Në formatin e këtij viti skuadra e Anglisë u vendos përballë skuadrës së botës. Ndër emrat më të njohur që morën pjesë në këtë eveniment ishin Xhon Terri, Eshli Kol, Roberto Karlos, Robert Pires dhe sprintieri rekordmen Usain Bolt.

Ka qenë pikërisht xhamajkani ai që ka realizuar golin më të bukur të mbrëmjes. Një gafë e ish-lojtarit të Liverpulit, Xhemi Karager shfrytëzohet nga Bolt, i cili nuk gabon me të majtën e tij. Fatkeqësisht Xhamajkani nuk mundi t’i gëzohej fitores pasi ndeshje u mbyll 2 – 2.

Fatkeqësisht për 32-vjeçarin, klubi nga toka e kangurëve i ofroi një rrogë sezonale prej 150 mijë dollarësh, që ishte sa 1/20-ta e pagës që ai kërkonte prej 3 milionë dollarësh në sezon. Mbas eksperiencës në Australi, Bolt i dha dhe një shans vetes në Norvegji me skuadrën e Stromgodset.

Në një intervistë të fundit për “ESPN”, Bolt pranoi se i ka dhënë fund përpjekjeve të tij për të qenë pjesë e futbollit profesionist.

“Mund të them se nuk mora vendime të zgjuara. Mund të kisha zgjedhur një mënyrë tjetër për t’u futur në botën e futbollit, por do jetë një mësim për të ardhmen. Ishte një eksperiencë e mirë. E shijova shumën të qenit pjesë e një skuadra. Atletika është krejtësisht ndryshe. Ishte bukur për aq sa zgjati. Tani kam mbyllur punë me sportin dhe do fokusohem në botën e biznesit”, tha Bolt

Bëhet fjalë për klubin e Dorados de Sinaloa, që drejtohet nga një legjendë e gjallë e këtij sporti si Diego Armando Maradona. Momentalisht skuadra meksikane po tenton të ngjitet në divizionin e parë meksikan.

Sipas tabloidi britanik “Daily Mirror”, klubi meksikan ka filluar të flasë me sponsor të ndryshëm për të mbledhur fonde për pagën e lojtarit. Nëse marrëveshja finalizohej të dyja palët do të dalin të fituara, Bolt realizon ëndrrën e tij e të luajturit në një ndeshje zyrtare, ndërsa klubi i Doradës fiton një vëmendjen e miliona fansave të sprintierit anembanë botës.

Xhamajkani nuk ndalet dhe shikon përpara. Ai dëshiron me çdo kusht të firmosë me një ekip profesionist dhe nuk heq dorë nga dëshira e madhe për t’u bërë futbollist profesionist.

“Nuk funksionoi, por u ndamë shumë mirë. Ishte një eksperiencë e madhe, djemtë u treguan fantastikë dhe nuk arritëm marrëveshjen, vetëm për shkak të kontratës. E ardhmja? Të shohim se çfarë do të ndodhë. Menaxheri im vazhdon të jetë në kontakte për mundësi të reja”, përfundon 32-vjeçari i famshëm.

“Një ditë ndodhesha në aeroport dhe po luante Junajtid. Më thirrën, sepse kishte filluar futja e njerëzve në avion, por unë dëshiroja me patjetër të shihja ndeshjen deri në fund. Ai fluturim u shty dhe u nis me vonesë… Idhulli im? Rud Van Nistelroi. Holandezi ishte arsyeja se pse u bëra tifoz i Junajtid. Ai shënoi dhe në 2-1 kundër Juventusit në vitin 2003.”

Ajo është ndeshja e fundit që dy ekipet kanë zhvilluar përballë njëri-tjetrit, por situata ndryshon 15 vite më vonë. Atëherë ishte Junajtid ekip më i fortë, ndërsa sot janë bardhezinjtë italianë. “Mendoj se do të jetë një ndeshje e madhe. Në skenën më të madhe përballen dy ekipe të mëdha, me histori të madhe dhe krenari. Juventus po marshon në Serie A, ndërsa rezultatet e Junajtid nuk kanë qenë shumë pozitive. Rezultati? Junajtid luan në shtëpi dhe ky është një avantazh i vogël. Nuk shoh shumë gola sonte, kështu që mendoj se mbaron 1-0 për Junajtid.”

Në teatrin e ëndrrave do të rikthehet Kristiano Ronaldo, i cili kaloi 6 sezone me Junajtid. Bolt ka një respekt të madh për të dhe do ishte i lumtur ta shihte një ditë përsëri me ngjyrat e Junajtid mbi supe. “Kam një respekt të madh për Ronaldon si futbollist dhe për atë që ka bërë në fushat e blerta. Për mua, Kristiano do të jetë gjithmonë i mirëpritur te Junajtid. Murinjo? Ka marrë shumë kritika në këtë fillim sezoni, por mendoj se një seri rezultatesh pozitive do i bënte të gjithë të heshtnin.”

Në fund, eksperienca në Australi me Mariners dhe lojtari që do zgjidhte për darkë midis Junajtid dhe Juventusit. “Jam zbavitur shumë me Mariners. Tani po diskutojmë për të ardhmen, por të shohim. Rud Van Nistelroi mbetet ishulli im dhe do ftoja atë për darkë, ndërsa nga Juventus do të zgjidhja Zinedin Zidan”, përfundon 8 herë kampioni olimpik xhamajkan.

I pyetur nga mediat vendase agjenti i Bolt, ka deklaruar se klientit të tij i është ofruar një kontratë nga ana e Central Coast. Riki Sims tha shkurtimisht për mediat: “Po, Usain Bolt i është ofruar një kontratë. Nuk dua të bëj komente të tjera për momentin”, ka thënë agjenti i xhamajkanit.

Gjithsesi ditën e sotme skuadra ku Bolt kreu provën, luajti në transfertë ndaj Brisbejn Roar, teksa mori një barazim 1-1 në një ndeshje të vështirë. 32-vjeçari nga Xhamajka nuk ishte pjesë e ekipit dhe në fundin e takimit është pyetur pikërisht trajneri i Central Coast, i cili nuk ka dashur të flasë për këtë temë.

“Ju të gjithë besoj e keni parë vijën tonë të parë të sulmit dhe keni menduar me vete, ku mund të luajë Bolt, apo nuk është kështu? Unë e kuptoj se sa e rëndësishme është kjo çështje për një pjesë të madhe të botës. Këto janë vetëm spekulime. Nuk di asgjë për çfarë po flisni”, përfundoi trajneri Majk Mulvei.

Të gjithëve iu shkoi mendja për kuqezinjtë e Milanit, sepse fjalët e agjentit Toni Rallis përputheshin plotësisht me gjendjen e Milanit, por ekipi që ka kërkuar 32-vjeçarin është Valeta e Maltës, të cilët u eliminuan nga Kukësi në fazën e parë eliminatore të Champions-it gjatë verës. Maltezët i kanë ofruar një kontratë dy-vjeçare xhamajkanit dhe po e presin në ekip.

“Nuk dua të bëj ‘gossip’, dua që Bolt të firmosë kontratën dhe të vijë në Maltë, sepse po përgatitemi për finalen e Superkupës”, komenton Gaston Slimen, administratori i deleguar i Valetës.

Kjo tratativë është frenuar nga klubi australian, ku 8-të herë kampioni olimpik po stërvitet. “Usain do të vazhdojë periudhën e tij të provës deri në një njoftim të mëtejshëm”, shprehet Shaun Mielekamp, drejtori ekzekutiv i Central Coast Mariners.

Ditën e sotme agjenti i ish-atletit ka bërë një deklaratë të bujshme, teksa ka thënë për prestigjiozen “ESPN” se Bolt kërkohet nga një klub evropian, që ka ndërruar pronarin e saj së fundmi si dhe synon Championsin. Hipoteza të shumta janë hedhur dhe “Corriere dello sport” ka raportuar se mund të bëhet fjalë për Milanin. Gjithashtu agjenti i Bolt ka thënë se ekipi që është i interesuar për klientin e tij ka një finale kupe për të luajtur.

Të gjitha rrugët të dërgojnë te Milan për momentin, pasi kuqezinjtë kanë ndërruar presidencën së fundmi si dhe synojnë zonën Champions. Gjithashtu “djalli” ka për të luajtur në muajin janar Superkupën e Italisë përballë Juventusit. Momentalisht është vetëm një hipotezë, por në rast se ka diçka të vërtetë në këtë spekulim, do të ishte diçka që do të bënte një jehonë të pabesueshme.

Kjo ka sjellë reagimin e njeriut më të shpejtë në botë, i cili ka komentuar në rrjetet sociale, duke postuar dhe

“Siç e dini, unë jam tërhequr nga atletika dhe tani po përpiqem të bëhem një futbollist profesionist, por shikoni pak këtu. Si mund të bëj një test sot? Nuk jam akoma një futbollist profesionist… Jo, e keni seriozisht?”, komenton i revoltuar xhamajkani.

Rekordmeni botëror i garës së 100-metrave në atletikë (9.58 sek) dhe asaj të 200 metrave (19.19 sek) vazhdon të shpjegojë episodin në fjalë: “I kërkova zonjës që më bëri analizat se pse duhet të kryeja një test të tillë, kur nuk kam firmosur akoma një kontratë me klubin? M’u përgjigj se jam një atlet elite dhe prandaj duhet t’i nënshtrohem kontrollit”, përfundon 8-të herë fituesi i medaljeve të arta në Olimpiadë.

Here it is, @usainbolt, the footballer, scores his maiden Mariners goal. What a moment! Don’t think limits! ?? #SWSvCCM #CCMFC ?@FOXFOOTBALL pic.twitter.com/X7zrqmrYCZ

— Central Coast Mariners (@CCMariners) October 12, 2018

BOLT HAS HIS BRACE! ??

That’s two goals tonight for @usainbolt!! What a moment in sport, don’t think limits! #CCMFC ? @FOXFOOTBALL pic.twitter.com/0NeIH9i49V

— Central Coast Mariners (@CCMariners) October 12, 2018

Në këtë sfidë, rekordmeni mori jo pak vëmendje nga media, pasi në fanellën e tij mbante mbi shpinë numrin 9.58”, që përkonte dhe me rekordin e tij botëror në garën e 100 metrave.

Gjithsesi Bolt këtë verë kreu një transferim të bujshëm tek Sentral Koust Mariners, në kontinentin australian. Ai debutoi në një miqësore në 31 gusht ndaj amatorëve të Gosford.

Rekordmeni po përpiqet të ambientohet me jetën e tij të re në Australi dhe me sa duket po e bën në mënyrën më të mirë. Siç raportohet, Bolt po qëndron në një shtëpi luksoze, vlera e së cilës mendohet të shkojë deri ne 1.45 milionë sterlina.

32-vjeçar tashmë ka marrë me qira një vilë ne veri të Sidnejt. E njohur si “Shtëpia e qiellit”, ajo ka një xhakuzi në pjesën e jashtme, gjithashtu në shtëpi ndodhet një kuzhinë moderne që të ofron dhe pamjen e liqenit të Brisbejn, po edhe 5 dhoma gjumi, ku gjithashtu mund të akomodohen miqtë e Bolt.

Ndodhet shumë pranë stadiumit të Mariners, ku Bolt shpreson të bëhet një ndër më të preferuarit për tifozët. Deri tani duket se gjërat po shkojnë më së miri për ish-atletin nga Xhamajka, por për ta parë në një ndeshje zyrtare duhet të presim ende.

[Best_Wordpress_Gallery id=”154″ gal_title=”Vila e Bolt”]

Në videon e mëposhtme, Bolt kryen një garë simbolike me disa prej stafit të avionit dhe turistëve të tjerë që vendosën të provonin eksperiencën që përjetojnë austronatët në fluturimet hapësinore.   

https://www.instagram.com/p/BnorS5KF1xt/?utm_source=ig_web_copy_link

Bolt pati gjithsej 9 kontakte me topin, ku nuk arriti të bënte diferencën, madje ish-sprintieri me famë botëore humbi një rast të shkëlqyer me portën bosh. Fakt interesant për takimin ishte se u blenë mbi 10000 bileta, shifër kjo relativisht e madhe për futbollin australian dhe ndeshja u transmetua 47 vende të botës.

Usain Bolt, you’ve got to finish that mate ??pic.twitter.com/WmvheRKcIE#FootballINDEX #FICommunity #FridayFeeling

— Football INDEX (@FootballIndexUK) August 31, 2018

Xhamajkani është një tifoz i madh i futbollit dhe tashmë ka nisur provën me klubin australian të Sentral Kost Mariners, mbasi kreu disa prova në klube të ndryshme. Pasi ka kaluar disa ditë duke u stërvitur me ekipin, ai pret të debutojë nesër në një ndeshje miqësore. Asgjë nuk është aq e thjeshtë sa e kishte menduar dhe 32-vjeçari e shpjegon më mirë.

“Vështirësia më e madhe për mua është të vrapoj, të ndalem dhe pastaj të rifilloj të vrapoj me top në këmbë. Pra, sprint, ndalim dhe përsëri, sprint. Por, kam kohë për t’u mësuar dhe do të sforcohem deri sa të mos kem më fuqi”, shpjegon Bolt.

Ky i fundit u aktivizua për 20 minuta me ekipin norvegjez të Stromsgodsetit në miqësoren e zhvilluar me U19 të Norvegjisë, por diçka e tillë ishte më shumë për komercialitet, ndërsa nesër ai pritet të marrë disa minuta nga trajneri Majk Mëlvej, i cili ka folur për “futbollistin” xhamajkanin. “Bolt ka luajtur futboll më parë në vendin e tij gjatë momenteve kur nuk kishte ndonjë impenjim në atletikë. Ai zotëron bazën teknike të një futbollisti, por ai has vështirësi të luajë me shpejtësi, siç bëjmë ne.

Bolt ka gjetur një mundësi për të realizuar ëndrrën e tij në kampionatin australian ku do të zhvillojë një provë disa javore me skuadrën  “Centras Coast Mariners”, por vetë xhamajkani ka zbuluar se ka pasur oferta dhe nga ekipe evropiane.

“Kam pasur dhe dy oferta të tjera. Një në Spanjë dhe një në Francë, por nuk i refuzova, pasi nuk dua  të jetoj në një vend ku nuk di gjuhën. Duhet të jem i sinqertë bëhej fjalë për ekipe të kategorive të dytë. Nuk dua të më shikojnë si njeriu më i shpejtë në botë, por thjeshtë si të lojtarët e tjerë”, tha Bolt.

Për ta bërë realitet këtë ëndërr të fëmijërisë, Bolt ka udhëtuar drejt Australisë, ku ekipi “Central Coas Mariners” ka pranuar ta marrë në një provë. Kampionati në tokën e Kangurëve fillon pas dy muaj, pra Bolt ka plot kohë për të bindur stafin drejtues të klubit italian, por vështirë se do t’ia dalë, megjithëse në prononcimet e para ai shprehet besimplotë se do ia dali.

"This is real." ?? @usainbolt has touched down and for now, calls the Central Coast home! #CCMFC pic.twitter.com/i9xkYfj9W0

— Central Coast Mariners (@CCMariners) August 18, 2018