Useini është nga ata lojtarë, i cili e ndihmon shumë skuadrën në të dyja fazat e lojës, sidomos për t’u mbrojtur, pasi është i përballon përplasjet. Ai vlerëson maksimalisht dy fitoret me të kuqtë dhe beson se javë pas jave Flamurtari do të rritet në nivel loje. Nuk ngutet për objektivat, edhe pse është i bindur në forcën e skuadrës së tij: “Ka shumë rëndësi që morëm tri pikët në kampionat. Partizani ka një rreshtim mjaft të mirë në fushë, është i mbledhur. Lojtarët e këtij ekipi qëndrojnë afër njëri-tjetrin dhe është shumë e vështirë ta çash. Kundërsulmi është arma e tyre me e fortë. Kishte dy raste penalltish në ndeshjen e kampionatit dhe me në fund na e dhanë një të tillë dhe e fituam ndeshjen. Shumë penallti nuk na i kanë dhënë. Ne ndërkohë i mbajmë duart pas në çdo ndeshje, pasi kemi frikën e ndëshkimit. Edhe kupa ka rëndësi dhe dëshirojmë që në çdo ndeshje të marrim maksimumin. Ndaj Partizanit është e vështirë dhe fakti që kemi fituar dy herë tregon forcën e skuadrës tonë në të dy kompeticionet. Kupa apo kampionati? Objektiv i vetëm është të respektojmë fanellën, të japim maksimumin dhe këtë gjë po e bëjmë. Ka edhe shumë ndeshje të tjera. Asgjë nuk kemi bërë ende, ka shumë punë. Duhet të jemi kokulur dhe të shikojmë ndeshjen e radhës. Të gjitha ndeshjet kërkojnë impenjim. Në Shqipëri ka skuadra të forta dhe luhet i fortë”, – thekson Useini.

KUKËSI – Në Kukës nuk kam shkuar ende, nuk kam luajtur ndonjëherë atje, do ta provoj të dielën. Ndeshemi me një skuadër të fortë dhe do të jetë një ndeshje mjaft impenjuese. Patjetër që është e vështirë, pasi luajmë kundër kampionëve aktualë. Ata kishin probleme në pjesën e parë por në të dytën janë rritur me rezultat dhe me lojë. Do të shkojmë në Kukës për fitore pasi ne këtë  nuk vit ka ekip që të na tremb. Futbolli shqiptar me atë në Maqedoni është pak më lart. Në Maqedoni dy skuadra janë të mira, Shkëndija dhe Vardari, ndërsa në Shqipëri ka shumë dhe kampionati është më i ekuilibruar. Këtu nuk ka ndeshje të lehta”, – ka thënë më tej mesfushori i Flamurtarit për ndeshjen e radhës dhe ndryshimin mes futbollit shqiptar dhe atij maqedonas.

Elton Nika

Kampionati rikthehet të enjten me javën e pestë dhe Flamurtari luan në fushën e Vllaznisë, ku i duhet të rikuperojë pikët e lëna ndaj Luftëtarit. Ndeshja e “Loro Boriçit” është shumë e rëndësishme dhe e vështirë. Te Flamurtari kanë vlerësim maksimal për skuadrën kundërshtare, por nuk fshihen dhe theksojnë se do të shkojnë në Shkodër për të marrë 3 pikët. Mesfushori Muhamed Useini nuk ka shumë njohuri për Vllazninë, por i beson skuadrës së tij dhe gjykon se Flamurtari ka kualitetin për të fituar në çdo fushë.

– Useini, Flamurtari luan ndeshjen e radhës me Vllazninë. Si e shihni këtë transfertë?

– Me sa kam parë, Vllaznia ka një skuadër cilësorë dhe me elementë shumë të mirë. Do të jetë një ndeshje shumë e luftuar, besoj dhe e bukur. Mendoj se Flamurtari i ka të gjitha mundësitë të marrë rezultat pozitiv dhe kam parasysh fitoren. E di shumë mirë se nuk do të jetë aspak e lehtë, pavarësisht se luhet në një fushë, ku nuk ka presion, me çfarë kam dëgjuar. Di po ashtu që luajmë ndaj një skuadre me emër në futbollin shqiptar. Ne do të tentojmë më të mirën dhe për këtë jemi përgatitur.

– Ai barazim me Luftëtarin në fushën tuaj sikur ju ka “goditur” pak…

– Për fat të keq, kemi barazuar në Vlorë ndaj Luftëtarit, në ndeshjen e parë para tifozëve tanë, por ky është futbolli dhe duhet të pranojmë verdiktin e fushës. Nuk ishte një ditë e mirë për Flamurtarin, edhe pse luajtëm më mirë se kundërshtari. Tani është Vllaznia dhe mendojmë vetëm për takimin e radhës me të.

– Si është gjendja juaj, pasi në ndeshjen e fundit u dëmtuar dhe u fol edhe për një mungesë tuajën në Shkodër?

– Jo, nuk është kështu. Ndoshta u fry pak rasti im. Pata vetëm një dëmtim në buzë, ku bëra dy qepje. Pas dy ditëve pushim të caktuara nga stafi, nisa normalisht stërvitjen me grupin dhe jam gati. Nuk ishte një dëmtim i rëndë, stërvitje kam kryer normalisht dhe jam plotësisht gati për takimin e radhës.

– Shtatë pikë në katër ndeshjet e para, sipas gjykimit tuaj, korrespondojnë me atë që keni dhënë në fushë?

– Mendoj se ndoshta duhet të kishim më shumë pikë. Nëse do të kishim fituar me Luftëtarin, sot do të ishim dy pikë më shumë në renditje. Megjithatë, mendoj se jemi në rrugë të mbarë dhe të shohim vetëm përpara.

– Çfarë mund të arrijë Flamurtari këtë sezon?

– Është ende shumë shpejt, jemi në fillim dhe duhet të shohim  ndeshje pas ndeshjeje. Nuk mund të bëjmë llogari tani. Megjithatë, kjo skuadër mendoj se ka cilësi, profesionalizëm dhe përkushtim brenda saj. Duhet punë dhe shumë punë, të mendojmë për kundërshtarin e radhës dhe asgjë më shumë. Nëse ecim kështu, jam i sigurt se ky Flamurtar do të jetë në vendet e para të renditjes.

– Mund të bëni një krahasim të kampionatit maqedonas, nga ku ju vini, me këtë shqiptar?

– Mendoj se futbolli shqiptar, pra kampionati këtu, është disi më lart se në Maqedoni. Eshtë më i fortë, ka më shumë vëmendje edhe nga media dhe u kushtohet shumë rëndësi skuadrave të kampionatit dhe ndeshjeve që luhen. Gara është më e fortë në Shqipëri, kurse në aspektet e tjera është aty-aty. Po ashtu, ka më shumë vëmendje nga drejtuesit e klubeve dhe tifozët ndaj skuadrave të tyre.

– Si e ndjeni veten në Vlorë?

– Si në shtëpinë time, këtë e them me plot gojën dhe me sinqeritet. Jam në një skuadër, ku më kanë pritur mjaft mirë që në fillim. Jam në një qytet shumë të bukur dhe njerëz të dashur dhe të lidhur shumë me skuadrën e tyre. Kjo më bën të ndihem mjaft mirë. Tani duhet që ne lojtarët t’u dhurojmë kënaqësi njerëzve, tifozëve dhe këtij qyteti, që meriton gjithçka nga futbolli.

Elton Nika

Flamurtari ka rritur ngarkesat në stërvitje këto ditë, pasi në fundjavë nuk ka ndeshje zyrtare. Skuadra vlonjate ka zbritur dy herë në ditë në stërvitje dje, paradite dhe pasdite. Qëllimi i trajnerit Shpëtim Duro dhe stafit të tij është që deri ditën e ndeshjes në Shkodër me Vllazninë lojtarët të jenë në gjendjen e tyre më të mirë fizike dhe të pretendohet rezultati pozitiv në këtë transfertë. Barazimi me Luftëtarin në Vlorë nuk është pritur mirë, por vlonjatët prej tri javësh nuk e njohin humbjen dhe kjo është pozitive.

DËMTIMET – Gjendja e skuadrës kuqezi në këto momente është relativisht e mirë, edhe pse janë disa lojtarë që shqetësojnë për shkak të dëmtimeve që po kalojnë. Mesfushori Mohamed Useini është kthyer normalisht në stërvitje me grupin dhe nuk rrezikon aspak për ndeshjen me Vllazninë. Por situata nuk është e njëjtë për Veliun dhe Mustën. Për mbrojtësin vlonjat, stafi mjekësor konfirmon se vijon rikuperimi i tij pas dëmtimit të pësuar në fazën përgatitore dhe se me shumë mundësi edhe ndaj Vllaznisë nuk do të jetë i gatshëm. Pas ndeshjes me Laçin, që luhet menjëherë pas transfertës së Shkodrës, Veliu pritet të jetë në dispozicion të trajnerit Duro, pra për ndeshjen me Kamzën në shtëpi mund të llogaritet. Franc Veliu pësoi një dëmtim në kofshë në Greqi dhe ende nuk e ka kapërcyer atë.

Emiljano Musta, mesfushori i ardhur nga Teuta gjatë kësaj vere, pësoi një dëmtim në kavilje gjatë ndeshjes së fundit në kampionat përballë Luftëtarit dhe la para kohe fushën e blertë. Për Mustën ka shpresa në fakt dhe pritet që të jetë gati për ndeshjen me Vllazninë, duke qenë se janë ende disa ditë kohë. Gjithsesi, gjendja e mesfushorit nga Elbasani do të ndiqet me kujdes ditët në vijim për të parë më mirë rikuperimin e tij. Optimizmi është i madh për aktivizimin në Shkodër, megjithatë stafi teknik mund edhe të mos e rrezikojë që në fillim, duke qenë se Flamurtari ka alternativa të shumta.

Duke folur për TV Shqip në Maqedoni, Useini flet për javët e para si kuqezi dhe ambiciet.

“Të mërkurën duhet të jem në Vlorë. Synojmë paraqitje sa ma të mirë ne kampionatin e ri dhe ta rikthejmë Flamurtarin në vendin e duhur, domethënë të luftojmë për Europë.

“Ambientimi do të jetë i lehtë, sepse në Vlorë gjej edhe lojtarë të tjerë që vijnë nga kampionati maqedonas. Do të jetë shumë më lehtë. Kemi luajtur bashkë dhe për të dytën herë do të jem nën urdhrat e profesor Duros.

“Shpresoj që me ndeshjet e mira do ta kthejmë besimin e tifozëve të Flamurtarit në mënyrë që të na mbështesin sa më shumë. Shpresojmë që me detyrat që do të na jap stafi teknik ky vit do jetë i Flamurtarit”.

Ashtu ka ndodhur, sepse sot shqiptari 28-vjeçar nga Tetova është paraqitur në Vlorë, ka firmosur kontratën e re dhe është prezantuar nga klubi kuqezi.

Useini luajti sezonin e fundit te Renova, ku ka pasur një rendiment të jashtëzakonshëm. Bëhet fjalë për një mesfushor difensiv, i aftë të lëvizë pa fund në mesfushë dhe të ndihmojë edhe sulmin, pasi sezonin e fundit në 29 ndeshje si titullar në kampionatin maqedonas shënoi 2 gola e dha 4 asiste.

Në të shkuarën Useini ka luajtur për shumë vite te Shkëndija, ku është rritur, por ka kaluar një periudhë të shkurtër edhe te Rabotniçki.

Për “Sport Ekspres”, Useini flet si kuqezi: “Jam i lumtur, që do vesh fanellën e Flamurtarit, klub me tradita në Shqipëri. Kam punuar me profesor Duron te Shkëndija, ai e di çfarë tipi jam. Do të jap maksimumin tim, do të luftoj në çdo ndeshje dhe shpresoj se do të pritem mirë nga tifozët. Kam pasur shumë mundësi të vij në Shqipëri ndër vite dhe mendova se tani është koha ta provoj veten time në Superioren shqiptare”.

Emiljano Musta ka qenë goditja e parë në këtë repart, por vëmendja më e madhe është në qendër, ku Telushi e Shkodra kanë lënë një gropë të madhe.

Sot ka ardhur goditja e parë e rëndësishme, pasi “Sport Ekspres” mëson se mesfushori Muhamed Useini ka gjetur marrëveshjen me klubin vlonjat dhe nesër do të paraqitet në Vlorë për firmat dhe prezantimin.

Shqiptari 28-vjeçar nga Tetova luajti sezonin e fundit te Renova, ku ka pasur një rendiment të jashtëzakonshëm. Bëhet fjalë për një mesfushor difensiv, i aftë të lëvizë pa fund në mesfushë dhe të ndihmojë edhe sulmin, pasi sezonin e fundit në 29 ndeshje si titullar në kampionatin maqedonas shënoi 2 gola e dha 4 asiste.

Një mesfushor luftarak, Useini ka një teknikë të admirueshme dhe një përqindje pasimesh të sakta mjaft të lartë, 88% për ndeshje.

Në të shkuarën Useini ka luajtur për shumë vite te Shkëndija, ku është rritur, por ka kaluar një periudhë të shkurtër edhe te Rabotniçki. Pikërisht Shkëndija po këmbëngulte ta kthente në shtëpi Useinin, i cili ka qenë edhe kapiten i kuqezinjve tetovarë, përveçse mjaft i dashur për tifozët më besnikë të klubit, “Ballistët”.

Tani vjen eksperienca e parë jashtë Maqedonisë, ku ka kapur edhe fanellën e kombëtares. Natyrisht, bëhet fjalë për një transferim të kërkuar dhe të negociuar nga trajneri i Flamurtarit, Shpëtim Duro, i cili në Maqedoni ka punuar dhe e njeh mjaft mirë kampionat, aq më shumë që e ka pasur vetë në drejtim te Shkëndija Useinin.